📜
๕๐. กิงฺกณิปุปฺผวคฺโค
๑. ติกิงฺกณิปุปฺผิยตฺเถรอปทานํ
‘‘กณิการํว ¶ ¶ ¶ โชตนฺตํ, นิสินฺนํ ปพฺพตนฺตเร;
อทฺทสํ วิรชํ พุทฺธํ, วิปสฺสึ โลกนายกํ.
‘‘ตีณิ กิงฺกณิปุปฺผานิ, ปคฺคยฺห อภิโรปยึ;
สมฺพุทฺธมภิปูเชตฺวา, คจฺฉามิ ทกฺขิณามุโข.
‘‘เตน กมฺเมน สุกเตน, เจตนาปณิธีหิ จ;
ชหิตฺวา มานุสํ เทหํ, ตาวตึสมคจฺฉหํ.
‘‘เอกนวุติโต กปฺเป, ยํ พุทฺธมภิปูชยึ;
ทุคฺคตึ นาภิชานามิ, พุทฺธปูชายิทํ ผลํ.
‘‘กิเลสา ¶ ฌาปิตา มยฺหํ, ภวา สพฺเพ สมูหตา;
นาโคว พนฺธนํ เฉตฺวา, วิหรามิ อนาสโว.
‘‘สฺวาคตํ วต เม อาสิ, มม พุทฺธสฺส สนฺติเก;
ติสฺโส วิชฺชา อนุปฺปตฺตา, กตํ พุทฺธสฺส สาสนํ.
‘‘ปฏิสมฺภิทา จตสฺโส, วิโมกฺขาปิ จ อฏฺิเม;
ฉฬภิฺา สจฺฉิกตา, กตํ พุทฺธสฺส สาสนํ’’.
อิตฺถํ สุทํ อายสฺมา ติกิงฺกณิปุปฺผิโย เถโร อิมา
คาถาโย อภาสิตฺถาติ.
ติกิงฺกณิปุปฺผิยตฺเถรสฺสาปทานํ ปมํ.
๒. ปํสุกูลปูชกตฺเถรอปทานํ
‘‘หิมวนฺตสฺสาวิทูเร ¶ ¶ , อุทงฺคโณ นาม ปพฺพโต;
ตตฺถทฺทสํ ปํสุกูลํ, ทุมคฺคมฺหิ วิลมฺพิตํ.
‘‘ตีณิ กิงฺกณิปุปฺผานิ, โอจินิตฺวานหํ ตทา;
หฏฺโ หฏฺเน จิตฺเตน, ปํสุกูลมปูชยึ.
‘‘เตน กมฺเมน สุกเตน, เจตนาปณิธีหิ จ;
ชหิตฺวา มานุสํ เทหํ, ตาวตึสมคจฺฉหํ.
‘‘เอกนวุติโต ¶ กปฺเป, ยํ กมฺมมกรึ ตทา;
ทุคฺคตึ นาภิชานามิ, ปูชิตฺวา อรหทฺธชํ.
‘‘กิเลสา ฌาปิตา มยฺหํ…เป… วิหรามิ อนาสโว.
‘‘สฺวาคตํ วต เม อาสิ…เป… กตํ พุทฺธสฺส สาสนํ.
‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.
อิตฺถํ สุทํ อายสฺมา ปํสุกูลปูชโก เถโร อิมา คาถาโย
อภาสิตฺถาติ.
ปํสุกูลปูชกตฺเถรสฺสาปทานํ ทุติยํ.
๓. โกรณฺฑปุปฺผิยตฺเถรอปทานํ
‘‘วนกมฺมิโก ¶ ปุเร อาสึ, ปิตุมาตุมเตนหํ [ปิตุเปตามเหนหํ (สี. สฺยา. ปี.)];
ปสุมาเรน ชีวามิ, กุสลํ เม น วิชฺชติ.
‘‘มม อาสยสามนฺตา, ติสฺโส โลกคฺคนายโก;
ปทานิ ตีณิ ทสฺเสสิ, อนุกมฺปาย จกฺขุมา.
‘‘อกฺกนฺเต จ ปเท ทิสฺวา, ติสฺสนามสฺส สตฺถุโน;
หฏฺโ หฏฺเน จิตฺเตน, ปเท จิตฺตํ ปสาทยึ.
‘‘โกรณฺฑํ ปุปฺผิตํ ทิสฺวา, ปาทปํ ธรณีรุหํ;
สโกสกํ คเหตฺวาน, ปทเสฏฺมปูชยึ [ปทเสฏฺเ อปูชยึ (สี. ปี.)].
‘‘เตน ¶ ¶ กมฺเมน สุกเตน, เจตนาปณิธีหิ จ;
ชหิตฺวา มานุสํ เทหํ, ตาวตึสมคจฺฉหํ.
‘‘ยํ ยํ โยนุปปชฺชามิ, เทวตฺตํ อถ มานุสํ;
โกรณฺฑกฉวิ โหมิ, สุปฺปภาโส [สปภาโส (สี. สฺยา. ปี. ก.)] ภวามหํ.
‘‘ทฺเวนวุเต อิโต กปฺเป, ยํ กมฺมมกรึ ตทา;
ทุคฺคตึ นาภิชานามิ, ปทปูชายิทํ ผลํ.
‘‘กิเลสา ฌาปิตา มยฺหํ…เป… วิหรามิ อนาสโว.
‘‘สฺวาคตํ ¶ วต เม อาสิ…เป… กตํ พุทฺธสฺส สาสนํ.
‘‘ปฏิสมฺภิทา ¶ จตสฺโส…เป… กตํ พุทฺธสฺส สาสนํ’’.
อิตฺถํ สุทํ อายสฺมา โกรณฺฑปุปฺผิโย เถโร อิมา คาถาโย
อภาสิตฺถาติ.
โกรณฺฑปุปฺผิยตฺเถรสฺสาปทานํ ตติยํ.
๔. กึสุกปุปฺผิยตฺเถรอปทานํ
‘‘กึสุกํ ปุปฺผิตํ ทิสฺวา, ปคฺคเหตฺวาน อฺชลึ;
พุทฺธเสฏฺํ สริตฺวาน, อากาเส อภิปูชยึ.
‘‘เตน กมฺเมน สุกเตน, เจตนาปณิธีหิ จ;
ชหิตฺวา มานุสํ เทหํ, ตาวตึสมคจฺฉหํ.
‘‘เอกตึเส อิโต กปฺเป, ยํ กมฺมมกรึ ตทา;
ทุคฺคตึ นาภิชานามิ, พุทฺธปูชายิทํ ผลํ.
‘‘กิเลสา ฌาปิตา มยฺหํ…เป… วิหรามิ อนาสโว.
‘‘สฺวาคตํ วต เม อาสิ…เป… กตํ พุทฺธสฺส สาสนํ.
‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.
อิตฺถํ สุทํ อายสฺมา กึสุกปุปฺผิโย เถโร อิมา คาถาโย
อภาสิตฺถาติ.
กึสุกปุปฺผิยตฺเถรสฺสาปทานํ จตุตฺถํ.
๕. อุปฑฺฒทุสฺสทายกตฺเถรอปทานํ
‘‘ปทุมุตฺตรภควโต ¶ ¶ , สุชาโต นาม สาวโก;
ปํสุกูลํ คเวสนฺโต, สงฺกาเร จรเต [จรตี (สี. ก.)] ตทา.
‘‘นคเร หํสวติยา, ปเรสํ ภตโก อหํ;
อุปฑฺฒทุสฺสํ ทตฺวาน, สิรสา อภิวาทยึ.
‘‘เตน ¶ กมฺเมน สุกเตน, เจตนาปณิธีหิ จ;
ชหิตฺวา มานุสํ เทหํ, ตาวตึสมคจฺฉหํ.
‘‘เตตฺตึสกฺขตฺตุํ ¶ เทวินฺโท, เทวรชฺชมการยึ;
สตฺตสตฺตติกฺขตฺตฺุจ, จกฺกวตฺตี อโหสหํ.
‘‘ปเทสรชฺชํ วิปุลํ, คณนาโต อสงฺขิยํ;
อุปฑฺฒทุสฺสทาเนน, โมทามิ อกุโตภโย.
‘‘อิจฺฉมาโน จหํ อชฺช, สกานนํ สปพฺพตํ;
โขมทุสฺเสหิ ฉาเทยฺยํ, อฑฺฒทุสฺสสฺสิทํ ผลํ.
‘‘สตสหสฺสิโต กปฺเป, ยํ ทานมททึ ตทา;
ทุคฺคตึ นาภิชานามิ, อฑฺฒทุสฺสสฺสิทํ ผลํ.
‘‘กิเลสา ฌาปิตา มยฺหํ…เป… วิหรามิ อนาสโว.
‘‘สฺวาคตํ วต เม อาสิ…เป… กตํ พุทฺธสฺส สาสนํ.
‘‘ปฏิสมฺภิทา ¶ จตสฺโส…เป… กตํ พุทฺธสฺส สาสนํ’’.
อิตฺถํ สุทํ อายสฺมา อุปฑฺฒทุสฺสทายโก เถโร อิมา
คาถาโย อภาสิตฺถาติ.
อุปฑฺฒทุสฺสทายกตฺเถรสฺสาปทานํ ปฺจมํ.
๖. ฆตมณฺฑทายกตฺเถรอปทานํ
‘‘สุจินฺติตํ ภควนฺตํ, โลกเชฏฺํ นราสภํ;
อุปวิฏฺํ มหารฺํ, วาตาพาเธน ปีฬิตํ.
‘‘ทิสฺวา ¶ จิตฺตํ ปสาเทตฺวา, ฆตมณฺฑมุปานยึ;
กตตฺตา อาจิตตฺตา [อุปจิตตฺตา (สฺยา. ก.)] จ, คงฺคา ภาคีรถี อยํ.
‘‘มหาสมุทฺทา จตฺตาโร, ฆตํ สมฺปชฺชเร มม;
อยฺจ ปถวี โฆรา, อปฺปมาณา อสงฺขิยา.
‘‘มม สงฺกปฺปมฺาย, ภวเต มธุสกฺกรา [มธุสกฺขรา (สฺยา. ก.)];
จาตุทฺทีปา อิเม รุกฺขา, ปาทปา ธรณีรุหา.
‘‘มม ¶ สงฺกปฺปมฺาย, กปฺปรุกฺขา ภวนฺติ เต;
ปฺาสกฺขตฺตุํ เทวินฺโท, เทวรชฺชมการยึ.
‘‘เอกปฺาสกฺขตฺตฺุจ, จกฺกวตฺตี อโหสหํ;
ปเทสรชฺชํ วิปุลํ, คณนาโต อสงฺขิยํ.
‘‘จตุนฺนวุติโต [ฉนวุเต อิโต (สี.)] กปฺเป, ยํ ทานมททึ ตทา;
ทุคฺคตึ นาภิชานามิ, ฆตมณฺฑสฺสิทํ ผลํ.
‘‘กิเลสา ¶ ฌาปิตา มยฺหํ…เป… วิหรามิ อนาสโว.
‘‘สฺวาคตํ วต เม อาสิ…เป… กตํ พุทฺธสฺส สาสนํ.
‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.
อิตฺถํ สุทํ อายสฺมา ฆตมณฺฑทายโก เถโร อิมา คาถาโย
อภาสิตฺถาติ.
ฆตมณฺฑทายกตฺเถรสฺสาปทานํ ฉฏฺํ.
๗. อุทกทายกตฺเถรอปทานํ
‘‘ปทุมุตฺตรพุทฺธสฺส ¶ , ภิกฺขุสงฺเฆ อนุตฺตเร;
ปสนฺนจิตฺโต สุมโน, ปานีฆฏมปูรยึ.
‘‘ปพฺพตคฺเค ทุมคฺเค วา, อากาเส วาถ ภูมิยํ;
ยทา ปานียมิจฺฉามิ, ขิปฺปํ นิพฺพตฺตเต มม.
‘‘สตสหสฺสิโต กปฺเป, ยํ ทานมททึ ตทา;
ทุคฺคตึ นาภิชานามิ, ทกทานสฺสิทํ ผลํ.
‘‘กิเลสา ¶ ฌาปิตา มยฺหํ…เป… วิหรามิ อนาสโว.
‘‘สฺวาคตํ วต เม อาสิ…เป… กตํ พุทฺธสฺส สาสนํ.
‘‘ปฏิสมฺภิทา ¶ จตสฺโส…เป… กตํ พุทฺธสฺส สาสนํ’’.
อิตฺถํ สุทํ อายสฺมา อุทกทายโก เถโร อิมา คาถาโย
อภาสิตฺถาติ.
อุทกทายกตฺเถรสฺสาปทานํ สตฺตมํ.
๘. ปุลินถูปิยตฺเถรอปทานํ
‘‘หิมวนฺตสฺสาวิทูเร ¶ , ยมโก นาม ปพฺพโต;
อสฺสโม สุกโต มยฺหํ, ปณฺณสาลา สุมาปิตา.
‘‘นารโท นาม นาเมน, ชฏิโล อุคฺคตาปโน;
จตุทฺทสสหสฺสานิ, สิสฺสา ปริจรนฺติ มํ.
‘‘ปฏิสลฺลีนโก สนฺโต, เอวํ จินฺเตสหํ ตทา;
‘สพฺโพ ชโน มํ ปูเชติ, นาหํ ปูเชมิ กิฺจนํ.
‘‘‘น เม โอวาทโก อตฺถิ, วตฺตา โกจิ น วิชฺชติ;
อนาจริยุปชฺฌาโย, วเน วาสํ อุเปมหํ.
‘‘‘อุปาสมาโน ยมหํ, ครุจิตฺตํ อุปฏฺเห;
โส เม อาจริโย นตฺถิ, วนวาโส นิรตฺถโก.
‘‘‘อายาคํ เม คเวสิสฺสํ, ครุํ ภาวนิยํ ตถา;
สาวสฺสโย วสิสฺสามิ, น โกจิ ครหิสฺสติ’.
‘‘อุตฺตานกูลา นทิกา, สุปติตฺถา มโนรมา;
สํสุทฺธปุลินากิณฺณา, อวิทูเร มมสฺสมํ.
‘‘นทึ ¶ อมริกํ นาม, อุปคนฺตฺวานหํ ตทา;
สํวฑฺฒยิตฺวา ปุลินํ, อกํ ปุลินเจติยํ.
‘‘เย ¶ เต อเหสุํ สมฺพุทฺธา, ภวนฺตกรณา มุนี;
เตสํ เอตาทิโส ถูโป, ตํ นิมิตฺตํ กโรมหํ.
‘‘กริตฺวา ¶ ปุลินํ [ปุฬิเน (สี. สฺยา. ปี.)] ถูปํ, โสวณฺณํ มาปยึ อหํ;
โสณฺณกิงฺกณิปุปฺผานิ, สหสฺเส ตีณิ ปูชยึ.
‘‘สายปาตํ นมสฺสามิ, เวทชาโต กตฺชลี;
สมฺมุขา วิย สมฺพุทฺธํ, วนฺทึ ปุลินเจติยํ.
‘‘ยทา กิเลสา ชายนฺติ, วิตกฺกา เคหนิสฺสิตา;
สรามิ สุกตํ ถูปํ, ปจฺจเวกฺขามิ ตาวเท.
‘‘อุปนิสฺสาย วิหรํ, สตฺถวาหํ วินายกํ;
กิเลเส สํวเสยฺยาสิ, น ยุตฺตํ ตว มาริส.
‘‘สห ¶ อาวชฺชิเต ถูเป, คารวํ โหติ เม ตทา;
กุวิตกฺเก วิโนเทสึ, นาโค ตุตฺตฏฺฏิโต ยถา.
‘‘เอวํ วิหรมานํ มํ, มจฺจุราชาภิมทฺทถ;
ตตฺถ กาลงฺกโต สนฺโต, พฺรหฺมโลกมคจฺฉหํ.
‘‘ยาวตายุํ วสิตฺวาน, ติทิเว [ติทเส (สี. ปี.)] อุปปชฺชหํ;
อสีติกฺขตฺตุํ เทวินฺโท, เทวรชฺชมการยึ.
‘‘สตานํ ตีณิกฺขตฺตฺุจ, จกฺกวตฺตี อโหสหํ;
ปเทสรชฺชํ วิปุลํ, คณนาโต อสงฺขิยํ.
‘‘โสณฺณกิงฺกณิปุปฺผานํ ¶ [เตสํ กิงฺกณิปุปฺผานํ (สี.)], วิปากํ อนุโภมหํ;
ธาตีสตสหสฺสานิ, ปริวาเรนฺติ มํ [เม (ก.)] ภเว.
‘‘ถูปสฺส ปริจิณฺณตฺตา, รโชชลฺลํ น ลิมฺปติ;
คตฺเต เสทา น มุจฺจนฺติ, สุปฺปภาโส ภวามหํ.
‘‘อโห เม สุกโต ถูโป, สุทิฏฺามริกา นที;
ถูปํ กตฺวาน ปุลินํ, ปตฺโตมฺหิ อจลํ ปทํ.
‘‘กุสลํ กตฺตุกาเมน, ชนฺตุนา สารคาหินา;
นตฺถิ เขตฺตํ อเขตฺตํ วา, ปฏิปตฺตีว สาธกา [สาริกา (ปี.), สารกา (สฺยา.), สารตา (ก.)].
‘‘ยถาปิ พลวา โปโส, อณฺณวํ ตริตุสฺสเห;
ปริตฺตํ กฏฺมาทาย, ปกฺขนฺเทยฺย มหาสรํ.
‘‘อิมาหํ กฏฺํ นิสฺสาย, ตริสฺสามิ มโหทธึ;
อุสฺสาเหน วีริเยน, ตเรยฺย อุทธึ นโร.
‘‘ตเถว ¶ ¶ เม กตํ กมฺมํ, ปริตฺตํ โถกกฺจ ยํ;
ตํ กมฺมํ อุปนิสฺสาย, สํสารํ สมติกฺกมึ.
‘‘ปจฺฉิเม ภเว สมฺปตฺเต, สุกฺกมูเลน โจทิโต;
สาวตฺถิยํ ปุเร ชาโต, มหาสาเล สุอฑฺฒเก.
‘‘สทฺธา มาตา ปิตา มยฺหํ, พุทฺธสฺส สรณํ คตา;
อุโภ ทิฏฺปทา เอเต, อนุวตฺตนฺติ สาสนํ.
‘‘โพธิปปฏิกํ ¶ คยฺห, โสณฺณถูปมการยุํ;
สายปาตํ [สายํ ปาตํ (สฺยา. ก.)] นมสฺสนฺติ, สกฺยปุตฺตสฺส สมฺมุขา.
‘‘อุโปสถมฺหิ ¶ ทิวเส, โสณฺณถูปํ วินีหรุํ;
พุทฺธสฺส วณฺณํ กิตฺเตนฺตา, ติยามํ วีตินามยุํ.
‘‘สห ทิสฺวานหํ [ปสาเทตฺวานหํ (ก.)] ถูปํ, สรึ ปุลินเจติยํ;
เอกาสเน นิสีทิตฺวา, อรหตฺตมปาปุณึ.
ทฺวาวีสติมํ ภาณวารํ.
‘‘คเวสมาโน ตํ วีรํ, ธมฺมเสนาปติทฺทสํ;
อคารา นิกฺขมิตฺวาน, ปพฺพชึ ตสฺส สนฺติเก.
‘‘ชาติยา สตฺตวสฺเสน, อรหตฺตมปาปุณึ;
อุปสมฺปาทยี พุทฺโธ, คุณมฺาย จกฺขุมา.
‘‘ทารเกเนว สนฺเตน, กิริยํ นิฏฺิตํ มยา;
กตํ เม กรณียชฺช, สกฺยปุตฺตสฺส สาสเน.
‘‘สพฺพเวรภยาตีโต, สพฺพสงฺคาติโค [สพฺพสงฺกาติโต (ก.)] อิสิ;
สาวโก เต มหาวีร, โสณฺณถูปสฺสิทํ ผลํ.
‘‘กิเลสา ฌาปิตา มยฺหํ…เป… วิหรามิ อนาสโว.
‘‘สฺวาคตํ วต เม อาสิ…เป… กตํ พุทฺธสฺส สาสนํ.
‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.
อิตฺถํ ¶ สุทํ อายสฺมา ปุลินถูปิโย เถโร อิมา คาถาโย
อภาสิตฺถาติ.
ปุลินถูปิยตฺเถรสฺสาปทานํ อฏฺมํ.
๙. นฬกุฏิทายกตฺเถรอปทานํ
‘‘หิมวนฺตสฺสาวิทูเร ¶ ¶ , หาริโต นาม ปพฺพโต;
สยมฺภู นารโท นาม, รุกฺขมูเล วสี ตทา.
‘‘นฬาคารํ ¶ กริตฺวาน, ติเณน ฉาทยึ อหํ;
จงฺกมํ โสธยิตฺวาน, สยมฺภุสฺส อทาสหํ.
‘‘เตน กมฺเมน สุกเตน, เจตนาปณิธีหิ จ;
ชหิตฺวา มานุสํ เทหํ, ตาวตึสมคจฺฉหํ.
‘‘ตตฺถ เม สุกตํ พฺยมฺหํ, นฬกุฏิกนิมฺมิตํ;
สฏฺิโยชนมุพฺเพธํ, ตึสโยชนวิตฺถตํ.
‘‘จตุทฺทเสสุ กปฺเปสุ, เทวโลเก รมึ อหํ;
เอกสตฺตติกฺขตฺตฺุจ, เทวรชฺชมการยึ.
‘‘จตุตึสติกฺขตฺตฺุจ, จกฺกวตฺตี อโหสหํ;
ปเทสรชฺชํ วิปุลํ, คณนาโต อสงฺขิยํ.
‘‘ธมฺมปาสาทมารุยฺห, สพฺพาการวรูปมํ;
ยทิจฺฉกาหํ วิหเร, สกฺยปุตฺตสฺส สาสเน.
‘‘เอกตึเส อิโต กปฺเป, ยํ กมฺมมกรึ ตทา;
ทุคฺคตึ นาภิชานามิ, นฬกุฏิยิทํ ผลํ.
‘‘กิเลสา ¶ ฌาปิตา มยฺหํ…เป… วิหรามิ อนาสโว.
‘‘สฺวาคตํ วต เม อาสิ…เป… กตํ พุทฺธสฺส สาสนํ.
‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.
อิตฺถํ สุทํ อายสฺมา นฬกุฏิทายโก เถโร อิมา คาถาโย
อภาสิตฺถาติ.
นฬกุฏิทายกตฺเถรสฺสาปทานํ นวมํ.
๑๐. ปิยาลผลทายกตฺเถรอปทานํ
‘‘มิคลุทฺโท ¶ ปุเร อาสึ, วิปิเน วิจรํ ตทา;
อทฺทสํ วิรชํ พุทฺธํ, สพฺพธมฺมาน ปารคุํ.
‘‘ปิยาลผลมาทาย, พุทฺธเสฏฺสฺสทาสหํ;
ปฺุกฺเขตฺตสฺส วีรสฺส, ปสนฺโน เสหิ ปาณิภิ.
‘‘เอกตึเส ¶ อิโต กปฺเป, ยํ ผลํ อททึ ตทา;
ทุคฺคตึ นาภิชานามิ, ผลทานสฺสิทํ ผลํ.
‘‘กิเลสา ¶ ฌาปิตา มยฺหํ…เป… วิหรามิ อนาสโว.
‘‘สฺวาคตํ วต เม อาสิ…เป… กตํ พุทฺธสฺส สาสนํ.
‘‘ปฏิสมฺภิทา ¶ จตสฺโส…เป… กตํ พุทฺธสฺส สาสนํ’’.
อิตฺถํ สุทํ อายสฺมา ปิยาลผลทายโก เถโร อิมา
คาถาโย อภาสิตฺถาติ.
ปิยาลผลทายกตฺเถรสฺสาปทานํ ทสมํ.
กิงฺกณิปุปฺผวคฺโค ปฺาสโม.
ตสฺสุทฺทานํ –
กิงฺกณี ปํสุกูลฺจ, โกรณฺฑมถ กึสุกํ;
อุปฑฺฒทุสฺสี ฆตโท, อุทกํ ถูปการโก.
นฬการี จ นวโม, ปิยาลผลทายโก;
สตเมกฺจ คาถานํ, นวกฺจ ตทุตฺตริ.
อถ วคฺคุทฺทานํ –
เมตฺเตยฺยวคฺโค ภทฺทาลิ, สกึสมฺมชฺชโกปิ จ;
เอกวิหารี วิภีตกี, ชคตี สาลปุปฺผิโย.
นฬาคารํ ปํสุกูลํ, กิงฺกณิปุปฺผิโย ตถา;
อสีติ ทฺเว จ คาถาโย, จตุทฺทสสตานิ จ.
เมตฺเตยฺยวคฺคทสกํ.
ปฺจมสตกํ สมตฺตํ.