📜
(๑๓) ๓. คิลานวคฺโค
๔. ทุติยอุปฏฺากสุตฺตวณฺณนา
๑๒๔. ตติยสฺส จตุตฺเถ นปฺปฏิพโลติ กายพเลน จ าณพเลน จ อสมนฺนาคโต. อามิสนฺตโรติ อามิสเหตุโก จีวราทีนิ ปจฺจาสีสมาโน.
๕-๖. อนายุสฺสาสุตฺตทฺวยวณฺณนา
๑๒๕-๑๒๖. ปฺจเม ¶ อนายุสฺสาติ อายุปจฺเฉทนา, น อายุวฑฺฒนา. ฉฏฺเปิ เอเสว นโย.
๗. วปกาสสุตฺตวณฺณนา
๑๒๗. สตฺตเม นาลํ สงฺฆมฺหา วปกาสิตุนฺติ สงฺฆโต นิกฺขมิตฺวา เอกโก วสิตุํ น ยุตฺโต. กามฺเจส สงฺฆมชฺเฌปิ วสิตุํ อยุตฺโตว อสงฺฆโสภนตาย, โอวาทานุสาสนิปฺปฏิพทฺธตฺตา ปน นิปฺปริยาเยเนว สงฺฆมฺหา วปกาสิตุํ น ยุตฺโต. อลํ สงฺฆมฺหา วปกาสิตุนฺติ จาตุทฺทิสตฺตา สงฺฆมฺหา นิกฺขมฺม เอกโก วสิตุํ ยุตฺโต, สงฺฆโสภนตาย ปน สงฺเฆปิ วสิตุํ ยุตฺโตเยว. อฏฺมํ อุตฺตานตฺถเมว.
๙. ปริกุปฺปสุตฺตวณฺณนา
๑๒๙. นวเม อาปายิกาติ อปายคามิโน. เนรยิกาติ นิรยคามิโน. ปริกุปฺปาติ ¶ ปริกุปฺปนสภาวา ปุราณวณสทิสา. อเตกิจฺฉาติ อกตฺตพฺพปริกมฺมา. ทสมํ อุตฺตานตฺถเมวาติ.
คิลานวคฺโค ตติโย.