📜
๑๒. ปทุมุตฺตรพุทฺธวํโส
นารทสฺส ¶ ¶ อปเรน, สมฺพุทฺโธ ทฺวิปทุตฺตโม;
ปทุมุตฺตโร นาม ชิโน, อกฺโขโภ สาครูปโม.
มณฺฑกปฺโปว โส อาสิ, ยมฺหิ พุทฺโธ อชายถ;
อุสฺสนฺนกุสลา ชนตา, ตมฺหิ กปฺเป อชายถ.
ปทุมุตฺตรสฺส ภควโต, ปเม ธมฺมเทสเน;
โกฏิสตสหสฺสานํ, ธมฺมาภิสมโย อหุ.
ตโต ปรมฺปิ วสฺสนฺเต, ตปฺปยนฺเต จ ปาณิเน;
สตฺตตึสสตสหสฺสานํ, ทุติยาภิสมโย อหุ.
ยมฺหิ ¶ กาเล มหาวีโร, อานนฺทํ อุปสงฺกมิ;
ปิตุสนฺติกํ อุปคนฺตฺวา, อาหนี อมตทุนฺทุภึ.
อาหเต อมตเภริมฺหิ, วสฺสนฺเต ธมฺมวุฏฺิยา;
ปฺาสสตสหสฺสานํ, ตติยาภิสมโย อหุ.
โอวาทโก ¶ วิฺาปโก, ตารโก สพฺพปาณินํ;
เทสนากุสโล พุทฺโธ, ตาเรสิ ชนตํ พหุํ.
สนฺนิปาตา ตโย อาสุํ, ปทุมุตฺตรสฺส สตฺถุโน;
โกฏิสตสหสฺสานํ, ปโม อาสิ สมาคโม.
ยทา พุทฺโธ อสมสโม, วสิ เวภารปพฺพเต;
นวุติโกฏิสหสฺสานํ, ทุติโย อาสิ สมาคโม.
ปุน จาริกํ ปกฺกนฺเต, คามนิคมรฏฺโต;
อสีติโกฏิสหสฺสานํ, ตติโย อาสิ สมาคโม.
อหํ เตน สมเยน, ชฏิโล นาม รฏฺิโก;
สมฺพุทฺธปฺปมุขํ สงฺฆํ, สภตฺตํ ทุสฺสมทาสหํ.
โสปิ มํ พุทฺโธ พฺยากาสิ, สงฺฆมชฺเฌ นิสีทิย;
‘‘สตสหสฺสิโต กปฺเป, อยํ พุทฺโธ ภวิสฺสติ.
‘‘ปธานํ ¶ ปทหิตฺวาน…เป… ¶ เหสฺสาม สมฺมุขา อิมํ’’.
ตสฺสาปิ วจนํ สุตฺวา, อุตฺตรึ วตมธิฏฺหึ;
อกาสึ อุคฺคทฬฺหํ ธิตึ, ทสปารมิปูริยา.
พฺยาหตา ติตฺถิยา สพฺเพ, วิมนา ทุมฺมนา ตทา;
น เตสํ เกจิ ปริจรนฺติ, รฏฺโต นิจฺฉุภนฺติ เต.
สพฺเพ ¶ ตตฺถ สมาคนฺตฺวา, อุปคจฺฉุํ พุทฺธสนฺติเก;
ตุวํ นาโถ มหาวีร, สรณํ โหหิ จกฺขุม.
อนุกมฺปโก การุณิโก, หิเตสี สพฺพปาณินํ;
สมฺปตฺเต ติตฺถิเย สพฺเพ, ปฺจสีเล ปติฏฺปิ.
เอวํ นิรากุลํ อาสิ, สฺุตํ ติตฺถิเยหิ ตํ;
วิจิตฺตํ อรหนฺเตหิ, วสีภูเตหิ ตาทิหิ.
นครํ ¶ หํสวตี นาม, อานนฺโท นาม ขตฺติโย;
สุชาตา นาม ชนิกา, ปทุมุตฺตรสฺส สตฺถุโน.
ทสวสฺสสหสฺสานิ, อคารํ อชฺฌ โส วสิ;
นรวาหโน ยโส วสวตฺตี [นาริวาหโน ยสวตี (สฺยา. กํ.)], ตโย ปาสาทมุตฺตมา.
ติจตฺตารีสสหสฺสานิ, นาริโย สมลงฺกตา;
วสุทตฺตา นาม นารี, อุตฺตโม นาม อตฺรโช.
นิมิตฺเต จตุโร ทิสฺวา, ปาสาเทนาภินิกฺขมิ;
สตฺตาหํ ปธานจารํ, อจรี ปุริสุตฺตโม.
พฺรหฺมุนา ¶ ยาจิโต สนฺโต, ปทุมุตฺตโร วินายโก;
วตฺติ จกฺกํ มหาวีโร, มิถิลุยฺยานมุตฺตเม.
เทวโล จ สุชาโต จ, อเหสุํ อคฺคสาวกา;
สุมโน นามุปฏฺาโก, ปทุมุตฺตรสฺส มเหสิโน.
อมิตา จ อสมา จ, อเหสุํ อคฺคสาวิกา;
โพธิ ตสฺส ภควโต, สลโลติ ปวุจฺจติ.
วิติณฺโณ เจว [อมิโต เจว (สฺยา.)] ติสฺโส จ, อเหสุํ อคฺคุปฏฺกา;
หฏฺา เจว วิจิตฺตา จ, อเหสุํ อคฺคุปฏฺิกา.
อฏฺปณฺณาสรตนํ, อจฺจุคฺคโต มหามุนิ;
กฺจนคฺฆิยสงฺกาโส, ทฺวตฺตึสวรลกฺขโณ.
กุฏฺฏา ¶ กวาฏา ภิตฺตี จ, รุกฺขา นคสิลุจฺจยา;
น ตสฺสาวรณํ อตฺถิ, สมนฺตา ทฺวาทสโยชเน.
วสฺสสตสหสฺสานิ, อายุ วิชฺชติ ตาวเท;
ตาวตา ติฏฺมาโน โส, ตาเรสิ ชนตํ พหุํ.
สนฺตาเรตฺวา พหุชนํ, ฉินฺทิตฺวา สพฺพสํสยํ;
ชลิตฺวา อคฺคิกฺขนฺโธว นิพฺพุโต โส สสาวโก.
ปทุมุตฺตโร ชิโน พุทฺโธ, นนฺทารามมฺหิ นิพฺพุโต;
ตตฺเถวสฺส ถูปวโร, ทฺวาทสุพฺเพธโยชโนติ.
ปทุมุตฺตรสฺส ภควโต วํโส ทสโม.