📜
นโม ตสฺส ภควโต อรหโต สมฺมาสมฺพุทฺธสฺส
วินยปิฏเก
วินยสงฺคห-อฏฺกถา
คนฺถารมฺภกถา
วตฺถุตฺตยํ ¶ ¶ นมสฺสิตฺวา, สรณํ สพฺพปาณินํ;
วินเย ปาฏวตฺถาย, โยคาวจรภิกฺขุนํ.
วิปฺปกิณฺณมเนกตฺถ, ปาฬิมุตฺตวินิจฺฉยํ;
สมาหริตฺวา เอกตฺถ, ทสฺสยิสฺสมนากุลํ.
ตตฺรายํ มาติกา –
‘‘ทิวาเสยฺยา ปริกฺขาโร, เภสชฺชกรณมฺปิ จ;
ปริตฺตํ ปฏิสนฺถาโร, วิฺตฺติ กุลสงฺคโห.
‘‘มจฺฉมํสํ ¶ อนามาสํ, อธิฏฺานวิกปฺปนํ;
จีวเรนวินาวาโส, ภณฺฑสฺส ปฏิสามนํ.
‘‘กยวิกฺกยสมาปตฺติ, รูปิยาทิปฏิคฺคโห;
ทานวิสฺสาสคฺคาเหหิ, ลาภสฺส ปริณามนํ.
‘‘ปถวี ภูตคาโม จ, ทุวิธํ สหเสยฺยกํ;
วิหาเร สงฺฆิเก เสยฺยํ, สนฺถริตฺวาน ปกฺกโม.
‘‘กาลิกานิปิ จตฺตาริ, กปฺปิยา จตุภูมิโย;
ขาทนียาทิปฏิคฺคาโห, ปฏิกฺเขปปวารณา.
‘‘ปพฺพชฺชา นิสฺสโย สีมา, อุโปสถปวารณํ;
วสฺสูปนายิกา วตฺตํ, จตุปจฺจยภาชนํ.
‘‘กถินํ ครุภณฺฑานิ, โจทนาทิวินิจฺฉโย;
ครุกาปตฺติวุฏฺานํ, กมฺมากมฺมํ ปกิณฺณก’’นฺติ.