📜
๘. โสภิตพุทฺธวํโส
เรวตสฺส ¶ ¶ ¶ อปเรน, โสภิโต นาม นายโก;
สมาหิโต สนฺตจิตฺโต, อสโม อปฺปฏิปุคฺคโล.
โส ชิโน สกเคหมฺหิ, มานสํ วินิวตฺตยิ;
ปตฺวาน เกวลํ โพธึ, ธมฺมจกฺกํ ปวตฺตยิ.
ยาว เหฏฺา อวีจิโต, ภวคฺคา จาปิ อุทฺธโต;
เอตฺถนฺตเร เอกปริสา, อโหสิ ธมฺมเทสเน.
ตาย ปริสาย สมฺพุทฺโธ, ธมฺมจกฺกํ ปวตฺตยิ;
คณนาย น วตฺตพฺโพ, ปมาภิสมโย อหุ.
ตโต ปรมฺปิ เทเสนฺเต, มรูนฺจ สมาคเม;
นวุติโกฏิสหสฺสานํ, ทุติยาภิสมโย อหุ.
ปุนาปรํ ราชปุตฺโต, ชยเสโน นาม ขตฺติโย;
อารามํ โรปยิตฺวาน, พุทฺเธ นิยฺยาทยี ตทา.
ตสฺส ยาคํ ปกิตฺเตนฺโต, ธมฺมํ เทเสสิ จกฺขุมา;
ตทา โกฏิสหสฺสานํ, ตติยาภิสมโย อหุ.
สนฺนิปาตา ตโย อาสุํ, โสภิตสฺส มเหสิโน;
ขีณาสวานํ วิมลานํ, สนฺตจิตฺตาน ตาทินํ.
อุคฺคโต นาม โส ราชา, ทานํ เทติ นรุตฺตเม;
ตมฺหิ ทาเน สมาคฺฉุํ, อรหนฺตา [อรหตํ (ก.)] สตโกฏิโย.
ปุนาปรํ ¶ ปุรคโณ [ปุคคโณ (ก.)], เทติ ทานํ นรุตฺตเม;
ตทา นวุติโกฏีนํ, ทุติโย อาสิ สมาคโม.
เทวโลเก ¶ วสิตฺวาน, ยทา โอโรหตี ชิโน;
ตทา อสีติโกฏีนํ, ตติโย อาสิ สมาคโม.
อหํ เตน สมเยน, สุชาโต นาม พฺราหฺมโณ;
ตทา สสาวกํ พุทฺธํ, อนฺนปาเนน ตปฺปยึ.
โสปิ มํ พุทฺโธ พฺยากาสิ, โสภิโต โลกนายโก;
‘‘อปริเมยฺยิโต กปฺเป, อยํ พุทฺโธ ภวิสฺสติ.
‘‘ปธานํ ¶ ปทหิตฺวาน…เป… ¶ เหสฺสาม สมฺมุขา อิมํ’’.
ตสฺสาปิ วจนํ สุตฺวา, หฏฺโ สํวิคฺคมานโส;
ตเมวตฺถมนุปฺปตฺติยา, อุคฺคํ ธิติมกาสหํ.
สุธมฺมํ นาม นครํ, สุธมฺโม นาม ขตฺติโย;
สุธมฺมา นาม ชนิกา, โสภิตสฺส มเหสิโน.
นววสฺสสหสฺสานิ ¶ ¶ , อคารํ อชฺฌ โส วสิ;
กุมุโท นาฬิโน ปทุโม, ตโย ปาสาทมุตฺตมา.
สตฺตตึสสหสฺสานิ, นาริโย สมลงฺกตา;
มณิลา [มขิลา (อฏฺ.), สมงฺคี (สี.), มกิลา (สฺยา. กํ.)] นาม สา นารี, สีโห นามาสิ อตฺรโช.
นิมิตฺเต จตุโร ทิสฺวา, ปาสาเทนาภินิกฺขมิ;
สตฺตาหํ ปธานจารํ, จริตฺวา ปุริสุตฺตโม.
พฺรหฺมุนา ยาจิโต สนฺโต, โสภิโต โลกนายโก;
วตฺติ จกฺกํ มหาวีโร, สุธมฺมุยฺยานมุตฺตเม.
อสโม จ สุเนตฺโต จ, อเหสุํ อคฺคสาวกา;
อโนโม นามุปฏฺาโก, โสภิตสฺส มเหสิโน.
นกุลา จ สุชาตา จ, อเหสุํ อคฺคสาวิกา;
พุชฺฌมาโน จ โส พุทฺโธ, นาคมูเล อพุชฺฌถ.
รมฺโม เจว สุทตฺโต จ, อเหสุํ อคฺคุปฏฺกา;
นกุลา เจว จิตฺตา จ, อเหสุํ อคฺคุปฏฺิกา.
อฏฺปณฺณาสรตนํ, อจฺจุคฺคโต มหามุนิ;
โอภาเสติ ทิสา สพฺพา, สตรํสีว อุคฺคโต.
ยถา ¶ สุผุลฺลํ ปวนํ, นานาคนฺเธหิ ธูปิตํ;
ตเถว ตสฺส ปาวจนํ, สีลคนฺเธหิ ธูปิตํ.
ยถาปิ สาคโร นาม, ทสฺสเนน อตปฺปิโย;
ตเถว ตสฺส ปาวจนํ, สวเณน อตปฺปิยํ.
นวุติวสฺสสหสฺสานิ ¶ , อายุ วิชฺชติ ตาวเท;
ตาวตา ติฏฺมาโน โส, ตาเรสิ ชนตํ พหุํ.
โอวาทํ อนุสิฏฺิฺจ, ทตฺวาน เสสเก ชเน;
หุตาสโนว ตาเปตฺวา, นิพฺพุโต โส สสาวโก.
โส ¶ จ พุทฺโธ อสมสโม, เตปิ สาวกา พลปฺปตฺตา;
สพฺพํ ตมนฺตรหิตํ, นนุ ริตฺตา สพฺพสงฺขารา.
โสภิโต วรสมฺพุทฺโธ, สีหารามมฺหิ นิพฺพุโต;
ธาตุวิตฺถาริกํ อาสิ, เตสุ เตสุ ปเทสโตติ.
โสภิตสฺส ภควโต วํโส ฉฏฺโ.