📜
๙. นวกนิปาโต
๑. วฑฺฒมาตุเถรีคาถา
‘‘มา ¶ ¶ ¶ สุ เต วฑฺฒ โลกมฺหิ, วนโถ อาหุ กุทาจนํ;
มา ปุตฺตก ปุนปฺปุนํ, อหุ ทุกฺขสฺส ภาคิมา.
‘‘สุขฺหิ ¶ วฑฺฒ มุนโย, อเนชา ฉินฺนสํสยา;
สีติภูตา ทมปฺปตฺตา, วิหรนฺติ อนาสวา.
‘‘เตหานุจิณฺณํ อิสีภิ, มคฺคํ ทสฺสนปตฺติยา;
ทุกฺขสฺสนฺตกิริยาย, ตฺวํ วฑฺฒ อนุพฺรูหย’’.
‘‘วิสารทาว ภณสิ, เอตมตฺถํ ชเนตฺติ เม;
มฺามิ นูน มามิเก, วนโถ เต น วิชฺชติ’’.
‘‘เย เกจิ วฑฺฒ สงฺขารา, หีนา อุกฺกฏฺมชฺฌิมา;
อณูปิ อณุมตฺโตปิ, วนโถ เม น วิชฺชติ.
‘‘สพฺเพ เม อาสวา ขีณา, อปฺปมตฺตสฺส ฌายโต;
ติสฺโส วิชฺชา อนุปฺปตฺตา, กตํ พุทฺธสฺส สาสนํ’’.
‘‘อุฬารํ วต เม มาตา, ปโตทํ สมวสฺสริ;
ปรมตฺถสฺหิตา คาถา, ยถาปิ อนุกมฺปิกา.
‘‘ตสฺสาหํ วจนํ สุตฺวา, อนุสิฏฺึ ชเนตฺติยา;
ธมฺมสํเวคมาปาทึ, โยคกฺเขมสฺส ปตฺติยา.
‘‘โสหํ ปธานปหิตตฺโต, รตฺตินฺทิวมตนฺทิโต;
มาตรา โจทิโต สนฺโต, อผุสึ สนฺติมุตฺตมํ’’.
… วฑฺฒมาตา เถรี….
นวกนิปาโต นิฏฺิโต.