📜
๑๗. ธมฺมทสฺสีพุทฺธวํโส
ตตฺเถว ¶ มณฺฑกปฺปมฺหิ, ธมฺมทสฺสี มหายโส;
ตมนฺธการํ วิธมิตฺวา, อติโรจติ สเทวเก.
ตสฺสาปิ อตุลเตชสฺส, ธมฺมจกฺกปฺปวตฺตเน;
โกฏิสตสหสฺสานํ, ปมาภิสมโย อหุ.
ยทา พุทฺโธ ธมฺมทสฺสี, วิเนสิ สฺชยํ อิสึ;
ตทา นวุติโกฏีนํ, ทุติยาภิสมโย อหุ.
ยทา สกฺโก อุปาคฺฉิ, สปริโส วินายกํ;
ตทา อสีติโกฏีนํ, ตติยาภิสมโย อหุ.
ตสฺสาปิ เทวเทวสฺส, สนฺนิปาตา ตโย อหุํ [อาสุํ (สี. สฺยา.)];
ขีณาสวานํ วิมลานํ, สนฺตจิตฺตาน ตาทินํ.
ยทา พุทฺโธ ธมฺมทสฺสี, สรเณ วสฺสํ อุปาคมิ;
ตทา โกฏิสตสหสฺสานํ [โกฏิสหสฺสานํ (สี. สฺยา. กํ.)], ปโม อาสิ สมาคโม.
ปุนาปรํ ¶ ยทา พุทฺโธ, เทวโต เอติ มานุสํ;
ตทาปิ สตโกฏีนํ, ทุติโย อาสิ สมาคโม.
ปุนาปรํ ¶ ¶ ยทา พุทฺโธ, ปกาเสสิ ธุเต คุเณ;
ตทา อสีติโกฏีนํ, ตติโย อาสิ สมาคโม.
อหํ เตน สมเยน, สกฺโก อาสึ ปุรินฺทโท;
ทิพฺเพน คนฺธมาเลน, ตุริเยนาภิปูชยึ.
โสปิ มํ พุทฺโธ พฺยากาสิ, เทวมชฺเฌ นิสีทิย;
‘‘อฏฺารเส กปฺปสเต, อยํ พุทฺโธ ภวิสฺสติ.
‘‘ปธานํ ปทหิตฺวาน…เป… ¶ เหสฺสาม สมฺมุขา อิมํ’’.
ตสฺสาปิ วจนํ สุตฺวา, ภิยฺโย จิตฺตํ ปสาทยึ;
อุตฺตรึ วตมธิฏฺาสึ, ทสปารมิปูริยา.
สรณํ นาม นครํ, สรโณ นาม ขตฺติโย;
สุนนฺทา นาม ชนิกา, ธมฺมทสฺสิสฺส สตฺถุโน.
อฏฺวสฺสสหสฺสานิ ¶ , อคารํ อชฺฌ โส วสิ;
อรโช วิรโช สุทสฺสโน, ตโย ปาสาทมุตฺตมา.
ติจตฺตารีสสหสฺสานิ [จตฺตาลีสสหสฺสานิ (สฺยา. กํ.)], นาริโย สมลงฺกตา;
วิจิโกฬิ นาม นารี, อตฺรโช ปฺุวฑฺฒโน.
นิมิตฺเต ¶ จตุโร ทิสฺวา, ปาสาเทนาภินิกฺขมิ;
สตฺตาหํ ปธานจารํ, อจรี ปุริสุตฺตโม.
พฺรหฺมุนา ยาจิโต สนฺโต, ธมฺมทสฺสี นราสโภ;
วตฺติ จกฺกํ มหาวีโร, มิคทาเย นรุตฺตโม.
ปทุโม ผุสฺสเทโว จ, อเหสุํ อคฺคสาวกา;
สุเนตฺโต [สุทตฺโต (สฺยา. กํ.)] นามุปฏฺาโก, ธมฺมทสฺสิสฺส สตฺถุโน.
เขมา จ สจฺจนามา จ, อเหสุํ อคฺคสาวิกา;
โพธิ ตสฺส ภควโต, พิมฺพิชาโลติ วุจฺจติ.
สุภทฺโท กฏิสฺสโห เจว, อเหสุํ อคฺคุปฏฺกา;
สาฬิยา [สาลิสา (สฺยา. กํ.)] จ กฬิยา จ, อเหสุํ อคฺคุปฏฺิกา.
โสปิ ¶ พุทฺโธ อสมสโม, อสีติหตฺถมุคฺคโต;
อติโรจติ เตเชน, ทสสหสฺสิมฺหิ ธาตุยา.
สุผุลฺโล ¶ สาลราชาว, วิชฺชูว คคเน ยถา;
มชฺฌนฺหิเกว สูริโย, เอวํ โส อุปโสภถ.
ตสฺสาปิ อตุลเตชสฺส, สมกํ อาสิ ชีวิตํ;
วสฺสสตสหสฺสานิ, โลเก อฏฺาสิ จกฺขุมา.
โอภาสํ ¶ ทสฺสยิตฺวาน, วิมลํ กตฺวาน สาสนํ;
จวิ จนฺโทว คคเน, นิพฺพุโต โส สสาวโก.
ธมฺมทสฺสี มหาวีโร, สาลารามมฺหิ นิพฺพุโต;
ตตฺเถวสฺส ถูปวโร, ตีณิโยชนมุคฺคโตติ.
ธมฺมทสฺสิสฺส ภควโต วํโส ปนฺนรสโม.