📜
นโม ตสฺส ภควโต อรหโต สมฺมาสมฺพุทฺธสฺส
ขุทฺทกนิกาเย
ธมฺมปท-อฏฺกถา
(ปโม ภาโค)
คนฺถารมฺภกถา
มหาโมหตโมนทฺเธ ¶ ¶ ¶ , โลเก โลกนฺตทสฺสินา;
เยน สทฺธมฺมปชฺโชโต, ชาลิโต ชลิติทฺธินา.
ตสฺส ปาเท นมสฺสิตฺวา, สมฺพุทฺธสฺส สิรีมโต;
สทฺธมฺมฺจสฺส ปูเชตฺวา, กตฺวา สงฺฆสฺส จฺชลึ.
ตํ ตํ การณมาคมฺม, ธมฺมาธมฺเมสุ โกวิโท;
สมฺปตฺตสทฺธมฺมปโท, สตฺถา ธมฺมปทํ สุภํ.
เทเสสิ ¶ กรุณาเวค-สมุสฺสาหิตมานโส;
ยํ เว เทวมนุสฺสานํ, ปีติปาโมชฺชวฑฺฒนํ.
ปรมฺปราภตา ตสฺส, นิปุณา อตฺถวณฺณนา;
ยา ตมฺพปณฺณิทีปมฺหิ, ทีปภาสาย สณฺิตา.
น สาธยติ เสสานํ, สตฺตานํ หิตสมฺปทํ;
อปฺเปว นาม สาเธยฺย, สพฺพโลกสฺส สา หิตํ.
อิติ อาสีสมาเนน, ทนฺเตน สมจารินา;
กุมารกสฺสเปนาหํ, เถเรน ถิรเจตสา.
สทฺธมฺมฏฺิติกาเมน ¶ , สกฺกจฺจํ อภิยาจิโต;
ตํ ภาสํ อติวิตฺถาร-คตฺจ วจนกฺกมํ.
ปหายาโรปยิตฺวาน ¶ , ตนฺติภาสํ มโนรมํ;
คาถานํ พฺยฺชนปทํ, ยํ ตตฺถ น วิภาวิตํ.
เกวลํ ตํ วิภาเวตฺวา, เสสํ ตเมว อตฺถโต;
ภาสนฺตเรน ภาสิสฺสํ, อาวหนฺโต วิภาวินํ;
มนโส ปีติปาโมชฺชํ, อตฺถธมฺมูปนิสฺสิตนฺติ.