📜
๙. สมณวคฺโค
๑. ภิกฺขุสุตฺตํ
๘๕. [มหานิ. ๑๘; จูฬนิ. อชิตมาณวปุจฺฉานิทฺเทส ๘] ‘‘สตฺตนฺนํ ¶ , ภิกฺขเว, ธมฺมานํ ภินฺนตฺตา ภิกฺขุ โหติ. กตเมสํ สตฺตนฺนํ? สกฺกายทิฏฺิ ภินฺนา โหติ, วิจิกิจฺฉา ภินฺนา โหติ, สีลพฺพตปรามาโส ภินฺโน โหติ, ราโค ภินฺโน โหติ, โทโส ภินฺโน โหติ, โมโห ภินฺโน โหติ, มาโน ภินฺโน โหติ. อิเมสํ โข, ภิกฺขเว, สตฺตนฺนํ ธมฺมานํ ภินฺนตฺตา ภิกฺขุ โหตี’’ติ. ปมํ.
๒. สมณสุตฺตํ
๘๖. สตฺตนฺนํ, ภิกฺขเว, ธมฺมานํ สมิตตฺตา สมโณ โหติ…เป…. ทุติยํ.
๓. พฺราหฺมณสุตฺตํ
๘๗. พาหิตตฺตา พฺราหฺมโณ โหติ…เป…. ตติยํ.
๔. โสตฺติยสุตฺตํ
๘๘. นิสฺสุตตฺตา [นิสฺสุตฺตตฺตา (สฺยา.) ม. นิ. ๑.๔๓๔ ปสฺสิตพฺพํ] โสตฺติโย [โสตฺถิโก (สี.), โสตฺติโก (สฺยา.)] โหติ…เป…. จตุตฺถํ.
๕. นฺหาตกสุตฺตํ
๘๙. นฺหาตตฺตา ¶ ¶ นฺหาตโก [นหาตตฺโต นหาตโก (สี. สฺยา.)] โหติ…เป…. ปฺจมํ.
๖. เวทคูสุตฺตํ
๙๐. วิทิตตฺตา ¶ เวทคู โหติ…เป…. ฉฏฺํ.
๗. อริยสุตฺตํ
๙๑. อารกตฺตา ¶ [อรหตฺตา (สี.), อรี หตตฺตา (ก.) ม. นิ. ๑.๔๓๔ ปาฬิ อฏฺกถาฏีกา ปสฺสิตพฺพา. สฺยามโปตฺถเก ปน สกลมฺปิ อิทํ สตฺตมสุตฺตํ นตฺถิ] อริโย โหติ…เป…. สตฺตมํ.
๘. อรหาสุตฺตํ
๙๒. ‘‘อารกตฺตา อรหา โหติ. กตเมสํ สตฺตนฺนํ? สกฺกายทิฏฺิ อารกา โหติ, วิจิกิจฺฉา อารกา โหติ, สีลพฺพตปรามาโส อารโก โหติ, ราโค อารโก โหติ, โทโส อารโก โหติ, โมโห อารโก โหติ, มาโน อารโก โหติ. อิเมสํ โข, ภิกฺขเว, สตฺตนฺนํ ธมฺมานํ อารกตฺตา อรหา โหตี’’ติ. อฏฺมํ.
๙. อสทฺธมฺมสุตฺตํ
๙๓. ‘‘สตฺติเม, ภิกฺขเว, อสทฺธมฺมา. กตเม สตฺต? อสฺสทฺโธ โหติ, อหิริโก โหติ, อโนตฺตปฺปี โหติ, อปฺปสฺสุโต โหติ, กุสีโต โหติ, มุฏฺสฺสติ โหติ, ทุปฺปฺโ โหติ. อิเม โข, ภิกฺขเว, สตฺต อสทฺธมฺมา’’ติ. นวมํ.
๑๐. สทฺธมฺมสุตฺตํ
๙๔. ‘‘สตฺติเม, ภิกฺขเว, สทฺธมฺมา. กตเม สตฺต? สทฺโธ โหติ, หิรีมา โหติ, โอตฺตปฺปี โหติ, พหุสฺสุโต โหติ, อารทฺธวีริโย โหติ, สติมา โหติ, ปฺวา โหติ. อิเม โข, ภิกฺขเว, สตฺต สทฺธมฺมา’’ติ. ทสมํ.
สมณวคฺโค นวโม.
ตสฺสุทฺทานํ –
ภิกฺขุํ ¶ สมโณ พฺราหฺมโณ, โสตฺติโย เจว นฺหาตโก;
เวทคู อริโย อรหา, อสทฺธมฺมา จ สทฺธมฺมาติ.