📜
๑๕. ปิยทสฺสีพุทฺธวํโส
สุชาตสฺส อปเรน, สยมฺภู โลกนายโก;
ทุราสโท อสมสโม, ปิยทสฺสี มหายโส.
โสปิ ¶ พุทฺโธ อมิตยโส, อาทิจฺโจว วิโรจติ;
สพฺพํ ตมํ นิหนฺตฺวาน, ธมฺมจกฺกํ ปวตฺตยิ.
ตสฺสาปิ อตุลเตชสฺส, อเหสุํ อภิสมยา ตโย;
โกฏิสตสหสฺสานํ, ปมาภิสมโย อหุ.
สุทสฺสโน เทวราชา, มิจฺฉาทิฏฺิมโรจยิ;
ตสฺส ทิฏฺึ วิโนเทนฺโต, สตฺถา ธมฺมมเทสยิ.
ชนสนฺนิปาโต อตุโล, มหาสนฺนิปตี ตทา;
นวุติโกฏิสหสฺสานํ, ทุติยาภิสมโย อหุ.
ยทา โทณมุขํ หตฺถึ, วิเนสิ นรสารถิ;
อสีติโกฏิสหสฺสานํ, ตติยาภิสมโย อหุ.
สนฺนิปาตา ตโย อาสุํ, ตสฺสาปิ ปิยทสฺสิโน;
โกฏิสตสหสฺสานํ, ปโม อาสิ สมาคโม.
ตโต ¶ ปรํ นวุติโกฏี, สมึสุ เอกโต มุนี;
ตติเย สนฺนิปาตมฺหิ, อสีติโกฏิโย อหู.
อหํ เตน สมเยน, กสฺสโป นาม พฺราหฺมโณ [มานโว (สฺยา. กํ.)];
อชฺฌายโก มนฺตธโร, ติณฺณํ เวทาน ปารคู.
ตสฺส ¶ ธมฺมํ สุณิตฺวาน, ปสาทํ ชนยึ อหํ;
โกฏิสตสหสฺเสหิ, สงฺฆารามํ อมาปยึ.
ตสฺส ทตฺวาน อารามํ, หฏฺโ สํวิคฺคมานโส;
สรเณ ปฺจ สีเล จ [สรณํ ปฺจสีลฺจ (สี.)], ทฬฺหํ กตฺวา สมาทิยึ.
โสปิ ¶ มํ พุทฺโธ พฺยากาสิ, สงฺฆมชฺเฌ นิสีทิย;
‘‘อฏฺารเส กปฺปสเต, อยํ พุทฺโธ ภวิสฺสติ.
‘‘ปธานํ ¶ ปทหิตฺวาน…เป… ¶ เหสฺสาม สมฺมุขา อิมํ’’.
ตสฺสาปิ วจนํ สุตฺวา, ภิยฺโย จิตฺตํ ปสาทยึ;
อุตฺตรึ วตมธิฏฺาสึ, ทสปารมิปูริยา.
สุธฺํ นาม นครํ, สุทตฺโต นาม ขตฺติโย;
จนฺทา นามาสิ ชนิกา, ปิยทสฺสิสฺส สตฺถุโน.
นววสฺสสหสฺสานิ, อคารํ อชฺฌ โส วสิ;
สุนิมฺมลวิมลคิริคุหา, ตโย ปาสาทมุตฺตมา.
เตตฺตึสสหสฺสานิ จ, นาริโย สมลงฺกตา;
วิมลา นาม นารี จ, กฺจนาเวโฬ นาม อตฺรโช.
นิมิตฺเต ¶ จตุโร ทิสฺวา, รถยาเนน นิกฺขมิ;
ฉมาสํ ปธานจารํ, อจรี ปุริสุตฺตโม.
พฺรหฺมุนา ยาจิโต สนฺโต, ปิยทสฺสี มหามุนิ;
วตฺติ จกฺกํ มหาวีโร, อุสภุยฺยาเน มโนรเม.
ปาลิโต สพฺพทสฺสี จ, อเหสุํ อคฺคสาวกา;
โสภิโต นามุปฏฺาโก, ปิยทสฺสิสฺส สตฺถุโน.
สุชาตา ธมฺมทินฺนา จ, อเหสุํ อคฺคสาวิกา;
โพธิ ตสฺส ภควโต, กกุโธติ ปวุจฺจติ.
สนฺธโก ธมฺมโก เจว, อเหสุํ อคฺคุปฏฺกา;
วิสาขา ธมฺมทินฺนา จ, อเหสุํ อคฺคุปฏฺิกา.
โสปิ ¶ ¶ พุทฺโธ อมิตยโส, ทฺวตฺตึสวรลกฺขโณ;
อสีติหตฺถมุพฺเพโธ, สาลราชาว ทิสฺสติ.
อคฺคิจนฺทสูริยานํ, นตฺถิ ตาทิสิกา ปภา;
ยถา อหุ ปภา ตสฺส, อสมสฺส มเหสิโน.
ตสฺสาปิ เทวเทวสฺส, อายุ ตาวตกํ อหุ;
นวุติวสฺสสหสฺสานิ, โลเก อฏฺาสิ จกฺขุมา.
โสปิ พุทฺโธ อสมสโม, ยุคานิปิ ตานิ อตุลิยานิ;
สพฺพํ ตมนฺตรหิตํ, นนุ ริตฺตา สพฺพสงฺขารา.
ปิยทสฺสี มุนิวโร, อสฺสตฺถารามมฺหิ นิพฺพุโต;
ตตฺเถวสฺส ชินถูโป, ตีณิโยชนมุคฺคโตติ.
ปิยทสฺสิสฺส ภควโต วํโส เตรสโม.