📜
อุโปสถาทิปุจฺฉาวิสฺสชฺชนาวณฺณนา
๓๓๒. ‘‘สงฺฆํ, ภนฺเต, ปวาเรมีติอาทิ ปวารณากถา นามา’’ติ คณฺิปเทสุ วุตฺตํ.
อตฺถวสปกรณวณฺณนา
๓๓๔. ปมปาราชิกวณฺณนายเมว วุตฺตนฺติ ‘‘สงฺฆสุฏฺุตายา’’ติอาทีนํ อตฺถวณฺณนํ สนฺธาย วุตฺตํ. ทสกฺขตฺตุํ โยชนาย ปทสตํ วุตฺตนฺติ เอกมูลกนเย ทสกฺขตฺตุํ โยชนาย กตาย สงฺขลิกนเย วุตฺตปเทหิ สทฺธึ ปทสตํ วุตฺตนฺติ เอวมตฺโถ คเหตพฺโพ. อฺถา เอกมูลเก เอว นเย น สกฺกา ปทสตํ ลทฺธุํ. เอกมูลกนเยหิ ปุริมปจฺฉิมปทานิ เอกโต กตฺวา เอเกกสฺมึ วาเร นว นว ปทานิ วุตฺตานีติ ทสกฺขตฺตุํ โยชนาย นวุติ ปทานิเยว ลพฺภนฺติ. ตสฺมา ตานิ นวุติ ปทานิ สงฺขลิกนเย พทฺธจกฺกวเสน โยชิเต ทส ปทานิ ลพฺภนฺตีติ เตหิ สทฺธึ ปทสตนฺติ สกฺกา วตฺตุํ. อิโต อฺถา ปน อุโภสุปิ ¶ นเยสุ วิสุํ วิสุํ อตฺถสตํ ธมฺมสตฺจ ยถา ลพฺภติ, ตถา ปมปาราชิกสํวณฺณนายเมว อมฺเหหิ ทสฺสิตํ, ตํ ตตฺถ วุตฺตนเยเนว คเหตพฺพํ. ปุริมปจฺฉิมปทานิ เอกตฺเตน คเหตฺวา ‘‘ปทสต’’นฺติ วุตฺตตฺตา ‘‘ตตฺถ ปจฺฉิมสฺส ปจฺฉิมสฺส ปทสฺส วเสน อตฺถสตํ, ปุริมสฺส ปุริมสฺส วเสน ธมฺมสต’’นฺติ วุตฺตํ. ตสฺมึ ปทสเต ‘‘สงฺฆสุฏฺู’’ติอาทินา วุตฺตปุริมปทานํ วเสน ธมฺมสตํ, ‘‘สงฺฆผาสู’’ติอาทินา วุตฺตปจฺฉิมปทานํ วเสน อตฺถสตนฺติ อธิปฺปาโย.
มหาวคฺควณฺณนา นิฏฺิตา.