📜
(๑๘) ๓. สาธุวคฺโค
๑. สาธุสุตฺตํ
๑๗๘. [อ. นิ. ๑๐.๑๓๔] ‘‘สาธฺุจ ¶ โว, ภิกฺขเว, เทเสสฺสามิ อสาธฺุจ. ตํ สุณาถ, สาธุกํ ¶ มนสิ กโรถ; ภาสิสฺสามี’’ติ. ‘‘เอวํ, ภนฺเต’’ติ ¶ โข เต ภิกฺขู ภควโต ปจฺจสฺโสสุํ. ภควา เอตทโวจ –
‘‘กตมฺจ, ภิกฺขเว, อสาธุ? ปาณาติปาโต, อทินฺนาทานํ, กาเมสุมิจฺฉาจาโร, มุสาวาโท, ปิสุณา วาจา, ผรุสา วาจา, สมฺผปฺปลาโป, อภิชฺฌา, พฺยาปาโท, มิจฺฉาทิฏฺิ – อิทํ วุจฺจติ, ภิกฺขเว, อสาธุ.
‘‘กตมฺจ, ภิกฺขเว, สาธุ? ปาณาติปาตา เวรมณี, อทินฺนาทานา เวรมณี, กาเมสุมิจฺฉาจารา เวรมณี, มุสาวาทา เวรมณี, ปิสุณาย วาจาย เวรมณี, ผรุสาย วาจาย เวรมณี, สมฺผปฺปลาปา เวรมณี, อนภิชฺฌา, อพฺยาปาโท, สมฺมาทิฏฺิ – อิทํ วุจฺจติ, ภิกฺขเว, สาธู’’ติ. ปมํ.
๒. อริยธมฺมสุตฺตํ
๑๗๙. ‘‘อริยธมฺมฺจ โว, ภิกฺขเว, เทเสสฺสามิ อนริยธมฺมฺจ. ตํ สุณาถ…เป… กตโม จ, ภิกฺขเว, อนริโย ธมฺโม? ปาณาติปาโต…เป… มิจฺฉาทิฏฺิ – อยํ วุจฺจติ, ภิกฺขเว, อนริโย ธมฺโม.
‘‘กตโม จ, ภิกฺขเว, อริโย ธมฺโม? ปาณาติปาตา เวรมณี…เป… สมฺมาทิฏฺิ – อยํ วุจฺจติ, ภิกฺขเว, อริโย ธมฺโม’’ติ. ทุติยํ.
๓. กุสลสุตฺตํ
๑๘๐. ‘‘กุสลฺจ ¶ ¶ โว, ภิกฺขเว, เทเสสฺสามิ อกุสลฺจ. ตํ สุณาถ…เป… กตมฺจ, ภิกฺขเว, อกุสลํ? ปาณาติปาโต…เป… มิจฺฉาทิฏฺิ – อิทํ วุจฺจติ, ภิกฺขเว, อกุสลํ.
‘‘กตมฺจ ¶ ¶ , ภิกฺขเว, กุสลํ? ปาณาติปาตา เวรมณี…เป… สมฺมาทิฏฺิ – อิทํ วุจฺจติ, ภิกฺขเว, กุสล’’นฺติ. ตติยํ.
๔. อตฺถสุตฺตํ
๑๘๑. ‘‘อตฺถฺจ โว, ภิกฺขเว, เทเสสฺสามิ อนตฺถฺจ. ตํ สุณาถ…เป… กตโม จ, ภิกฺขเว, อนตฺโถ? ปาณาติปาโต…เป… มิจฺฉาทิฏฺิ – อยํ วุจฺจติ, ภิกฺขเว, อนตฺโถ.
‘‘กตโม จ, ภิกฺขเว, อตฺโถ? ปาณาติปาตา เวรมณี…เป… สมฺมาทิฏฺิ – อยํ วุจฺจติ, ภิกฺขเว, อตฺโถ’’ติ. จตุตฺถํ.
๕. ธมฺมสุตฺตํ
๑๘๒. ‘‘ธมฺมฺจ โว, ภิกฺขเว, เทเสสฺสามิ อธมฺมฺจ. ตํ สุณาถ…เป… กตโม จ, ภิกฺขเว, อธมฺโม? ปาณาติปาโต…เป… มิจฺฉาทิฏฺิ – อยํ วุจฺจติ, ภิกฺขเว, อธมฺโม.
‘‘กตโม จ, ภิกฺขเว, ธมฺโม? ปาณาติปาตา เวรมณี…เป… สมฺมาทิฏฺิ – อยํ วุจฺจติ, ภิกฺขเว, ธมฺโม’’ติ. ปฺจมํ.
๖. อาสวสุตฺตํ
๑๘๓. ‘‘สาสวฺจ ¶ โว, ภิกฺขเว, ธมฺมํ เทเสสฺสามิ อนาสวฺจ. ตํ สุณาถ…เป… กตโม จ, ภิกฺขเว, สาสโว ธมฺโม? ปาณาติปาโต…เป… มิจฺฉาทิฏฺิ – อยํ วุจฺจติ, ภิกฺขเว, สาสโว ธมฺโม.
‘‘กตโม ¶ จ, ภิกฺขเว, อนาสโว ธมฺโม? ปาณาติปาตา เวรมณี…เป… สมฺมาทิฏฺิ – อยํ วุจฺจติ, ภิกฺขเว, อนาสโว ¶ ธมฺโม’’ติ. ฉฏฺํ.
๗. วชฺชสุตฺตํ
๑๘๔. ‘‘สาวชฺชฺจ ¶ โว, ภิกฺขเว, ธมฺมํ เทเสสฺสามิ อนวชฺชฺจ. ตํ สุณาถ…เป… กตโม จ, ภิกฺขเว, สาวชฺโช ธมฺโม? ปาณาติปาโต…เป… มิจฺฉาทิฏฺิ – อยํ วุจฺจติ, ภิกฺขเว, สาวชฺโช ธมฺโม.
‘‘กตโม จ, ภิกฺขเว, อนวชฺโช ธมฺโม? ปาณาติปาตา เวรมณี…เป… สมฺมาทิฏฺิ – อยํ วุจฺจติ, ภิกฺขเว, อนวชฺโช ธมฺโม’’ติ. สตฺตมํ.
๘. ตปนียสุตฺตํ
๑๘๕. ‘‘ตปนียฺจ โว, ภิกฺขเว, ธมฺมํ เทเสสฺสามิ อตปนียฺจ. ตํ สุณาถ…เป… กตโม จ, ภิกฺขเว, ตปนีโย ธมฺโม? ปาณาติปาโต…เป… มิจฺฉาทิฏฺิ – อยํ วุจฺจติ, ภิกฺขเว, ตปนีโย ธมฺโม.
‘‘กตโม จ, ภิกฺขเว, อตปนีโย ธมฺโม? ปาณาติปาตา เวรมณี…เป… สมฺมาทิฏฺิ – อยํ วุจฺจติ, ภิกฺขเว, อตปนีโย ธมฺโม’’ติ. อฏฺมํ.
๙. อาจยคามิสุตฺตํ
๑๘๖. ‘‘อาจยคามิฺจ ¶ โว, ภิกฺขเว, ธมฺมํ เทเสสฺสามิ อปจยคามิฺจ. ตํ สุณาถ…เป… กตโม จ, ภิกฺขเว, อาจยคามี ธมฺโม? ปาณาติปาโต…เป… มิจฺฉาทิฏฺิ – อยํ วุจฺจติ, ภิกฺขเว, อาจยคามี ธมฺโม.
‘‘กตโม ¶ จ, ภิกฺขเว, อปจยคามี ธมฺโม? ปาณาติปาตา เวรมณี…เป… สมฺมาทิฏฺิ – อยํ วุจฺจติ, ภิกฺขเว, อปจยคามี ธมฺโม’’ติ. นวมํ.
๑๐. ทุกฺขุทฺรยสุตฺตํ
๑๘๗. ‘‘ทุกฺขุทฺรยฺจ ¶ โว, ภิกฺขเว, ธมฺมํ เทเสสฺสามิ สุขุทฺรยฺจ. ตํ สุณาถ…เป… กตโม จ, ภิกฺขเว, ทุกฺขุทฺรโย ธมฺโม? ปาณาติปาโต…เป… มิจฺฉาทิฏฺิ – อยํ วุจฺจติ, ภิกฺขเว, ทุกฺขุทฺรโย ธมฺโม.
‘‘กตโม จ, ภิกฺขเว, สุขุทฺรโย ธมฺโม? ปาณาติปาตา เวรมณี…เป… สมฺมาทิฏฺิ – อยํ วุจฺจติ, ภิกฺขเว, สุขุทฺรโย ธมฺโม’’ติ. ทสมํ.
๑๑. วิปากสุตฺตํ
๑๘๘. ‘‘ทุกฺขวิปากฺจ ¶ โว, ภิกฺขเว, ธมฺมํ เทเสสฺสามิ สุขวิปากฺจ. ตํ สุณาถ…เป… กตโม จ, ภิกฺขเว, ทุกฺขวิปาโก ธมฺโม? ปาณาติปาโต…เป… มิจฺฉาทิฏฺิ – อยํ วุจฺจติ, ภิกฺขเว, ทุกฺขวิปาโก ธมฺโม.
‘‘กตโม จ, ภิกฺขเว, สุขวิปาโก ธมฺโม? ปาณาติปาตา เวรมณี…เป… สมฺมาทิฏฺิ – อยํ วุจฺจติ, ภิกฺขเว, สุขวิปาโก ธมฺโม’’ติ. เอกาทสมํ.
สาธุวคฺโค ตติโย.