📜
๘. นิธิกณฺฑสุตฺตํ
นิธึ ¶ นิเธติ ปุริโส, คมฺภีเร โอทกนฺติเก;
อตฺเถ กิจฺเจ สมุปฺปนฺเน, อตฺถาย เม ภวิสฺสติ.
ราชโต วา ทุรุตฺตสฺส, โจรโต ปีฬิตสฺส วา;
อิณสฺส วา ปโมกฺขาย, ทุพฺภิกฺเข อาปทาสุ วา;
เอตทตฺถาย โลกสฺมึ, นิธิ นาม นิธียติ.
ตาวสฺสุนิหิโต [ตาว สุนิหิโต (สี.)] สนฺโต, คมฺภีเร โอทกนฺติเก;
น สพฺโพ สพฺพทา เอว, ตสฺส ตํ อุปกปฺปติ.
นิธิ วา านา จวติ, สฺา วาสฺส วิมุยฺหติ;
นาคา วา อปนาเมนฺติ, ยกฺขา วาปิ หรนฺติ นํ.
อปฺปิยา ¶ วาปิ ทายาทา, อุทฺธรนฺติ อปสฺสโต;
ยทา ปฺุกฺขโย โหติ, สพฺพเมตํ วินสฺสติ.
ยสฺส ¶ ทาเนน สีเลน, สํยเมน ทเมน จ;
นิธี สุนิหิโต โหติ, อิตฺถิยา ปุริสสฺส วา.
เจติยมฺหิ ¶ จ สงฺเฆ วา, ปุคฺคเล อติถีสุ วา;
มาตริ ปิตริ จาปิ [วาปิ (สฺยา. กํ.)], อโถ เชฏฺมฺหิ ภาตริ.
เอโส นิธิ สุนิหิโต, อเชยฺโย อนุคามิโก;
ปหาย คมนีเยสุ, เอตํ อาทาย คจฺฉติ.
อสาธารณมฺเสํ, อโจราหรโณ นิธิ;
กยิราถ ธีโร ปฺุานิ, โย นิธิ อนุคามิโก.
เอส เทวมนุสฺสานํ, สพฺพกามทโท นิธิ;
ยํ ยเทวาภิปตฺเถนฺติ, สพฺพเมเตน ลพฺภติ.
สุวณฺณตา สุสรตา, สุสณฺานา สุรูปตา [สุสณฺานสุรูปตา (สี.), สุสณฺานํ สุรูปตา (สฺยา. กํ.)];
อาธิปจฺจปริวาโร, สพฺพเมเตน ลพฺภติ.
ปเทสรชฺชํ อิสฺสริยํ, จกฺกวตฺติสุขํ ปิยํ;
เทวรชฺชมฺปิ ทิพฺเพสุ, สพฺพเมเตน ลพฺภติ.
มานุสฺสิกา จ สมฺปตฺติ, เทวโลเก จ ยา รติ;
ยา จ นิพฺพานสมฺปตฺติ, สพฺพเมเตน ลพฺภติ.
มิตฺตสมฺปทมาคมฺม, โยนิโสว [โยนิโส เว (สี.), โยนิโส เจ (สฺยา.), โยนิโส จ (?)] ปยฺุชโต;
วิชฺชา วิมุตฺติ วสีภาโว, สพฺพเมเตน ลพฺภติ.
ปฏิสมฺภิทา ¶ วิโมกฺขา จ, ยา จ สาวกปารมี;
ปจฺเจกโพธิ พุทฺธภูมิ, สพฺพเมเตน ลพฺภติ.
เอวํ ¶ มหตฺถิกา เอสา, ยทิทํ ปฺุสมฺปทา;
ตสฺมา ธีรา ปสํสนฺติ, ปณฺฑิตา กตปฺุตนฺติ.
นิธิกณฺฑสุตฺตํ นิฏฺิตํ.