📜
๒. ทุกนิปาโต
๑. อภิรูปนนฺทาเถรีคาถา
[อป. เถรี ๒.๔.๑๕๗ อปทาเนปิ] ‘‘อาตุรํ ¶ อสุจึ ปูตึ, ปสฺส นนฺเท สมุสฺสยํ;
อสุภาย จิตฺตํ ภาเวหิ, เอกคฺคํ สุสมาหิตํ.
‘‘อนิมิตฺตฺจ ภาเวหิ, มานานุสยมุชฺชห;
ตโต มานาภิสมยา, อุปสนฺตา จริสฺสสี’’ติ.
อิตฺถํ สุทํ ภควา อภิรูปนนฺทํ สิกฺขมานํ อิมาหิ คาถาหิ อภิณฺหํ โอวทตีติ [อิตฺถํ สุทํ ภควา อภิรูปนนฺทํ สิกฺขมานํ อิมาหิ คาถาหิ อภิณฺหํ โอวทตีติ (ก.)].
๒. เชนฺตาเถรีคาถา
‘‘เย อิเม สตฺต โพชฺฌงฺคา, มคฺคา นิพฺพานปตฺติยา;
ภาวิตา เต มยา สพฺเพ, ยถา พุทฺเธน เทสิตา.
‘‘ทิฏฺโ หิ เม โส ภควา, อนฺติโมยํ สมุสฺสโย;
วิกฺขีโณ ชาติสํสาโร, นตฺถิ ทานิ ปุนพฺภโว’’ติ.
อิตฺถํ สุทํ เชนฺตา เถรี คาถาโย อภาสิตฺถาติ.
๓. สุมงฺคลมาตาเถรีคาถา
‘‘สุมุตฺติกา ¶ ¶ ¶ สุมุตฺติกา [สุมุตฺติเก สุมุตฺติเก (สี.), สุมุตฺติเก สุมุตฺติกา (สฺยา. ก.)], สาธุมุตฺติกามฺหิ มุสลสฺส;
อหิริโก เม ฉตฺตกํ วาปิ, อุกฺขลิกา เม เทฑฺฑุภํ วาติ.
‘‘ราคฺจ อหํ โทสฺจ, จิจฺจิฏิ จิจฺจิฏีติ วิหนามิ;
สา รุกฺขมูลมุปคมฺม, อโห สุขนฺติ สุขโต ฌายามี’’ติ.
… สุมงฺคลมาตา เถรี [อฺตรา เถรี ภิกฺขุนี อปฺาตา (สฺยา. ก.)].
๔. อฑฺฒกาสิเถรีคาถา
‘‘ยาว กาสิชนปโท, สุงฺโก เม ตตฺถโก อหุ;
ตํ กตฺวา เนคโม อคฺฆํ, อฑฺเฒนคฺฆํ เปสิ มํ.
‘‘อถ ¶ นิพฺพินฺทหํ รูเป, นิพฺพินฺทฺจ วิรชฺชหํ;
มา ปุน ชาติสํสารํ, สนฺธาเวยฺยํ ปุนปฺปุนํ;
ติสฺโส วิชฺชา สจฺฉิกตา, กตํ พุทฺธสฺส สาสน’’นฺติ.
… อฑฺฒกาสิ เถรี….
๕. จิตฺตาเถรีคาถา
‘‘กิฺจาปิ โขมฺหิ กิสิกา, คิลานา พาฬฺหทุพฺพลา;
ทณฺฑโมลุพฺภ คจฺฉามิ, ปพฺพตํ อภิรูหิย.
‘‘สงฺฆาฏึ นิกฺขิปิตฺวาน, ปตฺตกฺจ นิกุชฺชิย;
เสเล ขมฺเภสิมตฺตานํ, ตโมขนฺธํ ปทาลิยา’’ติ.
… จิตฺตา เถรี….
๖. เมตฺติกาเถรีคาถา
‘‘กิฺจาปิ โขมฺหิ ทุกฺขิตา, ทุพฺพลา คตโยพฺพนา;
ทณฺฑโมลุพฺภ คจฺฉามิ, ปพฺพตํ อภิรูหิย.
‘‘นิกฺขิปิตฺวาน ¶ สงฺฆาฏึ, ปตฺตกฺจ นิกุชฺชิย;
นิสินฺนา จมฺหิ เสลมฺหิ, อถ จิตฺตํ วิมุจฺจิ เม;
ติสฺโส ¶ วิชฺชา อนุปฺปตฺตา, กตํ พุทฺธสฺส สาสน’’นฺติ.
… เมตฺติกา เถรี….
๗. มิตฺตาเถรีคาถา
‘‘จาตุทฺทสึ ปฺจทสึ, ยา จ ปกฺขสฺส อฏฺมี;
ปาฏิหาริยปกฺขฺจ, อฏฺงฺคสุสมาคตํ.
‘‘อุโปสถํ ¶ อุปาคจฺฉึ, เทวกายาภินนฺทินี;
สาชฺช เอเกน ภตฺเตน, มุณฺฑา สงฺฆาฏิปารุตา;
เทวกายํ น ปตฺเถหํ, วิเนยฺย หทเย ทร’’นฺติ.
… มิตฺตา เถรี….
๘. อภยมาตุเถรีคาถา
‘‘อุทฺธํ ปาทตลา อมฺม, อโธ เว เกสมตฺถกา;
ปจฺจเวกฺขสฺสุมํ กายํ, อสุจึ ปูติคนฺธิกํ.
‘‘เอวํ ¶ วิหรมานาย, สพฺโพ ราโค สมูหโต;
ปริฬาโห สมุจฺฉินฺโน, สีติภูตามฺหิ นิพฺพุตา’’ติ.
… อภยมาตุ เถรี….
๙. อภยาเถรีคาถา
‘‘อภเย ภิทุโร กาโย, ยตฺถ สตา ปุถุชฺชนา;
นิกฺขิปิสฺสามิมํ เทหํ, สมฺปชานา สตีมตี.
‘‘พหูหิ ทุกฺขธมฺเมหิ, อปฺปมาทรตาย เม;
ตณฺหกฺขโย อนุปฺปตฺโต, กตํ พุทฺธสฺส สาสน’’นฺติ.
… อภยา เถรี….
๑๐. สามาเถรีคาถา
‘‘จตุกฺขตฺตุํ ¶ ¶ ปฺจกฺขตฺตุํ, วิหารา อุปนิกฺขมึ;
อลทฺธา เจตโส สนฺตึ, จิตฺเต อวสวตฺตินี;
ตสฺสา เม อฏฺมี รตฺติ, ยโต ตณฺหา สมูหตา.
‘‘พหูหิ ทุกฺขธมฺเมหิ, อปฺปมาทรตาย เม;
ตณฺหกฺขโย อนุปฺปตฺโต, กตํ พุทฺธสฺส สาสน’’นฺติ.
… สามา เถรี….
ทุกนิปาโต นิฏฺิโต.