ਮੂਲ > ਸੁਤ੍ਤਪਿਟਕ > ਖੁਦ੍ਦਕਨਿਕਾਯ

[ਕਿਮਗ੍ਘਤੀ ਤਣ੍ਡੁਲਨਾਲ਼ਿਕਾ ਚ, ਬਾਰਾਣਸੀ ਅਨ੍ਤਰਬਾਹਿਰਾਨਿ; ਅਸ੍ਸਪਞ੍ਚਸਤੇ ਤਾਨਿ, ਏਕਾ ਤਣ੍ਡੁਲਨਾਲ਼ਿਕਾਤਿ; (ਸ੍ਯਾ.)] ਕਿਮਗ੍ਘਤਿ ਤਣ੍ਡੁਲਨਾਲ਼ਿਕਾਯ, ਅਸ੍ਸਾਨ ਮੂਲਾਯ ਵਦੇਹਿ ਰਾਜ [ਨਾਲ਼ਿਕਾ ਚ (ਸੀ.), ਨਾਲ਼ਿਕਾਯ (ਕ. ਸੀ. ਅਟ੍ਠ.)];

ਬਾਰਾਣਸਿਂ ਸਨ੍ਤਰਬਾਹਿਰਤੋ [ਬਾਹਿਰਨ੍ਤਂ (ਸੀ.)], ਅਯਮਗ੍ਘਤਿ ਤਣ੍ਡੁਲਨਾਲ਼ਿਕਾਤਿ [ਕਿਮਗ੍ਘਤੀ ਵਣ੍ਡੁਲਨਾਲ਼ਿਕਾ ਚ, ਬਾਰਾਣਸੀ ਅਨ੍ਤਰਬਾਹਿਰਾਨਿ; ਅਸ੍ਸਪਞ੍ਚਸਤੇ ਤਾਨਿ, ਏਕਾ ਤਣ੍ਡੁਲਨਾਲ਼ਿਕਾਤਿ; (ਸ੍ਯਾ.)].

ਹਿਰਿਓਤ੍ਤਪ੍ਪਸਮ੍ਪਨ੍ਨਾ ¶ , ਸੁਕ੍ਕਧਮ੍ਮਸਮਾਹਿਤਾ;

ਸਨ੍ਤੋ ਸਪ੍ਪੁਰਿਸਾ ਲੋਕੇ, ਦੇਵਧਮ੍ਮਾਤਿ ਵੁਚ੍ਚਰੇਤਿ.

ਪੁਤ੍ਤੋ ਤ੍ਯਾਹਂ ਮਹਾਰਾਜ, ਤ੍ਵਂ ਮਂ ਪੋਸ ਜਨਾਧਿਪ;

ਅਞ੍ਞੇਪਿ ਦੇਵੋ ਪੋਸੇਤਿ, ਕਿਞ੍ਚ [ਕਿਞ੍ਚਿ (ਕ.)] ਦੇਵੋ ਸਕਂ ਪਜਨ੍ਤਿ.

ਕਟ੍ਠਹਾਰਿ [ਕਟ੍ਠਵਾਹਨ (ਕ.)] ਜਾਤਕਂ ਸਤ੍ਤਮਂ.

ਅਪਿ ¶ ¶ ਅਤਰਮਾਨਾਨਂ, ਫਲਾਸਾਵ ਸਮਿਜ੍ਝਤਿ;

ਵਿਪਕ੍ਕਬ੍ਰਹ੍ਮਚਰਿਯੋਸ੍ਮਿ, ਏਵਂ ਜਾਨਾਹਿ ਗਾਮਣੀਤਿ.

ਉਤ੍ਤਮਙ੍ਗਰੁਹਾ ਮਯ੍ਹਂ, ਇਮੇ ਜਾਤਾ ਵਯੋਹਰਾ;

ਪਾਤੁਭੂਤਾ ਦੇਵਦੂਤਾ, ਪਬ੍ਬਜ੍ਜਾਸਮਯੋ ਮਮਾਤਿ.

ਮਘਦੇਵ [ਮਖਾਦੇਵ (ਸੀ. ਪੀ.), ਦੇਵਦੂਤ (ਕ.)] ਜਾਤਕਂ ਨਵਮਂ.

ਯਞ੍ਚ ¶ ਅਞ੍ਞੇ ਨ ਰਕ੍ਖਨ੍ਤਿ, ਯੋ ਚ ਅਞ੍ਞੇ ਨ ਰਕ੍ਖਤਿ;

ਸ ਵੇ ਰਾਜ ਸੁਖਂ ਸੇਤਿ, ਕਾਮੇਸੁ ਅਨਪੇਕ੍ਖਵਾਤਿ.

ਵਰਾਪਣ੍ਣਕ ਵਣ੍ਣੁਪਥ ਸੇਰਿਵਰੋ, ਸੁਵਿਚਕ੍ਖਣ ਤਣ੍ਡੁਲਨਾਲ਼ਿਕਸ੍ਸਾ;

ਹਿਰਿ ਪੁਤ੍ਤਵਰੁਤ੍ਤਗਾਮਣਿਨਾ, ਯੋ ਚ ਨ ਰਕ੍ਖਤਿ ਤੇਨ ਦਸਾਤਿ.

ਹੋਤਿ ਸੀਲਵਤਂ ਅਤ੍ਥੋ, ਪਟਿਸਨ੍ਥਾਰ [ਪਟਿਸਨ੍ਧਾਰ (ਕ.)] ਵੁਤ੍ਤਿਨਂ;

ਲਕ੍ਖਣਂ ਪਸ੍ਸ ਆਯਨ੍ਤਂ, ਞਾਤਿਸਙ੍ਘਪੁਰਕ੍ਖਤਂ [ਪੁਰਕ੍ਖਿਤਂ (ਸ੍ਯਾ.), ਪੁਰੇਕ੍ਖਿਤਂ (ਕ.)];

ਅਥ ਪਸ੍ਸਸਿਮਂ ਕਾਲ਼ਂ, ਸੁਵਿਹੀਨਂਵ ਞਾਤਿਭੀਤਿ.

ਨਿਗ੍ਰੋਧਮੇਵ ¶ ¶ ¶ ਸੇਵੇਯ੍ਯ, ਨ ਸਾਖਮੁਪਸਂਵਸੇ;

ਨਿਗ੍ਰੋਧਸ੍ਮਿਂ ਮਤਂ ਸੇਯ੍ਯੋ, ਯਞ੍ਚੇ ਸਾਖਸ੍ਮਿ [ਸਾਖਸ੍ਮਿਂ (ਸੀ. ਪੀ.)] ਜੀਵਿਤਨ੍ਤਿ.

ਧਿਰਤ੍ਥੁ ਕਣ੍ਡਿਨਂ ਸਲ੍ਲਂ, ਪੁਰਿਸਂ ਗਾਲ਼੍ਹਵੇਧਿਨਂ;

ਧਿਰਤ੍ਥੁ ਤਂ ਜਨਪਦਂ, ਯਤ੍ਥਿਤ੍ਥੀ ਪਰਿਣਾਯਿਕਾ;

ਤੇ ਚਾਪਿ ਧਿਕ੍ਕਿਤਾ [ਧਿਕ੍ਕਤਾ (?)] ਸਤ੍ਤਾ, ਯੇ ਇਤ੍ਥੀਨਂ ਵਸਂਗਤਾਤਿ.

ਨ ਕਿਰਤ੍ਥਿ ਰਸੇਹਿ ਪਾਪਿਯੋ, ਆਵਾਸੇਹਿ ਵ [ਵਾ (ਸਬ੍ਬਤ੍ਥ)] ਸਨ੍ਥਵੇਹਿ ਵਾ;

ਵਾਤਮਿਗਂ ਗਹਨਨਿਸ੍ਸਿਤਂ [ਗੇਹਨਿਸ੍ਸਿਤਂ (ਸੀ. ਪੀ.)], ਵਸਮਾਨੇਸਿ ਰਸੇਹਿ ਸਞ੍ਜਯੋਤਿ.

ਅਟ੍ਠਕ੍ਖੁਰਂ ਖਰਾਦਿਯੇ, ਮਿਗਂ ਵਙ੍ਕਾਤਿਵਙ੍ਕਿਨਂ;

ਸਤ੍ਤਹਿ ¶ ਕਾਲਾਤਿਕ੍ਕਨ੍ਤਂ [ਸਤ੍ਤਹਿ ਕਲਾਹ’ਤਿਕ੍ਕਨ੍ਤਂ (ਸੀ.), ਸਤ੍ਤਕਾਲੇਹ’ਤਿਕ੍ਕਨ੍ਤਂ (ਸ੍ਯਾ.), ਸਤ੍ਤਹਿ ਕਾਲਾਹ’ਤਿਕ੍ਕਨ੍ਤਂ (ਪੀ.)], ਨ ਨਂ ਓਵਦਿਤੁਸ੍ਸਹੇਤਿ.

ਮਿਗਂ ¶ ਤਿਪਲ੍ਲਤ੍ਥ [ਤਿਪਲ੍ਲਤ੍ਤ (ਕ.)] ਮਨੇਕਮਾਯਂ, ਅਟ੍ਠਕ੍ਖੁਰਂ ਅਡ੍ਢਰਤ੍ਤਾਪਪਾਯਿਂ [ਅਡ੍ਢਰਤ੍ਤਾਵਪਾਯਿਂ (ਸੀ. ਪੀ.)];

ਏਕੇਨ ਸੋਤੇਨ ਛਮਾਸ੍ਸਸਨ੍ਤੋ, ਛਹਿ ਕਲਾਹਿਤਿਭੋਤਿ [ਕਲਾਹਤਿਭੋਤਿ (ਸੀ. ਸ੍ਯਾ. ਪੀ.)] ਭਾਗਿਨੇਯ੍ਯੋਤਿ.

ਕਾਲ਼ੇ ¶ ਵਾ ਯਦਿ ਵਾ ਜੁਣ੍ਹੇ, ਯਦਾ ਵਾਯਤਿ ਮਾਲੁਤੋ;

ਵਾਤਜਾਨਿ ਹਿ ਸੀਤਾਨਿ, ਉਭੋਤ੍ਥਮਪਰਾਜਿਤਾਤਿ.

ਏਵਂ ਚੇ ਸਤ੍ਤਾ ਜਾਨੇਯ੍ਯੁਂ, ਦੁਕ੍ਖਾਯਂ ਜਾਤਿਸਮ੍ਭਵੋ;

ਨ ਪਾਣੋ ਪਾਣਿਨਂ ਹਞ੍ਞੇ, ਪਾਣਘਾਤੀ ਹਿ ਸੋਚਤੀਤਿ.

ਸਚੇ ¶ ਮੁਚ੍ਚੇ [ਮੁਞ੍ਚੇ (ਸੀ. ਸ੍ਯਾ. ਪੀ.)] ਪੇਚ੍ਚ ਮੁਚ੍ਚੇ [ਮੁਞ੍ਚੇ (ਸੀ. ਸ੍ਯਾ. ਪੀ.)], ਮੁਚ੍ਚਮਾਨੋ ਹਿ ਬਜ੍ਝਤਿ;

ਨ ਹੇਵਂ ਧੀਰਾ ਮੁਚ੍ਚਨ੍ਤਿ, ਮੁਤ੍ਤਿ ਬਾਲਸ੍ਸ ਬਨ੍ਧਨਨ੍ਤਿ.

ਦਿਸ੍ਵਾ ਪਦਮਨੁਤ੍ਤਿਣ੍ਣਂ, ਦਿਸ੍ਵਾਨੋਤਰਿਤਂ ਪਦਂ;

ਨਲ਼ੇਨ ਵਾਰਿਂ ਪਿਸ੍ਸਾਮ [ਪਿਵਿਸ੍ਸਾਮ (ਸੀ. ਸ੍ਯਾ. ਪੀ.)], ਨੇਵ [ਨ ਚ (ਕ.)] ਮਂ ਤ੍ਵਂ ਵਧਿਸ੍ਸਸੀਤਿ.

ਅਥ ¶ ਲਕ੍ਖਣ ਸਾਖ ਧਿਰਤ੍ਥੁ ਪੁਨ, ਨ ਕਿਰਤ੍ਥਿ ਰਸੇਹਿ ਖਰਾਦਿਯਾ;

ਅਤਿਭੋਤਿ ਵਰ [ਰਸ (ਸਬ੍ਬਤ੍ਥ)] ਮਾਲੁਤ ਪਾਣ, ਮੁਚ੍ਚੇਨ ਨਲ਼ਅਵ੍ਹਯਨੇਨ ਭਵਨ੍ਤਿ ਦਸਾਤਿ.

ਞਾਤਮੇਤਂ ¶ ਕੁਰੁਙ੍ਗਸ੍ਸ, ਯਂ ਤ੍ਵਂ ਸੇਪਣ੍ਣਿ ਸਿਯ੍ਯਸਿ [ਸੇਯ੍ਯਸਿ (ਸੀ. ਸ੍ਯਾ. ਪੀ.)];

ਅਞ੍ਞਂ ¶ ਸੇਪਣ੍ਣਿ ਗਚ੍ਛਾਮਿ, ਨ ਮੇ ਤੇ ਰੁਚ੍ਚਤੇ ਫਲਨ੍ਤਿ.

ਯੇ ਕੁਕ੍ਕੁਰਾ ਰਾਜਕੁਲਮ੍ਹਿ ਵਦ੍ਧਾ, ਕੋਲੇਯ੍ਯਕਾ ਵਣ੍ਣਬਲੂਪਪਨ੍ਨਾ;

ਤੇਮੇ ਨ ਵਜ੍ਝਾ ਮਯਮਸ੍ਮ ਵਜ੍ਝਾ, ਨਾਯਂ ਸਘਚ੍ਚਾ ਦੁਬ੍ਬਲਘਾਤਿਕਾਯਨ੍ਤਿ.

ਅਪਿ ਪਸ੍ਸੇਨ ਸੇਮਾਨੋ, ਸਲ੍ਲੇਭਿ ਸਲ੍ਲਲੀਕਤੋ;

ਸੇਯ੍ਯੋਵ ਵਲ਼ਵਾ ਗੋਜੋ [ਭੋਜ੍ਜੋ (ਸੀ.), ਭੋਜ੍ਝੋ (ਸ੍ਯਾ. ਪੀ.)], ਯੁਞ੍ਜ ਮਞ੍ਞੇਵ ਸਾਰਥੀਤਿ.

ਗੋਜਾਨੀਯ [ਭੋਜਾਜਾਨੀਯ (ਸੀ. ਸ੍ਯਾ. ਪੀ.)] ਜਾਤਕਂ ਤਤਿਯਂ.

ਯਦਾ ਯਦਾ ਯਤ੍ਥ ਯਦਾ, ਯਤ੍ਥ ਯਤ੍ਥ ਯਦਾ ਯਦਾ;

ਆਜਞ੍ਞੋ ਕੁਰੁਤੇ ਵੇਗਂ, ਹਾਯਨ੍ਤਿ ਤਤ੍ਥ ਵਾਲ਼ਵਾਤਿ.

ਅਞ੍ਞਮਞ੍ਞੇਹਿ ¶ ¶ ਤਿਤ੍ਥੇਹਿ, ਅਸ੍ਸਂ ਪਾਯੇਹਿ ਸਾਰਥਿ;

ਅਚ੍ਚਾਸਨਸ੍ਸ ਪੁਰਿਸੋ, ਪਾਯਾਸਸ੍ਸਪਿ ਤਪ੍ਪਤੀਤਿ.

ਪੁਰਾਣਚੋਰਾਨ ¶ ਵਚੋ ਨਿਸਮ੍ਮ, ਮਹਿਲ਼ਾਮੁਖੋ ਪੋਥਯਮਨ੍ਵਚਾਰੀ;

ਸੁਸਞ੍ਞਤਾਨਞ੍ਹਿ ਵਚੋ ਨਿਸਮ੍ਮ, ਗਜੁਤ੍ਤਮੋ ਸਬ੍ਬਗੁਣੇਸੁ ਅਟ੍ਠਾਤਿ.

ਨਾਲਂ ਕਬਲ਼ਂ ਪਦਾਤਵੇ, ਨ ਚ ਪਿਣ੍ਡਂ ਨ ਕੁਸੇ ਨ ਘਂਸਿਤੁਂ;

ਮਞ੍ਞਾਮਿ ਅਭਿਣ੍ਹਦਸ੍ਸਨਾ, ਨਾਗੋ ਸ੍ਨੇਹਮਕਾਸਿ [ਸਿਨੇਹਮਕਾਸਿ (ਸੀ. ਸ੍ਯਾ. ਪੀ.)] ਕੁਕ੍ਕੁਰੇਤਿ.

ਮਨੁਞ੍ਞਮੇਵ ¶ ਭਾਸੇਯ੍ਯ, ਨਾਮਨੁਞ੍ਞਂ ਕੁਦਾਚਨਂ;

ਮਨੁਞ੍ਞਂ ਭਾਸਮਾਨਸ੍ਸ, ਗਰੁਂ ਭਾਰਂ ਉਦਦ੍ਧਰਿ;

ਧਨਞ੍ਚ ਨਂ ਅਲਾਭੇਸਿ, ਤੇਨ ਚਤ੍ਤਮਨੋ ਅਹੂਤਿ.

ਯਤੋ ਯਤੋ ਗਰੁ ਧੁਰਂ, ਯਤੋ ਗਮ੍ਭੀਰਵਤ੍ਤਨੀ;

ਤਦਾਸ੍ਸੁ ਕਣ੍ਹਂ ਯੁਞ੍ਜਨ੍ਤਿ, ਸ੍ਵਾਸ੍ਸੁ ਤਂ ਵਹਤੇ ਧੁਰਨ੍ਤਿ.

ਮਾ ¶ ਮੁਨਿਕਸ੍ਸ ਪਿਹਯਿ, ਆਤੁਰਨ੍ਨਾਨਿ ਭੁਞ੍ਜਤਿ;

ਅਪ੍ਪੋਸ੍ਸੁਕ੍ਕੋ ਭੁਸਂ ਖਾਦ, ਏਤਂ ਦੀਘਾਯੁਲਕ੍ਖਣਨ੍ਤਿ.

ਕੁਰੁਙ੍ਗਸ੍ਸ ¶ ਕੁਕ੍ਕੁਰਗੋਜਵਰੋ, ਪੁਨ ਵਾਲ਼ਵਸ੍ਸਸਿਰਿਵ੍ਹਯਨੋ [ਸਿਰਿਵਯਨੋ (ਸਬ੍ਬਤ੍ਥ)];

ਮਹਿਲ਼ਾਮੁਖਨਾਮਨੁਞ੍ਞਵਰੋ, ਵਹਤੇ ਧੁਰ ਮੁਨਿਕੇਨ ਦਸਾਤਿ.

ਕੁਲਾਵਕਾ ¶ ਮਾਤਲਿ ਸਿਮ੍ਬਲਿਸ੍ਮਿਂ, ਈਸਾਮੁਖੇਨ ਪਰਿਵਜ੍ਜਯਸ੍ਸੁ;

ਕਾਮਂ ਚਜਾਮ ਅਸੁਰੇਸੁ ਪਾਣਂ, ਮਾ ਮੇ ਦਿਜਾ ਵਿਕ੍ਕੁਲਵਾ [ਮਾਯਿਮੇ ਦਿਜਾ ਵਿਕੁਲਾਵਾ (ਸੀ. ਸ੍ਯਾ. ਪੀ.)] ਅਹੇਸੁਨ੍ਤਿ.

ਰੁਦਂ ਮਨੁਞ੍ਞਂ ਰੁਚਿਰਾ ਚ ਪਿਟ੍ਠਿ, ਵੇਲ਼ੁਰਿਯਵਣ੍ਣੂਪਨਿਭਾ [ਵਣ੍ਣੂਪਟਿਭਾ (ਸ੍ਯਾ.), ਵਣ੍ਣਸਨ੍ਨਿਭਾ (ਕ.)] ਚ ਗੀਵਾ;

ਬ੍ਯਾਮਮਤ੍ਤਾਨਿ ਚ ਪੇਖੁਣਾਨਿ, ਨਚ੍ਚੇਨ ਤੇ ਧੀਤਰਂ ਨੋ ਦਦਾਮੀਤਿ.

ਸਮ੍ਮੋਦਮਾਨਾ ¶ ਗਚ੍ਛਨ੍ਤਿ, ਜਾਲਮਾਦਾਯ ਪਕ੍ਖਿਨੋ;

ਯਦਾ ਤੇ ਵਿਵਦਿਸ੍ਸਨ੍ਤਿ, ਤਦਾ ਏਹਿਨ੍ਤਿ ਮੇ ਵਸਨ੍ਤਿ.

ਨ ¶ ਮਂ ਸੀਤਂ ਨ ਮਂ ਉਣ੍ਹਂ, ਨ ਮਂ ਜਾਲਸ੍ਮਿ ਬਾਧਨਂ;

ਯਞ੍ਚ ਮਂ ਮਞ੍ਞਤੇ ਮਚ੍ਛੀ, ਅਞ੍ਞਂ ਸੋ ਰਤਿਯਾ ਗਤੋਤਿ.

ਸਨ੍ਤਿ ¶ ਪਕ੍ਖਾ ਅਪਤਨਾ, ਸਨ੍ਤਿ ਪਾਦਾ ਅਵਞ੍ਚਨਾ;

ਮਾਤਾਪਿਤਾ ਚ ਨਿਕ੍ਖਨ੍ਤਾ, ਜਾਤਵੇਦ ਪਟਿਕ੍ਕਮਾਤਿ.

ਯਂ ਨਿਸ੍ਸਿਤਾ ਜਗਤਿਰੁਹਂ ਵਿਹਙ੍ਗਮਾ, ਸ੍ਵਾਯਂ ਅਗ੍ਗਿਂ ਪਮੁਞ੍ਚਤਿ;

ਦਿਸਾ ਭਜਥ ਵਕ੍ਕਙ੍ਗਾ [ਵਙ੍ਕਙ੍ਗਾ (ਸ੍ਯਾ.)], ਜਾਤਂ ਸਰਣਤੋ ਭਯਨ੍ਤਿ.

ਯੇ ਵੁਡ੍ਢ [ਵਦ੍ਧ (ਸੀ. ਪੀ.)] ਮਪਚਾਯਨ੍ਤਿ, ਨਰਾ ਧਮ੍ਮਸ੍ਸ ਕੋਵਿਦਾ;

ਦਿਟ੍ਠੇਵ ਧਮ੍ਮੇ ਪਾਸਂਸਾ, ਸਮ੍ਪਰਾਯੇ ਚ ਸੁਗ੍ਗਤੀਤਿ.

ਨਾਚ੍ਚਨ੍ਤਂ ¶ ਨਿਕਤਿਪ੍ਪਞ੍ਞੋ, ਨਿਕਤ੍ਯਾ ਸੁਖਮੇਧਤਿ;

ਆਰਾਧੇਤਿ ਨਿਕਤਿਪ੍ਪਞ੍ਞੋ [ਆਰਾਧੇ ਨਿਕਤਿਪ੍ਪਞ੍ਞੋ (ਪੀ.)], ਬਕੋ ਕਕ੍ਕਟਕਾਮਿਵਾਤਿ.

ਮਞ੍ਞੇ ¶ ਸੋਵਣ੍ਣਯੋ ਰਾਸਿ, ਸੋਣ੍ਣਮਾਲਾ ਚ ਨਨ੍ਦਕੋ;

ਯਤ੍ਥ ਦਾਸੋ ਆਮਜਾਤੋ, ਠਿਤੋ ਥੁਲ੍ਲਾਨਿ [ਥੂਲਾਨਿ (ਕ.)] ਗਜ੍ਜਤੀਤਿ.

ਕਾਮਂ ¶ ਪਤਾਮਿ ਨਿਰਯਂ, ਉਦ੍ਧਂਪਾਦੋ ਅਵਂਸਿਰੋ;

ਨਾਨਰਿਯਂ ਕਰਿਸ੍ਸਾਮਿ, ਹਨ੍ਦ ਪਿਣ੍ਡਂ ਪਟਿਗ੍ਗਹਾਤਿ.

ਸਿਰਿਮਾਤਲਿ ਧੀਤਰ ਪਕ੍ਖਿਵਰੋ, ਰਤਿਯਾਗਤੋ ਮਾਤਾਪਿਤਾ ਚ ਪੁਨ;

ਜਗਤੀਰੁਹ ਵੁਡ੍ਢ ਸੁਕਕ੍ਕਟਕੋ, ਤਥਾ ਨਨ੍ਦਕਪਿਣ੍ਡਵਰੇਨ ਦਸਾਤਿ.

ਯੋ ¶ ਅਤ੍ਥਕਾਮਸ੍ਸ ਹਿਤਾਨੁਕਮ੍ਪਿਨੋ, ਓਵਜ੍ਜਮਾਨੋ ਨ ਕਰੋਤਿ ਸਾਸਨਂ;

ਅਜਿਯਾ ਪਾਦਮੋਲਮ੍ਬ [ਪਾਦਮੋਲੁਮ੍ਬ (ਸੀ. ਸ੍ਯਾ. ਪੀ.)], ਮਿਤ੍ਤਕੋ ਵਿਯ ਸੋਚਤੀਤਿ.

ਯੋ ¶ ਅਤ੍ਥਕਾਮਸ੍ਸ ਹਿਤਾਨੁਕਮ੍ਪਿਨੋ, ਓਵਜ੍ਜਮਾਨੋ ਨ ਕਰੋਤਿ ਸਾਸਨਂ;

ਕਪੋਤਕਸ੍ਸ ਵਚਨਂ ਅਕਤ੍ਵਾ, ਅਮਿਤ੍ਤਹਤ੍ਥਤ੍ਥਗਤੋਵ ਸੇਤੀਤਿ.

ਯੋ ਅਤ੍ਥਕਾਮਸ੍ਸ ਹਿਤਾਨੁਕਮ੍ਪਿਨੋ, ਓਵਜ੍ਜਮਾਨੋ ਨ ਕਰੋਤਿ ਸਾਸਨਂ;

ਏਵਂ ਸੋ ਨਿਹਤੋ ਸੇਤਿ, ਵੇਲ਼ੁਕਸ੍ਸ ਯਥਾ ਪਿਤਾਤਿ.

ਸੇਯ੍ਯੋ ¶ ¶ ਅਮਿਤ੍ਤੋ ਮਤਿਯਾ ਉਪੇਤੋ, ਨ ਤ੍ਵੇਵ ਮਿਤ੍ਤੋ ਮਤਿਵਿਪ੍ਪਹੀਨੋ;

ਮਕਸਂ ਵਧਿਸ੍ਸਨ੍ਤਿ ਹਿ ਏਲ਼ਮੂਗੋ, ਪੁਤ੍ਤੋ ਪਿਤੁ ਅਬ੍ਭਿਦਾ ਉਤ੍ਤਮਙ੍ਗਨ੍ਤਿ.

ਸੇਯ੍ਯੋ ਅਮਿਤ੍ਤੋ ਮੇਧਾਵੀ, ਯਞ੍ਚੇ ਬਾਲਾਨੁਕਮ੍ਪਕੋ;

ਪਸ੍ਸ ਰੋਹਿਣਿਕਂ ਜਮ੍ਮਿਂ, ਮਾਤਰਂ ਹਨ੍ਤ੍ਵਾਨ ਸੋਚਤੀਤਿ.

ਨ ਵੇ ਅਨਤ੍ਥਕੁਸਲੇਨ, ਅਤ੍ਥਚਰਿਯਾ ਸੁਖਾਵਹਾ;

ਹਾਪੇਤਿ ਅਤ੍ਥਂ ਦੁਮ੍ਮੇਧੋ, ਕਪਿ ਆਰਾਮਿਕੋ ਯਥਾਤਿ.

ਨ ¶ ਵੇ ਅਨਤ੍ਥਕੁਸਲੇਨ, ਅਤ੍ਥਚਰਿਯਾ ਸੁਖਾਵਹਾ;

ਹਾਪੇਤਿ ਅਤ੍ਥਂ ਦੁਮ੍ਮੇਧੋ, ਕੋਣ੍ਡਞ੍ਞੋ ਵਾਰੁਣਿਂ ਯਥਾਤਿ.

ਅਨੁਪਾਯੇਨ ¶ ਯੋ ਅਤ੍ਥਂ, ਇਚ੍ਛਤਿ ਸੋ ਵਿਹਞ੍ਞਤਿ;

ਚੇਤਾ ਹਨਿਂਸੁ ਵੇਦਬ੍ਬਂ [ਵੇਦਬ੍ਭਂ (ਸੀ. ਪੀ.)], ਸਬ੍ਬੇ ਤੇ ਬ੍ਯਸਨਮਜ੍ਝਗੂਤਿ.

ਵੇਦਬ੍ਬ [ਵੇਦਬ੍ਭ (ਸੀ. ਪੀ.)] ਜਾਤਕਂ ਅਟ੍ਠਮਂ.

ਨਕ੍ਖਤ੍ਤਂ ¶ ਪਟਿਮਾਨੇਨ੍ਤਂ, ਅਤ੍ਥੋ ਬਾਲਂ ਉਪਚ੍ਚਗਾ;

ਅਤ੍ਥੋ ਅਤ੍ਥਸ੍ਸ ਨਕ੍ਖਤ੍ਤਂ, ਕਿਂ ਕਰਿਸ੍ਸਨ੍ਤਿ ਤਾਰਕਾਤਿ.

ਦੁਮ੍ਮੇਧਾਨਂ ਸਹਸ੍ਸੇਨ, ਯਞ੍ਞੋ ਮੇ ਉਪਯਾਚਿਤੋ;

ਇਦਾਨਿ ਖੋਹਂ ਯਜਿਸ੍ਸਾਮਿ, ਬਹੁ [ਬਹੂ (ਸੀ. ਪੀ.), ਬਹੁਂ (ਕ.)] ਅਧਮ੍ਮਿਕੋ ਜਨੋਤਿ.

ਅਥ ਮਿਤ੍ਤਕ ਮਾਤੁ ਕਪੋਤਵਰੋ, ਤਥਾ ਵੇਲ਼ੂਕ ਏਲ਼ਮੂਗੋ ਰੋਹਿਣੀ;

ਕਪਿ ¶ ਵਾਰੁਣਿ ਚੇਤਚਰਾ ਚ ਪੁਨ, ਤਥਾ ਤਾਰਕ ਯਞ੍ਞਵਰੇਨ ਦਸਾਤਿ.

ਆਸੀਸੇਥੇਵ ¶ [ਆਸਿਂਸੇਥੇਵ (ਸੀ. ਸ੍ਯਾ. ਪੀ.)] ਪੁਰਿਸੋ, ਨ ਨਿਬ੍ਬਿਨ੍ਦੇਯ੍ਯ ਪਣ੍ਡਿਤੋ;

ਪਸ੍ਸਾਮਿ ਵੋਹਂ ਅਤ੍ਤਾਨਂ, ਯਥਾ ਇਚ੍ਛਿਂ ਤਥਾ ਅਹੂਤਿ.

ਵਾਯਮੇਥੇਵ ਪੁਰਿਸੋ, ਨ ਨਿਬ੍ਬਿਨ੍ਦੇਯ੍ਯ ਪਣ੍ਡਿਤੋ;

ਪਸ੍ਸਾਮਿ ਵੋਹਂ ਅਤ੍ਤਾਨਂ, ਉਦਕਾ ਥਲਮੁਬ੍ਭਤਨ੍ਤਿ.

ਤਥੇਵ ¶ ਪੁਣ੍ਣਾ ਪਾਤਿਯੋ, ਅਞ੍ਞਾਯਂ ਵਤ੍ਤਤੇ ਕਥਾ;

ਆਕਾਰਣੇਨ [ਆਕਾਰਕੇਨ (ਸੀ. ਸ੍ਯਾ. ਪੀ.)] ਜਾਨਾਮਿ, ਨ ਚਾਯਂ ਭਦ੍ਦਿਕਾ ਸੁਰਾਤਿ.

ਨਾਯਂ ¶ ਰੁਕ੍ਖੋ ਦੁਰਾਰੁਹੋ, ਨਪਿ ਗਾਮਤੋ ਆਰਕਾ;

ਆਕਾਰਣੇਨ ਜਾਨਾਮਿ, ਨਾਯਂ ਸਾਦੁਫਲੋ ਦੁਮੋਤਿ.

ਯੋ ਅਲੀਨੇਨ ਚਿਤ੍ਤੇਨ, ਅਲੀਨਮਨਸੋ ਨਰੋ;

ਭਾਵੇਤਿ ਕੁਸਲਂ ਧਮ੍ਮਂ, ਯੋਗਕ੍ਖੇਮਸ੍ਸ ਪਤ੍ਤਿਯਾ;

ਪਾਪੁਣੇ ਅਨੁਪੁਬ੍ਬੇਨ, ਸਬ੍ਬਸਂਯੋਜਨਕ੍ਖਯਨ੍ਤਿ.

ਯੋ ¶ ਪਹਟ੍ਠੇਨ ਚਿਤ੍ਤੇਨ, ਪਹਟ੍ਠਮਨਸੋ ਨਰੋ;

ਭਾਵੇਤਿ ਕੁਸਲਂ ਧਮ੍ਮਂ, ਯੋਗਕ੍ਖੇਮਸ੍ਸ ਪਤ੍ਤਿਯਾ;

ਪਾਪੁਣੇ ਅਨੁਪੁਬ੍ਬੇਨ, ਸਬ੍ਬਸਂਯੋਜਨਕ੍ਖਯਨ੍ਤਿ.

ਯਸ੍ਸੇਤੇ ਚਤੁਰੋ ਧਮ੍ਮਾ, ਵਾਨਰਿਨ੍ਦ ਯਥਾ ਤਵ;

ਸਚ੍ਚਂ ਧਮ੍ਮੋ ਧਿਤਿ [ਧਿਤੀ (ਸੀ. ਪੀ.)] ਚਾਗੋ, ਦਿਟ੍ਠਂ ਸੋ ਅਤਿਵਤ੍ਤਤੀਤਿ.

ਯਸ੍ਸੇਤੇ ¶ ¶ ਚ [ਯਸ੍ਸ ਏਤੇ (ਸੀ. ਪੀ.)] ਤਯੋ ਧਮ੍ਮਾ, ਵਾਨਰਿਨ੍ਦ ਯਥਾ ਤਵ;

ਦਕ੍ਖਿਯਂ ਸੂਰਿਯਂ ਪਞ੍ਞਾ, ਦਿਟ੍ਠਂ ਸੋ ਅਤਿਵਤ੍ਤਤੀਤਿ.

ਧਮੇ ਧਮੇ ਨਾਤਿਧਮੇ, ਅਤਿਧਨ੍ਤਞ੍ਹਿ ਪਾਪਕਂ;

ਧਨ੍ਤੇਨ ਹਿ ਸਤਂ ਲਦ੍ਧਂ, ਅਤਿਧਨ੍ਤੇਨ ਨਾਸਿਤਨ੍ਤਿ.

ਧਮੇ ਧਮੇ ਨਾਤਿਧਮੇ, ਅਤਿਧਨ੍ਤਞ੍ਹਿ ਪਾਪਕਂ;

ਧਨ੍ਤੇਨਾਧਿਗਤਾ ਭੋਗਾ, ਤੇ ਤਾਤੋ ਵਿਧਮੀ ਧਮਨ੍ਤਿ.

ਯਥਾ ¶ ਇਚ੍ਛਿਂ ਤਥਾਹੁਦਕਾ ਥਲਾ, ਸੁਰ ਸਾਦੁਫਲੋ ਚ ਅਲੀਨਮਨੋ;

ਸਮ੍ਪਹਟ੍ਠਮਨੋ ¶ ਚਤੁਰੋ ਚ ਤਯੋ, ਸਤਲਦ੍ਧਕ ਭੋਗਧਨੇਨ ਦਸਾਤਿ.

ਅਸਾ ਲੋਕਿਤ੍ਥਿਯੋ ਨਾਮ, ਵੇਲਾ ਤਾਸਂ ਨ ਵਿਜ੍ਜਤਿ;

ਸਾਰਤ੍ਤਾ ਚ ਪਗਬ੍ਭਾ ਚ, ਸਿਖੀ ਸਬ੍ਬਘਸੋ ਯਥਾ;

ਤਾ ਹਿਤ੍ਵਾ ਪਬ੍ਬਜਿਸ੍ਸਾਮਿ, ਵਿਵੇਕਮਨੁਬ੍ਰੂਹਯਨ੍ਤਿ.

ਯਂ ¶ ਬ੍ਰਾਹ੍ਮਣੋ ਅਵਾਦੇਸਿ, ਵੀਣਂ ਸਮੁਖਵੇਠਿਤੋ;

ਅਣ੍ਡਭੂਤਾ ਭਤਾ ਭਰਿਯਾ, ਤਾਸੁ ਕੋ ਜਾਤੁ ਵਿਸ੍ਸਸੇਤਿ.

ਕੋਧਨਾ ਅਕਤਞ੍ਞੂ ਚ, ਪਿਸੁਣਾ ਮਿਤ੍ਤਭੇਦਿਕਾ [ਪਿਸੁਣਾ ਚ ਵਿਭੇਦਿਕਾ (ਸੀ. ਸ੍ਯਾ. ਪੀ.)];

ਬ੍ਰਹ੍ਮਚਰਿਯਂ ਚਰ ਭਿਕ੍ਖੁ, ਸੋ ਸੁਖਂ ਨ ਵਿਹਾਹਸੀਤਿ [ਪਿਹਾਹਿਸੀਤਿ (ਸੀ. ਸ੍ਯਾ. ਪੀ.), ਵਿਹਾਯਸਿ (ਕ.)].

ਤਕ੍ਕਪਣ੍ਡਿਤਜਾਤਕਂ [ਤਕ੍ਕਜਾਤਕਂ (ਸੀ. ਸ੍ਯਾ. ਪੀ. ਅਟ੍ਠ.)] ਤਤਿਯਂ.

ਮਾ ¶ ਸੁ ਨਨ੍ਦਿ ਇਚ੍ਛਤਿ ਮਂ, ਮਾ ਸੁ ਸੋਚਿ ਨ ਮਿਚ੍ਛਤਿ [ਨ ਇਚ੍ਛਤਿ (ਸੀ. ਸ੍ਯਾ. ਪੀ.)];

ਥੀਨਂ ਭਾਵੋ ਦੁਰਾਜਾਨੋ, ਮਚ੍ਛਸ੍ਸੇਵੋਦਕੇ ਗਤਨ੍ਤਿ.

ਯਥਾ ¶ ਨਦੀ ਚ ਪਨ੍ਥੋ ਚ, ਪਾਨਾਗਾਰਂ ਸਭਾ ਪਪਾ;

ਏਵਂ ਲੋਕਿਤ੍ਥਿਯੋ ਨਾਮ, ਨਾਸਂ ਕੁਜ੍ਝਨ੍ਤਿ ਪਣ੍ਡਿਤਾਤਿ.

ਏਕਾ ਇਚ੍ਛਾ ਪੁਰੇ ਆਸਿ, ਅਲਦ੍ਧਾ ਮੁਦੁਲਕ੍ਖਣਂ;

ਯਤੋ ਲਦ੍ਧਾ ਅਲ਼ਾਰਕ੍ਖੀ, ਇਚ੍ਛਾ ਇਚ੍ਛਂ ਵਿਜਾਯਥਾਤਿ.

ਉਚ੍ਛਙ੍ਗੇ ਦੇਵ ਮੇ ਪੁਤ੍ਤੋ, ਪਥੇ ਧਾਵਨ੍ਤਿਯਾ ਪਤਿ;

ਤਞ੍ਚ ਦੇਸਂ ਨ ਪਸ੍ਸਾਮਿ, ਯਤੋ ਸੋਦਰਿਯਮਾਨਯੇਤਿ [ਸੋਦਰਿਯਂ ਨਯੇ (ਕ.)].

ਯਸ੍ਮਿਂ ¶ ¶ ਮਨੋ ਨਿਵਿਸਤਿ, ਚਿਤ੍ਤਞ੍ਚਾਪਿ [ਚਿਤ੍ਤਂ ਵਾਪਿ (ਕਤ੍ਥਚਿ)] ਪਸੀਦਤਿ;

ਅਦਿਟ੍ਠਪੁਬ੍ਬਕੇ ਪੋਸੇ, ਕਾਮਂ ਤਸ੍ਮਿਮ੍ਪਿ ਵਿਸ੍ਸਸੇਤਿ.

ਧਿਰਤ੍ਥੁ ਤਂ ਵਿਸਂ ਵਨ੍ਤਂ, ਯਮਹਂ ਜੀਵਿਤਕਾਰਣਾ;

ਵਨ੍ਤਂ ਪਚ੍ਚਾਵਮਿਸ੍ਸਾਮਿ [ਪਚ੍ਚਾਹਰਿਸ੍ਸਾਮਿ (ਕ.)], ਮਤਂ ਮੇ ਜੀਵਿਤਾ ਵਰਨ੍ਤਿ.

ਨ ਤਂ ਜਿਤਂ ਸਾਧੁ ਜਿਤਂ, ਯਂ ਜਿਤਂ ਅਵਜੀਯਤਿ;

ਤਂ ਖੋ ਜਿਤਂ ਸਾਧੁ ਜਿਤਂ, ਯਂ ਜਿਤਂ ਨਾਵਜੀਯਤੀਤਿ.

ਸਿਖੀਸਬ੍ਬਘਸੋਪਿ ¶ ਚ ਵੀਣਵਰੋ, ਪਿਸੁਣਾ ਮਿਤ੍ਤਭੇਦਿਕਾ ਨਨ੍ਦੀ ਨਦੀ;

ਮੁਦੁਲਕ੍ਖਣ ਸੋਦਰਿਯਾ ਚ ਮਨੋ, ਵਿਸ ਸਾਧੁਜਿਤੇਨ ਭਵਨ੍ਤਿ ਦਸਾਤਿ.

ਯੋ ¶ ਪੁਬ੍ਬੇ ਕਰਣੀਯਾਨਿ, ਪਚ੍ਛਾ ਸੋ ਕਾਤੁਮਿਚ੍ਛਤਿ;

ਵਰੁਣਕਟ੍ਠ [ਵਰਣਕਟ੍ਠ (ਸੀ. ਪੀ.)] ਭਞ੍ਜੋਵ, ਸ ਪਚ੍ਛਾ ਮਨੁਤਪ੍ਪਤੀਤਿ.

ਅਕਤਞ੍ਞੁਸ੍ਸ ¶ ਪੋਸਸ੍ਸ, ਨਿਚ੍ਚਂ ਵਿਵਰਦਸ੍ਸਿਨੋ;

ਸਬ੍ਬਂ ਚੇ ਪਥਵਿਂ [ਪਠਵਿਂ (ਸੀ. ਸ੍ਯਾ. ਪੀ.)] ਦਜ੍ਜਾ, ਨੇਵ ਨਂ ਅਭਿਰਾਧਯੇਤਿ.

ਸਚ੍ਚਂ ਕਿਰੇਵਮਾਹਂਸੁ, ਨਰਾ ਏਕਚ੍ਚਿਯਾ ਇਧ;

ਕਟ੍ਠਂ ਨਿਪ੍ਲਵਿਤਂ [ਵਿਪ੍ਲਾਵਿਤਂ (ਸੀ. ਪੀ.)] ਸੇਯ੍ਯੋ, ਨ ਤ੍ਵੇਵੇਕਚ੍ਚਿਯੋ ਨਰੋਤਿ.

ਸਾਧੂ ਸਮ੍ਬਹੁਲਾ ਞਾਤੀ, ਅਪਿ ਰੁਕ੍ਖਾ ਅਰਞ੍ਞਜਾ;

ਵਾਤੋ ¶ ਵਹਤਿ ਏਕਟ੍ਠਂ, ਬ੍ਰਹਨ੍ਤਮ੍ਪਿ ਵਨਪ੍ਪਤਿਨ੍ਤਿ.

ਅਭਿਤ੍ਥਨਯ ¶ ਪਜ੍ਜੁਨ੍ਨ, ਨਿਧਿਂ ਕਾਕਸ੍ਸ ਨਾਸਯ;

ਕਾਕਂ ਸੋਕਾਯ ਰਨ੍ਧੇਹਿ, ਮਞ੍ਚ ਸੋਕਾ ਪਮੋਚਯਾਤਿ.

ਅਸਙ੍ਕਿਯੋਮ੍ਹਿ ਗਾਮਮ੍ਹਿ, ਅਰਞ੍ਞੇ ਨਤ੍ਥਿ ਮੇ ਭਯਂ;

ਉਜੁਂ ਮਗ੍ਗਂ ਸਮਾਰੂਲ਼੍ਹੋ, ਮੇਤ੍ਤਾਯ ਕਰੁਣਾਯ ਚਾਤਿ.

ਉਸਭਾ ¶ ਰੁਕ੍ਖਾ ਗਾਵਿਯੋ ਗਵਾ ਚ, ਅਸ੍ਸੋ ਕਂਸੋ ਸਿਙ੍ਗਾਲੀ [ਸਿਗਾਸੀ (ਸੀ. ਸ੍ਯਾ. ਪੀ.)] ਚ ਕੁਮ੍ਭੋ;

ਪੋਕ੍ਖਰਣੀ ਚ ਅਪਾਕਚਨ੍ਦਨਂ, ਲਾਬੂਨਿ ਸੀਦਨ੍ਤਿ ਸਿਲਾ ਪ੍ਲਵਨ੍ਤਿ.

ਮਣ੍ਡੂਕਿਯੋ ਕਣ੍ਹਸਪ੍ਪੇ ਗਿਲਨ੍ਤਿ, ਕਾਕਂ ਸੁਪਣ੍ਣਾ ਪਰਿਵਾਰਯਨ੍ਤਿ;

ਤਸਾ ¶ ਵਕਾ ਏਲ਼ਕਾਨਂ ਭਯਾਹਿ, ਵਿਪਰਿਯਾਸੋ [ਵਿਪਰਿਯਾਯੋ (ਸ੍ਯਾ. ਕ.)] ਵਤ੍ਤਤਿ ਨਯਿਧ ਮਤ੍ਥੀਤਿ.

ਉਭੋ ਖਞ੍ਜਾ ਉਭੋ ਕੁਣੀ, ਉਭੋ ਵਿਸਮਚਕ੍ਖੁਕਾ [ਚਕ੍ਖੁਲਾ (ਸੀ. ਪੀ.)];

ਉਭਿਨ੍ਨਂ ਪਿਲ਼ਕਾ [ਪੀਲ਼ਕਾ (ਸ੍ਯਾ.)] ਜਾਤਾ, ਨਾਹਂ ਪਸ੍ਸਾਮਿ ਇਲ੍ਲਿਸਨ੍ਤਿ.

ਯਤੋ ¶ ਵਿਲੁਤ੍ਤਾ ਚ ਹਤਾ ਚ ਗਾਵੋ, ਦਡ੍ਢਾਨਿ ਗੇਹਾਨਿ ਜਨੋ ਚ ਨੀਤੋ;

ਅਥਾਗਮਾ ਪੁਤ੍ਤਹਤਾਯ ਪੁਤ੍ਤੋ, ਖਰਸ੍ਸਰਂ ਡਿਣ੍ਡਿਮਂ [ਦੇਣ੍ਡਿਮਂ (ਸੀ. ਸ੍ਯਾ. ਪੀ.), ਡਿਨ੍ਦਿਮਂ (ਕ.)] ਵਾਦਯਨ੍ਤੋਤਿ.

ਯਂ ਤੇ ਪਵਿਕਤ੍ਥਿਤਂ ਪੁਰੇ, ਅਥ ਤੇ ਪੂਤਿਸਰਾ ਸਜਨ੍ਤਿ ਪਚ੍ਛਾ;

ਉਭਯਂ ¶ ਨ ਸਮੇਤਿ ਭੀਮਸੇਨ, ਯੁਦ੍ਧਕਥਾ ਚ ਇਦਞ੍ਚ ਤੇ ਵਿਹਞ੍ਞਨ੍ਤਿ.

ਵਰੁਣਵਗ੍ਗੋ [ਵਰਣਵਗ੍ਗੋ (ਸੀ. ਪੀ.)] ਅਟ੍ਠਮੋ.

ਵਰੁਣਾ ਅਕਤਞ੍ਞੂਵਰੇ ਤੁ ਸਚ੍ਚਵਰਂ, ਸਵਨਪ੍ਪਤਿਨਾ ਚ ਅਭਿਤ੍ਥਨਯ;

ਕਰੁਣਾਯ ਸਿਲਾਪ੍ਲਵ ਇਲ੍ਲਿਸਤੋ, ਪੁਨ ਡਿਣ੍ਡਿਮਪੂਤਿਸਰੇਨ ਦਸਾਤਿ.

ਅਪਾਯਿਮ੍ਹ ¶ ਅਨਚ੍ਚਿਮ੍ਹ, ਅਗਾਯਿਮ੍ਹ ਰੁਦਿਮ੍ਹ ਚ;

ਵਿਸਞ੍ਞਿਕਰਣਿਂ ਪਿਤ੍ਵਾ [ਪੀਤ੍ਵਾ (ਸੀ. ਸ੍ਯਾ. ਪੀ.)], ਦਿਟ੍ਠਾ ਨਾਹੁਮ੍ਹ ਵਾਨਰਾਤਿ.

ਅਤਿਕ੍ਕਮ੍ਮ ¶ ¶ ਰਮਣਕਂ, ਸਦਾਮਤ੍ਤਞ੍ਚ ਦੂਭਕਂ;

ਸ੍ਵਾਸਿ ਪਾਸਾਣਮਾਸੀਨੋ, ਯਸ੍ਮਾ ਜੀਵਂ ਨ ਮੋਕ੍ਖਸੀਤਿ.

ਮਿਤ੍ਤੋ ਹਵੇ ਸਤ੍ਤਪਦੇਨ ਹੋਤਿ, ਸਹਾਯੋ ਪਨ ਦ੍ਵਾਦਸਕੇਨ ਹੋਤਿ;

ਮਾਸਡ੍ਢਮਾਸੇਨ ਚ ਞਾਤਿ ਹੋਤਿ, ਤਤੁਤ੍ਤਰਿਂ ਅਤ੍ਤਸਮੋਪਿ ਹੋਤਿ;

ਸੋਹਂ ਕਥਂ ਅਤ੍ਤਸੁਖਸ੍ਸ ਹੇਤੁ, ਚਿਰਸਨ੍ਥੁਤਂ [ਚਿਰਸਨ੍ਧਵਂ (ਕ.), ਚਿਰਸਤ੍ਥੁਨਂ (ਪੀ.)] ਕਾਲ਼ਕਣ੍ਣਿਂ ਜਹੇਯ੍ਯਨ੍ਤਿ.

ਆਰੋਗ੍ਯਮਿਚ੍ਛੇ ਪਰਮਞ੍ਚ ਲਾਭਂ, ਸੀਲਞ੍ਚ ਵੁਦ੍ਧਾਨੁਮਤਂ ਸੁਤਞ੍ਚ;

ਧਮ੍ਮਾਨੁਵਤ੍ਤੀ ਚ ਅਲੀਨਤਾ ਚ, ਅਤ੍ਥਸ੍ਸ ਦ੍ਵਾਰਾ ਪਮੁਖਾ ਛਲ਼ੇਤੇਤਿ.

ਆਯਤਿਂ ¶ ਦੋਸਂ ਨਾਞ੍ਞਾਯ, ਯੋ ਕਾਮੇ ਪਟਿਸੇਵਤਿ;

ਵਿਪਾਕਨ੍ਤੇ ਹਨਨ੍ਤਿ ਨਂ, ਕਿਂਪਕ੍ਕਮਿਵ ਭਕ੍ਖਿਤਨ੍ਤਿ.

ਸੀਲਂ ¶ ਕਿਰੇਵ ਕਲ੍ਯਾਣਂ, ਸੀਲਂ ਲੋਕੇ ਅਨੁਤ੍ਤਰਂ;

ਪਸ੍ਸ ਘੋਰਵਿਸੋ ਨਾਗੋ, ਸੀਲਵਾਤਿ ਨ ਹਞ੍ਞਤੀਤਿ.

ਯਸ੍ਸ ¶ ਮਙ੍ਗਲਾ ਸਮੂਹਤਾਸੇ [ਸਮੂਹਤਾ (ਸੀ. ਸ੍ਯਾ. ਪੀ. ਸੁ. ਨਿ. ੩੬੨], ਉਪ੍ਪਾਤਾ [ਉਪ੍ਪਾਦਾ (ਪੀ.)] ਸੁਪਿਨਾ ਚ ਲਕ੍ਖਣਾ ਚ;

ਸੋ [ਸ (ਸੀ. ਪੀ. ਕ.)] ਮਙ੍ਗਲਦੋਸਵੀਤਿਵਤ੍ਤੋ, ਯੁਗਯੋਗਾਧਿਗਤੋ ਨ ਜਾਤੁਮੇਤੀਤਿ.

ਕਲ੍ਯਾਣਿਮੇਵ ਮੁਞ੍ਚੇਯ੍ਯ, ਨ ਹਿ ਮੁਞ੍ਚੇਯ੍ਯ ਪਾਪਿਕਂ;

ਮੋਕ੍ਖੋ ਕਲ੍ਯਾਣਿਯਾ ਸਾਧੁ, ਮੁਤ੍ਵਾ ਤਪ੍ਪਤਿ ਪਾਪਿਕਨ੍ਤਿ.

ਵਾਚਾਵ ¶ ਕਿਰ ਤੇ ਆਸਿ, ਸਣ੍ਹਾ ਸਖਿਲਭਾਣਿਨੋ;

ਤਿਣਮਤ੍ਤੇ ਅਸਜ੍ਜਿਤ੍ਥੋ, ਨੋ ਚ ਨਿਕ੍ਖਸਤਂ ਹਰਨ੍ਤਿ.

ਯੋ ਪੁਬ੍ਬੇ ਕਤਕਲ੍ਯਾਣੋ, ਕਤਤ੍ਥੋ ਨਾਵਬੁਜ੍ਝਤਿ;

ਪਚ੍ਛਾ ਕਿਚ੍ਚੇ ਸਮੁਪ੍ਪਨ੍ਨੇ, ਕਤ੍ਤਾਰਂ ਨਾਧਿਗਚ੍ਛਤੀਤਿ.

ਅਪਾਯਿਮ੍ਹ ਚ ਦੂਭਕਂ ਸਤ੍ਤਪਦਂ, ਛਲ਼ਦ੍ਵਰ ਚ ਆਯਤਿਨਾ ਚ ਪੁਨ;

ਅਹਿਸੀਲਵ ਮਙ੍ਗਲਿ ਪਾਪਿਕਸ੍ਸਾ, ਸਤਂਨਿਕ੍ਖ ਕਤਤ੍ਥਵਰੇਨ ਦਸਾਤਿ.

ਲਿਤ੍ਤਂ ¶ ¶ ਪਰਮੇਨ ਤੇਜਸਾ, ਗਿਲਮਕ੍ਖਂ ¶ ਪੁਰਿਸੋ ਨ ਬੁਜ੍ਝਤਿ;

ਗਿਲ ਰੇ ਗਿਲ ਪਾਪਧੁਤ੍ਤਕ, ਪਚ੍ਛਾ ਤੇ ਕਟੁਕਂ ਭਵਿਸ੍ਸਤੀਤਿ.

ਉਕ੍ਕਟ੍ਠੇ ਸੂਰਮਿਚ੍ਛਨ੍ਤਿ, ਮਨ੍ਤੀਸੁ ਅਕੁਤੂਹਲਂ;

ਪਿਯਞ੍ਚ ਅਨ੍ਨਪਾਨਮ੍ਹਿ, ਅਤ੍ਥੇ ਜਾਤੇ ਚ ਪਣ੍ਡਿਤਨ੍ਤਿ.

ਨ ਵਿਸ੍ਸਸੇ ਅਵਿਸ੍ਸਤ੍ਥੇ, ਵਿਸ੍ਸਤ੍ਥੇਪਿ ਨ ਵਿਸ੍ਸਸੇ;

ਵਿਸ੍ਸਾਸਾ ਭਯਮਨ੍ਵੇਤਿ, ਸੀਹਂਵ ਮਿਗਮਾਤੁਕਾਤਿ [ਮਿਗਮਾਤੁਯਾ (ਕ.)].

ਸੋਤਤ੍ਤੋ ਸੋਸਿਨ੍ਦੋ [ਸੋਸੀਤੋ (ਸੀ. ਸ੍ਯਾ. ਪੀ.), ਸੋਸਿਨੋ (ਕ.)] ਚੇਵ, ਏਕੋ ਭਿਂਸਨਕੇ ਵਨੇ;

ਨਗ੍ਗੋ ਨ ਚਗ੍ਗਿਮਾਸੀਨੋ, ਏਸਨਾਪਸੁਤੋ ਮੁਨੀਤਿ.

ਅਨਿਚ੍ਚਾ ¶ ਵਤ ਸਙ੍ਖਾਰਾ, ਉਪ੍ਪਾਦਵਯਧਮ੍ਮਿਨੋ;

ਉਪ੍ਪਜ੍ਜਿਤ੍ਵਾ ਨਿਰੁਜ੍ਝਨ੍ਤਿ, ਤੇਸਂ ਵੂਪਸਮੋ ਸੁਖੋਤਿ.

ਸਮਤਿਤ੍ਤਿਕਂ ¶ ਅਨਵਸੇਕਂ, ਤੇਲਪਤ੍ਤਂ ਯਥਾ ਪਰਿਹਰੇਯ੍ਯ;

ਏਵਂ ਸਚਿਤ੍ਤਮਨੁਰਕ੍ਖੇ, ਪਤ੍ਥਯਾਨੋ ਦਿਸਂ ਅਗਤਪੁਬ੍ਬਨ੍ਤਿ.

ਜੀਵਕਞ੍ਚ ¶ ਮਤਂ ਦਿਸ੍ਵਾ, ਧਨਪਾਲਿਞ੍ਚ ਦੁਗ੍ਗਤਂ;

ਪਨ੍ਥਕਞ੍ਚ ਵਨੇ ਮੂਲ਼੍ਹਂ, ਪਾਪਕੋ ਪੁਨਰਾਗਤੋਤਿ.

ਸਾਧੁ ¶ ਖੋ ਪਣ੍ਡਿਤੋ ਨਾਮ, ਨ ਤ੍ਵੇਵ ਅਤਿਪਣ੍ਡਿਤੋ;

ਅਤਿਪਣ੍ਡਿਤੇਨ ਪੁਤ੍ਤੇਨ, ਮਨਮ੍ਹਿ ਉਪਕੂਲ਼ਿਤੋਤਿ [ਉਪਕੂਲਿਤੋਤਿ (ਸੀ.), ਉਪਕੁਟ੍ਠਿਤੋਤਿ (ਸ੍ਯਾ.), ਉਪਕੁਟਿਤੋ (ਕ.)].

ਪਰੋਸਹਸ੍ਸਮ੍ਪਿ ਸਮਾਗਤਾਨਂ, ਕਨ੍ਦੇਯ੍ਯੁਂ ਤੇ ਵਸ੍ਸਸਤਂ ਅਪਞ੍ਞਾ;

ਏਕੋਵ ਸੇਯ੍ਯੋ ਪੁਰਿਸੋ ਸਪਞ੍ਞੋ, ਯੋ ਭਾਸਿਤਸ੍ਸ ਵਿਜਾਨਾਤਿ ਅਤ੍ਥਨ੍ਤਿ.

ਅਸਾਤਂ ਸਾਤਰੂਪੇਨ, ਪਿਯਰੂਪੇਨ ਅਪ੍ਪਿਯਂ;

ਦੁਕ੍ਖਂ ਸੁਖਸ੍ਸ ਰੂਪੇਨ, ਪਮਤ੍ਤਮਤਿਵਤ੍ਤਤੀਤਿ.

ਗਿਲਮਕ੍ਖਕੁਤੂਹਲ ¶ ¶ ਮਾਤੁਕਸ੍ਸਾ, ਮੁਨਿਨਾ ਚ ਅਨਿਚ੍ਚਤ ਪਤ੍ਤਵਰਂ;

ਧਨਪਾਲਿਵਰੋ ਅਤਿਪਣ੍ਡਿਤਕੋ, ਸਪਰੋਸਹਸ੍ਸਅਸਾਤਦਸਾਤਿ.

ਪਰੋਸਤਂ ¶ ਚੇਪਿ ਸਮਾਗਤਾਨਂ, ਝਾਯੇਯ੍ਯੁਂ ਤੇ ਵਸ੍ਸਸਤਂ ਅਪਞ੍ਞਾ;

ਏਕੋਵ ਸੇਯ੍ਯੋ ਪੁਰਿਸੋ ਸਪਞ੍ਞੋ, ਯੋ ਭਾਸਿਤਸ੍ਸ ਵਿਜਾਨਾਤਿ ਅਤ੍ਥਨ੍ਤਿ.

ਯੋ ਦੁਕ੍ਖਫੁਟ੍ਠਾਯ ਭਵੇਯ੍ਯ ਤਾਣਂ, ਸੋ ਮੇ ਪਿਤਾ ਦੁਬ੍ਭਿ [ਦੂਭਿ (ਸੀ. ਪੀ.)] ਵਨੇ ਕਰੋਤਿ;

ਸਾ ਕਸ੍ਸ ਕਨ੍ਦਾਮਿ ਵਨਸ੍ਸ ਮਜ੍ਝੇ, ਯੋ ਤਾਯਿਤਾ ਸੋ ਸਹਸਂ [ਸਹਸਾ (ਸੀ. ਸ੍ਯਾ. ਪੀ.)] ਕਰੋਤੀਤਿ.

ਯਤ੍ਥ ¶ ਵੇਰੀ ਨਿਵਿਸਤਿ [ਨਿਵਸਤਿ (ਸੀ. ਕ.)], ਨ ਵਸੇ ਤਤ੍ਥ ਪਣ੍ਡਿਤੋ;

ਏਕਰਤ੍ਤਂ ਦਿਰਤ੍ਤਂ ਵਾ, ਦੁਕ੍ਖਂ ਵਸਤਿ ਵੇਰਿਸੂਤਿ.

ਚਤੁਬ੍ਭਿ ਅਟ੍ਠਜ੍ਝਗਮਾ, ਅਟ੍ਠਾਹਿਪਿ ਚ ਸੋਲ਼ਸ;

ਸੋਲ਼ਸਾਹਿ ਚ ਬਾਤ੍ਤਿਂਸ [ਬਤ੍ਤਿਂਸ (ਸੀ. ਸ੍ਯਾ. ਪੀ.)], ਅਤ੍ਰਿਚ੍ਛਂ ਚਕ੍ਕਮਾਸਦੋ;

ਇਚ੍ਛਾਹਤਸ੍ਸ ਪੋਸਸ੍ਸ, ਚਕ੍ਕਂ ਭਮਤਿ ਮਤ੍ਥਕੇਤਿ.

ਬਹੁਮ੍ਪੇਤਂ ¶ ¶ ਵਨੇ ਕਟ੍ਠਂ, ਵਾਤੋ ਭਞ੍ਜਤਿ ਦੁਬ੍ਬਲਂ;

ਤਸ੍ਸ ਚੇ ਭਾਯਸੀ ਨਾਗ, ਕਿਸੋ ਨੂਨ ਭਵਿਸ੍ਸਸੀਤਿ.

ਸੁਖਂ ਵਤ ਮਂ ਜੀਵਨ੍ਤਂ [ਸੁਖਕਂ ਵਤ ਜੀਵਂ (ਕ.)], ਪਚਮਾਨਾ ਉਦਞ੍ਚਨੀ;

ਚੋਰੀ ਜਾਯਪ੍ਪਵਾਦੇਨ, ਤੇਲਂ ਲੋਣਞ੍ਚ ਯਾਚਤੀਤਿ.

ਸਾਧੁ ¶ ਖੋ ਸਿਪ੍ਪਕਂ ਨਾਮ, ਅਪਿ ਯਾਦਿਸ ਕੀਦਿਸਂ;

ਪਸ੍ਸ ਖਞ੍ਜਪ੍ਪਹਾਰੇਨ, ਲਦ੍ਧਾ ਗਾਮਾ ਚਤੁਦ੍ਦਿਸਾਤਿ.

ਸਿਕ੍ਖੇਯ੍ਯ ਸਿਕ੍ਖਿਤਬ੍ਬਾਨਿ, ਸਨ੍ਤਿ ਤਚ੍ਛਨ੍ਦਿਨੋ [ਸਚ੍ਛਨ੍ਦਿਨੋ (ਸੀ. ਪੀ.)] ਜਨਾ;

ਬਾਹਿਯਾ ਹਿ [ਪਿ (ਸੀ. ਸ੍ਯਾ. ਪੀ.)] ਸੁਹਨ੍ਨੇਨ, ਰਾਜਾਨਮਭਿਰਾਧਯੀਤਿ.

ਯਥਨ੍ਨੋ ਪੁਰਿਸੋ ਹੋਤਿ, ਤਥਨ੍ਨਾ ਤਸ੍ਸ ਦੇਵਤਾ;

ਆਹਰੇਤਂ ਕੁਣ੍ਡਪੂਵਂ [ਕਣਂ ਪੂਵਂ (ਸੀ. ਪੀ.)], ਮਾ ਮੇ ਭਾਗਂ ਵਿਨਾਸਯਾਤਿ.

ਸਬ੍ਬਸਂਹਾਰਕੋ ¶ ¶ [ਸਬ੍ਬਸਾਹਾਰਕੋ (ਕ.)] ਨਤ੍ਥਿ, ਸੁਦ੍ਧਂ ਕਙ੍ਗੁ ਪਵਾਯਤਿ;

ਅਲਿਕਂ ਭਾਯਤਿਯਂ ਧੁਤ੍ਤੀ, ਸਚ੍ਚਮਾਹ ਮਹਲ੍ਲਿਕਾਤਿ.

ਸਪਰੋਸਤ ਤਾਯਿਤ ਵੇਰੀ ¶ ਪੁਨ, ਭਮਚਕ੍ਕਥ ਨਾਗਸਿਰਿਵ੍ਹਯਨੋ;

ਸੁਖਕਞ੍ਚ ਵਤ ਸਿਪ੍ਪਕ ਬਾਹਿਯਾ, ਕੁਣ੍ਡਪੂਵ ਮਹਲ੍ਲਿਕਕਾ ਚ ਦਸਾਤਿ.

ਹਂਚਿ [ਹਂਸਿ (ਸੀ. ਸ੍ਯਾ.), ਹਞ੍ਚਿ (?)] ਤੁਵਂ ਏਵਮਞ੍ਞਸਿ ਸੇਯ੍ਯੋ, ਪੁਤ੍ਤੇਨ ਪਿਤਾਤਿ ਰਾਜਸੇਟ੍ਠ;

ਹਨ੍ਦਸ੍ਸਤਰਸ੍ਸ ਤੇ ਅਯਂ, ਅਸ੍ਸਤਰਸ੍ਸ ਹਿ ਗਦ੍ਰਭੋ ਪਿਤਾਤਿ.

ਯੇਨ ਸਤ੍ਤੁਬਿਲਙ੍ਗਾ ਚ, ਦਿਗੁਣਪਲਾਸੋ ਚ ਪੁਪ੍ਫਿਤੋ;

ਯੇਨ ਦਦਾਮਿ [ਯੇਨਾ’ਦਾਮਿ (ਸੀ. ਸ੍ਯਾ.)] ਤੇਨ ਵਦਾਮਿ, ਯੇਨ ਨ ਦਦਾਮਿ [ਯੇਨ ਨਾ’ਦਾਮਿ (ਸੀ. ਸ੍ਯਾ.)] ਨ ਤੇਨ ਵਦਾਮਿ;

ਏਸ ¶ ਮਗ੍ਗੋ ਯਵਮਜ੍ਝਕਸ੍ਸ, ਏਤਂ ਛਨ੍ਨਪਥਂ ਵਿਜਾਨਾਹੀਤਿ.

ਸਦ੍ਦਹਾਸਿ ¶ ਸਿਙ੍ਗਾਲਸ੍ਸ [ਸਿਗਾਲਸ੍ਸ (ਸੀ. ਸ੍ਯਾ. ਪੀ.)], ਸੁਰਾਪੀਤਸ੍ਸ ਬ੍ਰਾਹ੍ਮਣ;

ਸਿਪ੍ਪਿਕਾਨਂ ਸਤਂ ਨਤ੍ਥਿ, ਕੁਤੋ ਕਂਸਸਤਾ ਦੁਵੇਤਿ.

ਬਹੁਚਿਨ੍ਤੀ ¶ ਅਪ੍ਪਚਿਨ੍ਤੀ, ਉਭੋ ਜਾਲੇ ਅਬਜ੍ਝਰੇ;

ਮਿਤਚਿਨ੍ਤੀ ਪਮੋਚੇਸੀ, ਉਭੋ ਤਤ੍ਥ ਸਮਾਗਤਾਤਿ.

ਯਾਯਞ੍ਞ [ਯਾਯਞ੍ਞੇ (ਕ.)] ਮਨੁਸਾਸਤਿ, ਸਯਂ ਲੋਲੁਪ੍ਪਚਾਰਿਨੀ;

ਸਾਯਂ ਵਿਪਕ੍ਖਿਕਾ ਸੇਤਿ, ਹਤਾ ਚਕ੍ਕੇਨ ਸਾਸਿਕਾਤਿ [ਸਾਲਿਕਾਤਿ (ਸੀ. ਸ੍ਯਾ. ਪੀ.)].

ਅਤਿਕਰਮਕਰਾਚਰਿਯ ¶ , ਮਯ੍ਹਮ੍ਪੇਤਂ ਨ ਰੁਚ੍ਚਤਿ;

ਚਤੁਤ੍ਥੇ ਲਙ੍ਘਯਿਤ੍ਵਾਨ, ਪਞ੍ਚਮਾਯਸਿ ਆਵੁਤੋਤਿ.

ਅਚ੍ਚੁਗ੍ਗਤਾਤਿਲਪਤਾ [ਅਤਿਬਲਤਾ (ਸੀ. ਸ੍ਯਾ. ਪੀ.), ਅਤਿਲਪਕਾ (ਕਤ੍ਥਚਿ)], ਅਤਿਵੇਲਂ ਪਭਾਸਿਤਾ;

ਵਾਚਾ ਹਨਤਿ ਦੁਮ੍ਮੇਧਂ, ਤਿਤ੍ਤਿਰਂਵਾਤਿਵਸ੍ਸਿਤਨ੍ਤਿ.

ਨਾਚਿਨ੍ਤਯਨ੍ਤੋ ਪੁਰਿਸੋ, ਵਿਸੇਸਮਧਿਗਚ੍ਛਤਿ;

ਚਿਨ੍ਤਿਤਸ੍ਸ ਫਲਂ ਪਸ੍ਸ, ਮੁਤ੍ਤੋਸ੍ਮਿ ਵਧਬਨ੍ਧਨਾਤਿ.

ਅਮਾਤਾਪਿਤਰਸਂਵਦ੍ਧੋ ¶ [ਪਿਤਰਿ (ਸੀ. ਪੀ.), ਪਿਤੁ (ਸ੍ਯਾ.)], ਅਨਾਚੇਰਕੁਲੇ ਵਸਂ;

ਨਾਯਂ ਕਾਲਂ ਅਕਾਲਂ ਵਾ, ਅਭਿਜਾਨਾਤਿ ਕੁਕ੍ਕੁਟੋਤਿ.

ਅਬਦ੍ਧਾ ¶ ¶ ਤਤ੍ਥ ਬਜ੍ਝਨ੍ਤਿ, ਯਤ੍ਥ ਬਾਲਾ ਪਭਾਸਰੇ;

ਬਦ੍ਧਾਪਿ ਤਤ੍ਥ ਮੁਚ੍ਚਨ੍ਤਿ, ਯਤ੍ਥ ਧੀਰਾ ਪਭਾਸਰੇਤਿ.

ਹਂਚਿਵਗ੍ਗੋ [ਹਂਸਿਵਗ੍ਗੋ (ਸੀ. ਸ੍ਯਾ.)] ਦ੍ਵਾਦਸਮੋ.

ਅਥ ਗਦ੍ਰਭ ਸਤ੍ਤੁਵ ਕਂਸਸਤਂ, ਬਹੁਚਿਨ੍ਤਿ ਸਾਸਿਕਾਯਾਤਿਕਰ;

ਅਤਿਵੇਲ ਵਿਸੇਸਮਨਾਚਰਿਯੋਵ, ਧੀਰਾਪਭਾਸਰਤੇਨ ਦਸਾਤਿ.

ਕਰੇ ਸਰਿਕ੍ਖੋ ਅਥ ਵਾਪਿ ਸੇਟ੍ਠੋ, ਨਿਹੀਨਕੋ ਵਾਪਿ ਕਰੇਯ੍ਯ ਏਕੋ;

ਕਰੇਯ੍ਯੁਮੇਤੇ [ਕਰੇਯ੍ਯੁਂ ਤੇ (ਸੀ. ਪੀ.)] ਬ੍ਯਸਨੇ ਉਤ੍ਤਮਤ੍ਥਂ, ਯਥਾ ਅਹਂ ਕੁਸਨਾਲ਼ਿ ਰੁਚਾਯਨ੍ਤਿ.

ਯਸਂ ¶ ¶ ਲਦ੍ਧਾਨ ਦੁਮ੍ਮੇਧੋ, ਅਨਤ੍ਥਂ ਚਰਤਿ ਅਤ੍ਤਨੋ;

ਅਤ੍ਤਨੋ ਚ ਪਰੇਸਞ੍ਚ, ਹਿਂਸਾਯ ਪਟਿਪਜ੍ਜਤੀਤਿ.

ਅਸਬ੍ਬਤ੍ਥਗਾਮਿਂ ਵਾਚਂ, ਬਾਲੋ ਸਬ੍ਬਤ੍ਥ ਭਾਸਤਿ;

ਨਾਯਂ ਦਧਿਂ ਵੇਦਿ ਨ [ਨ ਵੇਦਿ (ਕ.)] ਨਙ੍ਗਲੀਸਂ, ਦਧਿਪ੍ਪਯਂ [ਦਧਿਮ੍ਪਯਂ (ਸੀ. ਪੀ.)] ਮਞ੍ਞਤਿ ਨਙ੍ਗਲੀਸਨ੍ਤਿ.

ਵਾਯਮੇਥੇਵ ¶ ਪੁਰਿਸੋ, ਨ ਨਿਬ੍ਬਿਨ੍ਦੇਯ੍ਯ ਪਣ੍ਡਿਤੋ;

ਵਾਯਾਮਸ੍ਸ ਫਲਂ ਪਸ੍ਸ, ਭੁਤ੍ਤਾ ਅਮ੍ਬਾ ਅਨੀਤਿਹਨ੍ਤਿ.

ਬਹੁਮ੍ਪਿ ਸੋ ਵਿਕਤ੍ਥੇਯ੍ਯ, ਅਞ੍ਞਂ ਜਨਪਦਂ ਗਤੋ;

ਅਨ੍ਵਾਗਨ੍ਤ੍ਵਾਨ ਦੂਸੇਯ੍ਯ, ਭੁਞ੍ਜ ਭੋਗੇ ਕਟਾਹਕਾਤਿ.

ਤਦੇਵੇਕਸ੍ਸ ¶ [ਤਥੇਵੇਕਸ੍ਸ (ਸੀ. ਸ੍ਯਾ. ਪੀ. ਅਟ੍ਠ. ਮੂਲਪਾਠੋ)] ਕਲ੍ਯਾਣਂ, ਤਦੇਵੇਕਸ੍ਸ ਪਾਪਕਂ;

ਤਸ੍ਮਾ ਸਬ੍ਬਂ ਨ ਕਲ੍ਯਾਣਂ, ਸਬ੍ਬਂ ਵਾਪਿ ਨ ਪਾਪਕਨ੍ਤਿ.

ਤੇ ਦੇਸਾ ਤਾਨਿ ਵਤ੍ਥੂਨਿ, ਅਹਞ੍ਚ ਵਨਗੋਚਰੋ;

ਅਨੁਵਿਚ੍ਚ ਖੋ ਤਂ ਗਣ੍ਹੇਯ੍ਯੁਂ, ਪਿਵ [ਪਿਪ (ਸੀ. ਪੀ.)] ਖੀਰਂ ਕਲਣ੍ਡੁਕਾਤਿ.

ਯੋ ¶ ਵੇ ਧਮ੍ਮਂ ਧਜਂ [ਧਮ੍ਮਧਜਂ (ਸ੍ਯਾ. ਪੀ. ਕ.)] ਕਤ੍ਵਾ, ਨਿਗੂਲ਼੍ਹੋ ਪਾਪਮਾਚਰੇ;

ਵਿਸ੍ਸਾਸਯਿਤ੍ਵਾ ਭੂਤਾਨਿ, ਬਿਲ਼ਾਰਂ ਨਾਮ ਤਂ ਵਤਨ੍ਤਿ.

ਨਾਯਂ ਸਿਖਾ ਪੁਞ੍ਞਹੇਤੁ, ਘਾਸਹੇਤੁ ਅਯਂ ਸਿਖਾ;

ਨਾਙ੍ਗੁਟ੍ਠਗਣਨਂ ਯਾਤਿ, ਅਲਂ ਤੇ ਹੋਤੁ ਅਗ੍ਗਿਕਾਤਿ.

ਯਥਾ ¶ ¶ ਵਾਚਾ ਚ ਭੁਞ੍ਜਸ੍ਸੁ, ਯਥਾ ਭੁਤ੍ਤਞ੍ਚ ਬ੍ਯਾਹਰ;

ਉਭਯਂ ਤੇ ਨ ਸਮੇਤਿ, ਵਾਚਾ ਭੁਤ੍ਤਞ੍ਚ ਕੋਸਿਯੇਤਿ.

ਕੁਸਨਾਲ਼ਿਵਗ੍ਗੋ [ਸਰਿਕ੍ਖਵਗ੍ਗੋ (ਕ.)] ਤੇਰਸਮੋ.

ਕੁਸਨਾਲ਼ਿਸਿਰਿਵ੍ਹਯਨੋ ਚ ਯਸਂ, ਦਧਿ ਮਮ੍ਬ ਕਟਾਹਕਪਞ੍ਚਮਕੋ;

ਅਥ ਪਾਪਕ ਖੀਰ ਬਿਲ਼ਾਰਵਤਂ, ਸਿਖਿ ਕੋਸਿਯਸਵ੍ਹਯਨੇਨ ਦਸਾਤਿ.

ਅਸਮ੍ਪਦਾਨੇਨਿਤਰੀਤਰਸ੍ਸ, ਬਾਲਸ੍ਸ ਮਿਤ੍ਤਾਨਿ ਕਲੀ ਭਵਨ੍ਤਿ;

ਤਸ੍ਮਾ ਹਰਾਮਿ ਭੁਸਂ ਅਡ੍ਢਮਾਨਂ, ਮਾ ਮੇ ਮਿਤ੍ਤਿ ਜੀਯਿਤ੍ਥ ਸਸ੍ਸਤਾਯਨ੍ਤਿ.

ਕੁਸਲੂਪਦੇਸੇ ¶ ¶ ਧਿਤਿਯਾ ਦਲ਼੍ਹਾਯ ਚ, ਅਨਿਵਤ੍ਤਿਤਤ੍ਤਾਭਯਭੀਰੁਤਾਯ [ਅਵਤ੍ਥਿਤਤ੍ਤਾਭਯਭੀਰੁਤਾਯ (ਸੀ. ਸ੍ਯਾ. ਪੀ.)] ਚ;

ਨ ਰਕ੍ਖਸੀਨਂ ਵਸਮਾਗਮਿਮ੍ਹਸੇ, ਸ ਸੋਤ੍ਥਿਭਾਵੋ ਮਹਤਾ ਭਯੇਨ ਮੇਤਿ.

ਭੀਰੁਕ [ਪਞ੍ਚਗਰੁਕ (ਸੀ. ਪੀ.), ਪਞ੍ਚਭੀਰੁਕ (ਸ੍ਯਾ.), ਅਭਯਭੀਰੁਤ§(?)] ਜਾਤਕਂ ਦੁਤਿਯਂ.

ਖੇਮਂ ਯਹਿਂ ਤਤ੍ਥ ਅਰੀ ਉਦੀਰਿਤੋ [ਅਰਿ ਉਦ੍ਧਰਿਤੋ (ਕ.)], ਦਕਸ੍ਸ ਮਜ੍ਝੇ ਜਲਤੇ ਘਤਾਸਨੋ;

ਨ ਅਜ੍ਜ ਵਾਸੋ ਮਹਿਯਾ ਮਹੀਰੁਹੇ, ਦਿਸਾ ਭਜਵ੍ਹੋ ਸਰਣਾਜ੍ਜ ਨੋ ਭਯਨ੍ਤਿ.

ਯੇ ¶ ਸਞ੍ਞਿਨੋ ਤੇਪਿ ਦੁਗ੍ਗਤਾ, ਯੇਪਿ ਅਸਞ੍ਞਿਨੋ ਤੇਪਿ ਦੁਗ੍ਗਤਾ;

ਏਤਂ ਉਭਯਂ ਵਿਵਜ੍ਜਯ, ਤਂ ¶ ਸਮਾਪਤ੍ਤਿਸੁਖਂ ਅਨਙ੍ਗਣਨ੍ਤਿ.

ਚਨ੍ਦਾਭਂ ਸੂਰਿਯਾਭਞ੍ਚ, ਯੋਧ ਪਞ੍ਞਾਯ ਗਾਧਤਿ.

ਅਵਿਤਕ੍ਕੇਨ ਝਾਨੇਨ, ਹੋਤਿ ਆਭਸ੍ਸਰੂਪਗੋਤਿ.

ਯਂ ¶ ਲਦ੍ਧਂ ਤੇਨ ਤੁਟ੍ਠਬ੍ਬਂ, ਅਤਿਲੋਭੋ ਹਿ ਪਾਪਕੋ;

ਹਂਸਰਾਜਂ ਗਹੇਤ੍ਵਾਨ, ਸੁਵਣ੍ਣਾ ਪਰਿਹਾਯਥਾਤਿ.

ਯਤ੍ਥੇਕੋ ਲਭਤੇ ਬਬ੍ਬੁ, ਦੁਤਿਯੋ ਤਤ੍ਥ ਜਾਯਤਿ;

ਤਤਿਯੋ ਚ ਚਤੁਤ੍ਥੋ ਚ, ਇਦਂ ਤੇ ਬਬ੍ਬੁਕਾ ਬਿਲਨ੍ਤਿ.

ਕਿਂ ਤੇ ਜਟਾਹਿ ਦੁਮ੍ਮੇਧ, ਕਿਂ ਤੇ ਅਜਿਨਸਾਟਿਯਾ;

ਅਬ੍ਭਨ੍ਤਰਂ ¶ ਤੇ ਗਹਨਂ, ਬਾਹਿਰਂ ਪਰਿਮਜ੍ਜਸੀਤਿ.

ਅਕ੍ਖੀ ਭਿਨ੍ਨਾ ਪਟੋ ਨਟ੍ਠੋ, ਸਖਿਗੇਹੇ ਚ ਭਣ੍ਡਨਂ;

ਉਭਤੋ ਪਦੁਟ੍ਠਾ ਕਮ੍ਮਨ੍ਤਾ [ਪਦੁਟ੍ਠਕਮ੍ਮਨ੍ਤੋ (ਸੀ.), ਪਦੁਟ੍ਠੋ ਕਮ੍ਮਨ੍ਤੋ (ਪੀ.)], ਉਦਕਮ੍ਹਿ ਥਲਮ੍ਹਿ ਚਾਤਿ.

ਨਿਚ੍ਚਂ ¶ ਉਬ੍ਬਿਗ੍ਗਹਦਯਾ, ਸਬ੍ਬਲੋਕਵਿਹੇਸਕਾ;

ਤਸ੍ਮਾ ਨੇਸਂ ਵਸਾ ਨਤ੍ਥਿ, ਕਾਕਾਨਮ੍ਹਾਕ [ਕਾਕਾਨਸ੍ਮਾਕ (ਸੀ. ਸ੍ਯਾ. ਪੀ.)] ਞਾਤਿਨਨ੍ਤਿ.

ਇਤਰੀਤਰ ¶ ਰਕ੍ਖਸਿ ਖੇਮਿਯੋ ਚ, ਪਰੋਸਤਪਞ੍ਹੇਨ ਆਭਸ੍ਸਰੋ ਪੁਨ;

ਅਥ ਹਂਸਵਰੁਤ੍ਤਮਬਬ੍ਬੁਜਟਂ, ਪਟਨਟ੍ਠਕ ਕਾਕਵਰੇਨ ਦਸਾਤਿ.

ਨ ¶ ਪਾਪਜਨਸਂਸੇਵੀ, ਅਚ੍ਚਨ੍ਤਸੁਖਮੇਧਤਿ;

ਗੋਧਾਕੁਲਂ [ਗੋਧਕ੍ਕੁਲਂ (ਕ.)] ਕਕਣ੍ਟਾਵ [ਕਕਣ੍ਟਕਾ (ਕ.)], ਕਲਿਂ ਪਾਪੇਤਿ ਅਤ੍ਤਨਨ੍ਤਿ.

ਏਤਞ੍ਹਿ ਤੇ ਦੁਰਾਜਾਨਂ, ਯਂ ਸੇਸਿ ਮਤਸਾਯਿਕਂ;

ਯਸ੍ਸ ਤੇ ਕਡ੍ਢਮਾਨਸ੍ਸ, ਹਤ੍ਥਾ ਦਣ੍ਡੋ ਨ ਮੁਚ੍ਚਤੀਤਿ.

ਲਸੀ ਚ ਤੇ ਨਿਪ੍ਫਲਿਤਾ, ਮਤ੍ਥਕੋ ਚ ਪਦਾਲਿਤੋ [ਵਿਦਾਲਿਤੋ (ਸੀ. ਪੀ.)];

ਸਬ੍ਬਾ ਤੇ ਫਾਸੁਕਾ ਭਗ੍ਗਾ, ਅਜ੍ਜ ਖੋ ਤ੍ਵਂ ਵਿਰੋਚਸੀਤਿ.

ਬਹੁਮ੍ਪੇਤਂ ¶ ਅਸਬ੍ਭਿ [ਬਹੁਪੇਤਮਸਬ੍ਭਿ (ਕ.)] ਜਾਤਵੇਦ, ਯਂ ਤਂ ਵਾਲਧਿਨਾਭਿਪੂਜਯਾਮ;

ਮਂਸਾਰਹਸ੍ਸ ¶ ਨਤ੍ਥਜ੍ਜ ਮਂਸਂ, ਨਙ੍ਗੁਟ੍ਠਮ੍ਪਿ ਭਵਂ ਪਟਿਗ੍ਗਹਾਤੂਤਿ.

ਨ ¶ ਤ੍ਵਂ ਰਾਧ ਵਿਜਾਨਾਸਿ, ਅਡ੍ਢਰਤ੍ਤੇ ਅਨਾਗਤੇ;

ਅਬ੍ਯਯਤਂ [ਅਬ੍ਯਾਯਤਂ (ਸੀ. ਸ੍ਯਾ. ਪੀ.), ਅਬ੍ਯਤ੍ਤਤਂ (?)] ਵਿਲਪਸਿ, ਵਿਰਤ੍ਤਾ ਕੋਸਿਯਾਯਨੇਤਿ.

ਅਪਿ ਨੁ ਹਨੁਕਾ ਸਨ੍ਤਾ, ਮੁਖਞ੍ਚ ਪਰਿਸੁਸ੍ਸਤਿ;

ਓਰਮਾਮ ਨ ਪਾਰੇਮ, ਪੂਰਤੇਵ ਮਹੋਦਧੀਤਿ.

ਨਯਿਦਂ ਦੁਕ੍ਖਂ ਅਦੁਂ ਦੁਕ੍ਖਂ, ਯਂ ਮਂ ਤੁਦਤਿ ਵਾਯਸੋ;

ਯਂ ਸਾਮਾ ਪੁਪ੍ਫਰਤ੍ਤੇਨ, ਕਤ੍ਤਿਕਂ ਨਾਨੁਭੋਸ੍ਸਤੀਤਿ.

ਨਾਹਂ ¶ ਪੁਨਂ ਨ ਚ ਪੁਨਂ, ਨ ਚਾਪਿ ਅਪੁਨਪ੍ਪੁਨਂ;

ਹਤ੍ਥਿਬੋਨ੍ਦਿਂ ਪਵੇਕ੍ਖਾਮਿ, ਤਥਾ ਹਿ ਭਯਤਜ੍ਜਿਤੋਤਿ.

ਏਕਪਣ੍ਣੋ ਅਯਂ ਰੁਕ੍ਖੋ, ਨ ਭੂਮ੍ਯਾ ਚਤੁਰਙ੍ਗੁਲੋ;

ਫਲੇਨ ਵਿਸਕਪ੍ਪੇਨ, ਮਹਾਯਂ ਕਿਂ ਭਵਿਸ੍ਸਤੀਤਿ.

ਅਸਨ੍ਤਂ ¶ ¶ ਯੋ ਪਗ੍ਗਣ੍ਹਾਤਿ, ਅਸਨ੍ਤਂ ਚੂਪਸੇਵਤਿ;

ਤਮੇਵ ਘਾਸਂ ਕੁਰੁਤੇ, ਬ੍ਯਗ੍ਘੋ ਸਞ੍ਜੀਵਕੋ ਯਥਾਤਿ.

ਕਕਣ੍ਟਕ [ਪਾਪਸੇਵਨ (ਕ.)] ਵਗ੍ਗੋ ਪਨ੍ਨਰਸਮੋ.

ਸੁਖਮੇਧਤਿ ਦਣ੍ਡਵਰੋ ਚ ਪੁਨ, ਲਸਿ ਵਾਲਧਿ ਪਞ੍ਚਮਰਾਧਵਰੋ;

ਸਮਹੋਦਧਿ ¶ ਕਤ੍ਤਿਕ ਬੋਨ੍ਦਿ ਪੁਨ, ਚਤੁਰਙ੍ਗੁਲਬ੍ਯਗ੍ਘਵਰੇਨ ਦਸਾਤਿ.

(ਉਪਰਿਮੋ ਪਣ੍ਣਾਸਕੋ.) [( ) ਸੀਹਲ਼ਪੋਤ੍ਥਕੇਯੇਵ ਦਿਸ੍ਸਤਿ]

ਅਪਣ੍ਣਕਂ ਸੀਲਵਗ੍ਗਕੁਰੁਙ੍ਗ, ਕੁਲਾਵਕਂ ਅਤ੍ਥਕਾਮੇਨ ਪਞ੍ਚਮਂ;

ਆਸੀਸੋ ਇਤ੍ਥਿਵਰੁਣਂ ਅਪਾਯਿ, ਲਿਤ੍ਤਵਗ੍ਗੇਨ ਤੇ ਦਸ;

ਪਰੋਸਤਂ ਹਂਚਿ ਕੁਸਨਾਲ਼ਿ [ਹਂਸਿ ਸਰਿਕ੍ਖਂ (ਸਬ੍ਬਤ੍ਥ)], ਅਸਮ੍ਪਦਂ ਕਕਣ੍ਟਕਵਗ੍ਗੋ.

ਦਲ਼੍ਹਂ ¶ ¶ ¶ ਦਲ਼੍ਹਸ੍ਸ ਖਿਪਤਿ, ਬਲ੍ਲਿਕੋ [ਮਲ੍ਲਿਕੋ (ਸੀ. ਪੀ.)] ਮੁਦੁਨਾ ਮੁਦੁਂ;

ਸਾਧੁਮ੍ਪਿ ਸਾਧੁਨਾ ਜੇਤਿ, ਅਸਾਧੁਮ੍ਪਿ ਅਸਾਧੁਨਾ;

ਏਤਾਦਿਸੋ ਅਯਂ ਰਾਜਾ, ਮਗ੍ਗਾ ਉਯ੍ਯਾਹਿ ਸਾਰਥਿ.

ਅਕ੍ਕੋਧੇਨ ਜਿਨੇ ਕੋਧਂ, ਅਸਾਧੁਂ ਸਾਧੁਨਾ ਜਿਨੇ;

ਜਿਨੇ ਕਦਰਿਯਂ ਦਾਨੇਨ, ਸਚ੍ਚੇਨਾਲਿਕਵਾਦਿਨਂ;

ਏਤਾਦਿਸੋ ਅਯਂ ਰਾਜਾ, ਮਗ੍ਗਾ ਉਯ੍ਯਾਹਿ ਸਾਰਥੀਤਿ.

੧੫੨. ਅਸਮੇਕ੍ਖਿਤਕਮ੍ਮਨ੍ਤਂ, ਤੁਰਿਤਾਭਿਨਿਪਾਤਿਨਂ.

ਸਾਨਿ ਕਮ੍ਮਾਨਿ ਤਪ੍ਪੇਨ੍ਤਿ, ਉਣ੍ਹਂਵਜ੍ਝੋਹਿਤਂ ਮੁਖੇ.

ਸੀਹੋ ਚ ਸੀਹਨਾਦੇਨ, ਦਦ੍ਦਰਂ ਅਭਿਨਾਦਯਿ;

ਸੁਤ੍ਵਾ ਸੀਹਸ੍ਸ ਨਿਗ੍ਘੋਸਂ, ਸਿਙ੍ਗਾਲੋ [ਸਿਗਾਲੋ (ਸੀ. ਸ੍ਯਾ. ਪੀ.)] ਦਦ੍ਦਰੇ ਵਸਂ;

ਭੀਤੋ ਸਨ੍ਤਾਸਮਾਪਾਦਿ, ਹਦਯਞ੍ਚਸ੍ਸ ਅਪ੍ਫਲੀਤਿ.

ਸਿਙ੍ਗਾਲਜਾਤਕਂ [ਸਿਗਾਲਜਾਤਕਂ (ਸੀ. ਸ੍ਯਾ. ਪੀ.)] ਦੁਤਿਯਂ.

ਚਤੁਪ੍ਪਦੋ ¶ ਅਹਂ ਸਮ੍ਮ, ਤ੍ਵਮ੍ਪਿ ਸਮ੍ਮ ਚਤੁਪ੍ਪਦੋ;

ਏਹਿ ਸਮ੍ਮ [ਸੀਹ (ਸੀ. ਪੀ.)] ਨਿਵਤ੍ਤਸ੍ਸੁ, ਕਿਂ ਨੁ ਭੀਤੋ ਪਲਾਯਸਿ.

ਅਸੁਚਿ ¶ ਪੂਤਿਲੋਮੋਸਿ, ਦੁਗ੍ਗਨ੍ਧੋ ਵਾਸਿ ਸੂਕਰ;

ਸਚੇ ਯੁਜ੍ਝਿਤੁਕਾਮੋਸਿ, ਜਯਂ ਸਮ੍ਮ ਦਦਾਮਿ ਤੇਤਿ.

ਇਧੂਰਗਾਨਂ ¶ ਪਵਰੋ ਪਵਿਟ੍ਠੋ, ਸੇਲਸ੍ਸ ਵਣ੍ਣੇਨ ਪਮੋਕ੍ਖਮਿਚ੍ਛਂ;

ਬ੍ਰਹ੍ਮਞ੍ਚ ਵਣ੍ਣਂ [ਵਕ੍ਕਂ (ਕ.)] ਅਪਚਾਯਮਾਨੋ, ਬੁਭੁਕ੍ਖਿਤੋ ਨੋ ਵਿਤਰਾਮਿ [ਵਿਸਹਾਮਿ (ਕ. ਸਿ. ਸ੍ਯਾ. ਪੀ.)] ਭੋਤ੍ਤੁਂ.

ਸੋ ਬ੍ਰਹ੍ਮਗੁਤ੍ਤੋ ਚਿਰਮੇਵ ਜੀਵ, ਦਿਬ੍ਯਾ ਚ ਤੇ ਪਾਤੁਭਵਨ੍ਤੁ ਭਕ੍ਖਾ;

ਯੋ ਬ੍ਰਹ੍ਮਵਣ੍ਣਂ ਅਪਚਾਯਮਾਨੋ, ਬੁਭੁਕ੍ਖਿਤੋ ਨੋ ਵਿਤਰਾਸਿ [ਸਬ੍ਬਤ੍ਥਪਿ ਸਮਾਨਂ] ਭੋਤ੍ਤੁਨ੍ਤਿ.

ਜੀਵ ¶ ਵਸ੍ਸਸਤਂ ਭਗ੍ਗ [ਗਗ੍ਗ (ਸੀ. ਪੀ.)], ਅਪਰਾਨਿ ਚ ਵੀਸਤਿਂ [ਵੀਸਤਿ (ਸ੍ਯਾ. ਕ.)];

ਮਾ ਮਂ ਪਿਸਾਚਾ ਖਾਦਨ੍ਤੁ, ਜੀਵ ਤ੍ਵਂ ਸਰਦੋ ਸਤਂ.

ਤ੍ਵਮ੍ਪਿ ਵਸ੍ਸਸਤਂ ਜੀਵ, ਅਪਰਾਨਿ ਚ ਵੀਸਤਿਂ;

ਵਿਸਂ ਪਿਸਾਚਾ ਖਾਦਨ੍ਤੁ, ਜੀਵ ਤ੍ਵਂ ਸਰਦੋ ਸਤਨ੍ਤਿ.

ਅਲੀਨਚਿਤ੍ਤਂ ਨਿਸ੍ਸਾਯ, ਪਹਟ੍ਠਾ ਮਹਤੀ ਚਮੂ;

ਕੋਸਲਂ ਸੇਨਾਸਨ੍ਤੁਟ੍ਠਂ, ਜੀਵਗ੍ਗਾਹਂ ਅਗਾਹਯਿ.

ਏਵਂ ਨਿਸ੍ਸਯਸਮ੍ਪਨ੍ਨੋ, ਭਿਕ੍ਖੁ ਆਰਦ੍ਧਵੀਰਿਯੋ;

ਭਾਵਯਂ ਕੁਸਲਂ ਧਮ੍ਮਂ, ਯੋਗਕ੍ਖੇਮਸ੍ਸ ਪਤ੍ਤਿਯਾ;

ਪਾਪੁਣੇ ਅਨੁਪੁਬ੍ਬੇਨ, ਸਬ੍ਬਸਂਯੋਜਨਕ੍ਖਯਨ੍ਤਿ.

ਯੇਨ ¶ ਕਾਮਂ ਪਣਾਮੇਤਿ, ਧਮ੍ਮੋ ਬਲਵਤਂ ਮਿਗੀ;

ਉਨ੍ਨਦਨ੍ਤੀ ਵਿਜਾਨਾਹਿ, ਜਾਤਂ ਸਰਣਤੋ ਭਯਂ.

ਅਪਿ ¶ ਚੇਪਿ ਦੁਬ੍ਬਲੋ ਮਿਤ੍ਤੋ, ਮਿਤ੍ਤਧਮ੍ਮੇਸੁ ਤਿਟ੍ਠਤਿ;

ਸੋ ਞਾਤਕੋ ਚ ਬਨ੍ਧੁ ਚ, ਸੋ ਮਿਤ੍ਤੋ ਸੋ ਚ ਮੇ ਸਖਾ;

ਦਾਠਿਨਿ ¶ ਮਾਤਿਮਞ੍ਞਿਤ੍ਥੋ [ਮਞ੍ਞਿਵੋ (ਸ੍ਯਾ.), ਮਞ੍ਞਵ੍ਹੋ (ਕ.)], ਸਿਙ੍ਗਾਲੋ ਮਮ ਪਾਣਦੋਤਿ.

ਨਯਿਦਂ ਵਿਸਮਸੀਲੇਨ, ਸੋਣੇਨ ਸੁਹਨੂ ਸਹ;

ਸੁਹਨੂਪਿ ਤਾਦਿਸੋਯੇਵ, ਯੋ ਸੋਣਸ੍ਸ ਸਗੋਚਰੋ.

ਪਕ੍ਖਨ੍ਦਿਨਾ ਪਗਬ੍ਭੇਨ, ਨਿਚ੍ਚਂ ਸਨ੍ਦਾਨਖਾਦਿਨਾ;

ਸਮੇਤਿ ਪਾਪਂ ਪਾਪੇਨ, ਸਮੇਤਿ ਅਸਤਾ ਅਸਨ੍ਤਿ.

ਉਦੇਤਯਂ ਚਕ੍ਖੁਮਾ ਏਕਰਾਜਾ, ਹਰਿਸ੍ਸਵਣ੍ਣੋ ਪਥਵਿਪ੍ਪਭਾਸੋ [ਪਠਵਿਪ੍ਪਭਾਸੋ (ਸੀ. ਸ੍ਯਾ. ਪੀ.)];

ਤਂ ਤਂ ਨਮਸ੍ਸਾਮਿ ਹਰਿਸ੍ਸਵਣ੍ਣਂ ਪਥਵਿਪ੍ਪਭਾਸਂ, ਤਯਾਜ੍ਜ ਗੁਤ੍ਤਾ ਵਿਹਰੇਮੁ ਦਿਵਸਂ.

ਯੇ ਬ੍ਰਾਹ੍ਮਣਾ ਵੇਦਗੂ ਸਬ੍ਬਧਮ੍ਮੇ, ਤੇ ਮੇ ਨਮੋ ਤੇ ਚ ਮਂ ਪਾਲਯਨ੍ਤੁ;

ਨਮਤ੍ਥੁ ਬੁਦ੍ਧਾਨਂ [ਬੁਦ੍ਧਾਨ (?)] ਨਮਤ੍ਥੁ ਬੋਧਿਯਾ, ਨਮੋ ਵਿਮੁਤ੍ਤਾਨਂ [ਵਿਮੁਤ੍ਤਾਨ (?)] ਨਮੋ ਵਿਮੁਤ੍ਤਿਯਾ;

ਇਮਂ ਸੋ ਪਰਿਤ੍ਤਂ ਕਤ੍ਵਾ, ਮੋਰੋ ਚਰਤਿ ਏਸਨਾ.

ਅਪੇਤਯਂ ¶ ¶ ਚਕ੍ਖੁਮਾ ਏਕਰਾਜਾ, ਹਰਿਸ੍ਸਵਣ੍ਣੋ ਪਥਵਿਪ੍ਪਭਾਸੋ;

ਤਂ ਤਂ ਨਮ੍ਮਸ੍ਸਾਮਿ ਹਰਿਸ੍ਸਵਣ੍ਣਂ ਪਥਵਿਪ੍ਪਭਾਸਂ, ਤਯਾਜ੍ਜ ਗੁਤ੍ਤਾ ਵਿਹਰੇਮੁ ਰਤ੍ਤਿਂ.

ਯੇ ਬ੍ਰਾਹ੍ਮਣਾ ਵੇਦਗੂ ਸਬ੍ਬਧਮ੍ਮੇ, ਤੇ ਮੇ ਨਮੋ ਤੇ ਚ ਮਂ ਪਾਲਯਨ੍ਤੁ;

ਨਮਤ੍ਥੁ ਬੁਦ੍ਧਾਨਂ ਨਮਤ੍ਥੁ ਬੋਧਿਯਾ, ਨਮੋ ਵਿਮੁਤ੍ਤਾਨਂ ਨਮੋ ਵਿਮੁਤ੍ਤਿਯਾ;

ਇਮਂ ਸੋ ਪਰਿਤ੍ਤਂ ਕਤ੍ਵਾ, ਮੋਰੋ ਵਾਸਮਕਪ੍ਪਯੀਤਿ.

ਏਵਮੇਵ ਨੂਨ [ਨੁ (ਕ.)] ਰਾਜਾਨਂ, ਵੇਦੇਹਂ ਮਿਥਿਲਗ੍ਗਹਂ;

ਅਸ੍ਸਾ ਵਹਨ੍ਤਿ ਆਜਞ੍ਞਾ, ਯਥਾ ਹਂਸਾ ਵਿਨੀਲਕਂ.

ਵਿਨੀਲ ¶ ਦੁਗ੍ਗਂ ਭਜਸਿ, ਅਭੂਮਿਂ ਤਾਤ ਸੇਵਸਿ;

ਗਾਮਨ੍ਤਕਾਨਿ [ਗਾਮਨ੍ਤਿਕਾਨਿ (ਸੀ.), ਗਾਮਨ੍ਤਰਾਨਿ (ਕ.)] ਸੇਵਸ੍ਸੁ, ਏਤਂ ਮਾਤਾਲਯਂ ਤਵਾਤਿ.

ਵਰਬਲ੍ਲਿਕ ¶ ਦਦ੍ਦਰ ਸੂਕਰਕੋ, ਉਰਗੂਤ੍ਤਮ ਪਞ੍ਚਮਭਗ੍ਗਵਰੋ;

ਮਹਤੀਚਮੁ ਯਾਵ ਸਿਙ੍ਗਾਲਵਰੋ, ਸੁਹਨੁਤ੍ਤਮ ਮੋਰ ਵਿਨੀਲਂ ਦਸਾਤਿ.

ਨ ¶ ਸਨ੍ਥਵਂ [ਸਨ੍ਧਵਂ (ਕ.)] ਕਾਪੁਰਿਸੇਨ ਕਯਿਰਾ, ਅਰਿਯੋ ਅਨਰਿਯੇਨ ਪਜਾਨਮਤ੍ਥਂ;

ਚਿਰਾਨੁਵੁਤ੍ਥੋਪਿ ਕਰੋਤਿ ਪਾਪਂ, ਗਜੋ ਯਥਾ ਇਨ੍ਦਸਮਾਨਗੋਤ੍ਤਂ.

ਯਂ ਤ੍ਵੇਵ ਜਞ੍ਞਾ ਸਦਿਸੋ ਮਮਨ੍ਤਿ, ਸੀਲੇਨ ਪਞ੍ਞਾਯ ਸੁਤੇਨ ਚਾਪਿ;

ਤੇਨੇਵ ਮੇਤ੍ਤਿਂ ਕਯਿਰਾਥ ਸਦ੍ਧਿਂ, ਸੁਖੋ ਹਵੇ ਸਪ੍ਪੁਰਿਸੇਨ ਸਙ੍ਗਮੋਤਿ.

ਨ ¶ ਸਨ੍ਥਵਸ੍ਮਾ ਪਰਮਤ੍ਥਿ ਪਾਪਿਯੋ, ਯੋ ਸਨ੍ਥਵੋ [ਸਨ੍ਧਵੋ (ਕ.)] ਕਾਪੁਰਿਸੇਨ ਹੋਤਿ;

ਸਨ੍ਤਪ੍ਪਿਤੋ ਸਪ੍ਪਿਨਾ ਪਾਯਸੇਨ [ਪਾਯਾਸੇਨ (ਕ.)], ਕਿਚ੍ਛਾਕਤਂ ਪਣ੍ਣਕੁਟਿਂ ਅਦਯ੍ਹਿ [ਅਦਡ੍ਢਹਿ (ਸੀ. ਸ੍ਯਾ.), ਅਦਟ੍ਠਹਿ (ਪੀ.), ਅਦਦ੍ਦਹਿ (?)].

ਨ ਸਨ੍ਥਵਸ੍ਮਾ ਪਰਮਤ੍ਥਿ ਸੇਯ੍ਯੋ, ਯੋ ਸਨ੍ਥਵੋ ਸਪ੍ਪੁਰਿਸੇਨ ਹੋਤਿ;

ਸੀਹਸ੍ਸ ਬ੍ਯਗ੍ਘਸ੍ਸ ਚ ਦੀਪਿਨੋ ਚ, ਸਾਮਾ ਮੁਖਂ ਲੇਹਤਿ ਸਨ੍ਥਵੇਨਾਤਿ.

ਕਾਲ਼ਾ ਮਿਗਾ ਸੇਤਦਨ੍ਤਾ ਤਵੀਮੇ [ਤਵ ਇਮੇ (ਸੀ. ਸ੍ਯਾ. ਪੀ.)], ਪਰੋਸਤਂ ਹੇਮਜਾਲਾਭਿਛਨ੍ਨਾ [ਹੇਮਜਾਲਾਭਿਸਞ੍ਛਨ੍ਨਾ (ਸੀ.)];

ਤੇ ਤੇ ਦਦਾਮੀਤਿ ਸੁਸੀਮ ਬ੍ਰੂਸਿ, ਅਨੁਸ੍ਸਰਂ ¶ ਪੇਤ੍ਤਿਪਿਤਾਮਹਾਨਂ.

ਕਾਲ਼ਾ ¶ ¶ ਮਿਗਾ ਸੇਤਦਨ੍ਤਾ ਮਮੀਮੇ [ਮਮ ਇਮੇ (ਸੀ. ਪੀ.)], ਪਰੋਸਤਂ ਹੇਮਜਾਲਾਭਿਚ੍ਛਨ੍ਨਾ;

ਤੇ ਤੇ ਦਦਾਮੀਤਿ ਵਦਾਮਿ ਮਾਣਵ, ਅਨੁਸ੍ਸਰਂ ਪੇਤ੍ਤਿਪਿਤਾਮਹਾਨਨ੍ਤਿ.

ਯਂ ਨੁ ਗਿਜ੍ਝੋ ਯੋਜਨਸਤਂ, ਕੁਣਪਾਨਿ ਅਵੇਕ੍ਖਤਿ;

ਕਸ੍ਮਾ ਜਾਲਞ੍ਚ ਪਾਸਞ੍ਚ, ਆਸਜ੍ਜਾਪਿ ਨ ਬੁਜ੍ਝਸਿ.

ਯਦਾ ਪਰਾਭਵੋ ਹੋਤਿ, ਪੋਸੋ ਜੀਵਿਤਸਙ੍ਖਯੇ;

ਅਥ ਜਾਲਞ੍ਚ ਪਾਸਞ੍ਚ, ਆਸਜ੍ਜਾਪਿ ਨ ਬੁਜ੍ਝਤੀਤਿ.

ਸਨ੍ਧਿਂ ਕਤ੍ਵਾ ਅਮਿਤ੍ਤੇਨ, ਅਣ੍ਡਜੇਨ ਜਲਾਬੁਜ;

ਵਿਵਰਿਯ ਦਾਠਂ ਸੇਸਿ [ਸਯਸਿ (ਸੀ. ਸ੍ਯਾ. ਪੀ.)], ਕੁਤੋ ਤੇ ਭਯਮਾਗਤਂ.

ਸਙ੍ਕੇਥੇਵ [ਸਙ੍ਕਤੇਵ (ਕ.)] ਅਮਿਤ੍ਤਸ੍ਮਿਂ, ਮਿਤ੍ਤਸ੍ਮਿਮ੍ਪਿ ਨ ਵਿਸ੍ਸਸੇ;

ਅਭਯਾ ਭਯਮੁਪ੍ਪਨ੍ਨਂ, ਅਪਿ ਮੂਲਾਨਿ ਕਨ੍ਤਤੀਤਿ [ਮੂਲਂ ਨਿਕਨ੍ਤਤੀਤਿ (ਸੀ.)].

ਉਪਸਾਲ਼ਕਨਾਮਾਨਿ [ਉਪਸਾਲ਼੍ਹਕਨਾਮਾਨਂ (ਸੀ. ਸ੍ਯਾ. ਪੀ.)], ਸਹਸ੍ਸਾਨਿ ਚਤੁਦ੍ਦਸ;

ਅਸ੍ਮਿਂ ਪਦੇਸੇ ਦਡ੍ਢਾਨਿ, ਨਤ੍ਥਿ ਲੋਕੇ ਅਨਾਮਤਂ.

ਯਮ੍ਹਿ ¶ ਸਚ੍ਚਞ੍ਚ ਧਮ੍ਮੋ ਚ, ਅਹਿਂਸਾ ਸਂਯਮੋ ਦਮੋ;

ਏਤਂ ਅਰਿਯਾ ਸੇਵਨ੍ਤਿ, ਏਤਂ ਲੋਕੇ ਅਨਾਮਤਨ੍ਤਿ.

ਅਭੁਤ੍ਵਾ ¶ ਭਿਕ੍ਖਸਿ ਭਿਕ੍ਖੁ, ਨ ਹਿ ਭੁਤ੍ਵਾਨ ਭਿਕ੍ਖਸਿ;

ਭੁਤ੍ਵਾਨ ਭਿਕ੍ਖੁ ਭਿਕ੍ਖਸ੍ਸੁ, ਮਾ ਤਂ ਕਾਲੋ ਉਪਚ੍ਚਗਾ.

ਕਾਲਂ ¶ ਵੋਹਂ ਨ ਜਾਨਾਮਿ, ਛਨ੍ਨੋ ਕਾਲੋ ਨ ਦਿਸ੍ਸਤਿ;

ਤਸ੍ਮਾ ਅਭੁਤ੍ਵਾ ਭਿਕ੍ਖਾਮਿ, ਮਾ ਮਂ ਕਾਲੋ ਉਪਚ੍ਚਗਾਤਿ.

ਸੇਨੋ ਬਲਸਾ ਪਤਮਾਨੋ, ਲਾਪਂ ਗੋਚਰਠਾਯਿਨਂ;

ਸਹਸਾ ਅਜ੍ਝਪ੍ਪਤ੍ਤੋਵ, ਮਰਣਂ ਤੇਨੁਪਾਗਮਿ.

ਸੋਹਂ ਨਯੇਨ ਸਮ੍ਪਨ੍ਨੋ, ਪੇਤ੍ਤਿਕੇ ਗੋਚਰੇ ਰਤੋ;

ਅਪੇਤਸਤ੍ਤੁ ਮੋਦਾਮਿ, ਸਮ੍ਪਸ੍ਸਂ ਅਤ੍ਥਮਤ੍ਤਨੋਤਿ.

ਯੋ ਵੇ ਮੇਤ੍ਤੇਨ ਚਿਤ੍ਤੇਨ, ਸਬ੍ਬਲੋਕਾਨੁਕਮ੍ਪਤਿ;

ਉਦ੍ਧਂ ¶ ਅਧੋ ਚ ਤਿਰਿਯਂ, ਅਪ੍ਪਮਾਣੇਨ ਸਬ੍ਬਸੋ.

ਅਪ੍ਪਮਾਣਂ ਹਿਤਂ ਚਿਤ੍ਤਂ, ਪਰਿਪੁਣ੍ਣਂ ਸੁਭਾਵਿਤਂ;

ਯਂ ਪਮਾਣਕਤਂ ਕਮ੍ਮਂ, ਨ ਤਂ ਤਤ੍ਰਾਵਸਿਸ੍ਸਤੀਤਿ.

ਨਾਯਂ ਪੁਰੇ ਉਣ੍ਣਮਤਿ [ਉਨ੍ਨਮਤਿ (ਸ੍ਯਾ.)], ਤੋਰਣਗ੍ਗੇ ਕਕਣ੍ਟਕੋ;

ਮਹੋਸਧ ਵਿਜਾਨਾਹਿ, ਕੇਨ ਥਦ੍ਧੋ ਕਕਣ੍ਟਕੋ.

ਅਲਦ੍ਧਪੁਬ੍ਬਂ ਲਦ੍ਧਾਨ, ਅਡ੍ਢਮਾਸਂ ਕਕਣ੍ਟਕੋ;

ਅਤਿਮਞ੍ਞਤਿ ਰਾਜਾਨਂ, ਵੇਦੇਹਂ ਮਿਥਿਲਗ੍ਗਹਨ੍ਤਿ.

ਅਥ ¶ ਇਨ੍ਦਸਮਾਨ ਸਪਣ੍ਣਕੁਟਿ, ਸੁਸਿਮੁਤ੍ਤਮ ਗਿਜ੍ਝ ਜਲਾਬੁਜਕੋ;

ਉਪਸਾਲ਼ਕ ਭਿਕ੍ਖੁ ਸਲਾਪਵਰੋ, ਅਥ ਮੇਤ੍ਤਵਰੋ ਦਸਪੁਣ੍ਣਮਤੀਤਿ.

ਕਲ੍ਯਾਣਧਮ੍ਮੋਤਿ ¶ ¶ ਯਦਾ ਜਨਿਨ੍ਦ, ਲੋਕੇ ਸਮਞ੍ਞਂ ਅਨੁਪਾਪੁਣਾਤਿ;

ਤਸ੍ਮਾ ਨ ਹਿਯ੍ਯੇਥ [ਹੀਯੇਥ (ਸੀ.)] ਨਰੋ ਸਪਞ੍ਞੋ, ਹਿਰਿਯਾਪਿ ਸਨ੍ਤੋ ਧੁਰਮਾਦਿਯਨ੍ਤਿ.

ਸਾਯਂ ਸਮਞ੍ਞਾ ਇਧ ਮਜ੍ਜ ਪਤ੍ਤਾ, ਕਲ੍ਯਾਣਧਮ੍ਮੋਤਿ ਜਨਿਨ੍ਦ ਲੋਕੇ;

ਤਾਹਂ ਸਮੇਕ੍ਖਂ ਇਧ ਪਬ੍ਬਜਿਸ੍ਸਂ, ਨ ਹਿ ਮਤ੍ਥਿ ਛਨ੍ਦੋ ਇਧ ਕਾਮਭੋਗੇਤਿ.

ਕੋ ਨੁ ਸਦ੍ਦੇਨ ਮਹਤਾ, ਅਭਿਨਾਦੇਤਿ ਦਦ੍ਦਰਂ;

ਤਂ ਸੀਹਾ ਨਪ੍ਪਟਿਨਦਨ੍ਤਿ [ਕਿਂ ਸੀਹਾ ਨਪ੍ਪਟਿਨਦਨ੍ਤਿ (ਸੀ. ਪੀ.), ਨ ਸੀਹਾ ਪਟਿਨਦਨ੍ਤਿ (ਕ.)], ਕੋ ਨਾਮੇਸੋ ਮਿਗਾਧਿਭੂ.

ਅਧਮੋ ਮਿਗਜਾਤਾਨਂ, ਸਿਙ੍ਗਾਲੋ ਤਾਤ ਵਸ੍ਸਤਿ;

ਜਾਤਿਮਸ੍ਸ ਜਿਗੁਚ੍ਛਨ੍ਤਾ, ਤੁਣ੍ਹੀ ਸੀਹਾ ਸਮਚ੍ਛਰੇਤਿ.

ਤਾਤ ¶ ¶ ਮਾਣਵਕੋ ਏਸੋ, ਤਾਲਮੂਲਂ ਅਪਸ੍ਸਿਤੋ;

ਅਗਾਰਕਞ੍ਚਿਦਂ ਅਤ੍ਥਿ, ਹਨ੍ਦ ਦੇਮਸ੍ਸਗਾਰਕਂ.

ਮਾ ਖੋ ਤ੍ਵਂ ਤਾਤ ਪਕ੍ਕੋਸਿ, ਦੂਸੇਯ੍ਯ ਨੋ ਅਗਾਰਕਂ;

ਨੇਤਾਦਿਸਂ ਮੁਖਂ ਹੋਤਿ, ਬ੍ਰਾਹ੍ਮਣਸ੍ਸ ਸੁਸੀਲਿਨੋਤਿ.

ਅਦਮ੍ਹ ਤੇ ਵਾਰਿ ਪਹੂਤਰੂਪਂ, ਘਮ੍ਮਾਭਿਤਤ੍ਤਸ੍ਸ ਪਿਪਾਸਿਤਸ੍ਸ;

ਸੋ ਦਾਨਿ ਪਿਤ੍ਵਾਨ [ਪੀਤ੍ਵਾਨ (ਸੀ. ਪੀ.)] ਕਿਰਿਙ੍ਕਰੋਸਿ [ਕਿਕਿਂਕਰੋਸਿ (ਸੀ. ਸ੍ਯਾ. ਪੀ.)], ਅਸਙ੍ਗਮੋ ਪਾਪਜਨੇਨ ਸੇਯ੍ਯੋ.

ਕੋ ਤੇ ਸੁਤੋ ਵਾ ਦਿਟ੍ਠੋ ਵਾ, ਸੀਲਵਾ ਨਾਮ ਮਕ੍ਕਟੋ;

ਇਦਾਨਿ ਖੋ ਤਂ ਓਹਚ੍ਛਂ [ਊਹਚ੍ਚ (ਸੀ. ਪੀ.), ਓਹਚ੍ਚਂ (ਸ੍ਯਾ.), ਉਹਜ੍ਜਂ (ਕ.)], ਏਸਾ ਅਸ੍ਮਾਕ ਧਮ੍ਮਤਾਤਿ.

ਸਬ੍ਬੇਸੁ ¶ ਕਿਰ ਭੂਤੇਸੁ, ਸਨ੍ਤਿ ਸੀਲਸਮਾਹਿਤਾ;

ਪਸ੍ਸ ਸਾਖਾਮਿਗਂ ਜਮ੍ਮਂ, ਆਦਿਚ੍ਚਮੁਪਤਿਟ੍ਠਤਿ.

ਨਾਸ੍ਸ ਸੀਲਂ ਵਿਜਾਨਾਥ, ਅਨਞ੍ਞਾਯ ਪਸਂਸਥ;

ਅਗ੍ਗਿਹੁਤ੍ਤਞ੍ਚ ¶ ਉਹਨ੍ਨਂ [ਊਹਨ੍ਤਂ (ਸੀ.), ਊਹਨਂ (ਸ੍ਯਾ.), ਊਹਨ੍ਤਿ (ਪੀ.), ਉਹਦਂ (ਕ.)], ਦ੍ਵੇ ਚ ਭਿਨ੍ਨਾ ਕਮਣ੍ਡਲੂਤਿ.

ਬਾਲੋ ¶ ਵਤਾਯਂ ਦੁਮਸਾਖਗੋਚਰੋ, ਪਞ੍ਞਾ ਜਨਿਨ੍ਦ ਨਯਿਮਸ੍ਸ ਵਿਜ੍ਜਤਿ;

ਕਲ਼ਾਯਮੁਟ੍ਠਿਂ [ਕਲਾਯਮੁਟ੍ਠਿਂ (ਸੀ. ਪੀ.)] ਅਵਕਿਰਿਯ ਕੇਵਲਂ, ਏਕਂ ਕਲ਼ਾਯਂ ਪਤਿਤਂ ਗਵੇਸਤਿ.

ਏਵਮੇਵ ਮਯਂ ਰਾਜ, ਯੇ ਚਞ੍ਞੇ ਅਤਿਲੋਭਿਨੋ;

ਅਪ੍ਪੇਨ ਬਹੁਂ ਜਿਯ੍ਯਾਮ, ਕਲ਼ਾਯੇਨੇਵ ਵਾਨਰੋਤਿ.

ਧਨੁਹਤ੍ਥਕਲਾਪੇਹਿ, ਨੇਤ੍ਤਿਂ ਸਵਰਧਾਰਿਭਿ;

ਸਮਨ੍ਤਾ ਪਰਿਕਿਣ੍ਣਮ੍ਹ, ਕਥਂ ਮੋਕ੍ਖੋ ਭਵਿਸ੍ਸਤਿ.

ਅਪ੍ਪੇਵ ਬਹੁਕਿਚ੍ਚਾਨਂ, ਅਤ੍ਥੋ ਜਾਯੇਥ ਕੋਚਿ ਨਂ;

ਅਤ੍ਥਿ ਰੁਕ੍ਖਸ੍ਸ ਅਚ੍ਛਿਨ੍ਨਂ, ਖਜ੍ਜਥਞ੍ਞੇਵ ਤਿਨ੍ਦੁਕਨ੍ਤਿ.

ਜਨਿਤ੍ਤਂ ¶ ਮੇ ਭਵਿਤ੍ਤਂ ਮੇ, ਇਤਿ ਪਙ੍ਕੇ ਅਵਸ੍ਸਯਿਂ;

ਤਂ ਮਂ ਪਙ੍ਕੋ ਅਜ੍ਝਭਵਿ, ਯਥਾ ਦੁਬ੍ਬਲਕਂ ਤਥਾ;

ਤਂ ਤਂ ਵਦਾਮਿ ਭਗ੍ਗਵ, ਸੁਣੋਹਿ ਵਚਨਂ ਮਮ.

ਗਾਮੇ ਵਾ ਯਦਿ ਵਾ ਰਞ੍ਞੇ, ਸੁਖਂ ਯਤ੍ਰਾਧਿਗਚ੍ਛਤਿ;

ਤਂ ਜਨਿਤ੍ਤਂ ਭਵਿਤ੍ਤਞ੍ਚ, ਪੁਰਿਸਸ੍ਸ ਪਜਾਨਤੋ;

ਯਮ੍ਹਿ ਜੀਵੇ ਤਮ੍ਹਿ ਗਚ੍ਛੇ, ਨ ਨਿਕੇਤਹਤੋ ਸਿਯਾਤਿ.

ਤਞ੍ਚ ¶ ਅਪ੍ਪਞ੍ਚ ਉਚ੍ਛਿਟ੍ਠਂ, ਤਞ੍ਚ ਕਿਚ੍ਛੇਨ ਨੋ ਅਦਾ;

ਸੋਹਂ ਬ੍ਰਾਹ੍ਮਣਜਾਤਿਕੋ, ਯਂ ਭੁਤ੍ਤਂ ਤਮ੍ਪਿ ਉਗ੍ਗਤਂ.

ਏਵਂ ¶ ਧਮ੍ਮਂ ਨਿਰਂਕਤ੍ਵਾ [ਨਿਰਾਕਤ੍ਵਾ (?) ਨਿ + ਆ + ਕਰ + ਤ੍ਵਾ], ਯੋ ਅਧਮ੍ਮੇਨ ਜੀਵਤਿ;

ਸਤਧਮ੍ਮੋਵ ਲਾਭੇਨ, ਲਦ੍ਧੇਨਪਿ ਨ ਨਨ੍ਦਤੀਤਿ.

ਦੁਦ੍ਦਦਂ ਦਦਮਾਨਾਨਂ, ਦੁਕ੍ਕਰਂ ਕਮ੍ਮ ਕੁਬ੍ਬਤਂ;

ਅਸਨ੍ਤੋ ਨਾਨੁਕੁਬ੍ਬਨ੍ਤਿ, ਸਤਂ ਧਮ੍ਮੋ ਦੁਰਨ੍ਨਯੋ.

ਤਸ੍ਮਾ ਸਤਞ੍ਚ ਅਸਤਂ, ਨਾਨਾ ਹੋਤਿ ਇਤੋ ਗਤਿ;

ਅਸਨ੍ਤੋ ¶ ਨਿਰਯਂ ਯਨ੍ਤਿ, ਸਨ੍ਤੋ ਸਗ੍ਗਪਰਾਯਣਾਤਿ [ਪਰਾਯਨਾ (ਸ੍ਯਾ. ਕ.)].

ਸੁਸਮਞ੍ਞਮਿਗਾਧਿਭੂ ਮਾਣਵਕੋ, ਵਾਰਿਪਹੂਤਰੂਪਾਦਿਚ੍ਚੁਪਟ੍ਠਾਨਾ;

ਸਕਲ਼ਾਯਸਤਿਨ੍ਦੁਕਪਙ੍ਕ ਪੁਨ, ਸਤਧਮ੍ਮ ਸੁਦੁਦ੍ਦਦਕੇਨ ਦਸਾਤਿ.

ਧਨੁਗ੍ਗਹੋ ਅਸਦਿਸੋ, ਰਾਜਪੁਤ੍ਤੋ ਮਹਬ੍ਬਲੋ;

ਦੂਰੇਪਾਤੀ ਅਕ੍ਖਣਵੇਧੀ, ਮਹਾਕਾਯਪ੍ਪਦਾਲਨੋ.

ਸਬ੍ਬਾਮਿਤ੍ਤੇ ਰਣਂ ਕਤ੍ਵਾ, ਨ ਚ ਕਞ੍ਚਿ ਵਿਹੇਠਯਿ;

ਭਾਤਰਂ ਸੋਤ੍ਥਿਂ ਕਤ੍ਵਾਨ, ਸਂਯਮਂ ਅਜ੍ਝੁਪਾਗਮੀਤਿ.

ਸਙ੍ਗਾਮਾਵਚਰੋ ¶ ¶ ਸੂਰੋ, ਬਲਵਾ ਇਤਿ ਵਿਸ੍ਸੁਤੋ;

ਕਿਂ ¶ ਨੁ ਤੋਰਣਮਾਸਜ੍ਜ, ਪਟਿਕ੍ਕਮਸਿ ਕੁਞ੍ਜਰ.

ਓਮਦ੍ਦ ਖਿਪ੍ਪਂ ਪਲਿਘਂ, ਏਸਿਕਾਨਿ ਚ ਅਬ੍ਬਹ [ਉਬ੍ਬਹ (ਸ੍ਯਾ.), ਅਬ੍ਭੁਹ (ਕ.)];

ਤੋਰਣਾਨਿ ਚ ਮਦ੍ਦਿਤ੍ਵਾ, ਖਿਪ੍ਪਂ ਪਵਿਸ ਕੁਞ੍ਜਰਾਤਿ.

ਵਾਲੋਦਕਂ ਅਪ੍ਪਰਸਂ ਨਿਹੀਨਂ, ਪਿਤ੍ਵਾ [ਪੀਤ੍ਵਾ (ਸੀ. ਪੀ.)] ਮਦੋ ਜਾਯਤਿ ਗਦ੍ਰਭਾਨਂ;

ਇਮਞ੍ਚ ਪਿਤ੍ਵਾਨ ਰਸਂ ਪਣੀਤਂ, ਮਦੋ ਨ ਸਞ੍ਜਾਯਤਿ ਸਿਨ੍ਧਵਾਨਂ.

ਅਪ੍ਪਂ ਪਿਵਿਤ੍ਵਾਨ ਨਿਹੀਨਜਚ੍ਚੋ, ਸੋ ਮਜ੍ਜਤੀ ਤੇਨ ਜਨਿਨ੍ਦ ਪੁਟ੍ਠੋ [ਫੁਟ੍ਠੋ (ਸੀ. ਸ੍ਯਾ.), ਮੁਟ੍ਠੋ (ਕ.)];

ਧੋਰਯ੍ਹਸੀਲੀ ਚ ਕੁਲਮ੍ਹਿ ਜਾਤੋ, ਨ ਮਜ੍ਜਤੀ ਅਗ੍ਗਰਸਂ ਪਿਵਿਤ੍ਵਾਤਿ.

ਦੂਸਿਤੋ ਗਿਰਿਦਤ੍ਤੇਨ [ਗਿਰਿਦਨ੍ਤੇਨ (ਪੀ.)], ਹਯੋ ਸਾਮਸ੍ਸ ਪਣ੍ਡਵੋ;

ਪੋਰਾਣਂ ਪਕਤਿਂ ਹਿਤ੍ਵਾ, ਤਸ੍ਸੇਵਾਨੁਵਿਧਿਯ੍ਯਤਿ [ਨੁਵਿਧੀਯਤਿ (ਸੀ. ਪੀ.)].

ਸਚੇ ¶ ਚ ਤਨੁਜੋ ਪੋਸੋ, ਸਿਖਰਾਕਾਰ [ਸਿਙ੍ਗਾਰਾਕਾਰ (ਸ੍ਯਾ.)] ਕਪ੍ਪਿਤੋ;

ਆਨਨੇ ਨਂ [ਤਂ (ਸੀ. ਸ੍ਯਾ. ਪੀ.)] ਗਹੇਤ੍ਵਾਨ, ਮਣ੍ਡਲੇ ਪਰਿਵਤ੍ਤਯੇ;

ਖਿਪ੍ਪਮੇਵ ਪਹਨ੍ਤ੍ਵਾਨ, ਤਸ੍ਸੇਵਾਨੁਵਿਧਿਯ੍ਯਤੀਤਿ.

ਯਥੋਦਕੇ ¶ ਆਵਿਲੇ ਅਪ੍ਪਸਨ੍ਨੇ, ਨ ਪਸ੍ਸਤਿ ਸਿਪ੍ਪਿਕਸਮ੍ਬੁਕਞ੍ਚ;

ਸਕ੍ਖਰਂ ਵਾਲੁਕਂ ਮਚ੍ਛਗੁਮ੍ਬਂ, ਏਵਂ ਆਵਿਲਮ੍ਹਿ [ਆਵਿਲੇ ਹਿ (ਸੀ.)] ਚਿਤ੍ਤੇ;

ਯਥੋਦਕੇ ¶ ਅਚ੍ਛੇ ਵਿਪ੍ਪਸਨ੍ਨੇ, ਸੋ ਪਸ੍ਸਤਿ ਸਿਪ੍ਪਿਕਸਮ੍ਬੁਕਞ੍ਚ;

ਸਕ੍ਖਰਂ ਵਾਲੁਕਂ ਮਚ੍ਛਗੁਮ੍ਬਂ, ਏਵਂ ਅਨਾਵਿਲਮ੍ਹਿ ਚਿਤ੍ਤੇ;

ਸੋ ਪਸ੍ਸਤਿ ਅਤ੍ਤਦਤ੍ਥਂ ਪਰਤ੍ਥਨ੍ਤਿ.

ਵਣ੍ਣਗਨ੍ਧਰਸੂਪੇਤੋ ¶ , ਅਮ੍ਬੋਯਂ ਅਹੁਵਾ ਪੁਰੇ;

ਤਮੇਵ ਪੂਜਂ ਲਭਮਾਨੋ, ਕੇਨਮ੍ਬੋ ਕਟੁਕਪ੍ਫਲੋ.

ਪੁਚਿਮਨ੍ਦਪਰਿਵਾਰੋ, ਅਮ੍ਬੋ ਤੇ ਦਧਿਵਾਹਨ;

ਮੂਲਂ ਮੂਲੇਨ ਸਂਸਟ੍ਠਂ, ਸਾਖਾ ਸਾਖਾ [ਸਾਖਂ (ਸ੍ਯਾ. ਕ.)] ਨਿਸੇਵਰੇ [ਨਿਵੀਸਰੇ (ਕ.)];

ਅਸਾਤਸਨ੍ਨਿਵਾਸੇਨ, ਤੇਨਮ੍ਬੋ ਕਟੁਕਪ੍ਫਲੋਤਿ.

ਉਚ੍ਚੇ ਵਿਟਭਿਮਾਰੁਯ੍ਹ, ਮਨ੍ਤਯਵ੍ਹੋ ਰਹੋਗਤਾ;

ਨੀਚੇ ਓਰੁਯ੍ਹ ਮਨ੍ਤਵ੍ਹੋ, ਮਿਗਰਾਜਾਪਿ ਸੋਸ੍ਸਤਿ.

ਯਂ ਸੁਵਣ੍ਣੋ ਸੁਵਣ੍ਣੇਨ [ਯਂ ਸੁਪਣ੍ਣੋ ਸੁਪਣ੍ਣੇਨ (ਸੀ. ਸ੍ਯਾ. ਪੀ.)], ਦੇਵੋ ਦੇਵੇਨ ਮਨ੍ਤਯੇ;

ਕਿਂ ਤੇਤ੍ਥ ਚਤੁਮਟ੍ਠਸ੍ਸ, ਬਿਲਂ ਪਵਿਸ ਜਮ੍ਬੁਕਾਤਿ.

ਸੀਹਙ੍ਗੁਲੀ ¶ ਸੀਹਨਖੋ, ਸੀਹਪਾਦਪਤਿਟ੍ਠਿਤੋ;

ਸੋ ਸੀਹੋ ਸੀਹਸਙ੍ਘਮ੍ਹਿ, ਏਕੋ ਨਦਤਿ ਅਞ੍ਞਥਾ.

ਮਾ ¶ ਤ੍ਵਂ ਨਦਿ ਰਾਜਪੁਤ੍ਤ, ਅਪ੍ਪਸਦ੍ਦੋ ਵਨੇ ਵਸ;

ਸਰੇਨ ਖੋ [ਮਾ (ਕ.)] ਤਂ ਜਾਨੇਯ੍ਯੁਂ, ਨ ਹਿ ਤੇ ਪੇਤ੍ਤਿਕੋ ਸਰੋਤਿ.

ਨੇਤਂ ਸੀਹਸ੍ਸ ਨਦਿਤਂ, ਨ ਬ੍ਯਗ੍ਘਸ੍ਸ ਨ [ਬ੍ਯਗ੍ਘਸ੍ਸ ਨ ਚ (ਕ.)] ਦੀਪਿਨੋ;

ਪਾਰੁਤੋ ਸੀਹਚਮ੍ਮੇਨ, ਜਮ੍ਮੋ ਨਦਤਿ ਗਦ੍ਰਭੋ.

ਚਿਰਮ੍ਪਿ ¶ ਖੋ ਤਂ ਖਾਦੇਯ੍ਯ, ਗਦ੍ਰਭੋ ਹਰਿਤਂ ਯਵਂ;

ਪਾਰੁਤੋ ਸੀਹਚਮ੍ਮੇਨ, ਰਵਮਾਨੋਵ ਦੂਸਯੀਤਿ.

ਪਸ੍ਸ ਸਦ੍ਧਾਯ ਸੀਲਸ੍ਸ, ਚਾਗਸ੍ਸ ਚ ਅਯਂ ਫਲਂ;

ਨਾਗੋ ਨਾਵਾਯ ਵਣ੍ਣੇਨ, ਸਦ੍ਧਂ ਵਹਤੁਪਾਸਕਂ.

ਸਬ੍ਭਿਰੇਵ ਸਮਾਸੇਥ, ਸਬ੍ਭਿ ਕੁਬ੍ਬੇਥ ਸਨ੍ਥਵਂ;

ਸਤਞ੍ਹਿ ਸਨ੍ਨਿਵਾਸੇਨ, ਸੋਤ੍ਥਿਂ ਗਚ੍ਛਤਿ ਨ੍ਹਾਪਿਤੋਤਿ.

ਧਨੁਗ੍ਗਹ ¶ ਕੁਞ੍ਜਰ ਅਪ੍ਪਰਸੋ, ਗਿਰਿਦਤ੍ਤਮਨਾਵਿਲਚਿਤ੍ਤਵਰਂ;

ਦਧਿਵਾਹਨ ਜਮ੍ਬੂਕ ਸੀਹਨਖੋ, ਹਰਿਤਯਵ ਨਾਗਵਰੇਨ ਦਸਾਤਿ.

ਅਪਿ ¶ [ਅਮ੍ਭੋ (ਸ੍ਯਾ. ਕ. ਸੀ.)] ਰੁਹਕ ਛਿਨ੍ਨਾਪਿ, ਜਿਯਾ ਸਨ੍ਧੀਯਤੇ ਪੁਨ;

ਸਨ੍ਧੀਯਸ੍ਸੁ ਪੁਰਾਣਿਯਾ, ਮਾ ਕੋਧਸ੍ਸ ਵਸਂ ਗਮਿ.

ਵਿਜ੍ਜਮਾਨੇਸੁ ਵਾਕੇਸੁ [ਵਿਜ੍ਜਮਾਨਾਸੁ ਮਰੁਵਾਸੁ (ਸੀ.), ਵਿਜ੍ਜਮਾਨਾਸੁ ਮਰੂਦ੍ਵਾਸੁ (ਪੀ.)], ਵਿਜ੍ਜਮਾਨੇਸੁ ਕਾਰਿਸੁ;

ਅਞ੍ਞਂ ਜਿਯਂ ਕਰਿਸ੍ਸਾਮਿ, ਅਲਞ੍ਞੇਵ ਪੁਰਾਣਿਯਾਤਿ.

ਇਤ੍ਥੀ ਸਿਯਾ ਰੂਪਵਤੀ, ਸਾ ਚ ਸੀਲਵਤੀ ਸਿਯਾ;

ਪੁਰਿਸੋ ਤਂ ਨ ਇਚ੍ਛੇਯ੍ਯ, ਸਦ੍ਦਹਾਸਿ ਮਹੋਸਧ.

ਸਦ੍ਦਹਾਮਿ ¶ ਮਹਾਰਾਜ, ਪੁਰਿਸੋ ਦੁਬ੍ਭਗੋ ਸਿਯਾ;

ਸਿਰੀ ¶ ਚ ਕਾਲ਼ਕਣ੍ਣੀ ਚ, ਨ ਸਮੇਨ੍ਤਿ ਕੁਦਾਚਨਨ੍ਤਿ.

ਅਯਮੇਵ ਸਾ ਅਹਮਪਿ [ਅਹਮ੍ਪਿ (ਸੀ. ਸ੍ਯਾ. ਪੀ.), ਅਹਸ੍ਮਿ (ਕ.)] ਸੋ ਅਨਞ੍ਞੋ, ਅਯਮੇਵ ਸੋ ਹਤ੍ਥਚ੍ਛਿਨ੍ਨੋ ਅਨਞ੍ਞੋ;

ਯਮਾਹ ‘‘ਕੋਮਾਰਪਤੀ ਮਮ’’ਨ੍ਤਿ, ਵਜ੍ਝਿਤ੍ਥਿਯੋ ਨਤ੍ਥਿ ਇਤ੍ਥੀਸੁ ਸਚ੍ਚਂ.

ਇਮਞ੍ਚ ਜਮ੍ਮਂ ਮੁਸਲੇਨ ਹਨ੍ਤ੍ਵਾ, ਲੁਦ੍ਦਂ ਛਵਂ ਪਰਦਾਰੂਪਸੇਵਿਂ;

ਇਮਿਸ੍ਸਾ ਚ ਨਂ ਪਾਪਪਤਿਬ੍ਬਤਾਯ, ਜੀਵਨ੍ਤਿਯਾ ਛਿਨ੍ਦਥ ਕਣ੍ਣਨਾਸਨ੍ਤਿ.

ਨ ¶ ਸਨ੍ਤਿ ਦੇਵਾ ਪਵਸਨ੍ਤਿ ਨੂਨ, ਨ ਹਿ ਨੂਨ ਸਨ੍ਤਿ ਇਧ ਲੋਕਪਾਲਾ;

ਸਹਸਾ ਕਰੋਨ੍ਤਾਨਮਸਞ੍ਞਤਾਨਂ, ਨ ਹਿ ਨੂਨ ਸਨ੍ਤੀ ਪਟਿਸੇਧਿਤਾਰੋ.

ਅਕਾਲੇ ਵਸ੍ਸਤੀ ਤਸ੍ਸ, ਕਾਲੇ ਤਸ੍ਸ ਨ ਵਸ੍ਸਤਿ;

ਸਗ੍ਗਾ ¶ ਚ ਚਵਤਿ ਠਾਨਾ, ਨਨੁ ਸੋ ਤਾਵਤਾ ਹਤੋਤਿ.

ਪਬ੍ਬਤੂਪਤ੍ਥਰੇ [ਪਬ੍ਬਤਪਤ੍ਥਰੇ (ਸੀ. ਸ੍ਯਾ. ਪੀ.)] ਰਮ੍ਮੇ, ਜਾਤਾ ਪੋਕ੍ਖਰਣੀ ਸਿਵਾ;

ਤਂ ਸਿਙ੍ਗਾਲੋ ਅਪਾਪਾਯਿ [ਅਪਾਪਾਸਿ (ਸੀ. ਸ੍ਯਾ. ਪੀ.)], ਜਾਨਂ ਸੀਹੇਨ ਰਕ੍ਖਿਤਂ.

ਪਿਵਨ੍ਤਿ ਚੇ [ਪਿਵਨ੍ਤਿ ਵੇ (ਸੀ.), ਪਿਵਨ੍ਤਿਵ (ਪੀ.), ਪਿਵਨ੍ਤੇਵ (?)] ਮਹਾਰਾਜ, ਸਾਪਦਾਨਿ ਮਹਾਨਦਿਂ;

ਨ ਤੇਨ ਅਨਦੀ ਹੋਤਿ, ਖਮਸ੍ਸੁ ਯਦਿ ਤੇ ਪਿਯਾਤਿ.

ਪਬ੍ਬਤੂਪਤ੍ਥਰ [ਪਬ੍ਬਤਪਤ੍ਥਰ (ਸੀ. ਸ੍ਯਾ. ਪੀ.)] ਜਾਤਕਂ ਪਞ੍ਚਮਂ.

ਯੇ ਨ ਕਾਹਨ੍ਤਿ ਓਵਾਦਂ, ਨਰਾ ਬੁਦ੍ਧੇਨ ਦੇਸਿਤਂ;

ਬ੍ਯਸਨਂ ਤੇ ਗਮਿਸ੍ਸਨ੍ਤਿ, ਰਕ੍ਖਸੀਹਿਵ ਵਾਣਿਜਾ.

ਯੇ ¶ ਚ ਕਾਹਨ੍ਤਿ ਓਵਾਦਂ, ਨਰਾ ਬੁਦ੍ਧੇਨ ਦੇਸਿਤਂ;

ਸੋਤ੍ਥਿਂ ਪਾਰਂ ਗਮਿਸ੍ਸਨ੍ਤਿ, ਵਲਾਹੇਨੇਵ [ਵਾਲਾਹੇਨੇਵ (ਸੀ. ਪੀ.)] ਵਾਣਿਜਾਤਿ.

ਵਲਾਹਕਸ੍ਸ [ਵਾਲਾਹਸ੍ਸ (ਸੀ. ਪੀ.)] ਜਾਤਕਂ ਛਟ੍ਠਂ.

ਨ ਨਂ ਉਮ੍ਹਯਤੇ ਦਿਸ੍ਵਾ, ਨ ਚ ਨਂ ਪਟਿਨਨ੍ਦਤਿ;

ਚਕ੍ਖੂਨਿ ਚਸ੍ਸ ਨ ਦਦਾਤਿ, ਪਟਿਲੋਮਞ੍ਚ ਵਤ੍ਤਤਿ.

ਏਤੇ ¶ ¶ ਭਵਨ੍ਤਿ ਆਕਾਰਾ, ਅਮਿਤ੍ਤਸ੍ਮਿਂ ਪਤਿਟ੍ਠਿਤਾ;

ਯੇਹਿ ਅਮਿਤ੍ਤਂ ਜਾਨੇਯ੍ਯ, ਦਿਸ੍ਵਾ ਸੁਤ੍ਵਾ ਚ ਪਣ੍ਡਿਤੋਤਿ.

ਪਵਾਸਾ ਆਗਤੋ ਤਾਤ, ਇਦਾਨਿ ਨਚਿਰਾਗਤੋ;

ਕਚ੍ਚਿਨ੍ਨੁ ਤਾਤ ਤੇ ਮਾਤਾ, ਨ ਅਞ੍ਞਮੁਪਸੇਵਤਿ.

ਨ ਖੋ ਪਨੇਤਂ ਸੁਭਣਂ, ਗਿਰਂ ਸਚ੍ਚੁਪਸਂਹਿਤਂ;

ਸਯੇਥ ਪੋਟ੍ਠਪਾਦੋਵ, ਮੁਮ੍ਮੁਰੇ [ਮੁਮ੍ਮੁਰੇ (ਸ੍ਯਾ.), ਮਂ ਪੁਰੇ (ਕ.) ਮੁਮ੍ਮੁਰਸਦ੍ਦੋ ਥੁਸਗ੍ਗਿਮ੍ਹਿ ਕੁਕ੍ਕੁਲ਼ੇ ਚ ਵਤ੍ਤਤੀਤਿ ਸਕ੍ਕਤਾਭਿਧਾਨੇਸੁ] ਉਪਕੂਥਿਤੋਤਿ [ਉਪਕੂਸਿਤੋਤਿ (ਸੀ. ਸ੍ਯਾ. ਪੀ.), ਉਪਕੂਲਿਤੋ (ਕ.)].

ਉਭਯਂ ਮੇ ਨ ਖਮਤਿ, ਉਭਯਂ ਮੇ ਨ ਰੁਚ੍ਚਤਿ;

ਯਾਚਾਯਂ ਕੋਟ੍ਠਮੋਤਿਣ੍ਣਾ, ਨਾਦ੍ਦਸਂ ਇਤਿ ਭਾਸਤਿ.

ਤਂ ਤਂ ਗਾਮਪਤਿ ਬ੍ਰੂਮਿ, ਕਦਰੇ ਅਪ੍ਪਸ੍ਮਿ ਜੀਵਿਤੇ;

ਦ੍ਵੇ ਮਾਸੇ ਸਙ੍ਗਰਂ ਕਤ੍ਵਾ [ਕਾਰਂ ਕਤ੍ਵਾਨ (ਸੀ. ਪੀ.), ਸਂਕਰਂ ਕਤ੍ਵਾ (ਕ.)], ਮਂਸਂ ਜਰਗ੍ਗਵਂ ਕਿਸਂ;

ਅਪ੍ਪਤ੍ਤਕਾਲੇ ਚੋਦੇਸਿ, ਤਮ੍ਪਿ ਮਯ੍ਹਂ ਨ ਰੁਚ੍ਚਤੀਤਿ.

ਸਰੀਰਦਬ੍ਯਂ ¶ ਵੁਡ੍ਢਬ੍ਯਂ [ਵਦ੍ਧਬ੍ਯਂ (ਸੀ. ਪੀ.)], ਸੋਜਚ੍ਚਂ ਸਾਧੁਸੀਲਿਯਂ;

ਬ੍ਰਾਹ੍ਮਣਂ ਤੇਵ ਪੁਚ੍ਛਾਮ, ਕਨ੍ਨੁ ਤੇਸਂ ਵਨਿਮ੍ਹਸੇ [ਵਣਿਮ੍ਹਸੇ (ਸੀ. ਪੀ.)].

ਅਤ੍ਥੋ ¶ ਅਤ੍ਥਿ ਸਰੀਰਸ੍ਮਿਂ, ਵੁਡ੍ਢਬ੍ਯਸ੍ਸ ਨਮੋ ਕਰੇ;

ਅਤ੍ਥੋ ਅਤ੍ਥਿ ਸੁਜਾਤਸ੍ਮਿਂ, ਸੀਲਂ ਅਸ੍ਮਾਕ ਰੁਚ੍ਚਤੀਤਿ.

ਅਪਿਰੁਹਕ ¶ ਰੂਪਵਤੀ ਮੁਸਲੋ, ਪਵਸਨ੍ਤਿ ਸਪਞ੍ਚਮਪੋਕ੍ਖਰਣੀ;

ਅਥ ਮੁਤ੍ਤਿਮਵਾਣਿਜ ਉਮ੍ਹਯਤੇ, ਚਿਰਆਗਤ ਕੋਟ੍ਠ ਸਰੀਰ ਦਸਾਤਿ.

ਨ ਤਂ ਦਲ਼੍ਹਂ ਬਨ੍ਧਨਮਾਹੁ ਧੀਰਾ, ਯਦਾਯਸਂ ਦਾਰੁਜਪਬ੍ਬਜਞ੍ਚ [ਬਬ੍ਬਜਞ੍ਚ (ਸੀ.)];

ਸਾਰਤ੍ਤਰਤ੍ਤਾ ਮਣਿਕੁਣ੍ਡਲੇਸੁ, ਪੁਤ੍ਤੇਸੁ ¶ ਦਾਰੇਸੁ ਚ ਯਾ ਅਪੇਕ੍ਖਾ.

ਏਤਂ ਦਲ਼੍ਹਂ ਬਨ੍ਧਨਮਾਹੁ ਧੀਰਾ, ਓਹਾਰਿਨਂ ਸਿਥਿਲਂ ਦੁਪ੍ਪਮੁਞ੍ਚਂ;

ਏਤਮ੍ਪਿ ਛੇਤ੍ਵਾਨ ਵਜਨ੍ਤਿ ਧੀਰਾ, ਅਨਪੇਕ੍ਖਿਨੋ ਕਾਮਸੁਖਂ ਪਹਾਯਾਤਿ.

ਹਂਸਾ ਕੋਞ੍ਚਾ ਮਯੂਰਾ ਚ, ਹਤ੍ਥਯੋ [ਹਤ੍ਥਿਨੋ (ਸੀ.), ਹਤ੍ਥਿਯੋ (ਸ੍ਯਾ. ਪੀ.)] ਪਸਦਾ ਮਿਗਾ;

ਸਬ੍ਬੇ ਸੀਹਸ੍ਸ ਭਾਯਨ੍ਤਿ, ਨਤ੍ਥਿ ਕਾਯਸ੍ਮਿ ਤੁਲ੍ਯਤਾ.

ਏਵਮੇਵ ਮਨੁਸ੍ਸੇਸੁ, ਦਹਰੋ ਚੇਪਿ ਪਞ੍ਞਵਾ;

ਸੋ ਹਿ ਤਤ੍ਥ ਮਹਾ ਹੋਤਿ, ਨੇਵ ਬਾਲੋ ਸਰੀਰਵਾਤਿ.

ਵਿਰੂਪਕ੍ਖੇਹਿ ਮੇ ਮੇਤ੍ਤਂ, ਮੇਤ੍ਤਂ ਏਰਾਪਥੇਹਿ ਮੇ;

ਛਬ੍ਯਾਪੁਤ੍ਤੇਹਿ ਮੇ ਮੇਤ੍ਤਂ, ਮੇਤ੍ਤਂ ਕਣ੍ਹਾਗੋਤਮਕੇਹਿ ਚ.

ਅਪਾਦਕੇਹਿ ¶ ¶ ਮੇ ਮੇਤ੍ਤਂ, ਮੇਤ੍ਤਂ ਦ੍ਵਿਪਾਦਕੇਹਿ ਮੇ;

ਚਤੁਪ੍ਪਦੇਹਿ ਮੇ ਮੇਤ੍ਤਂ, ਮੇਤ੍ਤਂ ਬਹੁਪ੍ਪਦੇਹਿ ਮੇ.

ਮਾ ¶ ਮਂ ਅਪਾਦਕੋ ਹਿਂਸਿ, ਮਾ ਮਂ ਹਿਂਸਿ ਦ੍ਵਿਪਾਦਕੋ;

ਮਾ ਮਂ ਚਤੁਪ੍ਪਦੋ ਹਿਂਸਿ, ਮਾ ਮਂ ਹਿਂਸਿ ਬਹੁਪ੍ਪਦੋ.

ਸਬ੍ਬੇ ਸਤ੍ਤਾ ਸਬ੍ਬੇ ਪਾਣਾ, ਸਬ੍ਬੇ ਭੂਤਾ ਚ ਕੇਵਲਾ;

ਸਬ੍ਬੇ ਭਦ੍ਰਾਨਿ ਪਸ੍ਸਨ੍ਤੁ, ਮਾ ਕਞ੍ਚਿ [ਕਿਞ੍ਚਿ (ਸ੍ਯਾ. ਕ.)] ਪਾਪਮਾਗਮਾ.

ਅਪ੍ਪਮਾਣੋ ਬੁਦ੍ਧੋ, ਅਪ੍ਪਮਾਣੋ ਧਮ੍ਮੋ;

ਅਪ੍ਪਮਾਣੋ ਸਙ੍ਘੋ, ਪਮਾਣਵਨ੍ਤਾਨਿ ਸਰੀਸਪਾਨਿ [ਸਿਰਿਸਪਾਨਿ (ਸੀ. ਸ੍ਯਾ. ਪੀ.)];

ਅਹਿਵਿਚ੍ਛਿਕਸਤਪਦੀ, ਉਣ੍ਣਨਾਭਿ [ਉਣ੍ਣਾਨਾਭਿ (ਸੀ. ਸ੍ਯਾ. ਪੀ.)] ਸਰਬੂਮੂਸਿਕਾ.

ਕਤਾ ਮੇ ਰਕ੍ਖਾ ਕਤਾ ਮੇ ਪਰਿਤ੍ਤਾ, ਪਟਿਕ੍ਕਮਨ੍ਤੁ ਭੂਤਾਨਿ;

ਸੋਹਂ ਨਮੋ ਭਗਵਤੋ, ਨਮੋ ਸਤ੍ਤਨ੍ਨਂ ਸਮ੍ਮਾਸਮ੍ਬੁਦ੍ਧਾਨਨ੍ਤਿ.

ਅਪਿ ਵੀਰਕ ਪਸ੍ਸੇਸਿ, ਸਕੁਣਂ ਮਞ੍ਜੁਭਾਣਕਂ;

ਮਯੂਰਗੀਵਸਙ੍ਕਾਸਂ, ਪਤਿਂ ਮਯ੍ਹਂ ਸਵਿਟ੍ਠਕਂ.

ਉਦਕਥਲਚਰਸ੍ਸ ਪਕ੍ਖਿਨੋ, ਨਿਚ੍ਚਂ ਆਮਕਮਚ੍ਛਭੋਜਿਨੋ;

ਤਸ੍ਸਾਨੁਕਰਂ ਸਵਿਟ੍ਠਕੋ, ਸੇਵਾਲੇ ਪਲਿਗੁਣ੍ਠਿਤੋ ਮਤੋਤਿ.

ਸੋਭਤਿ ਮਚ੍ਛੋ ਗਙ੍ਗੇਯ੍ਯੋ, ਅਥੋ ਸੋਭਤਿ ਯਾਮੁਨੋ [ਸੋਭਨ੍ਤਿ ਮਚ੍ਛਾ ਗਙ੍ਗੇਯ੍ਯਾ, ਅਥੋ ਸੋਭਨ੍ਤਿ ਯਾਮੁਨਾ (ਸ੍ਯਾ. ਪੀ.)];

ਚਤੁਪ੍ਪਦੋਯਂ ¶ ਪੁਰਿਸੋ, ਨਿਗ੍ਰੋਧਪਰਿਮਣ੍ਡਲੋ;

ਈਸਕਾਯਤ [ਈਸਮਾਯਤ (ਕ.)] ਗੀਵੋ ਚ, ਸਬ੍ਬੇਵ ਅਤਿਰੋਚਤਿ.

ਯਂ ¶ ਪੁਚ੍ਛਿਤੋ ਨ ਤਂ ਅਕ੍ਖਾਸਿ [ਅਕ੍ਖਾ (ਸੀ. ਸ੍ਯਾ. ਪੀ.)], ਅਞ੍ਞਂ ਅਕ੍ਖਾਸਿ [ਅਕ੍ਖਾਤਿ (ਸ੍ਯਾ. ਪੀ.)] ਪੁਚ੍ਛਿਤੋ;

ਅਤ੍ਤਪ੍ਪਸਂਸਕੋ ਪੋਸੋ, ਨਾਯਂ ਅਸ੍ਮਾਕ ਰੁਚ੍ਚਤੀਤਿ.

ਇਙ੍ਘ ¶ ਵਦ੍ਧਮਯਂ [ਵਦ੍ਧਮਯਂ (ਸੀ. ਸ੍ਯਾ. ਪੀ.)] ਪਾਸਂ, ਛਿਨ੍ਦ ਦਨ੍ਤੇਹਿ ਕਚ੍ਛਪ;

ਅਹਂ ਤਥਾ ਕਰਿਸ੍ਸਾਮਿ, ਯਥਾ ਨੇਹਿਤਿ ਲੁਦ੍ਦਕੋ.

ਕਚ੍ਛਪੋ ਪਾਵਿਸੀ ਵਾਰਿਂ, ਕੁਰੁਙ੍ਗੋ ਪਾਵਿਸੀ ਵਨਂ;

ਸਤਪਤ੍ਤੋ ਦੁਮਗ੍ਗਮ੍ਹਾ, ਦੂਰੇ ਪੁਤ੍ਤੇ ਅਪਾਨਯੀਤਿ.

ਅਯਮਸ੍ਸਕਰਾਜੇਨ, ਦੇਸੋ ਵਿਚਰਿਤੋ ਮਯਾ;

ਅਨੁਕਾਮਯ ਕਾਮੇਨ [ਅਨੁਕਾਮਯਵਨੁਕਾਮੇਨ (ਸੀ. ਪੀ.)], ਪਿਯੇਨ ਪਤਿਨਾ ਸਹ.

ਨਵੇਨ ਸੁਖਦੁਕ੍ਖੇਨ, ਪੋਰਾਣਂ ਅਪਿਧੀਯਤਿ [ਅਪਿਥੀਯਤਿ (ਸੀ. ਪੀ.), ਅਪਿਥਿਯ੍ਯਤਿ (ਸ੍ਯਾ.)];

ਤਸ੍ਮਾ ਅਸ੍ਸਕਰਞ੍ਞਾਵ, ਕੀਟੋ ਪਿਯਤਰੋ ਮਮਾਤਿ.

ਅਲਂ ¶ ਮੇਤੇਹਿ ਅਮ੍ਬੇਹਿ, ਜਮ੍ਬੂਹਿ ਪਨਸੇਹਿ ਚ;

ਯਾਨਿ ਪਾਰਂ ਸਮੁਦ੍ਦਸ੍ਸ, ਵਰਂ ਮਯ੍ਹਂ ਉਦੁਮ੍ਬਰੋ.

ਮਹਤੀ ਵਤ ਤੇ ਬੋਨ੍ਦਿ, ਨ ਚ ਪਞ੍ਞਾ ਤਦੂਪਿਕਾ;

ਸੁਸੁਮਾਰ [ਸੁਂਸੁਮਾਰ (ਸੀ. ਸ੍ਯਾ. ਪੀ.)] ਵਞ੍ਚਿਤੋ ਮੇਸਿ, ਗਚ੍ਛ ਦਾਨਿ ਯਥਾਸੁਖਨ੍ਤਿ.

ਦਿਟ੍ਠਾ ¶ ਮਯਾ ਵਨੇ ਰੁਕ੍ਖਾ, ਅਸ੍ਸਕਣ੍ਣਾ ਵਿਭੀਟਕਾ [ਵਿਭੇਦਕਾ (ਸ੍ਯਾ. ਕ.)];

ਨ ਤਾਨਿ ਏਵਂ ਸਕ੍ਕਨ੍ਤਿ, ਯਥਾ ਤ੍ਵਂ ਰੁਕ੍ਖ ਸਕ੍ਕਸਿ.

ਪੁਰਾਣਕੁਕ੍ਕੁਟੋ [ਕਕ੍ਕਰੋ (ਸੀ. ਸ੍ਯਾ. ਪੀ.)] ਅਯਂ, ਭੇਤ੍ਵਾ ਪਞ੍ਜਰਮਾਗਤੋ;

ਕੁਸਲੋ ਵਾਲ਼ਪਾਸਾਨਂ, ਅਪਕ੍ਕਮਤਿ ਭਾਸਤੀਤਿ.

ਕੁਕ੍ਕੁਟ [ਕਕ੍ਕਰ (ਸੀ. ਸ੍ਯਾ. ਪੀ.)] ਜਾਤਕਂ ਨਵਮਂ.

ਅਮ੍ਭੋ ¶ ਕੋ ਨਾਮ ਯਂ ਰੁਕ੍ਖੋ, ਸਿਨ੍ਨਪਤ੍ਤੋ [ਸੀਨਪਤ੍ਤੋ (ਸੀ. ਪੀ.)] ਸਕਣ੍ਟਕੋ;

ਯਤ੍ਥ ਏਕਪ੍ਪਹਾਰੇਨ, ਉਤ੍ਤਮਙ੍ਗਂ ਵਿਭਿਜ੍ਜਿਤਂ [ਵਿਸਾਟਿਕਂ (ਸੀ. ਸ੍ਯਾ. ਪੀ.), ਵਿਘਾਟਿਤਂ (ਸੀ. ਨਿਯ੍ਯ)].

ਅਚਾਰਿ ਵਤਾਯਂ ਵਿਤੁਦਂ ਵਨਾਨਿ, ਕਟ੍ਠਙ੍ਗਰੁਕ੍ਖੇਸੁ ਅਸਾਰਕੇਸੁ;

ਅਥਾਸਦਾ ¶ ਖਦਿਰਂ ਜਾਤਸਾਰਂ [ਜਾਤਿਸਾਰਂ (ਕ.)], ਯਤ੍ਥਬ੍ਭਿਦਾ ਗਰੁਲ਼ੋ ਉਤ੍ਤਮਙ੍ਗਨ੍ਤਿ.

ਦਲ਼੍ਹਬਨ੍ਧਨ ਹਂਸਵਰੋ ਚ ਪੁਨ, ਵਿਰੂਪਕ੍ਖ ਸਵਿਟ੍ਠਕ ਮਚ੍ਛਵਰੋ;

ਸਕੁਰੁਙ੍ਗ ਸਅਸ੍ਸਕ ਅਮ੍ਬਵਰੋ, ਪੁਨ ਕੁਕ੍ਕੁਟਕੋ ਗਰੁਲ਼ੇਨ ਦਸਾਤਿ.

ਅਕਾਸਿ ਯੋਗ੍ਗਂ ਧੁਵਮਪ੍ਪਮਤ੍ਤੋ, ਸਂਵਚ੍ਛਰਂ ਬੀਰਣਥਮ੍ਭਕਸ੍ਮਿਂ;

ਬ੍ਯਾਕਾਸਿ ਸਞ੍ਞਂ ਪਰਿਸਂ ਵਿਗਯ੍ਹ, ਨ ਨਿਯ੍ਯਮੋ ਤਾਯਤਿ ਅਪ੍ਪਪਞ੍ਞਂ.

ਦ੍ਵਯਂ ¶ ਯਾਚਨਕੋ ਤਾਤ, ਸੋਮਦਤ੍ਤ ਨਿਗਚ੍ਛਤਿ;

ਅਲਾਭਂ ¶ ਧਨਲਾਭਂ ਵਾ, ਏਵਂ ਧਮ੍ਮਾ ਹਿ ਯਾਚਨਾਤਿ.

ਅਞ੍ਞੋ ਉਪਰਿਮੋ ਵਣ੍ਣੋ, ਅਞ੍ਞੋ ਵਣ੍ਣੋ ਚ ਹੇਟ੍ਠਿਮੋ;

ਬ੍ਰਾਹ੍ਮਣੀ ਤ੍ਵੇਵ ਪੁਚ੍ਛਾਮਿ, ਕਿਂ ਹੇਟ੍ਠਾ ਕਿਞ੍ਚ ਉਪ੍ਪਰਿ.

ਅਹਂ ਨਟੋਸ੍ਮਿ ਭਦ੍ਦਨ੍ਤੇ, ਭਿਕ੍ਖਕੋਸ੍ਮਿ ਇਧਾਗਤੋ;

ਅਯਞ੍ਹਿ ਕੋਟ੍ਠਮੋਤਿਣ੍ਣੋ, ਅਯਂ ਸੋ ਯਂ [ਤ੍ਵਂ (ਕ.)] ਗਵੇਸਸੀਤਿ.

ਇਸੀਨਮਨ੍ਤਰਂ ¶ ਕਤ੍ਵਾ, ਭਰੁਰਾਜਾਤਿ [ਕੁਰੁਰਾਜਾਤਿ (ਕ.)] ਮੇ ਸੁਤਂ;

ਉਚ੍ਛਿਨ੍ਨੋ ਸਹ ਰਟ੍ਠੇਹਿ [ਰਟ੍ਠੇਨ (ਸੀ. ਪੀ.)], ਸਰਾਜਾ ਵਿਭਵਙ੍ਗਤੋ.

ਤਸ੍ਮਾ ਹਿ ਛਨ੍ਦਾਗਮਨਂ, ਨਪ੍ਪਸਂਸਨ੍ਤਿ ਪਣ੍ਡਿਤਾ;

ਅਦੁਟ੍ਠਚਿਤ੍ਤੋ ਭਾਸੇਯ੍ਯ, ਗਿਰਂ ਸਚ੍ਚੁਪਸਂਹਿਤਨ੍ਤਿ.

ਪੁਣ੍ਣਂ ਨਦਿਂ ਯੇਨ ਚ ਪੇਯ੍ਯਮਾਹੁ, ਜਾਤਂ ¶ ਯਵਂ ਯੇਨ ਚ ਗੁਯ੍ਹਮਾਹੁ;

ਦੂਰਂ ਗਤਂ ਯੇਨ ਚ ਅਵ੍ਹਯਨ੍ਤਿ, ਸੋ ਤ੍ਯਾਗਤੋ [ਤ੍ਯਾਭਤੋ (ਸ੍ਯਾ. ਕ.) ਪਹੇਲ਼ਿਗਾਥਾਭਾਵੋ ਮਨਸਿ ਕਾਤਬ੍ਬੋ] ਹਨ੍ਦ ਚ ਭੁਞ੍ਜ ਬ੍ਰਾਹ੍ਮਣ.

ਯਤੋ ਮਂ ਸਰਤੀ ਰਾਜਾ, ਵਾਯਸਮ੍ਪਿ ਪਹੇਤਵੇ;

ਹਂਸਾ ਕੋਞ੍ਚਾ ਮਯੂਰਾ ਚ [ਹਂਸਕੋਞ੍ਚਮਯੂਰਾਨਂ (ਕ. ਅਟ੍ਠ. ਪਾਠਨ੍ਤਰਂ)], ਅਸਤੀਯੇਵ ਪਾਪਿਯਾਤਿ.

ਅਵਧੀ ¶ ਵਤ ਅਤ੍ਤਾਨਂ, ਕਚ੍ਛਪੋ ਬ੍ਯਾਹਰਂ ਗਿਰਂ [ਕਚ੍ਛਪੋਵ ਪਬ੍ਯਾਹਰਂ (ਸ੍ਯਾ.), ਕਚ੍ਛਪੋ ਸੋ ਪਬ੍ਯਾਹਰਂ (ਕ.)];

ਸੁਗ੍ਗਹੀਤਸ੍ਮਿਂ ਕਟ੍ਠਸ੍ਮਿਂ, ਵਾਚਾਯ ਸਕਿਯਾਵਧਿ.

ਏਤਮ੍ਪਿ ਦਿਸ੍ਵਾ ਨਰਵੀਰਿਯਸੇਟ੍ਠ, ਵਾਚਂ ਪਮੁਞ੍ਚੇ ਕੁਸਲਂ ਨਾਤਿਵੇਲਂ;

ਪਸ੍ਸਸਿ ਬਹੁਭਾਣੇਨ, ਕਚ੍ਛਪਂ ਬ੍ਯਸਨਂ ਗਤਨ੍ਤਿ.

ਨ ਮਾਯਮਗ੍ਗਿ ਤਪਤਿ, ਨ ਸੂਲੋ ਸਾਧੁਤਚ੍ਛਿਤੋ;

ਯਞ੍ਚ ਮਂ ਮਞ੍ਞਤੇ ਮਚ੍ਛੀ, ਅਞ੍ਞਂ ਸੋ ਰਤਿਯਾ ਗਤੋ.

ਸੋ ¶ ਮਂ ਦਹਤਿ ਰਾਗਗ੍ਗਿ, ਚਿਤ੍ਤਂ ਚੂਪਤਪੇਤਿ ਮਂ;

ਜਾਲਿਨੋ ਮੁਞ੍ਚਥਾਯਿਰਾ ਮਂ, ਨ ਕਾਮੇ ਹਞ੍ਞਤੇ ਕ੍ਵਚੀਤਿ.

ਸਬ੍ਬੋ ¶ ਲੋਕੋ ਅਤ੍ਤਮਨੋ ਅਹੋਸਿ, ਅਕੋਵਿਦਾ ਗਾਮਧਮ੍ਮਸ੍ਸ ਸੇਗ੍ਗੁ;

ਕੋਮਾਰਿ ਕੋ ਨਾਮ [ਕੋਮਾਰਿਕਾ ਨਾਮ (ਕ.), ਕੋਮਾਰਿਕੋ ਨਾਮ (ਸ੍ਯਾ. ਪੀ.)] ਤਵਜ੍ਜ ਧਮ੍ਮੋ, ਯਂ ਤ੍ਵਂ ਗਹਿਤਾ ਪਵਨੇ ਪਰੋਦਸਿ.

ਯੋ ਦੁਕ੍ਖਫੁਟ੍ਠਾਯ ਭਵੇਯ੍ਯ ਤਾਣਂ, ਸੋ ਮੇ ਪਿਤਾ ਦੁਬ੍ਭਿ ਵਨੇ ਕਰੋਤਿ;

ਸਾ ਕਸ੍ਸ ਕਨ੍ਦਾਮਿ ਵਨਸ੍ਸ ਮਜ੍ਝੇ, ਯੋ ਤਾਯਿਤਾ ਸੋ ਸਹਸਂ ਕਰੋਤੀਤਿ.

ਸਠਸ੍ਸ ¶ ਸਾਠੇਯ੍ਯਮਿਦਂ ਸੁਚਿਨ੍ਤਿਤਂ, ਪਚ੍ਚੋਡ੍ਡਿਤਂ ਪਟਿਕੂਟਸ੍ਸ ਕੂਟਂ;

ਫਾਲਞ੍ਚੇ ਖਾਦੇਯ੍ਯੁਂ [ਅਦੇਯ੍ਯੁਂ (ਸੀ. ਪੀ.)] ਮੂਸਿਕਾ, ਕਸ੍ਮਾ ਕੁਮਾਰਂ ਕੁਲਲਾ ਨ [ਨੋ (ਸੀ. ਸ੍ਯਾ. ਪੀ.)] ਹਰੇਯ੍ਯੁਂ.

ਕੂਟਸ੍ਸ ¶ ਹਿ ਸਨ੍ਤਿ [ਸਨ੍ਤੀਧ (ਕ.)] ਕੂਟਕੂਟਾ, ਭਵਤਿ [ਭਵਨ੍ਤਿ (ਕ.)] ਚਾਪਿ ਨਿਕਤਿਨੋ ਨਿਕਤ੍ਯਾ;

ਦੇਹਿ ਪੁਤ੍ਤਨਟ੍ਠ ਫਾਲਨਟ੍ਠਸ੍ਸ ਫਾਲਂ, ਮਾ ਤੇ ਪੁਤ੍ਤਮਹਾਸਿ ਫਾਲਨਟ੍ਠੋਤਿ.

ਹਿਰਞ੍ਞਂ ਮੇ ਸੁਵਣ੍ਣਂ ਮੇ, ਏਸਾ ਰਤ੍ਤਿਂ ਦਿਵਾ ਕਥਾ;

ਦੁਮ੍ਮੇਧਾਨਂ ਮਨੁਸ੍ਸਾਨਂ, ਅਰਿਯਧਮ੍ਮਂ ਅਪਸ੍ਸਤਂ.

ਦ੍ਵੇ ਦ੍ਵੇ ਗਹਪਤਯੋ ਗੇਹੇ, ਏਕੋ ਤਤ੍ਥ ਅਮਸ੍ਸੁਕੋ;

ਲਮ੍ਬਤ੍ਥਨੋ ਵੇਣਿਕਤੋ, ਅਥੋ ਅਙ੍ਕਿਤਕਣ੍ਣਕੋ;

ਕੀਤੋ ਧਨੇਨ ਬਹੁਨਾ, ਸੋ ਤਂ ਵਿਤੁਦਤੇ ਜਨਨ੍ਤਿ.

ਸੁਖਂ ਜੀਵਿਤਰੂਪੋਸਿ, ਰਟ੍ਠਾ ਵਿਵਨਮਾਗਤੋ;

ਸੋ ਏਕਕੋ ਰੁਕ੍ਖਮੂਲੇ [ਅਰਞ੍ਞਸ੍ਮਿਂ (ਸੀ. ਸ੍ਯਾ. ਪੀ.)], ਕਪਣੋ ਵਿਯ ਝਾਯਸਿ.

ਸੁਖਂ ¶ ਜੀਵਿਤਰੂਪੋਸ੍ਮਿ, ਰਟ੍ਠਾ ਵਿਵਨਮਾਗਤੋ;

ਸੋ ਏਕਕੋ ਰੁਕ੍ਖਮੂਲੇ, ਕਪਣੋ ਵਿਯ ਝਾਯਾਮਿ;

ਅਥ ¶ ਬੀਰਣਥਮ੍ਭਵਰੋ ਚ ਨਟੋ, ਭਰੁਰਾਜਵਰੁਤ੍ਤਮਪੁਣ੍ਣਨਦੀ;

ਬਹੁਭਾਣਿ ਅਗ੍ਗਿਪਵਨੇ ਮੂਸਿਕਾ, ਸਹਲਮ੍ਬਤ੍ਥਨੋ ਕਪਣੇਨ ਦਸਾਤਿ.

ਅਨਿਕ੍ਕਸਾਵੋ ਕਾਸਾਵਂ, ਯੋ ਵਤ੍ਥਂ ਪਰਿਦਹਿਸ੍ਸਤਿ [ਪਰਿਦਹੇਸ੍ਸਤਿ (ਸੀ. ਪੀ.)];

ਅਪੇਤੋ ਦਮਸਚ੍ਚੇਨ, ਨ ਸੋ ਕਾਸਾਵਮਰਹਤਿ.

ਯੋ ਚ ਵਨ੍ਤਕਸਾਵਸ੍ਸ, ਸੀਲੇਸੁ ਸੁਸਮਾਹਿਤੋ;

ਉਪੇਤੋ ਦਮਸਚ੍ਚੇਨ, ਸ ਵੇ ਕਾਸਾਵਮਰਹਤੀਤਿ.

ਇਦਂ ¶ ਤਦਾਚਰਿਯਵਚੋ, ਪਾਰਾਸਰਿਯੋ ਯਦਬ੍ਰਵਿ [ਪੋਰਾਣਾਚਰਿਯੋਬ੍ਰਵਿ (ਕ.)];

ਮਾਸੁ ਤ੍ਵਂ ਅਕਰਿ [ਅਕਰਾ (ਸੀ. ਪੀ.)] ਪਾਪਂ, ਯਂ ਤ੍ਵਂ ਪਚ੍ਛਾ ਕਤਂ ਤਪੇ.

ਯਾਨਿ ਕਰੋਤਿ ਪੁਰਿਸੋ, ਤਾਨਿ ਅਤ੍ਤਨਿ ਪਸ੍ਸਤਿ;

ਕਲ੍ਯਾਣਕਾਰੀ ਕਲ੍ਯਾਣਂ, ਪਾਪਕਾਰੀ ਚ ਪਾਪਕਂ;

ਯਾਦਿਸਂ ਵਪਤੇ ਬੀਜਂ, ਤਾਦਿਸਂ ਹਰਤੇ ਫਲਨ੍ਤਿ.

ਨਮੇ ¶ ਨਮਨ੍ਤਸ੍ਸ ਭਜੇ ਭਜਨ੍ਤਂ, ਕਿਚ੍ਚਾਨੁਕੁਬ੍ਬਸ੍ਸ ਕਰੇਯ੍ਯ ਕਿਚ੍ਚਂ;

ਨਾਨਤ੍ਥਕਾਮਸ੍ਸ ਕਰੇਯ੍ਯ ਅਤ੍ਥਂ, ਅਸਮ੍ਭਜਨ੍ਤਮ੍ਪਿ ਨ ਸਮ੍ਭਜੇਯ੍ਯ.

ਚਜੇ ¶ ਚਜਨ੍ਤਂ ਵਨਥਂ ਨ ਕਯਿਰਾ, ਅਪੇਤਚਿਤ੍ਤੇਨ ਨ ਸਮ੍ਭਜੇਯ੍ਯ;

ਦਿਜੋ ਦੁਮਂ ਖੀਣਫਲਨ੍ਤਿ ਞਤ੍ਵਾ, ਅਞ੍ਞਂ ਸਮੇਕ੍ਖੇਯ੍ਯ ਮਹਾ ਹਿ ਲੋਕੋਤਿ.

ਯਸ੍ਸੇਤੇ ¶ ਚਤੁਰੋ ਧਮ੍ਮਾ, ਵਾਨਰਿਨ੍ਦ ਯਥਾ ਤਵ;

ਸਚ੍ਚਂ ਧਮ੍ਮੋ ਧਿਤਿ ਚਾਗੋ, ਦਿਟ੍ਠਂ ਸੋ ਅਤਿਵਤ੍ਤਤਿ.

ਯਸ੍ਸ ਚੇਤੇ ਨ ਵਿਜ੍ਜਨ੍ਤਿ, ਗੁਣਾ ਪਰਮਭਦ੍ਦਕਾ;

ਸਚ੍ਚਂ ਧਮ੍ਮੋ ਧਿਤਿ ਚਾਗੋ, ਦਿਟ੍ਠਂ ਸੋ ਨਾਤਿਵਤ੍ਤਤੀਤਿ.

ਅਤ੍ਥਿ ਮੇ ਪੁਰਿਸੋ ਦੇਵ, ਸਬ੍ਬਕਿਚ੍ਚੇਸੁ ਬ੍ਯਾਵਟੋ [ਵਾਵਟੋ (ਕ.)];

ਤਸ੍ਸ ਚੇਕੋਪਰਾਧਤ੍ਥਿ, ਤਤ੍ਥ ਤ੍ਵਂ ਕਿਨ੍ਤਿ ਮਞ੍ਞਸਿ.

ਅਮ੍ਹਾਕਮ੍ਪਤ੍ਥਿ ਪੁਰਿਸੋ, ਏਦਿਸੋ ਇਧ ਵਿਜ੍ਜਤਿ;

ਦੁਲ੍ਲਭੋ ਅਙ੍ਗਸਮ੍ਪਨ੍ਨੋ, ਖਨ੍ਤਿਰਸ੍ਮਾਕ ਰੁਚ੍ਚਤੀਤਿ.

ਕਾਲੇ ਨਿਕ੍ਖਮਨਾ ਸਾਧੁ, ਨਾਕਾਲੇ ਸਾਧੁ ਨਿਕ੍ਖਮੋ;

ਅਕਾਲੇਨ ਹਿ ਨਿਕ੍ਖਮ੍ਮ, ਏਕਕਮ੍ਪਿ ਬਹੁਜ੍ਜਨੋ;

ਨ ਕਿਞ੍ਚਿ ਅਤ੍ਥਂ ਜੋਤੇਤਿ, ਧਙ੍ਕਸੇਨਾਵ ਕੋਸਿਯਂ.

ਧੀਰੋ ਚ ਵਿਧਿਵਿਧਾਨਞ੍ਞੂ, ਪਰੇਸਂ ਵਿਵਰਾਨੁਗੂ;

ਸਬ੍ਬਾਮਿਤ੍ਤੇ ¶ ਵਸੀਕਤ੍ਵਾ, ਕੋਸਿਯੋਵ ਸੁਖੀ ਸਿਯਾਤਿ.

ਸੂਰੋ ¶ ¶ ਸੂਰੇਨ ਸਙ੍ਗਮ੍ਮ, ਵਿਕ੍ਕਨ੍ਤੇਨ ਪਹਾਰਿਨਾ;

ਏਹਿ ਨਾਗ ਨਿਵਤ੍ਤਸ੍ਸੁ, ਕਿਂ ਨੁ ਭੀਤੋ ਪਲਾਯਸਿ;

ਪਸ੍ਸਨ੍ਤੁ ਅਙ੍ਗਮਗਧਾ, ਮਮ ਤੁਯ੍ਹਞ੍ਚ ਵਿਕ੍ਕਮਂ.

ਨ ਤਂ ਪਾਦਾ ਵਧਿਸ੍ਸਾਮਿ, ਨ ਦਨ੍ਤੇਹਿ ਨ ਸੋਣ੍ਡਿਯਾ;

ਮੀਲ਼੍ਹੇਨ ਤਂ ਵਧਿਸ੍ਸਾਮਿ, ਪੂਤਿ ਹਞ੍ਞਤੁ ਪੂਤਿਨਾਤਿ.

ਤਯੋ ਗਿਰਿਂ ਅਨ੍ਤਰਂ ਕਾਮਯਾਮਿ, ਪਞ੍ਚਾਲਾ ਕੁਰੁਯੋ ਕੇਕਕੇ ਚ [ਕੁਰਯੋ ਕੇਕਯੇ ਚ (ਸੀ.)];

ਤਤੁਤ੍ਤਰਿਂ [ਤਦੁਤ੍ਤਰਿਂ (ਕ.)] ਬ੍ਰਾਹ੍ਮਣ ਕਾਮਯਾਮਿ, ਤਿਕਿਚ੍ਛ ਮਂ ਬ੍ਰਾਹ੍ਮਣ ਕਾਮਨੀਤਂ.

ਕਣ੍ਹਾਹਿਦਟ੍ਠਸ੍ਸ ਕਰੋਨ੍ਤਿ ਹੇਕੇ, ਅਮਨੁਸ੍ਸਪਵਿਟ੍ਠਸ੍ਸ [ਅਮਨੁਸ੍ਸਵਦ੍ਧਸ੍ਸ (ਸੀ. ਪੀ.), ਅਮਨੁਸ੍ਸਵਿਟ੍ਠਸ੍ਸ (ਸ੍ਯਾ.)] ਕਰੋਨ੍ਤਿ ਪਣ੍ਡਿਤਾ;

ਨ ਕਾਮਨੀਤਸ੍ਸ ਕਰੋਤਿ ਕੋਚਿ, ਓਕ੍ਕਨ੍ਤਸੁਕ੍ਕਸ੍ਸ ¶ ਹਿ ਕਾ ਤਿਕਿਚ੍ਛਾਤਿ.

ਗਜਗ੍ਗਮੇਘੇਹਿ ਹਯਗ੍ਗਮਾਲਿਭਿ, ਰਥੂਮਿਜਾਤੇਹਿ ਸਰਾਭਿਵਸ੍ਸੇਭਿ [ਸਰਾਭਿਵਸ੍ਸਭਿ (ਸ੍ਯਾ. ਸੀ. ਅਟ੍ਠ.), ਸਰਾਭਿਵਸ੍ਸਿਭਿ (?)];

ਥਰੁਗ੍ਗਹਾਵਟ੍ਟ [ਧਨੁਗ੍ਗਹਾਵਟ੍ਟ (ਕ.)] ਦਲ਼੍ਹਪ੍ਪਹਾਰਿਭਿ, ਪਰਿਵਾਰਿਤਾ ਤਕ੍ਕਸਿਲਾ ਸਮਨ੍ਤਤੋ.

[ਅਭਿਧਾਵਥਾ ਚ ਪਤਥਾ ਚ, ਵਿਵਿਧਵਿਨਦਿਤਾ ਚ ਦਨ੍ਤਿਭਿ; ਵਤ੍ਤਤਜ੍ਜ ਤੁਮੁਲੋ ਘੋਸੋ, ਯਥਾ ਵਿਜ੍ਜੁਤਾ ਜਲਧਰਸ੍ਸ ਗਜ੍ਜਤੋਤਿ; (ਸੀ. ਪੀ. ਕ.)] ਅਭਿਧਾਵਥ ¶ ਚੂਪਧਾਵਥ ਚ [ਅਭਿਧਾਵਥਾ ਚੁਪ੍ਪਤਥਾ ਚ (ਸ੍ਯਾ.)], ਵਿਵਿਧਾ ਵਿਨਾਦਿਤਾ [ਵਿਨਾਦਿਤਤ੍ਥ (ਕ.)] ਵਦਨ੍ਤਿਭਿ;

ਵਤ੍ਤਤਜ੍ਜ ਤੁਮੁਲੋ ਘੋਸੋ ਯਥਾ, ਵਿਜ੍ਜੁਲਤਾ ਜਲਧਰਸ੍ਸ ਗਜ੍ਜਤੋਤਿ [ਅਭਿਧਾਵਥਾ ਚ ਪਤਥਾ ਚ, ਵਿਵਿਧਵਿਨਦਿਤਾ ਚ ਦਨ੍ਤਿਭਿ; ਵਤ੍ਤਤਜ੍ਜ ਤੁਮੁਲੋ ਘੋਸੋ, ਯਥਾ ਵਿਜ੍ਜੁਤਾ ਜਲਧਰਸ੍ਸ ਗਜ੍ਜਤੋਤਿ; (ਸੀ. ਪੀ. ਕ.)].

ਧਜਮਪਰਿਮਿਤਂ ਅਨਨ੍ਤਪਾਰਂ, ਦੁਪ੍ਪਸਹਂਧਙ੍ਕੇਹਿ ਸਾਗਰਂਵ [ਸਾਗਰਮਿਵ (ਸੀ. ਸ੍ਯਾ. ਪੀ.)];

ਗਿਰਿਮਿਵਅਨਿਲੇਨ ਦੁਪ੍ਪਸਯ੍ਹੋ [ਦੁਪ੍ਪਸਹੋ (ਸੀ. ਪੀ. ਕ.)], ਦੁਪ੍ਪਸਹੋ ਅਹਮਜ੍ਜਤਾਦਿਸੇਨ.

ਮਾ ¶ ਬਾਲਿਯਂ ਵਿਲਪਿ [ਵਿਪ੍ਪਲਪਿ (ਬਹੂਸੁ)] ਨ ਹਿਸ੍ਸ ਤਾਦਿਸਂ, ਵਿਡਯ੍ਹਸੇ [ਵਿਲ਼ਯ੍ਹਸੇ (ਸੀ. ਪੀ.)] ਨ ਹਿ ਲਭਸੇ ਨਿਸੇਧਕਂ;

ਆਸਜ੍ਜਸਿ ਗਜਮਿਵ ਏਕਚਾਰਿਨਂ, ਯੋ ਤਂ ਪਦਾ ਨਲ਼ਮਿਵ ਪੋਥਯਿਸ੍ਸਤੀਤਿ.

ਵਰਵਤ੍ਥਵਚੋ ¶ ਦੁਮਖੀਣਫਲਂ, ਚਤੁਰੋਧਮ੍ਮਵਰਂ ਪੁਰਿਸੁਤ੍ਤਮ;

ਧਙ੍ਕਮਗਧਾ ਚ ਤਯੋਗਿਰਿਨਾਮ, ਗਜਗ੍ਗਵਰੋ ਧਜਵਰੇਨ ਦਸਾਤਿ.

ਯਥਾਪਿ ¶ ਕੀਤਾ ਪੁਰਿਸਸ੍ਸੁਪਾਹਨਾ, ਸੁਖਸ੍ਸ ਅਤ੍ਥਾਯ ਦੁਖਂ ਉਦਬ੍ਬਹੇ;

ਘਮ੍ਮਾਭਿਤਤ੍ਤਾ ਥਲਸਾ ਪਪੀਲ਼ਿਤਾ, ਤਸ੍ਸੇਵ ਪਾਦੇ ਪੁਰਿਸਸ੍ਸ ਖਾਦਰੇ.

ਏਵਮੇਵ ¶ ਯੋ ਦੁਕ੍ਕੁਲੀਨੋ ਅਨਰਿਯੋ, ਤਮ੍ਮਾਕ [ਤਮ੍ਹਾਕ (ਸੀ.), ਤੁਮ੍ਹਾਕ (ਸ੍ਯਾ. ਪੀ.)] ਵਿਜ੍ਜਞ੍ਚ ਸੁਤਞ੍ਚ ਆਦਿਯ;

ਤਮੇਵ ਸੋ ਤਤ੍ਥ ਸੁਤੇਨ ਖਾਦਤਿ, ਅਨਰਿਯੋ ਵੁਚ੍ਚਤਿ ਦੁਪਾਹਨੂਪਮੋਤਿ [ਪਾਨਦੂਪਮੋਤਿ (ਸੀ. ਪੀ.)].

ਏਕਚਿਨ੍ਤਿਤੋ ਯਮਤ੍ਥੋ, ਬਾਲੋ ਅਪਰਿਣਾਯਕੋ;

ਨ ਹਿ ਖੁਜ੍ਜੇਨ ਵਾਮੇਨ, ਭੋਤਿ ਸਙ੍ਗਨ੍ਤੁਮਰਹਸਿ.

ਪੁਰਿਸੂਸਭਂ ਮਞ੍ਞਮਾਨਾ, ਅਹਂ ਖੁਜ੍ਜਮਕਾਮਯਿਂ;

ਸੋਯਂ ਸਂਕੁਟਿਤੋ ਸੇਤਿ, ਛਿਨ੍ਨਤਨ੍ਤਿ ਯਥਾ ਵਿਣਾਤਿ [ਥੁਣਾਤਿ (ਸੀ.)].

ਕਾਮਂ ਯਹਿਂ ਇਚ੍ਛਸਿ ਤੇਨ ਗਚ੍ਛ, ਵਿਦ੍ਧੋਸਿ ਮਮ੍ਮਮ੍ਹਿ [ਮਮਸ੍ਮਿ (ਕ.)] ਵਿਕਣ੍ਣਕੇਨ;

ਹਤੋਸਿ ਭਤ੍ਤੇਨ ਸੁਵਾਦਿਤੇਨ [ਸਵਾਦਿਤੇਨ (ਸੀ. ਸ੍ਯਾ. ਪੀ.)], ਲੋਲੋ ਚ ਮਚ੍ਛੇ ਅਨੁਬਨ੍ਧਮਾਨੋ.

ਏਵਮ੍ਪਿ ¶ ਲੋਕਾਮਿਸਂ ਓਪਤਨ੍ਤੋ, ਵਿਹਞ੍ਞਤੀ ¶ ਚਿਤ੍ਤਵਸਾਨੁਵਤ੍ਤੀ;

ਸੋ ਹਞ੍ਞਤਿ ਞਾਤਿਸਖਾਨ ਮਜ੍ਝੇ, ਮਚ੍ਛਾਨੁਗੋ ਸੋਰਿਵ ਸੁਂਸੁਮਾਰੋਤਿ [ਸੁਸੁਮਾਰੋ (ਕ.)].

ਤ੍ਵਮੇਵ ¶ ਦਾਨਿਮਕਰ [ਮਕਰਿ (ਸ੍ਯਾ.), ਮਕਰਾ (ਕ. ਸੀ.)], ਯਂ ਕਾਮੋ ਬ੍ਯਗਮਾ ਤਯਿ;

ਸੋਯਂ ਅਪ੍ਪਟਿਸਨ੍ਧਿਕੋ, ਖਰਛਿਨ੍ਨਂਵ ਰੇਨੁਕਂ [ਰੇਰੁਕਂ (ਸੀ. ਪੀ.)].

ਅਤ੍ਰਿਚ੍ਛਂ [ਅਤ੍ਰਿਚ੍ਛਾ (ਸੀ. ਸ੍ਯਾ. ਪੀ.)] ਅਤਿਲੋਭੇਨ, ਅਤਿਲੋਭਮਦੇਨ ਚ;

ਏਵਂ ਹਾਯਤਿ ਅਤ੍ਥਮ੍ਹਾ, ਅਹਂਵ ਅਸਿਤਾਭੁਯਾਤਿ.

ਸੁਖਾ ਘਰਾ ਵਚ੍ਛਨਖ, ਸਹਿਰਞ੍ਞਾ ਸਭੋਜਨਾ;

ਯਤ੍ਥ ਭੁਤ੍ਵਾ ਪਿਵਿਤ੍ਵਾ ਚ, ਸਯੇਯ੍ਯਾਥ ਅਨੁਸ੍ਸੁਕੋ.

ਘਰਾ ਨਾਨੀਹਮਾਨਸ੍ਸ, ਘਰਾ ਨਾਭਣਤੋ ਮੁਸਾ;

ਘਰਾ ਨਾਦਿਨ੍ਨਦਣ੍ਡਸ੍ਸ, ਪਰੇਸਂ ਅਨਿਕੁਬ੍ਬਤੋ [ਅਨਿਕ੍ਰੁਬ੍ਬਤੋ (ਕ.)];

ਏਵਂ ਛਿਦ੍ਦਂ ਦੁਰਭਿਸਮ੍ਭਵਂ [ਦੁਰਭਿਭਵਂ (ਸੀ. ਪੀ.)], ਕੋ ਘਰਂ ਪਟਿਪਜ੍ਜਤੀਤਿ.

ਭਦ੍ਦਕੋ ¶ ਵਤਯਂ ਪਕ੍ਖੀ, ਦਿਜੋ ਕੁਮੁਦਸਨ੍ਨਿਭੋ;

ਵੂਪਸਨ੍ਤੇਹਿ ਪਕ੍ਖੇਹਿ, ਮਨ੍ਦਮਨ੍ਦੋਵ ਝਾਯਤਿ.

ਨਾਸ੍ਸ ਸੀਲਂ ਵਿਜਾਨਾਥ, ਅਨਞ੍ਞਾਯ ਪਸਂਸਥ;

ਅਮ੍ਹੇ ਦਿਜੋ ਨ ਪਾਲੇਤਿ, ਤੇਨ ਪਕ੍ਖੀ ਨ ਫਨ੍ਦਤੀਤਿ.

ਕੋ ¶ ਨੁ ਖੋ ਭਗਵਾ ਹੇਤੁ, ਏਕਚ੍ਚੇ ਇਧ ਪੁਗ੍ਗਲੇ;

ਅਤੀਵ ਹਦਯਂ ਨਿਬ੍ਬਾਤਿ, ਚਿਤ੍ਤਞ੍ਚਾਪਿ ਪਸੀਦਤਿ.

ਪੁਬ੍ਬੇਵ ਸਨ੍ਨਿਵਾਸੇਨ, ਪਚ੍ਚੁਪ੍ਪਨ੍ਨਹਿਤੇਨ ਵਾ;

ਏਵਂ ਤਂ ਜਾਯਤੇ ਪੇਮਂ, ਉਪ੍ਪਲਂਵ ਯਥੋਦਕੇਤਿ.

ਇਙ੍ਘ ¶ ਏਕਪਦਂ ਤਾਤ, ਅਨੇਕਤ੍ਥਪਦਸ੍ਸਿਤਂ [ਪਦਨਿਸ੍ਸਿਤਂ (ਸੀ. ਪੀ.)];

ਕਿਞ੍ਚਿ ਸਙ੍ਗਾਹਿਕਂ ਬ੍ਰੂਸਿ, ਯੇਨਤ੍ਥੇ ਸਾਧਯੇਮਸੇ.

ਦਕ੍ਖੇਯ੍ਯੇਕਪਦਂ ਤਾਤ, ਅਨੇਕਤ੍ਥਪਦਸ੍ਸਿਤਂ;

ਤਞ੍ਚ ਸੀਲੇਨ ਸਞ੍ਞੁਤ੍ਤਂ, ਖਨ੍ਤਿਯਾ ਉਪਪਾਦਿਤਂ;

ਅਲਂ ¶ ਮਿਤ੍ਤੇ ਸੁਖਾਪੇਤੁਂ, ਅਮਿਤ੍ਤਾਨਂ ਦੁਖਾਯ ਚਾਤਿ.

ਆਸੀਵਿਸਮ੍ਪਿ ਮਂ [ਆਸੀਵਿਸਂ ਮਮਂ (ਸੀ. ਪੀ.)] ਸਨ੍ਤਂ, ਪਵਿਟ੍ਠਂ ਕੁਮਿਨਾਮੁਖਂ;

ਰੁਚ੍ਚਤੇ ਹਰਿਤਾਮਾਤਾ, ਯਂ ਮਂ ਖਾਦਨ੍ਤਿ ਮਚ੍ਛਕਾ.

ਵਿਲੁਮ੍ਪਤੇਵ ਪੁਰਿਸੋ, ਯਾਵਸ੍ਸ ਉਪਕਪ੍ਪਤਿ;

ਯਦਾ ਚਞ੍ਞੇ ਵਿਲੁਮ੍ਪਨ੍ਤਿ, ਸੋ ਵਿਲੁਤ੍ਤੋ ਵਿਲੁਮ੍ਪਤੀਤਿ [ਵਿਲੁਪ੍ਪਤੀਤਿ (?)].

ਸਬ੍ਬੋ ਜਨੋ ਹਿਂਸਿਤੋ ਪਿਙ੍ਗਲੇਨ, ਤਸ੍ਮਿਂ ਮਤੇ ਪਚ੍ਚਯਾ [ਪਚ੍ਚਯਂ (ਸੀ. ਸ੍ਯਾ. ਪੀ.)] ਵੇਦਯਨ੍ਤਿ;

ਪਿਯੋ ਨੁ ਤੇ ਆਸਿ ਅਕਣ੍ਹਨੇਤ੍ਤੋ, ਕਸ੍ਮਾ ਨੁ ਤ੍ਵਂ ਰੋਦਸਿ ਦ੍ਵਾਰਪਾਲ.

ਨ ¶ ਮੇ ਪਿਯੋ ਆਸਿ ਅਕਣ੍ਹਨੇਤ੍ਤੋ, ਭਾਯਾਮਿ ਪਚ੍ਚਾਗਮਨਾਯ ਤਸ੍ਸ;

ਇਤੋ ਗਤੋ ਹਿਂਸੇਯ੍ਯ ਮਚ੍ਚੁਰਾਜਂ, ਸੋ ਹਿਂਸਿਤੋ ਆਨੇਯ੍ਯ ਪੁਨ ਇਧ.

ਦਡ੍ਢੋ ਵਾਹਸਹਸ੍ਸੇਹਿ, ਸਿਤ੍ਤੋ ਘਟਸਤੇਹਿ ਸੋ;

ਪਰਿਕ੍ਖਤਾ ¶ ਚ ਸਾ ਭੂਮਿ, ਮਾ ਭਾਯਿ ਨਾਗਮਿਸ੍ਸਤੀਤਿ.

ਵਰੁਪਾਹਨ ਖੁਜ੍ਜ ਵਿਕਣ੍ਣਕਕੋ, ਅਸਿਤਾਭੁਯ ਪਞ੍ਚਮਵਚ੍ਛਨਖੋ;

ਦਿਜ ਪੇਮਵਰੁਤ੍ਤਮਏਕਪਦਂ, ਕੁਮਿਨਾਮੁਖ ਪਿਙ੍ਗਲਕੇਨ ਦਸਾਤਿ.

ਸਿਙ੍ਗਾਲੋ ¶ ਮਾਨਥਦ੍ਧੋ ਚ, ਪਰਿਵਾਰੇਨ ਅਤ੍ਥਿਕੋ;

ਪਾਪੁਣਿ ਮਹਤਿਂ ਭੂਮਿਂ, ਰਾਜਾਸਿ ਸਬ੍ਬਦਾਠਿਨਂ.

ਏਵਮੇਵ ਮਨੁਸ੍ਸੇਸੁ, ਯੋ ਹੋਤਿ ਪਰਿਵਾਰਵਾ;

ਸੋ ਹਿ ਤਤ੍ਥ ਮਹਾ ਹੋਤਿ, ਸਿਙ੍ਗਾਲੋ ਵਿਯ ਦਾਠਿਨਨ੍ਤਿ.

ਬਾਲੋ ¶ ਵਤਾਯਂ ਸੁਨਖੋ, ਯੋ ਵਰਤ੍ਤਂ [ਯੋ ਚ ਯੋਤ੍ਤਂ (ਕ.)] ਨ ਖਾਦਤਿ;

ਬਨ੍ਧਨਾ ਚ ਪਮੁਞ੍ਚੇਯ੍ਯ, ਅਸਿਤੋ ਚ ਘਰਂ ਵਜੇ.

ਅਟ੍ਠਿਤਂ ¶ ਮੇ ਮਨਸ੍ਮਿਂ ਮੇ, ਅਥੋ ਮੇ ਹਦਯੇ ਕਤਂ;

ਕਾਲਞ੍ਚ ਪਟਿਕਙ੍ਖਾਮਿ, ਯਾਵ ਪਸ੍ਸੁਪਤੂ ਜਨੋ [ਪਸੁਪਤੁਜ੍ਜਨੋ (ਸ੍ਯਾ. ਕ.)].

ਸਤ੍ਤਤਨ੍ਤਿਂ ਸੁਮਧੁਰਂ, ਰਾਮਣੇਯ੍ਯਂ ਅਵਾਚਯਿਂ;

ਸੋ ਮਂ ਰਙ੍ਗਮ੍ਹਿ ਅਵ੍ਹੇਤਿ, ਸਰਣਂ ਮੇ ਹੋਹਿ ਕੋਸਿਯ.

ਅਹਂ ਤਂ ਸਰਣਂ ਸਮ੍ਮ [ਅਹਂ ਤੇ ਸਰਣਂ ਹੋਮਿ (ਵਿ. ਵ. ੩੨੮)], ਅਹਮਾਚਰਿਯਪੂਜਕੋ;

ਨ ਤਂ ਜਯਿਸ੍ਸਤਿ ਸਿਸ੍ਸੋ, ਸਿਸ੍ਸਮਾਚਰਿਯ ਜੇਸ੍ਸਸੀਤਿ.

ਯਂ ਪਸ੍ਸਤਿ ਨ ਤਂ ਇਚ੍ਛਤਿ, ਯਞ੍ਚ ਨ ਪਸ੍ਸਤਿ ਤਂ ਕਿਰਿਚ੍ਛਤਿ;

ਮਞ੍ਞਾਮਿ ਚਿਰਂ ਚਰਿਸ੍ਸਤਿ, ਨ ਹਿ ਤਂ ਲਚ੍ਛਤਿ ਯਂ ਸ ਇਚ੍ਛਤਿ.

ਯਂ ਲਭਤਿ ਨ ਤੇਨ ਤੁਸ੍ਸਤਿ, ਯਞ੍ਚ ਪਤ੍ਥੇਤਿ ਲਦ੍ਧਂ ਹੀਲ਼ੇਤਿ;

ਇਚ੍ਛਾ ਹਿ ਅਨਨ੍ਤਗੋਚਰਾ, ਵਿਗਤਿਚ੍ਛਾਨ [ਵੀਤਿਚ੍ਛਾਨਂ (ਸੀ. ਪੀ.)] ਨਮੋ ਕਰੋਮਸੇਤਿ.

ਵਿਗਤਿਚ੍ਛ [ਵੀਤਿਚ੍ਛ (ਸੀ. ਪੀ.)] ਜਾਤਕਂ ਚਤੁਤ੍ਥਂ.

ਕਾਲੋ ¶ ¶ ਘਸਤਿ ਭੂਤਾਨਿ, ਸਬ੍ਬਾਨੇਵ ਸਹਤ੍ਤਨਾ;

ਯੋ ਚ ਕਾਲਘਸੋ ਭੂਤੋ, ਸ ਭੂਤਪਚਨਿਂ ਪਚਿ.

ਬਹੂਨਿ ਨਰਸੀਸਾਨਿ, ਲੋਮਸਾਨਿ ਬ੍ਰਹਾਨਿ ਚ;

ਗੀਵਾਸੁ ਪਟਿਮੁਕ੍ਕਾਨਿ, ਕੋਚਿਦੇਵੇਤ੍ਥ ਕਣ੍ਣਵਾਤਿ.

ਹਨ੍ਤ੍ਵਾ ਛੇਤ੍ਵਾ [ਝਤ੍ਵਾ (ਸੀ. ਪੀ.), ਘਤ੍ਵਾ (ਸ੍ਯਾ.)] ਵਧਿਤ੍ਵਾ ਚ, ਦੇਤਿ ਦਾਨਂ ਅਸਞ੍ਞਤੋ;

ਏਦਿਸਂ ਭਤ੍ਤਂ ਭੁਞ੍ਜਮਾਨੋ, ਸ ਪਾਪਮੁਪਲਿਮ੍ਪਤਿ [ਸ ਪਾਪੇਨ ਉਪਲਿਪ੍ਪਤਿ (ਸੀ. ਪੀ.)].

ਪੁਤ੍ਤਦਾਰਮ੍ਪਿ ¶ ਚੇ ਹਨ੍ਤ੍ਵਾ, ਦੇਤਿ ਦਾਨਂ ਅਸਞ੍ਞਤੋ;

ਭੁਞ੍ਜਮਾਨੋਪਿ ਸਪ੍ਪਞ੍ਞੋ, ਨ ਪਾਪਮੁਪਲਿਮ੍ਪਤੀਤਿ.

ਅਦ੍ਧਾ ਪਾਦਞ੍ਜਲੀ ਸਬ੍ਬੇ, ਪਞ੍ਞਾਯ ਅਤਿਰੋਚਤਿ;

ਤਥਾ ਹਿ ਓਟ੍ਠਂ ਭਞ੍ਜਤਿ, ਉਤ੍ਤਰਿਂ ਨੂਨ ਪਸ੍ਸਤਿ.

ਨਾਯਂ ਧਮ੍ਮਂ ਅਧਮ੍ਮਂ ਵਾ, ਅਤ੍ਥਾਨਤ੍ਥਞ੍ਚ ਬੁਜ੍ਝਤਿ;

ਅਞ੍ਞਤ੍ਰ ¶ ਓਟ੍ਠਨਿਬ੍ਭੋਗਾ, ਨਾਯਂ ਜਾਨਾਤਿ ਕਿਞ੍ਚਨਨ੍ਤਿ.

ਸਬ੍ਬੇਹਿ ਕਿਂਸੁਕੋ ਦਿਟ੍ਠੋ, ਕਿਂਨ੍ਵੇਤ੍ਥ ਵਿਚਿਕਿਚ੍ਛਥ;

ਨ ਹਿ ਸਬ੍ਬੇਸੁ ਠਾਨੇਸੁ, ਸਾਰਥੀ ਪਰਿਪੁਚ੍ਛਿਤੋ.

ਏਵਂ ਸਬ੍ਬੇਹਿ ਞਾਣੇਹਿ, ਯੇਸਂ ਧਮ੍ਮਾ ਅਜਾਨਿਤਾ;

ਤੇ ਵੇ ਧਮ੍ਮੇਸੁ ਕਙ੍ਖਨ੍ਤਿ, ਕਿਂਸੁਕਸ੍ਮਿਂਵ ਭਾਤਰੋਤਿ.

ਏਕਪੁਤ੍ਤਕੋ ¶ ਭਵਿਸ੍ਸਸਿ, ਤ੍ਵਞ੍ਚ ਨੋ ਹੇਸ੍ਸਸਿ ਇਸ੍ਸਰੋ ਕੁਲੇ;

ਓਰੋਹ ਦੁਮਸ੍ਮਾ ਸਾਲਕ, ਏਹਿ ਦਾਨਿ ਘਰਕਂ ਵਜੇਮਸੇ.

ਨਨੁ ਮਂ ਸੁਹਦਯੋਤਿ [ਨਨੁ ਮਂ ਹਦਯੇਤਿ (ਸੀ. ਪੀ.)] ਮਞ੍ਞਸਿ, ਯਞ੍ਚ ਮਂ ਹਨਸਿ ਵੇਲ਼ੁਯਟ੍ਠਿਯਾ;

ਪਕ੍ਕਮ੍ਬਵਨੇ ਰਮਾਮਸੇ, ਗਚ੍ਛ ਤ੍ਵਂ ਘਰਕਂ ਯਥਾਸੁਖਨ੍ਤਿ.

ਅਯਂ ¶ ¶ ਇਸੀ ਉਪਸਮਸਂਯਮੇ ਰਤੋ, ਸ ਤਿਟ੍ਠਤਿ [ਸਨ੍ਤਿਟ੍ਠਤਿ (ਸੀ. ਪੀ.)] ਸਿਸਿਰਭਯੇਨ ਅਟ੍ਟਿਤੋ;

ਹਨ੍ਦ ਅਯਂ ਪਵਿਸਤੁਮਂ ਅਗਾਰਕਂ, ਵਿਨੇਤੁ ਸੀਤਂ ਦਰਥਞ੍ਚ ਕੇਵਲਂ.

ਨਾਯਂ ਇਸੀ ਉਪਸਮਸਂਯਮੇ ਰਤੋ, ਕਪੀ ਅਯਂ ਦੁਮਵਰਸਾਖਗੋਚਰੋ;

ਸੋ ਦੂਸਕੋ ਰੋਸਕੋ ਚਾਪਿ ਜਮ੍ਮੋ, ਸਚੇਵਜੇਮਮ੍ਪਿ [ਸਚੇ + ਆਵਜੇ + ਇਮਮ੍ਪਿ] ਦੂਸੇਯ੍ਯਗਾਰਨ੍ਤਿ [ਦੂਸਯੇ ਘਰਨ੍ਤਿ (ਸੀ. ਸ੍ਯਾ. ਪੀ.)].

ਅਥ ਰਾਜਾ ਸਿਙ੍ਗਾਲਵਰੋ ਸੁਨਖੋ, ਤਥਾ ਕੋਸਿਯ ਇਚ੍ਛਤਿ ਕਾਲਘਸੋ;

ਅਥ ਦਾਨਵਰੋਟ੍ਠਪਿ ਸਾਰਥਿਨਾ, ਪੁਨਮ੍ਬਵਨਞ੍ਚ ਸਿਸਿਰਕਪਿ ਦਸਾਤਿ.

ਦਲ਼੍ਹਞ੍ਚ ¶ ਵਗ੍ਗਂ ਅਪਰੇਨ ਸਨ੍ਥਵਂ, ਕਲ੍ਯਾਣਵਗ੍ਗਾਸਦਿਸੋ ਚ ਰੂਹਕਂ;

ਨਤਂਦਲ਼੍ਹ ਬੀਰਣਥਮ੍ਭਕਂ ਪੁਨ, ਕਾਸਾਵੁਪਾਹਨ ਸਿਙ੍ਗਾਲਕੇਨ ਦਸਾਤਿ.

ਸਙ੍ਕਪ੍ਪਰਾਗਧੋਤੇਨ ¶ ¶ ¶ , ਵਿਤਕ੍ਕਨਿਸਿਤੇਨ ਚ;

ਨਾਲਙ੍ਕਤੇਨ ਭਦ੍ਰੇਨ [ਨੇਵਾਲਙ੍ਕਤਭਦ੍ਰੇਨ (ਸ੍ਯਾ.)], ਉਸੁਕਾਰਾਕਤੇਨ ਚ [ਨ ਉਸੁਕਾਰਕਤੇਨ ਚ (ਸੀ. ਸ੍ਯਾ. ਪੀ.)].

ਨ ਕਣ੍ਣਾਯਤਮੁਤ੍ਤੇਨ, ਨਾਪਿ ਮੋਰੂਪਸੇਵਿਨਾ;

ਤੇਨਮ੍ਹਿ ਹਦਯੇ ਵਿਦ੍ਧੋ, ਸਬ੍ਬਙ੍ਗਪਰਿਦਾਹਿਨਾ.

ਆਵੇਧਞ੍ਚ ਨ ਪਸ੍ਸਾਮਿ, ਯਤੋ ਰੁਹਿਰਮਸ੍ਸਵੇ;

ਯਾਵ ਅਯੋਨਿਸੋ ਚਿਤ੍ਤਂ, ਸਯਂ ਮੇ ਦੁਕ੍ਖਮਾਭਤਨ੍ਤਿ.

ਅਜ੍ਜਾਪਿ ਮੇ ਤਂ ਮਨਸਿ [ਸਰਸਿ (ਕ.)], ਯਂ ਮਂ ਤ੍ਵਂ ਤਿਲਮੁਟ੍ਠਿਯਾ;

ਬਾਹਾਯ ਮਂ ਗਹੇਤ੍ਵਾਨ, ਲਟ੍ਠਿਯਾ ਅਨੁਤਾਲ਼ਯਿ.

ਨਨੁ ਜੀਵਿਤੇ ਨ ਰਮਸਿ, ਯੇਨਾਸਿ ਬ੍ਰਾਹ੍ਮਣਾਗਤੋ;

ਯਂ ਮਂ ਬਾਹਾ ਗਹੇਤ੍ਵਾਨ, ਤਿਕ੍ਖਤ੍ਤੁਂ ਅਨੁਤਾਲ਼ਯਿ.

ਅਰਿਯੋ ਅਨਰਿਯਂ ਕੁਬ੍ਬਨ੍ਤਂ [ਕੁਬ੍ਬਾਨਂ (ਸੀ. ਪੀ.), ਕੁਬ੍ਬਂ (ਸ੍ਯਾ.)], ਯੋ ਦਣ੍ਡੇਨ ਨਿਸੇਧਤਿ;

ਸਾਸਨਂ ਤਂ ਨ ਤਂ ਵੇਰਂ, ਇਤਿ ਨਂ ਪਣ੍ਡਿਤਾ ਵਿਦੂਤਿ.

ਮਮਨ੍ਨਪਾਨਂ ¶ ਵਿਪੁਲਂ ਉਲ਼ਾਰਂ, ਉਪ੍ਪਜ੍ਜਤੀਮਸ੍ਸ ਮਣਿਸ੍ਸ ਹੇਤੁ;

ਤਂ ਤੇ ਨ ਦਸ੍ਸਂ ਅਤਿਯਾਚਕੋਸਿ, ਨ ਚਾਪਿ ਤੇ ਅਸ੍ਸਮਮਾਗਮਿਸ੍ਸਂ.

ਸੁਸੂ ¶ ¶ ਯਥਾ ਸਕ੍ਖਰਧੋਤਪਾਣੀ, ਤਾਸੇਸਿ ਮਂ ਸੇਲਂ ਯਾਚਮਾਨੋ;

ਤਂ ਤੇ ਨ ਦਸ੍ਸਂ ਅਤਿਯਾਚਕੋਸਿ, ਨ ਚਾਪਿ ਤੇ ਅਸ੍ਸਮਮਾਗਮਿਸ੍ਸਂ.

ਨ ਤਂ ਯਾਚੇ ਯਸ੍ਸ ਪਿਯਂ ਜਿਗੀਸੇ [ਜਿਗਿਂਸੇ (ਸੀ. ਸ੍ਯਾ. ਪੀ.)], ਦੇਸ੍ਸੋ ਹੋਤਿ ਅਤਿਯਾਚਨਾਯ;

ਨਾਗੋ ਮਣਿਂ ਯਾਚਿਤੋ ਬ੍ਰਾਹ੍ਮਣੇਨ, ਅਦਸ੍ਸਨਂਯੇਵ ਤਦਜ੍ਝਗਮਾਤਿ.

੨੫੪. ਕੁਣ੍ਡਕਕੁਚ੍ਛਿਸਿਨ੍ਧਵਜਾਤਕਂ (੩-੧-੪)

ਭੁਤ੍ਵਾ ਤਿਣਪਰਿਘਾਸਂ, ਭੁਤ੍ਵਾ ਆਚਾਮਕੁਣ੍ਡਕਂ;

ਏਤਂ ਤੇ ਭੋਜਨਂ ਆਸਿ, ਕਸ੍ਮਾ ਦਾਨਿ ਨ ਭੁਞ੍ਜਸਿ.

ਯਤ੍ਥ ਪੋਸਂ ਨ ਜਾਨਨ੍ਤਿ, ਜਾਤਿਯਾ ਵਿਨਯੇਨ ਵਾ;

ਬਹੁਂ [ਪਹੂ (ਸੀ. ਪੀ.), ਪਹੁਂ (ਸ੍ਯਾ. ਕ.)] ਤਤ੍ਥ ਮਹਾਬ੍ਰਮ੍ਹੇ, ਅਪਿ ਆਚਾਮਕੁਣ੍ਡਕਂ.

ਤ੍ਵਞ੍ਚ ¶ ਖੋ ਮਂ ਪਜਾਨਾਸਿ, ਯਾਦਿਸਾਯਂ ਹਯੁਤ੍ਤਮੋ;

ਜਾਨਨ੍ਤੋ ਜਾਨਮਾਗਮ੍ਮ, ਨ ਤੇ ਭਕ੍ਖਾਮਿ ਕੁਣ੍ਡਕਨ੍ਤਿ.

ਕੁਣ੍ਡਕਕੁਚ੍ਛਿਸਿਨ੍ਧਵਜਾਤਕਂ ਚਤੁਤ੍ਥਂ.

ਯਾਵ ਸੋ ਮਤ੍ਤਮਞ੍ਞਾਸਿ, ਭੋਜਨਸ੍ਮਿਂ ਵਿਹਙ੍ਗਮੋ;

ਤਾਵ ਅਦ੍ਧਾਨਮਾਪਾਦਿ, ਮਾਤਰਞ੍ਚ ਅਪੋਸਯਿ.

ਯਤੋ ਚ ਖੋ ਬਹੁਤਰਂ, ਭੋਜਨਂ ਅਜ੍ਝਵਾਹਰਿ [ਅਜ੍ਝੁਪਾਹਰਿ (ਸੀ. ਪੀ.)];

ਤਤੋ ਤਤ੍ਥੇਵ ਸਂਸੀਦਿ, ਅਮਤ੍ਤਞ੍ਞੂ ਹਿ ਸੋ ਅਹੁ.

ਤਸ੍ਮਾ ਮਤ੍ਤਞ੍ਞੁਤਾ ਸਾਧੁ, ਭੋਜਨਸ੍ਮਿਂ ਅਗਿਦ੍ਧਤਾ [ਅਗਿਦ੍ਧਿਤਾ (ਸ੍ਯਾ. ਕ.)];

ਅਮਤ੍ਤਞ੍ਞੂ ਹਿ ਸੀਦਨ੍ਤਿ, ਮਤ੍ਤਞ੍ਞੂ ਚ ਨ ਸੀਦਰੇਤਿ.

ਜਰੂਦਪਾਨਂ ¶ ਖਣਮਾਨਾ, ਵਾਣਿਜਾ ਉਦਕਤ੍ਥਿਕਾ;

ਅਜ੍ਝਗਮੁਂ ਅਯਸਂ ਲੋਹਂ [ਅਜ੍ਝਗਂਸੁ ਅਯੋਲੋਹਂ (ਸੀ. ਸ੍ਯਾ. ਪੀ.)], ਤਿਪੁਸੀਸਞ੍ਚ ਵਾਣਿਜਾ;

ਰਜਤਂ ਜਾਤਰੂਪਞ੍ਚ, ਮੁਤ੍ਤਾ ਵੇਲ਼ੂਰਿਯਾ ਬਹੂ.

ਤੇ ਚ ਤੇਨ ਅਸਨ੍ਤੁਟ੍ਠਾ, ਭਿਯ੍ਯੋ ਭਿਯ੍ਯੋ ਅਖਾਣਿਸੁਂ;

ਤੇ ਤਤ੍ਥਾਸੀਵਿਸੋ [ਤਤ੍ਥ ਆਸੀਵਿਸੋ (ਕ.), ਤਤ੍ਥਪਾਸੀਵਿਸੋ (ਸ੍ਯਾ.)] ਘੋਰੋ, ਤੇਜਸ੍ਸੀ ਤੇਜਸਾ ਹਨਿ.

ਤਸ੍ਮਾ ¶ ¶ ਖਣੇ ਨਾਤਿਖਣੇ, ਅਤਿਖਾਤਂ [ਅਤਿਖਣਂ (ਕ.)] ਹਿ ਪਾਪਕਂ;

ਖਾਤੇਨ ਚ [ਖਣੇਨ ਚ (ਕ.), ਖਣਨੇਨ (ਸ੍ਯਾ.)] ਧਨਂ ਲਦ੍ਧਂ, ਅਤਿਖਾਤੇਨ [ਅਤਿਖਣੇਨ (ਕ.)] ਨਾਸਿਤਨ੍ਤਿ.

ਨਾਯਂ ਘਰਾਨਂ ਕੁਸਲੋ, ਲੋਲੋ ਅਯਂ ਵਲੀਮੁਖੋ;

ਕਤਂ ਕਤਂ ਖੋ ਦੂਸੇਯ੍ਯ, ਏਵਂਧਮ੍ਮਮਿਦਂ ਕੁਲਂ.

ਨਯਿਦਂ ਚਿਤ੍ਤਵਤੋ ਲੋਮਂ, ਨਾਯਂ ਅਸ੍ਸਾਸਿਕੋ ਮਿਗੋ;

ਸਿਟ੍ਠਂ [ਸਤ੍ਥਂ (ਸੀ. ਸ੍ਯਾ. ਪੀ.)] ਮੇ ਜਨਸਨ੍ਧੇਨ, ਨਾਯਂ ਕਿਞ੍ਚਿ ਵਿਜਾਨਤਿ.

ਨ ਮਾਤਰਂ ਪਿਤਰਂ ਵਾ, ਭਾਤਰਂ ਭਗਿਨਿਂ ਸਕਂ;

ਭਰੇਯ੍ਯ ਤਾਦਿਸੋ ਪੋਸੋ, ਸਿਟ੍ਠਂ ਦਸਰਥੇਨ ਮੇਤਿ.

ਗਾਮਣਿਚਨ੍ਦ [ਗਾਮਣਿਚਣ੍ਡ (ਸੀ. ਪੀ.)] ਜਾਤਕਂ ਸਤ੍ਤਮਂ.

ਯਾਵਤਾ ਚਨ੍ਦਿਮਸੂਰਿਯਾ, ਪਰਿਹਰਨ੍ਤਿ ਦਿਸਾ ਭਨ੍ਤਿ ਵਿਰੋਚਨਾ [ਵਿਰੋਚਮਾਨਾ (ਕ.)];

ਸਬ੍ਬੇਵ ਦਾਸਾ ਮਨ੍ਧਾਤੁ, ਯੇ ਪਾਣਾ ਪਥਵਿਸ੍ਸਿਤਾ [ਪਠਵਿਨਿਸ੍ਸਿਤਾ (ਸੀ. ਪੀ.), ਪਠਵਿਸ੍ਸਿਤਾ (ਸ੍ਯਾ.)].

ਨ ਕਹਾਪਣਵਸ੍ਸੇਨ, ਤਿਤ੍ਤਿ ਕਾਮੇਸੁ ਵਿਜ੍ਜਤਿ;

ਅਪ੍ਪਸ੍ਸਾਦਾ ਦੁਖਾ ਕਾਮਾ, ਇਤਿ ਵਿਞ੍ਞਾਯ ਪਣ੍ਡਿਤੋ.

ਅਪਿ ¶ ਦਿਬ੍ਬੇਸੁ ਕਾਮੇਸੁ, ਰਤਿਂ ਸੋ ਨਾਧਿਗਚ੍ਛਤਿ;

ਤਣ੍ਹਕ੍ਖਯਰਤੋ ¶ ਹੋਤਿ, ਸਮ੍ਮਾਸਮ੍ਬੁਦ੍ਧਸਾਵਕੋਤਿ.

ਨਯਿਮਸ੍ਸ ਵਿਜ੍ਜਾਮਯਮਤ੍ਥਿ ਕਿਞ੍ਚਿ, ਨ ਬਨ੍ਧਵੋ ਨੋ ਪਨ ਤੇ ਸਹਾਯੋ;

ਅਥ ਕੇਨ ਵਣ੍ਣੇਨ ਤਿਰੀਟਵਚ੍ਛੋ [ਤਿਰੀਟਿਵਚ੍ਛੋ (ਸ੍ਯਾ. ਕ.)], ਤੇਦਣ੍ਡਿਕੋ ਭੁਞ੍ਜਤਿ ਅਗ੍ਗਪਿਣ੍ਡਂ.

ਆਪਾਸੁ [ਆਵਾਸੁ (ਕ.)] ਮੇ ਯੁਦ੍ਧਪਰਾਜਿਤਸ੍ਸ, ਏਕਸ੍ਸ ਕਤ੍ਵਾ ਵਿਵਨਸ੍ਮਿ ਘੋਰੇ;

ਪਸਾਰਯੀ ਕਿਚ੍ਛਗਤਸ੍ਸ ਪਾਣਿਂ, ਤੇਨੂਦਤਾਰਿਂ ਦੁਖਸਂਪਰੇਤੋ.

ਏਤਸ੍ਸ ¶ ਕਿਚ੍ਚੇਨ ਇਧਾਨੁਪਤ੍ਤੋ, ਵੇਸਾਯਿਨੋ ਵਿਸਯਾ ਜੀਵਲੋਕੇ;

ਲਾਭਾਰਹੋ ਤਾਤ ਤਿਰੀਟਵਚ੍ਛੋ, ਦੇਥਸ੍ਸ ਭੋਗਂ ਯਜਥਞ੍ਚ [ਯਜਤਞ੍ਚ (ਸੀ. ਪੀ.), ਯਜਿਤਞ੍ਚ (ਸ੍ਯਾ.)] ਯਞ੍ਞਨ੍ਤਿ.

ਯਸ੍ਸਤ੍ਥਾ ¶ ਦੂਰਮਾਯਨ੍ਤਿ, ਅਮਿਤ੍ਤਮਪਿ ਯਾਚਿਤੁਂ;

ਤਸ੍ਸੂਦਰਸ੍ਸਹਂ ਦੂਤੋ, ਮਾ ਮੇ ਕੁਜ੍ਝ [ਕੁਜ੍ਝਿ (ਸੀ. ਪੀ.)] ਰਥੇਸਭ.

ਯਸ੍ਸ ਦਿਵਾ ਚ ਰਤ੍ਤੋ ਚ, ਵਸਮਾਯਨ੍ਤਿ ਮਾਣਵਾ;

ਤਸ੍ਸੂਦਰਸ੍ਸਹਂ ਦੂਤੋ, ਮਾ ਮੇ ਕੁਜ੍ਝ [ਕੁਜ੍ਝਿ (ਸੀ. ਪੀ.)] ਰਥੇਸਭ.

ਦਦਾਮਿ ¶ ਤੇ ਬ੍ਰਾਹ੍ਮਣ ਰੋਹਿਣੀਨਂ, ਗਵਂ ਸਹਸ੍ਸਂ ਸਹ ਪੁਙ੍ਗਵੇਨ;

ਦੂਤੋ ਹਿ ਦੂਤਸ੍ਸ ਕਥਂ ਨ ਦਜ੍ਜਂ, ਮਯਮ੍ਪਿ ਤਸ੍ਸੇਵ ਭਵਾਮ ਦੂਤਾਤਿ.

ਉਸੁਕਾਰਵਰੋ ਤਿਲਮੁਟ੍ਠਿ ਮਣਿ, ਹਯਰਾਜ ਵਿਹਙ੍ਗਮ ਆਸਿਵਿਸੋ;

ਜਨਸਨ੍ਧ ਕਹਾਪਣਵਸ੍ਸ ਪੁਨ, ਤਿਰਿਟਂ ਪੁਨ ਦੂਤਵਰੇਨ ਦਸਾਤਿ.

ਯਥਾ ¶ ਕੇਸਾ ਚ ਮਸ੍ਸੂ ਚ, ਛਿਨ੍ਨਂ ਛਿਨ੍ਨਂ ਵਿਰੂਹਤਿ;

ਏਵਂ ਰੂਹਤੁ ਤੇ ਨਾਸਾ, ਪਦੁਮਂ ਦੇਹਿ ਯਾਚਿਤੋ.

ਯਥਾ ਸਾਰਦਿਕਂ ਬੀਜਂ, ਖੇਤ੍ਤੇ ਵੁਤ੍ਤਂ ਵਿਰੂਹਤਿ;

ਏਵਂ ਰੂਹਤੁ ਤੇ ਨਾਸਾ, ਪਦੁਮਂ ਦੇਹਿ ਯਾਚਿਤੋ.

ਉਭੋਪਿ ਪਲਪਨ੍ਤੇਤੇ [ਵਿਲਪਨ੍ਤੇਤੇ (ਸ੍ਯਾ. ਕ.)], ਅਪਿ ਪਦ੍ਮਾਨਿ ਦਸ੍ਸਤਿ;

ਵਜ੍ਜੁਂ ਵਾ ਤੇ ਨ ਵਾ ਵਜ੍ਜੁਂ, ਨਤ੍ਥਿ ਨਾਸਾਯ ਰੂਹਨਾ;

ਦੇਹਿ ਸਮ੍ਮ ਪਦੁਮਾਨਿ, ਅਹਂ ਯਾਚਾਮਿ ਯਾਚਿਤੋਤਿ.

ਪਾਣਿ ¶ ਚੇ ਮੁਦੁਕੋ ਚਸ੍ਸ, ਨਾਗੋ ਚਸ੍ਸ ਸੁਕਾਰਿਤੋ;

ਅਨ੍ਧਕਾਰੋ ਚ ਵਸ੍ਸੇਯ੍ਯ, ਅਥ ਨੂਨ ਤਦਾ ਸਿਯਾ.

ਅਨਲਾ ¶ ਮੁਦੁਸਮ੍ਭਾਸਾ, ਦੁਪ੍ਪੂਰਾ ਤਾ [ਦੁਪ੍ਪੂਰਤ੍ਤਾ (ਕ.)] ਨਦੀਸਮਾ;

ਸੀਦਨ੍ਤਿ ਨਂ ਵਿਦਿਤ੍ਵਾਨ, ਆਰਕਾ ਪਰਿਵਜ੍ਜਯੇ.

ਯਂ ਏਤਾ ਉਪਸੇਵਨ੍ਤਿ, ਛਨ੍ਦਸਾ ਵਾ ਧਨੇਨ ਵਾ;

ਜਾਤਵੇਦੋਵ ਸਂ ਠਾਨਂ, ਖਿਪ੍ਪਂ ਅਨੁਦਹਨ੍ਤਿ ਨਨ੍ਤਿ.

ਅਭਿਜ੍ਜਮਾਨੇ ¶ ਵਾਰਿਸ੍ਮਿਂ, ਸਯਂ [ਅਯਂ (ਕ.)] ਆਗਮ੍ਮ ਇਦ੍ਧਿਯਾ;

ਮਿਸ੍ਸੀਭਾਵਿਤ੍ਥਿਯਾ ਗਨ੍ਤ੍ਵਾ, ਸਂਸੀਦਸਿ [ਸਂਸੀਦਤਿ (ਕ.)] ਮਹਣ੍ਣਵੇ.

ਆਵਟ੍ਟਨੀ ਮਹਾਮਾਯਾ, ਬ੍ਰਹ੍ਮਚਰਿਯਵਿਕੋਪਨਾ;

ਸੀਦਨ੍ਤਿ ਨਂ ਵਿਦਿਤ੍ਵਾਨ, ਆਰਕਾ ਪਰਿਵਜ੍ਜਯੇ.

ਯਂ ਏਤਾ ਉਪਸੇਵਨ੍ਤਿ, ਛਨ੍ਦਸਾ ਵਾ ਧਨੇਨ ਵਾ;

ਜਾਤਵੇਦੋਵ ਸਂ ਠਾਨਂ, ਖਿਪ੍ਪਂ ਅਨੁਦਹਨ੍ਤਿ ਨਨ੍ਤਿ.

ਚੂਲ਼ਪਲੋਭਨ [ਚੁਲ੍ਲਪਲੋਭਨ (ਸੀ. ਸ੍ਯਾ. ਪੀ.)] ਜਾਤਕਂ ਤਤਿਯਂ.

ਪਨਾਦੋ ਨਾਮ ਸੋ ਰਾਜਾ, ਯਸ੍ਸ ਯੂਪੋ ਸੁਵਣ੍ਣਯੋ;

ਤਿਰਿਯਂ ਸੋਲ਼ਸੁਬ੍ਬੇਧੋ [ਸੋਲ਼ਸਪਬ੍ਬੇਧੋ (ਸੀ. ਪੀ.)], ਉਦ੍ਧਮਾਹੁ [ਉਚ੍ਚਮਾਹੁ (ਸੀ. ਸ੍ਯਾ. ਪੀ.)] ਸਹਸ੍ਸਧਾ.

ਸਹਸ੍ਸਕਣ੍ਡੋ ਸਤਗੇਣ੍ਡੁ [ਸਤਭੇਦੋ (ਸੀ. ਪੀ.), ਸਤਭੇਣ੍ਡੁ (ਸੀ. ਨਿਸ੍ਸਯ)], ਧਜਾਸੁ ਹਰਿਤਾਮਯੋ;

ਅਨਚ੍ਚੁਂ ਤਤ੍ਥ ਗਨ੍ਧਬ੍ਬਾ, ਛ ਸਹਸ੍ਸਾਨਿ ਸਤ੍ਤਧਾ.

ਏਵਮੇਤਂ [ਏਵਮੇਵ (ਕ.)] ਤਦਾ ਆਸਿ, ਯਥਾ ਭਾਸਸਿ ਭਦ੍ਦਜਿ;

ਸਕ੍ਕੋ ਅਹਂ ਤਦਾ ਆਸਿਂ, ਵੇਯ੍ਯਾਵਚ੍ਚਕਰੋ ਤਵਾਤਿ.

ਦਿਸ੍ਵਾ ¶ ¶ ਖੁਰਪ੍ਪੇ ਧਨੁਵੇਗਨੁਨ੍ਨੇ, ਖਗ੍ਗੇ ¶ ਗਹੀਤੇ ਤਿਖਿਣੇ ਤੇਲਧੋਤੇ;

ਤਸ੍ਮਿਂ ਭਯਸ੍ਮਿਂ ਮਰਣੇ ਵਿਯੂਲ਼੍ਹੇ, ਕਸ੍ਮਾ ਨੁ ਤੇ ਨਾਹੁ ਛਮ੍ਭਿਤਤ੍ਤਂ.

ਦਿਸ੍ਵਾ ਖੁਰਪ੍ਪੇ ਧਨੁਵੇਗਨੁਨ੍ਨੇ, ਖਗ੍ਗੇ ਗਹੀਤੇ ਤਿਖਿਣੇ ਤੇਲਧੋਤੇ;

ਤਸ੍ਮਿਂ ਭਯਸ੍ਮਿਂ ਮਰਣੇ ਵਿਯੂਲ਼੍ਹੇ, ਵੇਦਂ ਅਲਤ੍ਥਂ ਵਿਪੁਲਂ ਉਲ਼ਾਰਂ.

ਸੋ ਵੇਦਜਾਤੋ ਅਜ੍ਝਭਵਿਂ ਅਮਿਤ੍ਤੇ, ਪੁਬ੍ਬੇਵ ਮੇ ਜੀਵਿਤਮਾਸਿ ਚਤ੍ਤਂ;

ਨ ਹਿ ਜੀਵਿਤੇ ਆਲਯਂ ਕੁਬ੍ਬਮਾਨੋ, ਸੂਰੋ ਕਯਿਰਾ ਸੂਰਕਿਚ੍ਚਂ ਕਦਾਚੀਤਿ.

ਯੇਨਾਸਿ ਕਿਸਿਯਾ ਪਣ੍ਡੁ, ਯੇਨ ਭਤ੍ਤਂ ਨ ਰੁਚ੍ਚਤਿ;

ਅਯਂ ਸੋ ਆਗਤੋ ਭਤ੍ਤਾ [ਤਾਤੋ (ਸੀ. ਸ੍ਯਾ. ਪੀ.)], ਕਸ੍ਮਾ ਦਾਨਿ ਪਲਾਯਸਿ.

ਸਚੇ [ਨ ਖੋ (ਸ੍ਯਾ. ਕ.)] ਪਨਾਦਿਕੇਨੇਵ, ਸਨ੍ਥਵੋ ਨਾਮ ਜਾਯਤਿ;

ਯਸੋ ਹਾਯਤਿ ਇਤ੍ਥੀਨਂ, ਤਸ੍ਮਾ ਤਾਤ ਪਲਾਯਹਂ [ਪਲਾਯਿਹਂ (ਸ੍ਯਾ.), ਪਲਾਯਿਤਂ (ਕ.)].

ਯਸ੍ਸਸ੍ਸਿਨਂ ਕੁਲੇ ਜਾਤਂ, ਆਗਤਂ ਯਾ ਨ ਇਚ੍ਛਤਿ;

ਸੋਚਤਿ ¶ ਚਿਰਰਤ੍ਤਾਯ, ਵਾਤਗ੍ਗਮਿਵ ਭਦ੍ਦਲੀਤਿ [ਕੁਨ੍ਦਲੀਤਿ (ਸੀ. ਪੀ.), ਗਦ੍ਰਭੀਤਿ (ਸ੍ਯਾ.)].

ਸਿਙ੍ਗੀਮਿਗੋ ¶ ਆਯਤਚਕ੍ਖੁਨੇਤ੍ਤੋ, ਅਟ੍ਠਿਤ੍ਤਚੋ ਵਾਰਿਸਯੋ ਅਲੋਮੋ;

ਤੇਨਾਭਿਭੂਤੋ ਕਪਣਂ ਰੁਦਾਮਿ, ਮਾ ਹੇਵ ਮਂ ਪਾਣਸਮਂ ਜਹੇਯ੍ਯ [ਜਹੇਯ੍ਯਾ (ਪੀ.) ਜਹਾ’ਯ੍ਯੇ (?)].

ਅਯ੍ਯ ਨ ਤਂ ਜਹਿਸ੍ਸਾਮਿ, ਕੁਞ੍ਜਰਂ ਸਟ੍ਠਿਹਾਯਨਂ [ਕੁਞ੍ਜਰ ਸਟ੍ਠਿਹਾਯਨ (ਸੀ. ਪੀ.)];

ਪਥਬ੍ਯਾ ਚਾਤੁਰਨ੍ਤਾਯ, ਸੁਪ੍ਪਿਯੋ ਹੋਸਿ ਮੇ ਤੁਵਂ.

ਯੇ ਕੁਲ਼ੀਰਾ ਸਮੁਦ੍ਦਸ੍ਮਿਂ, ਗਙ੍ਗਾਯ ਯਮੁਨਾਯ [ਨਮ੍ਮਦਾਯ (ਸੀ. ਪੀ.)] ਚ;

ਤੇਸਂ ਤ੍ਵਂ ਵਾਰਿਜੋ ਸੇਟ੍ਠੋ, ਮੁਞ੍ਚ ਰੋਦਨ੍ਤਿਯਾ ਪਤਿਨ੍ਤਿ.

ਯੋ ¶ ਵੇ ਸਬ੍ਬਸਮੇਤਾਨਂ, ਅਹੁਵਾ ਸੇਟ੍ਠਸਮ੍ਮਤੋ;

ਤਸ੍ਸਾਯਂ ਏਦਿਸੀ ਪਞ੍ਞਾ, ਕਿਮੇਵ ਇਤਰਾ ਪਜਾ.

ਏਵਮੇਵ ਤੁਵਂ ਬ੍ਰਹ੍ਮੇ, ਅਨਞ੍ਞਾਯ ਵਿਨਿਨ੍ਦਸਿ;

ਕਥਂ ਮੂਲਂ ਅਦਿਸ੍ਵਾਨ [ਕਥਂਹਿ ਮੂਲਂ ਅਦਿਤ੍ਵਾ (ਸ੍ਯਾ. ਪੀ.)], ਰੁਕ੍ਖਂ ਜਞ੍ਞਾ ਪਤਿਟ੍ਠਿਤਂ.

ਨਾਹਂ ¶ ਤੁਮ੍ਹੇ ਵਿਨਿਨ੍ਦਾਮਿ, ਯੇ ਚਞ੍ਞੇ ਵਾਨਰਾ ਵਨੇ;

ਵਿਸ੍ਸਸੇਨੋਵ ਗਾਰਯ੍ਹੋ, ਯਸ੍ਸਤ੍ਥਾ ਰੁਕ੍ਖਰੋਪਕਾਤਿ.

ਨ ਹਿ ਵਣ੍ਣੇਨ ਸਮ੍ਪਨ੍ਨਾ, ਮਞ੍ਜੁਕਾ ਪਿਯਦਸ੍ਸਨਾ;

ਖਰਵਾਚਾ ਪਿਯਾ ਹੋਤਿ, ਅਸ੍ਮਿਂ ਲੋਕੇ ਪਰਮ੍ਹਿ ਚ.

ਨਨੁ ਪਸ੍ਸਸਿਮਂ ਕਾਲ਼ਿਂ, ਦੁਬ੍ਬਣ੍ਣਂ ਤਿਲਕਾਹਤਂ;

ਕੋਕਿਲਂ ਸਣ੍ਹਵਾਚੇਨ, ਬਹੂਨਂ ਪਾਣਿਨਂ ਪਿਯਂ.

ਤਸ੍ਮਾ ¶ ਸਖਿਲਵਾਚਸ੍ਸ, ਮਨ੍ਤਭਾਣੀ ਅਨੁਦ੍ਧਤੋ;

ਅਤ੍ਥਂ ਧਮ੍ਮਞ੍ਚ ਦੀਪੇਤਿ, ਮਧੁਰਂ ਤਸ੍ਸ ਭਾਸਿਤਨ੍ਤਿ.

ਸਬ੍ਬੇਹਿ ਕਿਰ ਞਾਤੀਹਿ, ਕੋਸਿਯੋ ਇਸ੍ਸਰੋ ਕਤੋ;

ਸਚੇ ਞਾਤੀਹਿ ਅਨੁਞ੍ਞਾਤੋ [ਞਾਤੀਹਨੁਞ੍ਞਾਤੋ (ਸੀ. ਪੀ.)], ਭਣੇਯ੍ਯਾਹਂ ਏਕਵਾਚਿਕਂ.

ਭਣ ਸਮ੍ਮ ਅਨੁਞ੍ਞਾਤੋ, ਅਤ੍ਥਂ ਧਮ੍ਮਞ੍ਚ ਕੇਵਲਂ;

ਸਨ੍ਤਿ ਹਿ ਦਹਰਾ ਪਕ੍ਖੀ, ਪਞ੍ਞਵਨ੍ਤੋ ਜੁਤਿਨ੍ਧਰਾ.

ਨ ਮੇ ਰੁਚ੍ਚਤਿ ਭਦ੍ਦਂ ਵੋ [ਭਦਨ੍ਤੇ (ਕ.)], ਉਲੂਕਸ੍ਸਾਭਿਸੇਚਨਂ;

ਅਕ੍ਕੁਦ੍ਧਸ੍ਸ ¶ ਮੁਖਂ ਪਸ੍ਸ, ਕਥਂ ਕੁਦ੍ਧੋ ਕਰਿਸ੍ਸਤੀਤਿ.

ਪਦੁਮੁਤ੍ਤਮ ¶ ਨਾਗਸਿਰਿਵ੍ਹਯਨੋ, ਸ-ਮਹਣ੍ਣਵ ਯੂਪ ਖੁਰਪ੍ਪਵਰੋ;

ਅਥ ਭਦ੍ਦਲੀ ਕੁਞ੍ਜਰ ਰੁਕ੍ਖ ਪੁਨ, ਖਰਵਾਚ ਉਲੂਕਵਰੇਨ ਦਸਾਤਿ.

ਆਰਞ੍ਞਿਕਸ੍ਸ ਇਸਿਨੋ, ਚਿਰਰਤ੍ਤਂ ਤਪਸ੍ਸਿਨੋ;

ਕਿਚ੍ਛਾਕਤਂ ਉਦਪਾਨਂ, ਕਥਂ ਸਮ੍ਮ ਅਵਾਹਸਿ [ਅਵਾਹਯਿ (ਸੀ. ਪੀ.), ਅਪਾਹਸਿ (ਸ੍ਯਾ.)].

ਏਸ ਧਮ੍ਮੋ ਸਿਙ੍ਗਾਲਾਨਂ, ਯਂ ਪਿਤ੍ਵਾ ਓਹਦਾਮਸੇ;

ਪਿਤੁਪਿਤਾਮਹਂ ਧਮ੍ਮੋ, ਨ ਤਂ [ਨ ਨਂ (ਸੀ. ਪੀ.)] ਉਜ੍ਝਾਤੁਮਰਹਸਿ.

ਯੇਸਂ ¶ ¶ ਵੋ ਏਦਿਸੋ ਧਮ੍ਮੋ, ਅਧਮ੍ਮੋ ਪਨ ਕੀਦਿਸੋ;

ਮਾ ਵੋ ਧਮ੍ਮਂ ਅਧਮ੍ਮਂ ਵਾ, ਅਦ੍ਦਸਾਮ ਕੁਦਾਚਨਨ੍ਤਿ.

ਯੇਨ ਮਿਤ੍ਤੇਨ ਸਂਸਗ੍ਗਾ, ਯੋਗਕ੍ਖੇਮੋ ਵਿਹਿਯ੍ਯਤਿ;

ਪੁਬ੍ਬੇਵਜ੍ਝਾਭਵਂ ਤਸ੍ਸ, ਰੁਕ੍ਖੇ ਅਕ੍ਖੀਵ ਪਣ੍ਡਿਤੋ.

ਯੇਨ ਮਿਤ੍ਤੇਨ ਸਂਸਗ੍ਗਾ, ਯੋਗਕ੍ਖੇਮੋ ਪਵਡ੍ਢਤਿ;

ਕਰੇਯ੍ਯਤ੍ਤਸਮਂ ਵੁਤ੍ਤਿਂ, ਸਬ੍ਬਕਿਚ੍ਚੇਸੁ ਪਣ੍ਡਿਤੋ.

ਏਥ ਬ੍ਯਗ੍ਘਾ ਨਿਵਤ੍ਤਵ੍ਹੋ, ਪਚ੍ਚੁਪੇਥ [ਪਚ੍ਚਮੇਥ (ਸੀ. ਪੀ.)] ਮਹਾਵਨਂ;

ਮਾ ਵਨਂ ਛਿਨ੍ਦਿ ਨਿਬ੍ਯਗ੍ਘਂ, ਬ੍ਯਗ੍ਘਾ ਮਾਹੇਸੁ ਨਿਬ੍ਬਨਾਤਿ.

ਕੋ ਨੁ ਉਦ੍ਧਿਤਭਤ੍ਤੋਵ [ਉਦ੍ਦਿਤਭਤ੍ਤੋਵ (ਸੀ.), ਵਡ੍ਢਿਤਭਤ੍ਤੋਵ (ਸ੍ਯਾ.)], ਪੂਰਹਤ੍ਥੋਵ ਬ੍ਰਾਹ੍ਮਣੋ;

ਕਹਂ ਨੁ ਭਿਕ੍ਖਂ ਅਚਰਿ, ਕਂ ਸਦ੍ਧਂ ਉਪਸਙ੍ਕਮਿ.

ਅਹਂ ¶ ਕਪਿਸ੍ਮਿ ਦੁਮ੍ਮੇਧੋ, ਅਨਾਮਾਸਾਨਿ ਆਮਸਿਂ;

ਤ੍ਵਂ ਮਂ ਮੋਚਯ ਭਦ੍ਦਨ੍ਤੇ, ਮੁਤ੍ਤੋ ਗਚ੍ਛੇਯ੍ਯ ਪਬ੍ਬਤਂ.

ਕਚ੍ਛਪਾ ਕਸ੍ਸਪਾ ਹੋਨ੍ਤਿ, ਕੋਣ੍ਡਞ੍ਞਾ ਹੋਨ੍ਤਿ ਮਕ੍ਕਟਾ;

ਮੁਞ੍ਚ ਕਸ੍ਸਪ ਕੋਣ੍ਡਞ੍ਞਂ, ਕਤਂ ਮੇਥੁਨਕਂ ਤਯਾਤਿ.

ਕਾਯਂ ਬਲਾਕਾ ਸਿਖਿਨੀ, ਚੋਰੀ ਲਙ੍ਘਿਪਿਤਾਮਹਾ;

ਓਰਂ ¶ ਬਲਾਕੇ ਆਗਚ੍ਛ, ਚਣ੍ਡੋ ਮੇ ਵਾਯਸੋ ਸਖਾ.

ਨਾਹਂ ਬਲਾਕਾ ਸਿਖਿਨੀ, ਅਹਂ ਲੋਲੋਸ੍ਮਿ ਵਾਯਸੋ;

ਅਕਤ੍ਵਾ ਵਚਨਂ ਤੁਯ੍ਹਂ, ਪਸ੍ਸ ਲੂਨੋਸ੍ਮਿ ਆਗਤੋ.

ਪੁਨਪਾਪਜ੍ਜਸੀ ¶ ਸਮ੍ਮ, ਸੀਲਞ੍ਹਿ ਤਵ ਤਾਦਿਸਂ;

ਨ ਹਿ ਮਾਨੁਸਕਾ ਭੋਗਾ, ਸੁਭੁਞ੍ਜਾ ਹੋਨ੍ਤਿ ਪਕ੍ਖਿਨਾਤਿ.

ਕਾਯਂ ਬਲਾਕਾ ਰੁਚਿਰਾ, ਕਾਕਨੀਲ਼ਸ੍ਮਿਮਚ੍ਛਤਿ;

ਚਣ੍ਡੋ ਕਾਕੋ ਸਖਾ ਮਯ੍ਹਂ, ਯਸ੍ਸ [ਤਸ੍ਸ (ਸੀ. ਪੀ.)] ਚੇਤਂ ਕੁਲਾਵਕਂ.

ਨਨੁ ਮਂ ਸਮ੍ਮ ਜਾਨਾਸਿ, ਦਿਜ ਸਾਮਾਕਭੋਜਨ;

ਅਕਤ੍ਵਾ ਵਚਨਂ ਤੁਯ੍ਹਂ, ਪਸ੍ਸ ਲੂਨੋਸ੍ਮਿ ਆਗਤੋ.

ਪੁਨਪਾਪਜ੍ਜਸੀ ਸਮ੍ਮ, ਸੀਲਞ੍ਹਿ ਤਵ ਤਾਦਿਸਂ;

ਨ ਹਿ ਮਾਨੁਸਕਾ ਭੋਗਾ, ਸੁਭੁਞ੍ਜਾ ਹੋਨ੍ਤਿ ਪਕ੍ਖਿਨਾਤਿ.

ਤਵ ਸਦ੍ਧਞ੍ਚ ਸੀਲਞ੍ਚ, ਵਿਦਿਤ੍ਵਾਨ ਜਨਾਧਿਪ;

ਵਣ੍ਣਂ ਅਞ੍ਜਨਵਣ੍ਣੇਨ, ਕਾਲਿਙ੍ਗਸ੍ਮਿਂ ਨਿਮਿਮ੍ਹਸੇ [ਵਿਨਿਮ੍ਹਸੇ (ਸ੍ਯਾ.), ਵਨਿਮ੍ਹਸੇ (ਕ.)].

ਅਨ੍ਨਭਚ੍ਚਾ ¶ ਚਭਚ੍ਚਾ ਚ, ਯੋਧ ਉਦ੍ਦਿਸ੍ਸ ਗਚ੍ਛਤਿ;

ਸਬ੍ਬੇ ਤੇ ਅਪ੍ਪਟਿਕ੍ਖਿਪ੍ਪਾ, ਪੁਬ੍ਬਾਚਰਿਯਵਚੋ ਇਦਂ.

ਦਦਾਮਿ ¶ ਵੋ ਬ੍ਰਾਹ੍ਮਣਾ ਨਾਗਮੇਤਂ, ਰਾਜਾਰਹਂ ਰਾਜਭੋਗ੍ਗਂ ਯਸਸ੍ਸਿਨਂ;

ਅਲਙ੍ਕਤਂ ਹੇਮਜਾਲਾਭਿਛਨ੍ਨਂ, ਸਸਾਰਥਿਂ ਗਚ੍ਛਥ ਯੇਨ ਕਾਮਨ੍ਤਿ.

ਕੁਰੁਧਮ੍ਮਜਾਤਕਂ [ਕੁਰੁਧਮ੍ਮਜਾਤਕਂ (ਸੀ. ਸ੍ਯਾ. ਪੀ.)] ਛਟ੍ਠਂ.

ਵਸ੍ਸਾਨਿ ¶ ਪਞ੍ਞਾਸ ਸਮਾਧਿਕਾਨਿ, ਵਸਿਮ੍ਹ ਸੇਲਸ੍ਸ ਗੁਹਾਯ ਰੋਮਕ;

ਅਸਙ੍ਕਮਾਨਾ ਅਭਿਨਿਬ੍ਬੁਤਤ੍ਤਾ [ਅਭਿਨਿਬ੍ਬੁਤਚਿਤ੍ਤਾ (ਸ੍ਯਾ. ਕ.)], ਹਤ੍ਥਤ੍ਤ [ਹਤ੍ਥਤ੍ਥ (ਸ੍ਯਾ.)] ਮਾਯਨ੍ਤਿ ਮਮਣ੍ਡਜਾ ਪੁਰੇ.

ਤੇ ਦਾਨਿ ਵਕ੍ਕਙ੍ਗ ਕਿਮਤ੍ਥਮੁਸ੍ਸੁਕਾ, ਭਜਨ੍ਤਿ ਅਞ੍ਞਂ ਗਿਰਿਕਨ੍ਦਰਂ ਦਿਜਾ;

ਨ ਨੂਨ ਮਞ੍ਞਨ੍ਤਿ ਮਮਂ ਯਥਾ ਪੁਰੇ, ਚਿਰਪ੍ਪਵੁਤ੍ਥਾ ਅਥ ਵਾ ਨ ਤੇ ਇਮੇ.

ਜਾਨਾਮ ਤਂ ਨ ਮਯਂ ਸਮ੍ਪਮੂਲ਼੍ਹਾ [ਨ ਮਯ’ਮਸ੍ਮ ਮੂਲ਼੍ਹਾ (ਸੀ. ਪੀ.)], ਸੋਯੇਵ ਤ੍ਵਂ ਤੇ ਮਯਮਸ੍ਮ ਨਾਞ੍ਞੇ;

ਚਿਤ੍ਤਞ੍ਚ ¶ ਤੇ ਅਸ੍ਮਿਂ ਜਨੇ ਪਦੁਟ੍ਠਂ, ਆਜੀਵਿਕਾ [ਆਜੀਵਕ (ਸੀ. ਸ੍ਯਾ.), ਆਜੀਵਿਕ (ਪੀ.)] ਤੇਨ ਤਮੁਤ੍ਤਸਾਮਾਤਿ.

ਕਿਮਤ੍ਥ [ਕਮਤ੍ਥ (ਸੀ. ਪੀ.)] ਮਭਿਸਨ੍ਧਾਯ, ਲਹੁਚਿਤ੍ਤਸ੍ਸ ਦੁਬ੍ਭਿਨੋ [ਦੂਭਿਨੋ (ਸੀ. ਪੀ.)];

ਸਬ੍ਬਕਾਮਦਦਸ੍ਸੇਵ [ਦੁਹਸ੍ਸੇਵ (ਸੀ. ਸ੍ਯਾ. ਪੀ.), ਰਹਸ੍ਸੇਵ (ਕ.)], ਇਮਂ ਦੁਕ੍ਖਂ ਤਿਤਿਕ੍ਖਸਿ.

ਸਿਙ੍ਗੇਨ ਨਿਹਨਾਹੇਤਂ, ਪਦਸਾ ਚ ਅਧਿਟ੍ਠਹ;

ਭਿਯ੍ਯੋ [ਭੀਯੋ (ਸੀ.)] ਬਾਲਾ ਪਕੁਜ੍ਝੇਯ੍ਯੁਂ, ਨੋ ਚਸ੍ਸ ਪਟਿਸੇਧਕੋ.

ਮਮੇਵਾਯਂ ਮਞ੍ਞਮਾਨੋ, ਅਞ੍ਞੇਪੇਵਂ [ਅਞ੍ਞਮ੍ਪੇਵਂ (ਸੀ. ਸ੍ਯਾ. ਪੀ.)] ਕਰਿਸ੍ਸਤਿ;

ਤੇ ਨਂ ਤਤ੍ਥ ਵਧਿਸ੍ਸਨ੍ਤਿ, ਸਾ ਮੇ ਮੁਤ੍ਤਿ ਭਵਿਸ੍ਸਤੀਤਿ.

ਮਹਿਂਸਰਾਜਜਾਤਕਂ [ਮਹਿਸਜਾਤਕਂ (ਸੀ. ਸ੍ਯਾ. ਪੀ.)] ਅਟ੍ਠਮਂ.

ਯਥਾ ¶ ਮਾਣਵਕੋ ਪਨ੍ਥੇ, ਸਿਙ੍ਗਾਲਿਂ ਵਨਗੋਚਰਿਂ;

ਅਤ੍ਥਕਾਮਂ ਪਵੇਦੇਨ੍ਤਿਂ [ਪਵਦਨ੍ਤਿਂ (ਪੀ.)], ਅਨਤ੍ਥਕਾਮਾਤਿ ਮਞ੍ਞਤਿ;

ਅਨਤ੍ਥਕਾਮਂ ਸਤਪਤ੍ਤਂ, ਅਤ੍ਥਕਾਮੋਤਿ ਮਞ੍ਞਤਿ.

ਏਵਮੇਵ ਇਧੇਕਚ੍ਚੋ, ਪੁਗ੍ਗਲੋ ਹੋਤਿ ਤਾਦਿਸੋ;

ਹਿਤੇਹਿ ਵਚਨਂ ਵੁਤ੍ਤੋ, ਪਟਿਗਣ੍ਹਾਤਿ ਵਾਮਤੋ.

ਯੇ ¶ ¶ ਚ ਖੋ ਨਂ ਪਸਂਸਨ੍ਤਿ, ਭਯਾ ਉਕ੍ਕਂਸਯਨ੍ਤਿ ਵਾ [ਚ (ਸੀ. ਪੀ.)];

ਤਞ੍ਹਿ ਸੋ ਮਞ੍ਞਤੇ ਮਿਤ੍ਤਂ, ਸਤਪਤ੍ਤਂਵ ਮਾਣਵੋਤਿ.

ਅਦ੍ਧਾ ਹਿ ਨੂਨ ਮਿਗਰਾਜਾ, ਪੁਟਕਮ੍ਮਸ੍ਸ ਕੋਵਿਦੋ;

ਤਥਾ ਹਿ ਪੁਟਂ ਦੂਸੇਤਿ, ਅਞ੍ਞਂ ਨੂਨ ਕਰਿਸ੍ਸਤਿ.

ਨ ਮੇ ਮਾਤਾ ਵਾ ਪਿਤਾ ਵਾ, ਪੁਟਕਮ੍ਮਸ੍ਸ ਕੋਵਿਦੋ;

ਕਤਂ ਕਤਂ ਖੋ ਦੂਸੇਮ, ਏਵਂ ਧਮ੍ਮਮਿਦਂ ਕੁਲਂ.

ਯੇਸਂ ਵੋ ਏਦਿਸੋ ਧਮ੍ਮੋ, ਅਧਮ੍ਮੋ ਪਨ ਕੀਦਿਸੋ;

ਮਾ ਵੋ ਧਮ੍ਮਂ ਅਧਮ੍ਮਂ ਵਾ, ਅਦ੍ਦਸਾਮ ਕੁਦਾਚਨਨ੍ਤਿ.

ਉਦਪਾਨਵਗ੍ਗੋ [ਅਰਞ੍ਞਵਗ੍ਗੋ (ਸੀ. ਪੀ. ਕ.)] ਤਤਿਯੋ.

ਉਦਪਾਨਵਰਂ ਵਨਬ੍ਯਗ੍ਘ ਕਪਿ, ਸਿਖਿਨੀ ਚ ਬਲਾਕ ਰੁਚਿਰਵਰੋ;

ਸੁਜਨਾਧਿਪਰੋਮਕਦੂਸ ਪੁਨ, ਸਤਪਤ੍ਤਵਰੋ ਪੁਟਕਮ੍ਮ ਦਸਾਤਿ.

ਅਬ੍ਭਨ੍ਤਰੋ ¶ ¶ ਨਾਮ ਦੁਮੋ, ਯਸ੍ਸ ਦਿਬ੍ਯਮਿਦਂ ਫਲਂ;

ਭੁਤ੍ਵਾ ਦੋਹਲ਼ਿਨੀ ਨਾਰੀ, ਚਕ੍ਕਵਤ੍ਤਿਂ ਵਿਜਾਯਤਿ.

ਤ੍ਵਮ੍ਪਿ [ਤ੍ਵਞ੍ਚ (ਸੀ. ਪੀ.), ਤ੍ਵਂ ਹਿ (ਕ.)] ਭਦ੍ਦੇ ਮਹੇਸੀਸਿ, ਸਾ ਚਾਪਿ [ਚਾਸਿ (ਸੀ. ਪੀ.)] ਪਤਿਨੋ ਪਿਯਾ;

ਆਹਰਿਸ੍ਸਤਿ ਤੇ ਰਾਜਾ, ਇਦਂ ਅਬ੍ਭਨ੍ਤਰਂ ਫਲਂ.

ਭਤ੍ਤੁਰਤ੍ਥੇ ਪਰਕ੍ਕਨ੍ਤੋ, ਯਂ ਠਾਨਮਧਿਗਚ੍ਛਤਿ;

ਸੂਰੋ ਅਤ੍ਤਪਰਿਚ੍ਚਾਗੀ, ਲਭਮਾਨੋ ਭਵਾਮਹਨ੍ਤਿ.

ਸੇਯ੍ਯਂਸੋ ¶ ਸੇਯ੍ਯਸੋ ਹੋਤਿ, ਯੋ ਸੇਯ੍ਯਮੁਪਸੇਵਤਿ;

ਏਕੇਨ ਸਨ੍ਧਿਂ ਕਤ੍ਵਾਨ, ਸਤਂ ਵਜ੍ਝੇ [ਮਚ੍ਚੇ (ਕ.), ਬਜ੍ਝੇ (ਕ. ਅਟ੍ਠ.)] ਅਮੋਚਯਿਂ.

[ਕਸ੍ਮਾ…ਪੇ… ਸਗ੍ਗਂ ਨ ਗਚ੍ਛੇਯ੍ਯ (ਕਤ੍ਥਚਿ)] ਤਸ੍ਮਾ ਸਬ੍ਬੇਨ ਲੋਕੇਨ, ਸਨ੍ਧਿਂ ਕਤ੍ਵਾਨ ਏਕਤੋ [ਏਕਕੋ (ਸੀ. ਸ੍ਯਾ. ਪੀ.)];

ਪੇਚ੍ਚ ਸਗ੍ਗਂ ਨਿਗਚ੍ਛੇਯ੍ਯ [ਕਸ੍ਮਾ…ਪੇ… ਸਗ੍ਗਂ ਨ ਗਚ੍ਛੇਯ੍ਯ (ਕਤ੍ਥਚਿ)], ਇਦਂ ਸੁਣਾਥ ਕਾਸਿਯਾ [ਕਾਸਯੋ (ਸੀ. ਪੀ.)].

ਇਦਂ ਵਤ੍ਵਾ ਮਹਾਰਾਜਾ, ਕਂਸੋ ਬਾਰਾਣਸਿਗ੍ਗਹੋ;

ਧਨੁਂ ਕਣ੍ਡਞ੍ਚ [ਤੂਣਿਞ੍ਚ (ਸੀ. ਪੀ.)] ਨਿਕ੍ਖਿਪ੍ਪ, ਸਂਯਮਂ ਅਜ੍ਝੁਪਾਗਮੀਤਿ.

ਵਰਂ ¶ ਵਰਂ ਤ੍ਵਂ ਨਿਹਨਂ ਪੁਰੇ ਚਰਿ, ਅਸ੍ਮਿਂ ਪਦੇਸੇ ਅਭਿਭੁਯ੍ਯ ਸੂਕਰੇ;

ਸੋ ਦਾਨਿ ਏਕੋ ਬ੍ਯਪਗਮ੍ਮ ਝਾਯਸਿ, ਬਲਂ ਨੁ ਤੇ ਬ੍ਯਗ੍ਘ ਨ ਚਜ੍ਜ ਵਿਜ੍ਜਤਿ.

ਇਮੇ ¶ ਸੁਦਂ [ਇਮਸ੍ਸੁ ਤਾ (ਸ੍ਯਾ. ਕ.)] ਯਨ੍ਤਿ ਦਿਸੋਦਿਸਂ ਪੁਰੇ, ਭਯਟ੍ਟਿਤਾ ਲੇਣਗਵੇਸਿਨੋ ਪੁਥੁ;

ਤੇ ਦਾਨਿ ਸਙ੍ਗਮ੍ਮ ਵਸਨ੍ਤਿ ਏਕਤੋ, ਯਤ੍ਥਟ੍ਠਿਤਾ ਦੁਪ੍ਪਸਹਜ੍ਜਮੇ [ਦੁਪ੍ਪਸਹਜ੍ਜਿਮੇ (ਸ੍ਯਾ.)] ਮਯਾ.

ਨਮਤ੍ਥੁ ਸਙ੍ਘਾਨ ਸਮਾਗਤਾਨਂ, ਦਿਸ੍ਵਾ ਸਯਂ ਸਖ੍ਯ ਵਦਾਮਿ ਅਬ੍ਭੁਤਂ;

ਬ੍ਯਗ੍ਘਂ ਮਿਗਾ ਯਤ੍ਥ ਜਿਨਿਂਸੁ ਦਾਠਿਨੋ, ਸਾਮਗ੍ਗਿਯਾ ਦਾਠਬਲੇਸੁ ਮੁਚ੍ਚਰੇਤਿ.

ਯਂ ਉਸ੍ਸੁਕਾ ਸਙ੍ਘਰਨ੍ਤਿ, ਅਲਕ੍ਖਿਕਾ ਬਹੁਂ ਧਨਂ;

ਸਿਪ੍ਪਵਨ੍ਤੋ ਅਸਿਪ੍ਪਾ ਚ, ਲਕ੍ਖਿਵਾ ਤਾਨਿ ਭੁਞ੍ਜਤਿ.

ਸਬ੍ਬਤ੍ਥ ¶ ਕਤਪੁਞ੍ਞਸ੍ਸ, ਅਤਿਚ੍ਚਞ੍ਞੇਵ ਪਾਣਿਨੋ;

ਉਪ੍ਪਜ੍ਜਨ੍ਤਿ ਬਹੂ ਭੋਗਾ, ਅਪ੍ਪਨਾਯਤਨੇਸੁਪਿ.

ਕੁਕ੍ਕੁਟੋ [ਕੁਕ੍ਕੁਟ (ਸੀ. ਪੀ.), ਕੁਕ੍ਕੁਟਾ (ਸੀ. ਨਿਸ੍ਸਯ, ਸਦ੍ਦਨੀਤਿ)] ਮਣਯੋ ਦਣ੍ਡੋ, ਥਿਯੋ ਚ ਪੁਞ੍ਞਲਕ੍ਖਣਾ;

ਉਪ੍ਪਜ੍ਜਨ੍ਤਿ ਅਪਾਪਸ੍ਸ, ਕਤਪੁਞ੍ਞਸ੍ਸ ਜਨ੍ਤੁਨੋਤਿ.

ਦਰਿਯਾ ¶ ਸਤ੍ਤ ਵਸ੍ਸਾਨਿ, ਤਿਂਸਮਤ੍ਤਾ ਵਸਾਮਸੇ;

ਹਞ੍ਞਾਮ [ਹਞ੍ਛੇਮ (ਸੀ. ਪੀ.), ਹਞ੍ਛਾਮ (?)] ਮਣਿਨੋ ਆਭਂ, ਇਤਿ ਨੋ ਮਨ੍ਤਨਂ ਅਹੁ.

ਯਾਵਤਾ ਮਣਿਂ ਘਂਸਾਮ [ਯਾਵ ਯਾਵ ਨਿਘਂਸਾਮ (ਸੀ. ਪੀ.)], ਭਿਯ੍ਯੋ ਵੋਦਾਯਤੇ ਮਣਿ;

ਇਦਞ੍ਚ ਦਾਨਿ ਪੁਚ੍ਛਾਮ, ਕਿਂ ਕਿਚ੍ਚਂ ਇਧ ਮਞ੍ਞਸਿ.

ਅਯਂ ਮਣਿ ਵੇਲ਼ੂਰਿਯੋ, ਅਕਾਚੋ ਵਿਮਲੋ [ਵਿਪੁਲੋ (ਕ.)] ਸੁਭੋ;

ਨਾਸ੍ਸ ਸਕ੍ਕਾ ਸਿਰਿਂ ਹਨ੍ਤੁਂ, ਅਪਕ੍ਕਮਥ ਸੂਕਰਾਤਿ.

ਮਣਿਸੂਕਰ [ਮਣਿਘਂਸ (ਕ.)] ਜਾਤਕਂ ਪਞ੍ਚਮਂ.

ਮਾ ¶ ਸਾਲੂਕਸ੍ਸ ਪਿਹਯਿ, ਆਤੁਰਨ੍ਨਾਨਿ ਭੁਞ੍ਜਤਿ;

ਅਪ੍ਪੋਸ੍ਸੁਕ੍ਕੋ ਭੁਸਂ ਖਾਦ, ਏਤਂ ਦੀਘਾਯੁਲਕ੍ਖਣਂ.

ਇਦਾਨਿ ਸੋ ਇਧਾਗਨ੍ਤ੍ਵਾ, ਅਤਿਥੀ ਯੁਤ੍ਤਸੇਵਕੋ;

ਅਥ ਦਕ੍ਖਸਿ ਸਾਲੂਕਂ, ਸਯਨ੍ਤਂ ਮੁਸਲੁਤ੍ਤਰਂ.

ਵਿਕਨ੍ਤਂ ¶ [ਵਿਕਤ੍ਤਂ (ਸੀ.), ਵਿਕਨ੍ਤਿਯਮਾਨਂ ਛਿਨ੍ਦਿਯਮਾਨਂਤਿ ਅਤ੍ਥੋ] ਸੂਕਰਂ ਦਿਸ੍ਵਾ, ਸਯਨ੍ਤਂ ਮੁਸਲੁਤ੍ਤਰਂ;

ਜਰਗ੍ਗਵਾ ਵਿਚਿਨ੍ਤੇਸੁਂ, ਵਰਮ੍ਹਾਕਂ ਭੁਸਾਮਿਵਾਤਿ.

ਨਾਨੁਮ੍ਮਤ੍ਤੋ ਨਾਪਿਸੁਣੋ, ਨਾਨਟੋ ਨਾਕੁਤੂਹਲੋ;

ਮੂਲ਼੍ਹੇਸੁ ਲਭਤੇ ਲਾਭਂ, ਏਸਾ ਤੇ ਅਨੁਸਾਸਨੀ.

ਧਿਰਤ੍ਥੁ ਤਂ ਯਸਲਾਭਂ, ਧਨਲਾਭਞ੍ਚ ਬ੍ਰਾਹ੍ਮਣ;

ਯਾ ਵੁਤ੍ਤਿ ਵਿਨਿਪਾਤੇਨ, ਅਧਮ੍ਮਚਰਣੇਨ [ਅਧਮ੍ਮਚਰਿਯਾਯ (ਸੀ. ਸ੍ਯਾ.)] ਵਾ.

ਅਪਿ ਚੇ ਪਤ੍ਤਮਾਦਾਯ, ਅਨਗਾਰੋ ਪਰਿਬ੍ਬਜੇ;

ਏਸਾਵ ਜੀਵਿਕਾ ਸੇਯ੍ਯੋ [ਸੇਯ੍ਯਾ (ਸੀ. ਸ੍ਯਾ. ਪੀ.)], ਯਾ ਚਾਧਮ੍ਮੇਨ ਏਸਨਾਤਿ.

ਅਗ੍ਘਨ੍ਤਿ ¶ ਮਚ੍ਛਾ ਅਧਿਕਂ ਸਹਸ੍ਸਂ, ਨ ਸੋ ਅਤ੍ਥਿ ਯੋ ਇਮਂ ਸਦ੍ਦਹੇਯ੍ਯ;

ਮਯ੍ਹਞ੍ਚ ਅਸ੍ਸੁ ਇਧ ਸਤ੍ਤ ਮਾਸਾ, ਅਹਮ੍ਪਿ ਤਂ ਮਚ੍ਛੁਦ੍ਦਾਨਂ ਕਿਣੇਯ੍ਯਂ.

ਮਚ੍ਛਾਨਂ ਭੋਜਨਂ ਦਤ੍ਵਾ, ਮਮ ਦਕ੍ਖਿਣਮਾਦਿਸਿ;

ਤਂ ਦਕ੍ਖਿਣਂ ਸਰਨ੍ਤਿਯਾ, ਕਤਂ ਅਪਚਿਤਿਂ ਤਯਾ.

ਪਦੁਟ੍ਠਚਿਤ੍ਤਸ੍ਸ ¶ ¶ ਨ ਫਾਤਿ ਹੋਤਿ, ਨ ਚਾਪਿ ਤਂ [ਨਂ (ਸੀ. ਸ੍ਯਾ.)] ਦੇਵਤਾ ਪੂਜਯਨ੍ਤਿ;

ਯੋ ਭਾਤਰਂ ਪੇਤ੍ਤਿਕਂ ਸਾਪਤੇਯ੍ਯਂ, ਅਵਞ੍ਚਯੀ ਦੁਕ੍ਕਟਕਮ੍ਮਕਾਰੀਤਿ.

ਨਾਨਾਛਨ੍ਦਾ ਮਹਾਰਾਜ, ਏਕਾਗਾਰੇ ਵਸਾਮਸੇ;

ਅਹਂ ਗਾਮਵਰਂ ਇਚ੍ਛੇ, ਬ੍ਰਾਹ੍ਮਣੀ ਚ ਗਵਂ ਸਤਂ.

ਪੁਤ੍ਤੋ ਚ ਆਜਞ੍ਞਰਥਂ, ਕਞ੍ਞਾ ਚ ਮਣਿਕੁਣ੍ਡਲਂ;

ਯਾ ਚੇਸਾ ਪੁਣ੍ਣਿਕਾ ਜਮ੍ਮੀ, ਉਦੁਕ੍ਖਲਂਭਿਕਙ੍ਖਤਿ.

ਬ੍ਰਾਹ੍ਮਣਸ੍ਸ ਗਾਮਵਰਂ, ਬ੍ਰਾਹ੍ਮਣਿਯਾ ਗਵਂ ਸਤਂ;

ਪੁਤ੍ਤਸ੍ਸ ਆਜਞ੍ਞਰਥਂ, ਕਞ੍ਞਾਯ ਮਣਿਕੁਣ੍ਡਲਂ;

ਯਞ੍ਚੇਤਂ ਪੁਣ੍ਣਿਕਂ ਜਮ੍ਮਿਂ, ਪਟਿਪਾਦੇਥੁਦੁਕ੍ਖਲਨ੍ਤਿ.

ਸੀਲਂ ਕਿਰੇਵ ਕਲ੍ਯਾਣਂ, ਸੀਲਂ ਲੋਕੇ ਅਨੁਤ੍ਤਰਂ;

ਪਸ੍ਸ ਘੋਰਵਿਸੋ ਨਾਗੋ, ਸੀਲਵਾਤਿ ਨ ਹਞ੍ਞਤਿ.

ਸੋਹਂ ਸੀਲਂ ਸਮਾਦਿਸ੍ਸਂ, ਲੋਕੇ ਅਨੁਮਤਂ ਸਿਵਂ;

ਅਰਿਯਵੁਤ੍ਤਿਸਮਾਚਾਰੋ ¶ , ਯੇਨ ਵੁਚ੍ਚਤਿ ਸੀਲਵਾ.

ਞਾਤੀਨਞ੍ਚ ਪਿਯੋ ਹੋਤਿ, ਮਿਤ੍ਤੇਸੁ ਚ ਵਿਰੋਚਤਿ;

ਕਾਯਸ੍ਸ ਭੇਦਾ ਸੁਗਤਿਂ, ਉਪਪਜ੍ਜਤਿ ਸੀਲਵਾਤਿ.

ਦੁਮ ¶ ¶ ਕਂਸਵਰੁਤ੍ਤਮਬ੍ਯਗ੍ਘਮਿਗਾ, ਮਣਯੋ ਮਣਿ ਸਾਲੁਕਮਵ੍ਹਯਨੋ;

ਅਨੁਸਾਸਨਿਯੋਪਿ ਚ ਮਚ੍ਛਵਰੋ, ਮਣਿਕੁਣ੍ਡਲਕੇਨ ਕਿਰੇਨ ਦਸਾਤਿ.

ਸਬ੍ਬਕਾਮਦਦਂ ਕੁਮ੍ਭਂ, ਕੁਟਂ ਲਦ੍ਧਾਨ ਧੁਤ੍ਤਕੋ;

ਯਾਵ ਨਂ ਅਨੁਪਾਲੇਤਿ, ਤਾਵ ਸੋ ਸੁਖਮੇਧਤਿ.

ਯਦਾ ਮਤ੍ਤੋ ਚ ਦਿਤ੍ਤੋ ਚ, ਪਮਾਦਾ ਕੁਮ੍ਭਮਬ੍ਭਿਦਾ;

ਤਦਾ ਨਗ੍ਗੋ ਚ ਪੋਤ੍ਥੋ ਚ, ਪਚ੍ਛਾ ਬਾਲੋ ਵਿਹਞ੍ਞਤਿ.

ਏਵਮੇਵ ਯੋ ਧਨਂ ਲਦ੍ਧਾ, ਪਮਤ੍ਤੋ [ਅਮਤ੍ਤਾ (ਸੀ.), ਅਮਤ੍ਤੋ (ਪੀ.)] ਪਰਿਭੁਞ੍ਜਤਿ;

ਪਚ੍ਛਾ ¶ ਤਪ੍ਪਤਿ ਦੁਮ੍ਮੇਧੋ, ਕੁਟਂ ਭਿਤ੍ਵਾਵ [ਕੁਟਂ ਭਿਨ੍ਨੋਵ (ਸੀ. ਪੀ.), ਕੁਟਭਿਨ੍ਨੋਵ (?)] ਧੁਤ੍ਤਕੋਤਿ.

ਸੁਰਾਘਟ [ਭਦ੍ਰਘਟ (ਸੀ. ਪੀ.), ਭਦ੍ਰਘਟਭੇਦਕ (ਸ੍ਯਾ.)] ਜਾਤਕਂ ਪਠਮਂ.

ਬਾਰਾਣਸ੍ਯਂ [ਬਾਰਾਣਸ੍ਸਂ (ਸੀ. ਪੀ.)] ਮਹਾਰਾਜ, ਕਾਕਰਾਜਾ ਨਿਵਾਸਕੋ [ਨਿਵਾਸਿਕੋ (ਸੀ. ਪੀ.)];

ਅਸੀਤਿਯਾ ਸਹਸ੍ਸੇਹਿ, ਸੁਪਤ੍ਤੋ ਪਰਿਵਾਰਿਤੋ.

ਤਸ੍ਸ ਦੋਹਲ਼ਿਨੀ ਭਰਿਯਾ, ਸੁਫਸ੍ਸਾ ਭਕ੍ਖਿਤੁਮਿਚ੍ਛਤਿ [ਮਚ੍ਛਮਿਚ੍ਛਤਿ (ਸੀ. ਪੀ.)];

ਰਞ੍ਞੋ ਮਹਾਨਸੇ ਪਕ੍ਕਂ, ਪਚ੍ਚਗ੍ਘਂ ਰਾਜਭੋਜਨਂ.

ਤੇਸਾਹਂ ਪਹਿਤੋ ਦੂਤੋ, ਰਞ੍ਞੋ ਚਮ੍ਹਿ ਇਧਾਗਤੋ;

ਭਤ੍ਤੁ ਅਪਚਿਤਿਂ ਕੁਮ੍ਮਿ, ਨਾਸਾਯਮਕਰਂ [ਮਕਰਿਂ (ਸੀ. ਨਿਸ੍ਸਯ)] ਵਣਨ੍ਤਿ.

ਫੁਟ੍ਠਸ੍ਸ ¶ ਮੇ ਅਞ੍ਞਤਰੇਨ ਬ੍ਯਾਧਿਨਾ, ਰੋਗੇਨ ਬਾਲ਼੍ਹਂ ਦੁਖਿਤਸ੍ਸ ਰੁਪ੍ਪਤੋ;

ਪਰਿਸੁਸ੍ਸਤਿ ਖਿਪ੍ਪਮਿਦਂ ਕਲ਼ੇਵਰਂ, ਪੁਪ੍ਫਂ ਯਥਾ ਪਂਸੁਨਿ ਆਤਪੇ ਕਤਂ.

ਅਜਞ੍ਞਂ ¶ ਜਞ੍ਞਸਙ੍ਖਾਤਂ, ਅਸੁਚਿਂ ਸੁਚਿਸਮ੍ਮਤਂ;

ਨਾਨਾਕੁਣਪਪਰਿਪੂਰਂ, ਜਞ੍ਞਰੂਪਂ ਅਪਸ੍ਸਤੋ.

ਧਿਰਤ੍ਥੁਮਂ ¶ ਆਤੁਰਂ ਪੂਤਿਕਾਯਂ, ਜੇਗੁਚ੍ਛਿਯਂ ਅਸ੍ਸੁਚਿਂ ਬ੍ਯਾਧਿਧਮ੍ਮਂ;

ਯਤ੍ਥਪ੍ਪਮਤ੍ਤਾ ਅਧਿਮੁਚ੍ਛਿਤਾ ਪਜਾ, ਹਾਪੇਨ੍ਤਿ ਮਗ੍ਗਂ ਸੁਗਤੂਪਪਤ੍ਤਿਯਾਤਿ.

ਕਾਯਨਿਬ੍ਬਿਨ੍ਦ [ਕਾਯਵਿਚ੍ਛਨ੍ਦ (ਸੀ.), ਕਾਯਵਿਚ੍ਛਿਨ੍ਦ (ਪੀ.)] ਜਾਤਕਂ ਤਤਿਯਂ.

ਕੋਯਂ ਬਿਨ੍ਦੁਸ੍ਸਰੋ ਵਗ੍ਗੁ, ਸਰਵਨ੍ਤਾਨ [ਪਵਦਨ੍ਤਾਨ (ਸੀ. ਪੀ.)] ਮੁਤ੍ਤਮੋ;

ਅਚ੍ਚੁਤੋ ਜਮ੍ਬੁਸਾਖਾਯ, ਮੋਰਚ੍ਛਾਪੋਵ ਕੂਜਤਿ.

ਕੁਲਪੁਤ੍ਤੋਵ ਜਾਨਾਤਿ [ਕੁਲਪੁਤ੍ਤੋ ਪਜਾਨਾਤਿ (ਸ੍ਯਾ. ਕ.)], ਕੁਲਪੁਤ੍ਤਂ [ਕੁਲਪੁਤ੍ਤੇ (ਸੀ. ਪੀ.)] ਪਸਂਸਿਤੁਂ;

ਬ੍ਯਗ੍ਘਚ੍ਛਾਪਸਰੀਵਣ੍ਣ, ਭੁਞ੍ਜ ਸਮ੍ਮ ਦਦਾਮਿ ਤੇ.

ਚਿਰਸ੍ਸਂ ਵਤ ਪਸ੍ਸਾਮਿ, ਮੁਸਾਵਾਦੀ ਸਮਾਗਤੇ;

ਵਨ੍ਤਾਦਂ ਕੁਣਪਾਦਞ੍ਚ, ਅਞ੍ਞਮਞ੍ਞਂ ਪਸਂਸਕੇਤਿ.

ਉਸਭਸ੍ਸੇਵ ਤੇ ਖਨ੍ਧੋ, ਸੀਹਸ੍ਸੇਵ ਵਿਜਮ੍ਭਿਤਂ;

ਮਿਗਰਾਜ ਨਮੋ ਤ੍ਯਤ੍ਥੁ, ਅਪਿ ਕਿਞ੍ਚਿ ਲਭਾਮਸੇ.

ਕੁਲਪੁਤ੍ਤੋਵ ਜਾਨਾਤਿ, ਕੁਲਪੁਤ੍ਤਂ ਪਸਂਸਿਤੁਂ;

ਮਯੂਰਗੀਵਸਙ੍ਕਾਸ, ਇਤੋ ਪਰਿਯਾਹਿ ਵਾਯਸ.

ਮਿਗਾਨਂ ¶ ¶ ਸਿਙ੍ਗਾਲੋ [ਕੋਤ੍ਥੁਕੋ (ਸੀ. ਪੀ.), ਕੋਟ੍ਠੁਕੋ (ਸ੍ਯਾ.)] ਅਨ੍ਤੋ, ਪਕ੍ਖੀਨਂ ਪਨ ਵਾਯਸੋ;

ਏਰਣ੍ਡੋ ਅਨ੍ਤੋ ਰੁਕ੍ਖਾਨਂ, ਤਯੋ ਅਨ੍ਤਾ ਸਮਾਗਤਾਤਿ.

ਕੋ ਨਾਯਂ [ਕੋ ਨ੍ਵਾਯਂ (ਸ੍ਯਾ.)] ਲੋਣਤੋਯਸ੍ਮਿਂ, ਸਮਨ੍ਤਾ ਪਰਿਧਾਵਤਿ;

ਮਚ੍ਛੇ ਮਕਰੇ ਚ ਵਾਰੇਤਿ, ਊਮੀਸੁ ਚ ਵਿਹਞ੍ਞਤਿ.

ਅਨਨ੍ਤਪਾਯੀ ਸਕੁਣੋ, ਅਤਿਤ੍ਤੋਤਿ ਦਿਸਾਸੁਤੋ;

ਸਮੁਦ੍ਦਂ ਪਾਤੁਮਿਚ੍ਛਾਮਿ, ਸਾਗਰਂ ਸਰਿਤਂ ਪਤਿਂ.

ਸੋ ¶ ਅਯਂ ਹਾਯਤਿ ਚੇਵ, ਪੂਰਤੇ ਚ ਮਹੋਦਧਿ;

ਨਾਸ੍ਸ ਨਾਯਤਿ ਪੀਤਨ੍ਤੋ, ਅਪੇਯ੍ਯੋ ਕਿਰ ਸਾਗਰੋਤਿ.

ਉਚ੍ਚੇ ਸਕੁਣ ਡੇਮਾਨ, ਪਤ੍ਤਯਾਨ ਵਿਹਙ੍ਗਮ;

ਵਜ੍ਜਾਸਿ ਖੋ ਤ੍ਵਂ ਵਾਮੂਰੁਂ, ਚਿਰਂ ਖੋ ਸਾ ਕਰਿਸ੍ਸਤਿ [ਸਰਿਸ੍ਸਤਿ (ਕ.)].

ਇਦਂ ਖੋ ਸਾ ਨ ਜਾਨਾਤਿ, ਅਸਿਂ ਸਤ੍ਤਿਞ੍ਚ ਓਡ੍ਡਿਤਂ;

ਸਾ ਚਣ੍ਡੀ ਕਾਹਤਿ ਕੋਧਂ, ਤਂ ਮੇ ਤਪਤਿ ਨੋ ਇਦਂ [ਨੋ ਇਧ (ਸੀ. ਸ੍ਯਾ. ਪੀ.)].

ਏਸ ¶ ਉਪ੍ਪਲਸਨ੍ਨਾਹੋ, ਨਿਕ੍ਖਞ੍ਚੁਸ੍ਸੀਸਕੋਹਿਤਂ [ਨਿਕ੍ਖਮੁਸ੍ਸੀਸਕੇ ਕਤਂ (ਸੀ. ਪੀ.), ਨਿਕ੍ਖਞ੍ਚੁਸ੍ਸੀਸਕੇ ਕਤਂ (ਸ੍ਯਾ.)];

ਕਾਸਿਕਞ੍ਚ ਮੁਦੁਂ ਵਤ੍ਥਂ, ਤਪ੍ਪੇਤੁ ਧਨਿਕਾ ਪਿਯਾਤਿ [ਧਨਕਾਮਿਯਾਤਿ (ਸ੍ਯਾ. ਪੀ.), ਧਨਕਾਮਿਕਾਤਿ (ਸੀ.)].

ਉਦੁਮ੍ਬਰਾ ਚਿਮੇ ਪਕ੍ਕਾ, ਨਿਗ੍ਰੋਧਾ ਚ ਕਪਿਤ੍ਥਨਾ;

ਏਹਿ ਨਿਕ੍ਖਮ ਭੁਞ੍ਜਸ੍ਸੁ, ਕਿਂ ਜਿਘਚ੍ਛਾਯ ਮਿਯ੍ਯਸਿ.

ਏਵਂ ¶ ਸੋ ਸੁਹਿਤੋ ਹੋਤਿ, ਯੋ ਵੁਡ੍ਢਮਪਚਾਯਤਿ;

ਯਥਾਹਮਜ੍ਜ ਸੁਹਿਤੋ, ਦੁਮਪਕ੍ਕਾਨਿ ਮਾਸਿਤੋ.

ਯਂ ਵਨੇਜੋ ਵਨੇਜਸ੍ਸ, ਵਞ੍ਚੇਯ੍ਯ ਕਪਿਨੋ ਕਪਿ;

ਦਹਰੋ ਕਪਿ [ਦਹਰੋਪਿ ਤਂ ਨ (ਸੀ. ਪੀ.), ਦਹਰੋਪਿ ਨ (ਸ੍ਯਾ.)] ਸਦ੍ਧੇਯ੍ਯ, ਨ ਹਿ ਜਿਣ੍ਣੋ ਜਰਾਕਪੀਤਿ.

ਪੁਰੇ ਤੁਵਂ ਸੀਲਵਤਂ ਸਕਾਸੇ, ਓਕ੍ਕਨ੍ਤਿਕਂ [ਓਕ੍ਕਨ੍ਦਿਕਂ (ਸੀ. ਸ੍ਯਾ. ਪੀ.)] ਕੀਲ਼ਸਿ ਅਸ੍ਸਮਮ੍ਹਿ;

ਕਰੋਹਰੇ [ਕਰੋਹਿ ਰੇ (ਕ.)] ਮਕ੍ਕਟਿਯਾਨਿ ਮਕ੍ਕਟ, ਨ ਤਂ ਮਯਂ ਸੀਲਵਤਂ ਰਮਾਮ.

ਸੁਤਾ ¶ ਹਿ ਮਯ੍ਹਂ ਪਰਮਾ ਵਿਸੁਦ੍ਧਿ, ਕੋਮਾਰਪੁਤ੍ਤਸ੍ਸ ਬਹੁਸ੍ਸੁਤਸ੍ਸ;

ਮਾ ਦਾਨਿ ਮਂ ਮਞ੍ਞਿ ਤੁਵਂ ਯਥਾ ਪੁਰੇ, ਝਾਨਾਨੁਯੁਤ੍ਤੋ ਵਿਹਰਾਮਿ [ਝਾਨਾਨੁਯੁਤ੍ਤਾ ਵਿਹਰਾਮ (ਸੀ. ਪੀ.)] ਆਵੁਸੋ.

ਸਚੇਪਿ ਸੇਲਸ੍ਮਿ ਵਪੇਯ੍ਯ ਬੀਜਂ, ਦੇਵੋ ਚ ਵਸ੍ਸੇ ਨ ਹਿ ਤਂ ਵਿਰੂਲ਼੍ਹੇ [ਨੇਵ ਹਿ ਤਂ ਰੁਹੇਯ੍ਯ (ਸੀ. ਪੀ.), ਨ ਹਿ ਤਂ ਵਿਰੂਹੇ (?)];

ਸੁਤਾ ਹਿ ਤੇ ਸਾ ਪਰਮਾ ਵਿਸੁਦ੍ਧਿ, ਆਰਾ ਤੁਵਂ ਮਕ੍ਕਟ ਝਾਨਭੂਮਿਯਾਤਿ.

ਪਰਪਾਣਰੋਧਾ ¶ [ਪਰਪਾਣਘਾਤੇ (ਸ੍ਯਾ.), ਪਰਪਾਣਰੋਚਂ (ਕ.)] ਜੀਵਨ੍ਤੋ, ਮਂਸਲੋਹਿਤਭੋਜਨੋ;

ਵਕੋ ਵਤਂ ਸਮਾਦਾਯ, ਉਪਪਜ੍ਜਿ ਉਪੋਸਥਂ.

ਤਸ੍ਸ ਸਕ੍ਕੋ ਵਤਞ੍ਞਾਯ, ਅਜਰੂਪੇਨੁਪਾਗਮਿ;

ਵੀਤਤਪੋ ਅਜ੍ਝਪ੍ਪਤ੍ਤੋ, ਭਞ੍ਜਿ ਲੋਹਿਤਪੋ ਤਪਂ.

ਏਵਮੇਵ ¶ ਇਧੇਕਚ੍ਚੇ, ਸਮਾਦਾਨਮ੍ਹਿ ਦੁਬ੍ਬਲਾ;

ਲਹੁਂ ਕਰੋਨ੍ਤਿ ਅਤ੍ਤਾਨਂ, ਵਕੋਵ ਅਜਕਾਰਣਾਤਿ.

ਵਰਕੁਮ੍ਭ ¶ ਸੁਪਤ੍ਤਸਿਰਿਵ੍ਹਯਨੋ, ਸੁਚਿਸਮ੍ਮਤ ਬਿਨ੍ਦੁਸਰੋ ਚੁਸਭੋ;

ਸਰਿਤਂਪਤਿ ਚਣ੍ਡਿ ਜਰਾਕਪਿਨਾ, ਅਥ ਮਕ੍ਕਟਿਯਾ ਵਕਕੇਨ ਦਸਾਤਿ.

ਸਙ੍ਕਪ੍ਪੋ ਪਦੁਮੋ ਚੇਵ, ਉਦਪਾਨੇਨ ਤਤਿਯਂ;

ਅਬ੍ਭਨ੍ਤਰਂ ਘਟਭੇਦਂ, ਤਿਕਨਿਪਾਤਮ੍ਹਿਲਙ੍ਕਤਨ੍ਤਿ.

ਵਿਵਰਥਿਮਾਸਂ ¶ ¶ ¶ [ਵਿਵਰਥ ਇਮਾਸਂ (ਸੀ. ਸ੍ਯਾ. ਪੀ.)] ਦ੍ਵਾਰਂ, ਨਗਰਂ ਪਵਿਸਨ੍ਤੁ [ਪਵਿਸਿਤੁਂ ਮਯਾ; (ਕ.)] ਅਰੁਣਰਾਜਸ੍ਸ;

ਸੀਹੇਨ ਸੁਸਿਟ੍ਠੇਨ, ਸੁਰਕ੍ਖਿਤਂ [ਸੁਸਤ੍ਥੇਨ, ਸੁਰਕ੍ਖਿਤਂ (ਸੀ. ਪੀ.), ਸੁਸਿਟ੍ਠੇਨ (ਕ.)] ਨਨ੍ਦਿਸੇਨੇਨ.

ਜਯੋ ਕਲਿਙ੍ਗਾਨਮਸਯ੍ਹਸਾਹਿਨਂ, ਪਰਾਜਯੋ ਅਨਯੋ [ਅਜਯੋ (ਸ੍ਯਾ.), ਅਨ੍ਵਿਤੋ (ਕ.)] ਅਸ੍ਸਕਾਨਂ;

ਇਚ੍ਚੇਵ ਤੇ ਭਾਸਿਤਂ ਬ੍ਰਹ੍ਮਚਾਰਿ, ਨ ਉਜ੍ਜੁਭੂਤਾ ਵਿਤਥਂ ਭਣਨ੍ਤਿ.

ਦੇਵਾ ਮੁਸਾਵਾਦਮੁਪਾਤਿਵਤ੍ਤਾ, ਸਚ੍ਚਂ ਧਨਂ ਪਰਮਂ ਤੇਸੁ [ਤਥਂ ਪੇਮਕਰਂ ਨੁ (ਕ.), ਤਥਂ ਪਰਮਂ ਕਰਂ ਨੁ (ਸ੍ਯਾ.)] ਸਕ੍ਕ;

ਤਂ ਤੇ ਮੁਸਾ ਭਾਸਿਤਂ ਦੇਵਰਾਜ, ਕਿਂ ਵਾ ਪਟਿਚ੍ਚ ਮਘਵਾ ਮਹਿਨ੍ਦ.

ਨਨੁ ਤੇ ਸੁਤਂ ਬ੍ਰਾਹ੍ਮਣ ਭਞ੍ਞਮਾਨੇ, ਦੇਵਾ ਨ ਇਸ੍ਸਨ੍ਤਿ ਪੁਰਿਸਪਰਕ੍ਕਮਸ੍ਸ;

ਦਮੋ ਸਮਾਧਿ ਮਨਸੋ ਅਭੇਜ੍ਜੋ [ਅਦੇਜ੍ਜੋ (ਸੀ. ਪੀ.), ਅਭਿਜ੍ਜੋ (ਕ.)], ਅਬ੍ਯਗ੍ਗਤਾ ¶ ਨਿਕ੍ਕਮਨਞ੍ਚ [ਨਿਕ੍ਖਮਨਞ੍ਚ (ਸੀ.)] ਕਾਲੇ;

ਦਲ਼੍ਹਞ੍ਚ ਵਿਰਿਯਂ ਪੁਰਿਸਪਰਕ੍ਕਮੋ ਚ, ਤੇਨੇਵ ਆਸਿ ਵਿਜਯੋ ਅਸ੍ਸਕਾਨਨ੍ਤਿ.

ਅਦੇਯ੍ਯੇਸੁ ਦਦਂ ਦਾਨਂ, ਦੇਯ੍ਯੇਸੁ ਨਪ੍ਪਵੇਚ੍ਛਤਿ;

ਆਪਾਸੁ ਬ੍ਯਸਨਂ ਪਤ੍ਤੋ, ਸਹਾਯਂ ਨਾਧਿਗਚ੍ਛਤਿ.

ਨਾਦੇਯ੍ਯੇਸੁ ¶ ਦਦਂ ਦਾਨਂ, ਦੇਯ੍ਯੇਸੁ ਯੋ ਪਵੇਚ੍ਛਤਿ;

ਆਪਾਸੁ ਬ੍ਯਸਨਂ ਪਤ੍ਤੋ, ਸਹਾਯਮਧਿਗਚ੍ਛਤਿ.

ਸਞ੍ਞੋਗਸਮ੍ਭੋਗਵਿਸੇਸਦਸ੍ਸਨਂ, ਅਨਰਿਯਧਮ੍ਮੇਸੁ ਸਠੇਸੁ ਨਸ੍ਸਤਿ;

ਕਤਞ੍ਚ ਅਰਿਯੇਸੁ ਚ ਅਜ੍ਜਵੇਸੁ, ਮਹਪ੍ਫਲਂ ਹੋਤਿ ਅਣੁਮ੍ਪਿ ਤਾਦਿਸੁ.

ਯੋ ਪੁਬ੍ਬੇ ਕਤਕਲ੍ਯਾਣੋ, ਅਕਾ ਲੋਕੇ ਸੁਦੁਕ੍ਕਰਂ;

ਪਚ੍ਛਾ ਕਯਿਰਾ ਨ ਵਾ ਕਯਿਰਾ, ਅਚ੍ਚਨ੍ਤਂ ਪੂਜਨਾਰਹੋਤਿ.

ਅਨੁਤ੍ਤਰੇ ¶ ¶ ਕਾਮਗੁਣੇ ਸਮਿਦ੍ਧੇ, ਭੁਤ੍ਵਾਨ ਪੁਬ੍ਬੇ ਵਸੀ ਏਕਰਾਜ;

ਸੋ ਦਾਨਿ ਦੁਗ੍ਗੇ ਨਰਕਮ੍ਹਿ ਖਿਤ੍ਤੋ, ਨਪ੍ਪਜ੍ਜਹੇ ਵਣ੍ਣਬਲਂ ਪੁਰਾਣਂ.

ਪੁਬ੍ਬੇਵ ਖਨ੍ਤੀ ਚ ਤਪੋ ਚ ਮਯ੍ਹਂ, ਸਮ੍ਪਤ੍ਥਿਤਾ ਦੁਬ੍ਭਿਸੇਨ [ਦਬ੍ਬਸੇਨਾ (ਸੀ. ਪੀ.)] ਅਹੋਸਿ;

ਤਂ ਦਾਨਿ ਲਦ੍ਧਾਨ ਕਥਂ ਨੁ ਰਾਜ, ਜਹੇ ਅਹਂ ਵਣ੍ਣਬਲਂ ਪੁਰਾਣਂ.

ਸਬ੍ਬਾ ਕਿਰੇਵਂ ਪਰਿਨਿਟ੍ਠਿਤਾਨਿ, ਯਸਸ੍ਸਿਨਂ ਪਞ੍ਞਵਨ੍ਤਂ ਵਿਸਯ੍ਹ;

ਯਸੋ ਚ ਲਦ੍ਧਾ ਪੁਰਿਮਂ ਉਲ਼ਾਰਂ, ਨਪ੍ਪਜ੍ਜਹੇ ਵਣ੍ਣਬਲਂ ਪੁਰਾਣਂ.

ਪਨੁਜ੍ਜ ਦੁਕ੍ਖੇਨ ਸੁਖਂ ਜਨਿਨ੍ਦ, ਸੁਖੇਨ ਵਾ ਦੁਕ੍ਖਮਸਯ੍ਹਸਾਹਿ;

ਉਭਯਤ੍ਥ ਸਨ੍ਤੋ ਅਭਿਨਿਬ੍ਬੁਤਤ੍ਤਾ, ਸੁਖੇ ਚ ਦੁਕ੍ਖੇ ਚ ਭਵਨ੍ਤਿ ਤੁਲ੍ਯਾਤਿ.

ਇਮਾਨਿ ¶ ¶ ਮਂ ਦਦ੍ਦਰ ਤਾਪਯਨ੍ਤਿ, ਵਾਚਾਦੁਰੁਤ੍ਤਾਨਿ ਮਨੁਸ੍ਸਲੋਕੇ;

ਮਣ੍ਡੂਕਭਕ੍ਖਾ ਉਦਕਨ੍ਤਸੇਵੀ, ਆਸੀਵਿਸਂ ਮਂ ਅਵਿਸਾ ਸਪਨ੍ਤਿ.

ਸਕਾ ਰਟ੍ਠਾ ਪਬ੍ਬਾਜਿਤੋ, ਅਞ੍ਞਂ ਜਨਪਦਂ ਗਤੋ;

ਮਹਨ੍ਤਂ ਕੋਟ੍ਠਂ ਕਯਿਰਾਥ, ਦੁਰੁਤ੍ਤਾਨਂ [ਦੁਰੁਤ੍ਤਾਨਿ (ਕ.)] ਨਿਧੇਤਵੇ.

ਯਤ੍ਥ ਪੋਸਂ ਨ ਜਾਨਨ੍ਤਿ, ਜਾਤਿਯਾ ਵਿਨਯੇਨ ਵਾ;

ਨ ਤਤ੍ਥ ਮਾਨਂ ਕਯਿਰਾਥ, ਵਸਮਞ੍ਞਾਤਕੇ ਜਨੇ.

ਵਿਦੇਸਵਾਸਂ ਵਸਤੋ, ਜਾਤਵੇਦਸਮੇਨਪਿ [ਜਾਤਵੇਦਭਯੇਨਪਿ (ਕ.)];

ਖਮਿਤਬ੍ਬਂ ਸਪਞ੍ਞੇਨ, ਅਪਿ ਦਾਸਸ੍ਸ ਤਜ੍ਜਿਤਨ੍ਤਿ.

ਨਤ੍ਥਿ ਲੋਕੇ ਰਹੋ ਨਾਮ, ਪਾਪਕਮ੍ਮਂ ਪਕੁਬ੍ਬਤੋ;

ਪਸ੍ਸਨ੍ਤਿ ਵਨਭੂਤਾਨਿ, ਤਂ ਬਾਲੋ ਮਞ੍ਞਤੀ ਰਹੋ.

ਅਹਂ ਰਹੋ ਨ ਪਸ੍ਸਾਮਿ, ਸੁਞ੍ਞਂ ਵਾਪਿ ਨ ਵਿਜ੍ਜਤਿ;

ਯਤ੍ਥ ਅਞ੍ਞਂ [ਸੁਞ੍ਞਂ (ਸ੍ਯਾ. ਕ.)] ਨ ਪਸ੍ਸਾਮਿ, ਅਸੁਞ੍ਞਂ ਹੋਤਿ ਤਂ ਮਯਾ.

ਦੁਜ੍ਜਚ੍ਚੋ ਚ ਸੁਜਚ੍ਚੋ [ਅਜਚ੍ਚੋ (ਪੀ.)] ਚ, ਨਨ੍ਦੋ ਚ ਸੁਖਵਡ੍ਢਿਤੋ [ਸੁਖਵਚ੍ਛਕੋ (ਸੀ.), ਸੁਖਵਚ੍ਛਨੋ (ਸ੍ਯਾ. ਪੀ.)];

ਵੇਜ੍ਜੋ ¶ ਚ ਅਦ੍ਧੁਵਸੀਲੋ [ਅਥ ਸੀਲੋ (ਕ.)] ਚ, ਤੇ ਧਮ੍ਮਂ ਜਹੁ ਮਤ੍ਥਿਕਾ.

ਬ੍ਰਾਹ੍ਮਣੋ ¶ ਚ ਕਥਂ ਜਹੇ, ਸਬ੍ਬਧਮ੍ਮਾਨ ਪਾਰਗੂ;

ਯੋ ਧਮ੍ਮਮਨੁਪਾਲੇਤਿ, ਧਿਤਿਮਾ ਸਚ੍ਚਨਿਕ੍ਕਮੋਤਿ.

ਕਿਮਣ੍ਡਕਾ ¶ ਇਮੇ ਦੇਵ, ਨਿਕ੍ਖਿਤ੍ਤਾ ਕਂਸਮਲ੍ਲਕੇ;

ਉਪਲੋਹਿਤਕਾ ਵਗ੍ਗੂ, ਤਂ [ਤੇ (ਪੀ.)] ਮੇ ਅਕ੍ਖਾਹਿ ਪੁਚ੍ਛਿਤੋ.

ਯਾਨਿ ਪੁਰੇ ਤੁਵਂ ਦੇਵਿ, ਭਣ੍ਡੁ ਨਨ੍ਤਕਵਾਸਿਨੀ;

ਉਚ੍ਛਙ੍ਗਹਤ੍ਥਾ ਪਚਿਨਾਸਿ, ਤਸ੍ਸਾ ਤੇ ਕੋਲਿਯਂ ਫਲਂ.

ਉਡ੍ਡਯ੍ਹਤੇ ਨ ਰਮਤਿ, ਭੋਗਾ ਵਿਪ੍ਪਜਹਨ੍ਤਿ ਤਂ [ਵਿਪ੍ਪਜਹਨ੍ਤਿ’ਮਂ (?)];

ਤਤ੍ਥੇਵਿਮਂ ਪਟਿਨੇਥ, ਯਤ੍ਥ ਕੋਲਂ ਪਚਿਸ੍ਸਤਿ.

ਹੋਨ੍ਤਿ ਹੇਤੇ ਮਹਾਰਾਜ, ਇਦ੍ਧਿਪ੍ਪਤ੍ਤਾਯ [ਇਦ੍ਧਿਮਤ੍ਤਾਯ (ਕ.)] ਨਾਰਿਯਾ;

ਖਮ ਦੇਵ ਸੁਜਾਤਾਯ, ਮਾਸ੍ਸਾ [ਮਾਸੁ (ਕ.)] ਕੁਜ੍ਝ ਰਥੇਸਭਾਤਿ.

ਅਚੇਤਨਂ ਬ੍ਰਾਹ੍ਮਣ ਅਸ੍ਸੁਣਨ੍ਤਂ, ਜਾਨੋ ਅਜਾਨਨ੍ਤਮਿਮਂ ਪਲਾਸਂ;

ਆਰਦ੍ਧਵਿਰਿਯੋ ਧੁਵਂ ਅਪ੍ਪਮਤ੍ਤੋ, ਸੁਖਸੇਯ੍ਯਂ ¶ ਪੁਚ੍ਛਸਿ ਕਿਸ੍ਸ ਹੇਤੁ.

ਦੂਰੇ ਸੁਤੋ ਚੇਵ ਬ੍ਰਹਾ ਚ ਰੁਕ੍ਖੋ, ਦੇਸੇ ਠਿਤੋ ਭੂਤਨਿਵਾਸਰੂਪੋ;

ਤਸ੍ਮਾ ਨਮਸ੍ਸਾਮਿ ਇਮਂ ਪਲਾਸਂ, ਯੇ ਚੇਤ੍ਥ ਭੂਤਾ ਤੇ [ਤੇ ਚ (ਸੀ. ਪੀ.)] ਧਨਸ੍ਸ ਹੇਤੁ.

ਸੋ ਤੇ ਕਰਿਸ੍ਸਾਮਿ ਯਥਾਨੁਭਾਵਂ, ਕਤਞ੍ਞੁਤਂ ਬ੍ਰਾਹ੍ਮਣ ਪੇਕ੍ਖਮਾਨੋ;

ਕਥਞ੍ਹਿ ਆਗਮ੍ਮ ਸਤਂ ਸਕਾਸੇ, ਮੋਘਾਨਿ ਤੇ ਅਸ੍ਸੁ ਪਰਿਫਨ੍ਦਿਤਾਨਿ.

ਯੋ ¶ ਤਿਨ੍ਦੁਕਰੁਕ੍ਖਸ੍ਸ ਪਰੋ [ਪੁਰੋ (ਕ.)] ਪਿਲਕ੍ਖੋ [ਪਿਲਕ੍ਖੁ (ਸੀ. ਪੀ.), ਮਿਲਕ੍ਖੁ (ਕ.)], ਪਰਿਵਾਰਿਤੋ ਪੁਬ੍ਬਯਞ੍ਞੋ ਉਲ਼ਾਰੋ;

ਤਸ੍ਸੇਸ ਮੂਲਸ੍ਮਿਂ ਨਿਧਿ ਨਿਖਾਤੋ, ਅਦਾਯਾਦੋ ਗਚ੍ਛ ਤਂ ਉਦ੍ਧਰਾਹੀਤਿ.

ਅਕਰਮ੍ਹਸ ਤੇ ਕਿਚ੍ਚਂ, ਯਂ ਬਲਂ ਅਹੁਵਮ੍ਹਸੇ;

ਮਿਗਰਾਜ ਨਮੋ ਤ੍ਯਤ੍ਥੁ, ਅਪਿ ਕਿਞ੍ਚਿ ਲਭਾਮਸੇ.

ਮਮ ¶ ਲੋਹਿਤਭਕ੍ਖਸ੍ਸ, ਨਿਚ੍ਚਂ ਲੁਦ੍ਦਾਨਿ ਕੁਬ੍ਬਤੋ;

ਦਨ੍ਤਨ੍ਤਰਗਤੋ ਸਨ੍ਤੋ, ਤਂ ਬਹੁਂ ਯਮ੍ਪਿ ਜੀਵਸਿ.

ਅਕਤਞ੍ਞੁਮਕਤ੍ਤਾਰਂ ¶ , ਕਤਸ੍ਸ ਅਪ੍ਪਟਿਕਾਰਕਂ;

ਯਸ੍ਮਿਂ ਕਤਞ੍ਞੁਤਾ ਨਤ੍ਥਿ, ਨਿਰਤ੍ਥਾ ਤਸ੍ਸ ਸੇਵਨਾ.

ਯਸ੍ਸ ਸਮ੍ਮੁਖਚਿਣ੍ਣੇਨ, ਮਿਤ੍ਤਧਮ੍ਮੋ ਨ ਲਬ੍ਭਤਿ;

ਅਨੁਸੂਯ [ਅਨੁਸੁਯ੍ਯ (ਸੀ. ਪੀ.)] ਮਨਕ੍ਕੋਸਂ, ਸਣਿਕਂ ਤਮ੍ਹਾ ਅਪਕ੍ਕਮੇਤਿ.

ਸਬ੍ਬਮਿਦਂ ਚਰਿਮਂ ਕਤਂ [ਚਰਿਮਵਤਂ (ਸੀ. ਪੀ.)], ਉਭੋ ਧਮ੍ਮਂ ਨ ਪਸ੍ਸਰੇ;

ਉਭੋ ਪਕਤਿਯਾ ਚੁਤਾ, ਯੋ ਚਾਯਂ ਮਨ੍ਤੇਜ੍ਝਾਪੇਤਿ [ਮਨ੍ਤਜ੍ਝਾਯਤਿ (ਸੀ.), ਸਜ੍ਝਾਪਯਤਿ (ਪੀ.)];

ਸਾਲੀਨਂ ਓਦਨਂ ਭੁਞ੍ਜੇ, ਸੁਚਿਂ ਮਂਸੂਪਸੇਚਨਂ;

ਤਸ੍ਮਾ ਏਤਂ ਨ ਸੇਵਾਮਿ, ਧਮ੍ਮਂ ਇਸੀਹਿ ਸੇਵਿਤਂ.

ਪਰਿਬ੍ਬਜ ਮਹਾ ਲੋਕੋ [ਮਹਾਬ੍ਰਹ੍ਮੇ (ਕ.)], ਪਚਨ੍ਤਞ੍ਞੇਪਿ ਪਾਣਿਨੋ;

ਮਾ ਤਂ ਅਧਮ੍ਮੋ ਆਚਰਿਤੋ, ਅਸ੍ਮਾ ਕੁਮ੍ਭਮਿਵਾਭਿਦਾ.

ਧਿਰਤ੍ਥੁ ¶ ਤਂ ਯਸਲਾਭਂ, ਧਨਲਾਭਞ੍ਚ ਬ੍ਰਾਹ੍ਮਣ;

ਯਾ ਵੁਤ੍ਤਿ ਵਿਨਿਪਾਤੇਨ, ਅਧਮ੍ਮਚਰਣੇਨ ਵਾਤਿ.

ਸਸਮੁਦ੍ਦਪਰਿਯਾਯਂ ¶ , ਮਹਿਂ ਸਾਗਰਕੁਣ੍ਡਲਂ;

ਨ ਇਚ੍ਛੇ ਸਹ ਨਿਨ੍ਦਾਯ, ਏਵਂ ਸੇਯ੍ਯ [ਸਯ੍ਹ (ਸੀ. ਸ੍ਯਾ. ਪੀ.)] ਵਿਜਾਨਹਿ.

ਧਿਰਤ੍ਥੁ ਤਂ ਯਸਲਾਭਂ, ਧਨਲਾਭਞ੍ਚ ਬ੍ਰਾਹ੍ਮਣ;

ਯਾ ਵੁਤ੍ਤਿ ਵਿਨਿਪਾਤੇਨ, ਅਧਮ੍ਮਚਰਣੇਨ ਵਾ.

ਅਪਿ ਚੇ ਪਤ੍ਤਮਾਦਾਯ, ਅਨਗਾਰੋ ਪਰਿਬ੍ਬਜੇ;

ਸਾਯੇਵ ਜੀਵਿਕਾ ਸੇਯ੍ਯੋ, ਯਾ ਚਾਧਮ੍ਮੇਨ ਏਸਨਾ.

ਅਪਿ ¶ ਚੇ ਪਤ੍ਤਮਾਦਾਯ, ਅਨਗਾਰੋ ਪਰਿਬ੍ਬਜੇ;

ਅਞ੍ਞਂ ਅਹਿਂਸਯਂ ਲੋਕੇ, ਅਪਿ ਰਜ੍ਜੇਨ ਤਂ ਵਰਨ੍ਤਿ.

ਸੇਯ੍ਯਜਾਤਕਂ [ਸਯ੍ਹਜਾਤਕਂ (ਸੀ. ਸ੍ਯਾ. ਪੀ.)] ਦਸਮਂ.

ਕਾਲਿਙ੍ਗਵਗ੍ਗੋ [ਵਿਵਰਵਗ੍ਗੋ (ਸੀ. ਪੀ.)] ਪਠਮੋ.

ਵਿਵਰਞ੍ਚ ਅਦੇਯ੍ਯ ਸਮਿਦ੍ਧਵਰਂ, ਅਥ ਦਦ੍ਦਰ ਪਾਪਮਹਾਤਿਰਹੋ;

ਅਥ ਕੋਲਿ ਪਲਾਸਵਰਞ੍ਚ ਕਰ, ਚਰਿਮਂ ਸਸਮੁਦ੍ਦਵਰੇਨ ਦਸਾਤਿ.

ਉਟ੍ਠੇਹਿ ਚੋਰ ਕਿਂ ਸੇਸਿ, ਕੋ ਅਤ੍ਥੋ ਸੁਪਨੇਨ [ਸੁਪਿਤੇਨ (ਸੀ.), ਸੁਪਿਨੇਨ (ਪੀ. ਕ.)] ਤੇ;

ਮਾ ¶ ਤਂ ਗਹੇਸੁਂ [ਗਣ੍ਹੇਯ੍ਯੁਂ (ਕ.)] ਰਾਜਾਨੋ, ਗਾਮੇ ਕਿਬ੍ਬਿਸਕਾਰਕਂ.

ਯਂ ¶ ਨੁ [ਨੂਨ (ਸ੍ਯਾ.)] ਚੋਰਂ ਗਹੇਸ੍ਸਨ੍ਤਿ, ਗਾਮੇ ਕਿਬ੍ਬਿਸਕਾਰਕਂ;

ਕਿਂ ਤਤ੍ਥ ਪੁਚਿਮਨ੍ਦਸ੍ਸ, ਵਨੇ ਜਾਤਸ੍ਸ ਤਿਟ੍ਠਤੋ.

ਨ ਤ੍ਵਂ ਅਸ੍ਸਤ੍ਥ ਜਾਨਾਸਿ, ਮਮ ਚੋਰਸ੍ਸ ਚਨ੍ਤਰਂ;

ਚੋਰਂ ਗਹੇਤ੍ਵਾ ਰਾਜਾਨੋ, ਗਾਮੇ ਕਿਬ੍ਬਿਸਕਾਰਕਂ;

ਅਪ੍ਪੇਨ੍ਤਿ [ਅਚ੍ਚੇਨ੍ਤਿ (ਸ੍ਯਾ.)] ਨਿਮ੍ਬਸੂਲਸ੍ਮਿਂ, ਤਸ੍ਮਿਂ ਮੇ ਸਙ੍ਕਤੇ ਮਨੋ.

ਸਙ੍ਕੇਯ੍ਯ ਸਙ੍ਕਿਤਬ੍ਬਾਨਿ, ਰਕ੍ਖੇਯ੍ਯਾਨਾਗਤਂ ਭਯਂ;

ਅਨਾਗਤਭਯਾ ਧੀਰੋ, ਉਭੋ ਲੋਕੇ ਅਵੇਕ੍ਖਤੀਤਿ.

ਅਪਿ ਕਸ੍ਸਪ ਮਨ੍ਦਿਯਾ, ਯੁਵਾ ਸਪਤਿ ਹਨ੍ਤਿ [ਸਮ੍ਪਟਿਹਨ੍ਤਿ (ਕ.)] ਵਾ;

ਸਬ੍ਬਂ ਤਂ ਖਮਤੇ ਧੀਰੋ, ਪਣ੍ਡਿਤੋ ਤਂ ਤਿਤਿਕ੍ਖਤਿ.

ਸਚੇਪਿ ਸਨ੍ਤੋ ਵਿਵਦਨ੍ਤਿ, ਖਿਪ੍ਪਂ ਸਨ੍ਧੀਯਰੇ ਪੁਨ;

ਬਾਲਾ ਪਤ੍ਤਾਵ ਭਿਜ੍ਜਨ੍ਤਿ, ਨ ਤੇ ਸਮਥਮਜ੍ਝਗੂ.

ਏਤੇ ¶ ਭਿਯ੍ਯੋ ਸਮਾਯਨ੍ਤਿ, ਸਨ੍ਧਿ ਤੇਸਂ ਨ ਜੀਰਤਿ;

ਯੋ ਚਾਧਿਪਨ੍ਨਂ ਜਾਨਾਤਿ, ਯੋ ਚ ਜਾਨਾਤਿ ਦੇਸਨਂ.

ਏਸੋ ਹਿ ਉਤ੍ਤਰਿਤਰੋ, ਭਾਰਵਹੋ ਧੁਰਦ੍ਧਰੋ;

ਯੋ ਪਰੇਸਾਧਿਪਨ੍ਨਾਨਂ ¶ , ਸਯਂ ਸਨ੍ਧਾਤੁਮਰਹਤੀਤਿ.

ਯੋ ਤੇ ਹਤ੍ਥੇ ਚ ਪਾਦੇ ਚ, ਕਣ੍ਣਨਾਸਞ੍ਚ ਛੇਦਯਿ;

ਤਸ੍ਸ ਕੁਜ੍ਝ ਮਹਾਵੀਰ, ਮਾ ਰਟ੍ਠਂ ਵਿਨਸਾ [ਵਿਨਸ੍ਸ (ਕ. ਸੀ. ਸ੍ਯਾ. ਕ.)] ਇਦਂ.

ਯੋ ਮੇ ਹਤ੍ਥੇ ਚ ਪਾਦੇ ਚ, ਕਣ੍ਣਨਾਸਞ੍ਚ ਛੇਦਯਿ;

ਚਿਰਂ ਜੀਵਤੁ ਸੋ ਰਾਜਾ, ਨ ਹਿ ਕੁਜ੍ਝਨ੍ਤਿ ਮਾਦਿਸਾ.

ਅਹੂ ਅਤੀਤਮਦ੍ਧਾਨਂ [ਅਹੁ ਅਤੀਤਮਦ੍ਧਾਨੇ (ਸ੍ਯਾ. ਪੀ. ਕ.)], ਸਮਣੋ ਖਨ੍ਤਿਦੀਪਨੋ;

ਤਂ ਖਨ੍ਤਿਯਾਯੇਵ ਠਿਤਂ, ਕਾਸਿਰਾਜਾ ਅਛੇਦਯਿ.

ਤਸ੍ਸ ¶ ਕਮ੍ਮ [ਕਮ੍ਮਸ੍ਸ (ਸੀ. ਪੀ.)] ਫਰੁਸਸ੍ਸ, ਵਿਪਾਕੋ ਕਟੁਕੋ ਅਹੁ;

ਯਂ ਕਾਸਿਰਾਜਾ ਵੇਦੇਸਿ, ਨਿਰਯਮ੍ਹਿ ਸਮਪ੍ਪਿਤੋਤਿ.

ਦੁਜ੍ਜੀਵਿਤਮਜੀਵਿਮ੍ਹ, ਯੇ ਸਨ੍ਤੇ [ਯੇਸਂ ਨੋ (ਸ੍ਯਾ. ਕ.)] ਨ ਦਦਮ੍ਹਸੇ;

ਵਿਜ੍ਜਮਾਨੇਸੁ ਭੋਗੇਸੁ, ਦੀਪਂ ਨਾਕਮ੍ਹ ਅਤ੍ਤਨੋ.

ਸਟ੍ਠਿ [ਸਟ੍ਠਿਂ (ਸ੍ਯਾ.)] ਵਸ੍ਸਸਹਸ੍ਸਾਨਿ, ਪਰਿਪੁਣ੍ਣਾਨਿ ਸਬ੍ਬਸੋ;

ਨਿਰਯੇ ਪਚ੍ਚਮਾਨਾਨਂ, ਕਦਾ ਅਨ੍ਤੋ ਭਵਿਸ੍ਸਤਿ.

ਨਤ੍ਥਿ ਅਨ੍ਤੋ ਕੁਤੋ ਅਨ੍ਤੋ, ਨ ਅਨ੍ਤੋ ਪਟਿਦਿਸ੍ਸਤਿ;

ਤਦਾ ¶ ਹਿ ਪਕਤਂ ਪਾਪਂ, ਮਮ ਤੁਯ੍ਹਞ੍ਚ ਮਾਰਿਸਾ [ਮਾਰਿਸ (ਸੀ. ਸ੍ਯਾ. ਪੀ.)].

ਸੋਹਂ ਨੂਨ ਇਤੋ ਗਨ੍ਤ੍ਵਾ, ਯੋਨਿਂ ਲਦ੍ਧਾਨ ਮਾਨੁਸਿਂ;

ਵਦਞ੍ਞੂ ਸੀਲਸਮ੍ਪਨ੍ਨੋ, ਕਾਹਾਮਿ ਕੁਸਲਂ ਬਹੁਨ੍ਤਿ.

ਫਰੁਸਾ ¶ ਵਤ ਤੇ ਵਾਚਾ, ਮਂਸਂ [ਸਮ੍ਮ (ਪੀ. ਕ.)] ਯਾਚਨਕੋ ਅਸਿ [ਚਸਿ (ਪੀ.)];

ਕਿਲੋਮਸਦਿਸੀ [ਕਿਲੋਮਸ੍ਸ ਸਦਿਸਾ (ਪੀ.)] ਵਾਚਾ, ਕਿਲੋਮਂ ਸਮ੍ਮ ਦਮ੍ਮਿ ਤੇ.

ਅਙ੍ਗਮੇਤਂ ਮਨੁਸ੍ਸਾਨਂ, ਭਾਤਾ ਲੋਕੇ ਪਵੁਚ੍ਚਤਿ;

ਅਙ੍ਗਸ੍ਸ ਸਦਿਸੀ ਵਾਚਾ [ਅਙ੍ਗਸ੍ਸਦਿਸੀ ਤੇ ਵਾਚਾ (ਕ.)], ਅਙ੍ਗਂ ਸਮ੍ਮ ਦਦਾਮਿ ਤੇ.

ਤਾਤਾਤਿ ਪੁਤ੍ਤੋ ਵਦਮਾਨੋ, ਕਮ੍ਪੇਤਿ [ਸਮ੍ਮੇਤਿ (ਕ.)] ਹਦਯਂ ਪਿਤੁ;

ਹਦਯਸ੍ਸ ਸਦਿਸੀ [ਹਦਯਸ੍ਸਦਿਸੀ (ਕ.)] ਵਾਚਾ, ਹਦਯਂ ਸਮ੍ਮ ਦਮ੍ਮਿ ਤੇ.

ਯਸ੍ਸ ਗਾਮੇ ਸਖਾ ਨਤ੍ਥਿ, ਯਥਾਰਞ੍ਞਂ ਤਥੇਵ ਤਂ;

ਸਬ੍ਬਸ੍ਸ ਸਦਿਸੀ ਵਾਚਾ, ਸਬ੍ਬਂ ਸਮ੍ਮ ਦਦਾਮਿ ਤੇਤਿ.

ਸਬ੍ਬਮਂਸਲਾਭਜਾਤਕਂ [ਮਂਸਜਾਤਕਂ (ਸੀ. ਸ੍ਯਾ. ਪੀ.)] ਪਞ੍ਚਮਂ.

ਸਤ੍ਤ ¶ ਮੇ ਰੋਹਿਤਾ ਮਚ੍ਛਾ, ਉਦਕਾ ਥਲਮੁਬ੍ਭਤਾ;

ਇਦਂ ਬ੍ਰਾਹ੍ਮਣ ਮੇ ਅਤ੍ਥਿ, ਏਤਂ ਭੁਤ੍ਵਾ ਵਨੇ ਵਸ.

ਦੁਸ੍ਸ ਮੇ ਖੇਤ੍ਤਪਾਲਸ੍ਸ, ਰਤ੍ਤਿਭਤ੍ਤਂ ਅਪਾਭਤਂ;

ਮਂਸਸੂਲਾ ¶ ਚ ਦ੍ਵੇ ਗੋਧਾ, ਏਕਞ੍ਚ ਦਧਿਵਾਰਕਂ;

ਇਦਂ ਬ੍ਰਾਹ੍ਮਣ ਮੇ ਅਤ੍ਥਿ, ਏਤਂ ਭੁਤ੍ਵਾ ਵਨੇ ਵਸ.

ਅਮ੍ਬਪਕ੍ਕਂ ਦਕਂ [ਅਮ੍ਬਪਕ੍ਕੋਦਕਂ (ਸੀ. ਪੀ.)] ਸੀਤਂ, ਸੀਤਚ੍ਛਾਯਾ ਮਨੋਰਮਾ [ਸੀਤਚ੍ਛਾਯਂ ਮਨੋਰਮਂ (ਸੀ. ਸ੍ਯਾ. ਪੀ.)];

ਇਦਂ ਬ੍ਰਾਹ੍ਮਣ ਮੇ ਅਤ੍ਥਿ, ਏਤਂ ਭੁਤ੍ਵਾ ਵਨੇ ਵਸ.

ਨ ਸਸਸ੍ਸ ਤਿਲਾ ਅਤ੍ਥਿ, ਨ ਮੁਗ੍ਗਾ ਨਪਿ ਤਣ੍ਡੁਲਾ;

ਇਮਿਨਾ ਅਗ੍ਗਿਨਾ ਪਕ੍ਕਂ, ਮਮਂ [ਮਂਸਂ (ਕ.)] ਭੁਤ੍ਵਾ ਵਨੇ ਵਸਾਤਿ.

ਮਤਂ ਮਤਂ ਏਵ [ਮਤਮਤਮੇਵ (ਸੀ. ਸ੍ਯਾ. ਪੀ.)] ਰੋਦਥ, ਨ ਹਿ ਤਂ ਰੋਦਥ ਯੋ ਮਰਿਸ੍ਸਤਿ;

ਸਬ੍ਬੇਪਿ [ਸਬ੍ਬੇਵ (ਸੀ. ਸ੍ਯਾ. ਪੀ.)] ਸਰੀਰਧਾਰਿਨੋ, ਅਨੁਪੁਬ੍ਬੇਨ ਜਹਨ੍ਤਿ ਜੀਵਿਤਂ.

ਦੇਵਮਨੁਸ੍ਸਾ ਚਤੁਪ੍ਪਦਾ, ਪਕ੍ਖਿਗਣਾ ਉਰਗਾ ਚ ਭੋਗਿਨੋ;

ਸਮ੍ਹਿ [ਯਮ੍ਹਿ (ਸ੍ਯਾ.), ਅਸ੍ਮਿਂ (ਪੀ. ਕ.)] ਸਰੀਰੇ ਅਨਿਸ੍ਸਰਾ, ਰਮਮਾਨਾਵ ਜਹਨ੍ਤਿ ਜੀਵਿਤਂ.

ਏਵਂ ¶ ਚਲਿਤਂ ਅਸਣ੍ਠਿਤਂ, ਸੁਖਦੁਕ੍ਖਂ ਮਨੁਜੇਸ੍ਵਪੇਕ੍ਖਿਯ;

ਕਨ੍ਦਿਤਰੁਦਿਤਂ ਨਿਰਤ੍ਥਕਂ, ਕਿਂ ਵੋ ਸੋਕਗਣਾਭਿਕੀਰਰੇ.

ਧੁਤ੍ਤਾ ਚ ਸੋਣ੍ਡਾ [ਧੁਤ੍ਤਾ ਸੋਣ੍ਡਾ (ਸੀ.), ਧੁਤ੍ਤਾ ਸੋਣ੍ਡਾ ਚ (ਸ੍ਯਾ.)] ਅਕਤਾ, ਬਾਲਾ ਸੂਰਾ ਅਯੋਗਿਨੋ [ਬਾਲਾ ਸੂਰਾ ਵੀਰਾ ਅਯੋਗਿਨੋ (ਪੀ.)];

ਧੀਰਂ ਮਞ੍ਞਨ੍ਤਿ ਬਾਲੋਤਿ, ਯੇ ਧਮ੍ਮਸ੍ਸ ਅਕੋਵਿਦਾਤਿ.

ਯਂ ¶ ¶ ਤਂ ਵਸਨ੍ਤਸਮਯੇ, ਕਣਵੇਰੇਸੁ ਭਾਣੁਸੁ;

ਸਾਮਂ ਬਾਹਾਯ ਪੀਲ਼ੇਸਿ, ਸਾ ਤਂ ਆਰੋਗ੍ਯਮਬ੍ਰਵਿ.

ਅਮ੍ਭੋ ਨ ਕਿਰ ਸਦ੍ਧੇਯ੍ਯਂ, ਯਂ ਵਾਤੋ ਪਬ੍ਬਤਂ ਵਹੇ;

ਪਬ੍ਬਤਞ੍ਚੇ ਵਹੇ ਵਾਤੋ, ਸਬ੍ਬਮ੍ਪਿ ਪਥਵਿਂ ਵਹੇ;

ਯਤ੍ਥ ਸਾਮਾ ਕਾਲਕਤਾ [ਕਾਲਙ੍ਕਤਾ (ਕ.)], ਸਾ ਮਂ ਆਰੋਗ੍ਯਮਬ੍ਰਵਿ.

ਨ ਚੇਵ ਸਾ ਕਾਲਕਤਾ, ਨ ਚ ਸਾ ਅਞ੍ਞਮਿਚ੍ਛਤਿ;

ਏਕਭਤ੍ਤਿਕਿਨੀ [ਏਕਭਤ੍ਤਾ ਕਿਰ (ਸੀ. ਸ੍ਯਾ.), ਏਕਭਤ੍ਤਕਿਨੀ (ਪੀ.)] ਸਾਮਾ, ਤਮੇਵ ਅਭਿਕਙ੍ਖਤਿ.

ਅਸਨ੍ਥੁਤਂ ਮਂ ਚਿਰਸਨ੍ਥੁਤੇਨ [ਅਸਨ੍ਧਤਂ ਮਂ ਚਿਰਸਨ੍ਧਤੇਨ (ਕ.)], ਨਿਮੀਨਿ ਸਾਮਾ ਅਧੁਵਂ ਧੁਵੇਨ;

ਮਯਾਪਿ ਸਾਮਾ ਨਿਮਿਨੇਯ੍ਯ ਅਞ੍ਞਂ, ਇਤੋ ਅਹਂ ਦੂਰਤਰਂ ਗਮਿਸ੍ਸਨ੍ਤਿ.

ਸੁਸੁਖਂ ਵਤ ਜੀਵਾਮਿ, ਲਭਾਮਿ ਚੇਵ ਭੁਞ੍ਜਿਤੁਂ;

ਪਰਿਪਨ੍ਥੇਵ ਤਿਟ੍ਠਾਮਿ, ਕਾ ਨੁ ਭਨ੍ਤੇ ਗਤੀ ਮਮ.

ਮਨੋ ਚੇ ਤੇ ਨਪ੍ਪਣਮਤਿ, ਪਕ੍ਖਿ ਪਾਪਸ੍ਸ ਕਮ੍ਮੁਨੋ;

ਅਬ੍ਯਾਵਟਸ੍ਸ ਭਦ੍ਰਸ੍ਸ, ਨ ਪਾਪਮੁਪਲਿਮ੍ਪਤਿ.

ਞਾਤਕੋ ਨੋ ਨਿਸਿਨ੍ਨੋਤਿ, ਬਹੁ ਆਗਚ੍ਛਤੇ ਜਨੋ;

ਪਟਿਚ੍ਚ ¶ ਕਮ੍ਮਂ ਫੁਸਤਿ, ਤਸ੍ਮਿਂ ਮੇ ਸਙ੍ਕਤੇ ਮਨੋ.

ਨ ਪਟਿਚ੍ਚ ਕਮ੍ਮਂ ਫੁਸਤਿ, ਮਨੋ ਚੇ ਨਪ੍ਪਦੁਸ੍ਸਤਿ;

ਅਪ੍ਪੋਸ੍ਸੁਕ੍ਕਸ੍ਸ ਭਦ੍ਰਸ੍ਸ, ਨ ਪਾਪਮੁਪਲਿਮ੍ਪਤੀਤਿ.

ਸੁਚ੍ਚਜਂ ¶ ¶ ਵਤ ਨਚ੍ਚਜਿ, ਵਾਚਾਯ ਅਦਦਂ ਗਿਰਿਂ;

ਕਿਂ ਹਿਤਸ੍ਸ ਚਜਨ੍ਤਸ੍ਸ, ਵਾਚਾਯ ਅਦਦ ਪਬ੍ਬਤਂ.

ਯਞ੍ਹਿ ਕਯਿਰਾ ਤਞ੍ਹਿ ਵਦੇ, ਯਂ ਨ ਕਯਿਰਾ ਨ ਤਂ ਵਦੇ;

ਅਕਰੋਨ੍ਤਂ ਭਾਸਮਾਨਂ, ਪਰਿਜਾਨਨ੍ਤਿ ਪਣ੍ਡਿਤਾ.

ਰਾਜਪੁਤ੍ਤ ਨਮੋ ਤ੍ਯਤ੍ਥੁ, ਸਚ੍ਚੇ ਧਮ੍ਮੇ ਠਿਤੋ ਚਸਿ;

ਯਸ੍ਸ ਤੇ ਬ੍ਯਸਨਂ ਪਤ੍ਤੋ, ਸਚ੍ਚਸ੍ਮਿਂ ਰਮਤੇ ਮਨੋ.

ਯਾ ਦਲਿਦ੍ਦੀ ਦਲਿਦ੍ਦਸ੍ਸ, ਅਡ੍ਢਾ ਅਡ੍ਢਸ੍ਸ ਕਿਤ੍ਤਿਮ [ਕਿਤ੍ਤਿਮਾ (ਸੀ. ਸ੍ਯਾ. ਪੀ.)];

ਸਾ ਹਿਸ੍ਸ ਪਰਮਾ ਭਰਿਯਾ, ਸਹਿਰਞ੍ਞਸ੍ਸ ਇਤ੍ਥਿਯੋਤਿ.

ਅਥ ਚੋਰ ਸਕਸ੍ਸਪ ਖਨ੍ਤੀਵਰੋ, ਦੁਜ੍ਜੀਵਿਤਤਾ ਚ ਵਰਾ ਫਰੁਸਾ;

ਅਥ ¶ ਸਸ ਮਤਞ੍ਚ ਵਸਨ੍ਤ ਸੁਖਂ, ਸੁਚ੍ਚਜਂਵਤਨਚ੍ਚਜਿਨਾ ਚ ਦਸਾਤਿ.

ਮਨੁਸ੍ਸਸ੍ਸੇਵ ਤੇ ਸੀਸਂ, ਹਤ੍ਥਪਾਦਾ ਚ ਵਾਨਰ;

ਅਥ ਕੇਨ ਨੁ ਵਣ੍ਣੇਨ, ਅਗਾਰਂ ਤੇ ਨ ਵਿਜ੍ਜਤਿ.

ਮਨੁਸ੍ਸਸ੍ਸੇਵ ਮੇ ਸੀਸਂ, ਹਤ੍ਥਪਾਦਾ ਚ ਸਿਙ੍ਗਿਲ [ਸਿਙ੍ਗਾਲ (ਕ.), ਪਿਙ੍ਗਲ (ਟੀਕਾ)];

ਯਾਹੁ ਸੇਟ੍ਠਾ ਮਨੁਸ੍ਸੇਸੁ, ਸਾ ਮੇ ਪਞ੍ਞਾ ਨ ਵਿਜ੍ਜਤਿ.

ਅਨਵਟ੍ਠਿਤਚਿਤ੍ਤਸ੍ਸ ¶ , ਲਹੁਚਿਤ੍ਤਸ੍ਸ ਦੁਬ੍ਭਿਨੋ [ਦੂਭਿਨੋ (ਪੀ.)];

ਨਿਚ੍ਚਂ ਅਦ੍ਧੁਵਸੀਲਸ੍ਸ, ਸੁਖਭਾਵੋ [ਸੁਚਿਭਾਵੋ (ਸੀ.), ਸੁਖਭਾਗੋ (?)] ਨ ਵਿਜ੍ਜਤਿ.

ਸੋ ¶ ਕਰਸ੍ਸੁ ਆਨੁਭਾਵਂ, ਵੀਤਿਵਤ੍ਤਸ੍ਸੁ ਸੀਲਿਯਂ;

ਸੀਤਵਾਤਪਰਿਤ੍ਤਾਣਂ, ਕਰਸ੍ਸੁ ਕੁਟਵਂ [ਕੁਟਿਕਂ (ਸੀ. ਸ੍ਯਾ.)] ਕਪੀਤਿ.

ਕੁਟਿਦੂਸਕ [ਸਿਙ੍ਗਾਲਸਕੁਣ (ਕ.)] ਜਾਤਕਂ ਪਠਮਂ.

ਦੁਦ੍ਦੁਭਾਯਤਿ [ਦਦ੍ਦਭਾਯਤਿ (ਸੀ. ਪੀ.)] ਭਦ੍ਦਨ੍ਤੇ, ਯਸ੍ਮਿਂ ਦੇਸੇ ਵਸਾਮਹਂ;

ਅਹਮ੍ਪੇਤਂ ਨ ਜਾਨਾਮਿ, ਕਿਮੇਤਂ ਦੁਦ੍ਦੁਭਾਯਤਿ.

ਬੇਲੁਵਂ ¶ ਪਤਿਤਂ ਸੁਤ੍ਵਾ, ਦੁਦ੍ਦੁਭਨ੍ਤਿ [ਦਦ੍ਦਭਨ੍ਤਿ (ਸੀ.)] ਸਸੋ ਜਵਿ;

ਸਸਸ੍ਸ ਵਚਨਂ ਸੁਤ੍ਵਾ, ਸਨ੍ਤਤ੍ਤਾ ਮਿਗਵਾਹਿਨੀ.

ਅਪ੍ਪਤ੍ਵਾ ਪਦਵਿਞ੍ਞਾਣਂ, ਪਰਘੋਸਾਨੁਸਾਰਿਨੋ;

ਪਨਾਦਪਰਮਾ ਬਾਲਾ, ਤੇ ਹੋਨ੍ਤਿ ਪਰਪਤ੍ਤਿਯਾ.

ਯੇ ਚ ਸੀਲੇਨ ਸਮ੍ਪਨ੍ਨਾ, ਪਞ੍ਞਾਯੂਪਸਮੇ ਰਤਾ;

ਆਰਕਾ ਵਿਰਤਾ ਧੀਰਾ, ਨ ਹੋਨ੍ਤਿ ਪਰਪਤ੍ਤਿਯਾਤਿ.

ਦੁਦ੍ਦੁਭਜਾਤਕਂ [ਦਦ੍ਦਭਜਾਤਕਂ (ਸੀ. ਪੀ.)] ਦੁਤਿਯਂ.

ਦ੍ਵਯਂ ਯਾਚਨਕੋ ਰਾਜ, ਬ੍ਰਹ੍ਮਦਤ੍ਤ ਨਿਗਚ੍ਛਤਿ;

ਅਲਾਭਂ ਧਨਲਾਭਂ ਵਾ, ਏਵਂ ਧਮ੍ਮਾ ਹਿ ਯਾਚਨਾ.

ਯਾਚਨਂ ਰੋਦਨਂ ਆਹੁ, ਪਞ੍ਚਾਲਾਨਂ ਰਥੇਸਭ;

ਯੋ ਯਾਚਨਂ ਪਚ੍ਚਕ੍ਖਾਤਿ, ਤਮਾਹੁ ਪਟਿਰੋਦਨਂ.

ਮਾ ਮਦ੍ਦਸਂਸੁ ਰੋਦਨ੍ਤਂ, ਪਞ੍ਚਾਲਾ ਸੁਸਮਾਗਤਾ;

ਤੁਵਂ ਵਾ ਪਟਿਰੋਦਨ੍ਤਂ, ਤਸ੍ਮਾ ਇਚ੍ਛਾਮਹਂ ਰਹੋ.

ਦਦਾਮਿ ¶ ਤੇ ਬ੍ਰਾਹ੍ਮਣ ਰੋਹਿਣੀਨਂ, ਗਵਂ ਸਹਸ੍ਸਂ ਸਹ ਪੁਙ੍ਗਵੇਨ;

ਅਰਿਯੋ ਹਿ ਅਰਿਯਸ੍ਸ ਕਥਂ ਨ ਦਜ੍ਜਾ [ਦਜ੍ਜੇ (ਸੀ.), ਦਜ੍ਜਂ (?)], ਸੁਤ੍ਵਾਨ ਗਾਥਾ ਤਵ ਧਮ੍ਮਯੁਤ੍ਤਾਤਿ.

ਕਲ੍ਯਾਣਰੂਪੋ ¶ ਵਤਯਂ ਚਤੁਪ੍ਪਦੋ, ਸੁਭਦ੍ਦਕੋ ਚੇਵ ਸੁਪੇਸਲੋ ਚ;

ਯੋ ਬ੍ਰਾਹ੍ਮਣਂ ਜਾਤਿਮਨ੍ਤੂਪਪਨ੍ਨਂ, ਅਪਚਾਯਤਿ ਮੇਣ੍ਡਵਰੋ ਯਸਸ੍ਸੀ.

ਮਾ ¶ ਬ੍ਰਾਹ੍ਮਣ ਇਤ੍ਤਰਦਸ੍ਸਨੇਨ, ਵਿਸ੍ਸਾਸਮਾਪਜ੍ਜਿ ਚਤੁਪ੍ਪਦਸ੍ਸ;

ਦਲ਼੍ਹਪ੍ਪਹਾਰਂ ਅਭਿਕਙ੍ਖਮਾਨੋ [ਅਭਿਕਤ੍ਤੁਕਾਮੋ (ਸ੍ਯਾ.)], ਅਵਸਕ੍ਕਤੀ ਦਸ੍ਸਤਿ ਸੁਪ੍ਪਹਾਰਂ.

ਊਰੁਟ੍ਠਿ [ਊਰਟ੍ਠਿ (ਸੀ.)] ਭਗ੍ਗਂ ਪਵਟ੍ਟਿਤੋ [ਪਤਿਤੋ (ਸੀ. ਸ੍ਯਾ.)] ਖਾਰਿਭਾਰੋ, ਸਬ੍ਬਞ੍ਚ ਭਣ੍ਡਂ ਬ੍ਰਾਹ੍ਮਣਸ੍ਸ [ਬ੍ਰਾਹ੍ਮਣਸ੍ਸੀਧ (ਕ. ਸੀ. ਪੀ.), ਬ੍ਰਾਹ੍ਮਣਸ੍ਸੇਵ (ਕ. ਸੀ. ਸ੍ਯਾ. ਕ.)] ਭਿਨ੍ਨਂ;

ਉਭੋਪਿ ਬਾਹਾ ਪਗ੍ਗਯ੍ਹ [ਪਗ੍ਗਯ੍ਯੇਵ (ਸ੍ਯਾ.), ਪਗ੍ਗਹੀਯ (?)] ਕਨ੍ਦਤਿ [ਬਾਹਾ ਪਗ੍ਗਯ੍ਯ ਕਨ੍ਦਤਿ (ਪੀ. ਕ.)], ਅਭਿਧਾਵਥ ਹਞ੍ਞਤੇ ਬ੍ਰਹ੍ਮਚਾਰੀ.

ਏਵਂ ਸੋ ਨਿਹਤੋ ਸੇਤਿ, ਯੋ ਅਪੂਜਂ ਪਸਂਸਤਿ [ਨਮਸ੍ਸਤਿ (ਪੀ.)];

ਯਥਾਹਮਜ੍ਜ ਪਹਤੋ, ਹਤੋ ਮੇਣ੍ਡੇਨ ਦੁਮ੍ਮਤੀਤਿ.

ਸਮਣਂ ¶ ਤਂ ਮਞ੍ਞਮਾਨੋ, ਉਪਗਚ੍ਛਿਮਸਞ੍ਞਤਂ;

ਸੋ ਮਂ ਦਣ੍ਡੇਨ ਪਾਹਾਸਿ, ਯਥਾ ਅਸ੍ਸਮਣੋ ਤਥਾ.

ਕਿਂ ¶ ਤੇ ਜਟਾਹਿ ਦੁਮ੍ਮੇਧ, ਕਿਂ ਤੇ ਅਜਿਨਸਾਟਿਯਾ;

ਅਬ੍ਭਨ੍ਤਰਂ ਤੇ ਗਹਨਂ, ਬਾਹਿਰਂ ਪਰਿਮਜ੍ਜਸਿ.

ਏਹਿ ਗੋਧ ਨਿਵਤ੍ਤਸ੍ਸੁ, ਭੁਞ੍ਜ ਸਾਲੀਨਮੋਦਨਂ;

ਤੇਲਂ ਲੋਣਞ੍ਚ ਮੇ ਅਤ੍ਥਿ, ਪਹੂਤਂ ਮਯ੍ਹ ਪਿਪ੍ਫਲਿ.

ਏਸ ਭਿਯ੍ਯੋ ਪਵੇਕ੍ਖਾਮਿ, ਵਮ੍ਮਿਕਂ ਸਤਪੋਰਿਸਂ;

ਤੇਲਂ ਲੋਣਞ੍ਚ ਕਿਤ੍ਤੇਸਿ [ਕਿਨ੍ਤੇਸਿ (ਸ੍ਯਾ. ਪੀ.)], ਅਹਿਤਂ ਮਯ੍ਹ ਪਿਪ੍ਫਲੀਤਿ.

ਕਾਯੇਨ ਯੋ ਨਾਵਹਰੇ, ਵਾਚਾਯ ਨ ਮੁਸਾ ਭਣੇ;

ਯਸੋ ਲਦ੍ਧਾ ਨ ਮਜ੍ਜੇਯ੍ਯ, ਸ ਵੇ ਕਕ੍ਕਾਰੁਮਰਹਤਿ.

ਧਮ੍ਮੇਨ ਵਿਤ੍ਤਮੇਸੇਯ੍ਯ, ਨ ਨਿਕਤ੍ਯਾ ਧਨਂ ਹਰੇ;

ਭੋਗੇ ਲਦ੍ਧਾ ਨ ਮਜ੍ਜੇਯ੍ਯ, ਸ ਵੇ ਕਕ੍ਕਾਰੁਮਰਹਤਿ.

ਯਸ੍ਸ ਚਿਤ੍ਤਂ ਅਹਾਲਿਦ੍ਦਂ, ਸਦ੍ਧਾ ਚ ਅਵਿਰਾਗਿਨੀ;

ਏਕੋ ਸਾਦੁਂ ਨ ਭੁਞ੍ਜੇਯ੍ਯ, ਸ ਵੇ ਕਕ੍ਕਾਰੁਮਰਹਤਿ.

ਸਮ੍ਮੁਖਾ ਵਾ ਤਿਰੋਕ੍ਖਾ ਵਾ [ਪਰੋਕ੍ਖਾ ਵਾ (ਪੀ.), ਪਰਮ੍ਮੁਖਾ (ਕ.)], ਯੋ ਸਨ੍ਤੇ ਨ ਪਰਿਭਾਸਤਿ;

ਯਥਾਵਾਦੀ ¶ ਤਥਾਕਾਰੀ, ਸ ਵੇ ਕਕ੍ਕਾਰੁਮਰਹਤੀਤਿ.

ਵਾਤਿ ¶ ਚਾਯਂ [ਵਾਯਂ (ਕ.)] ਤਤੋ ਗਨ੍ਧੋ, ਯਤ੍ਥ ਮੇ ਵਸਤੀ ਪਿਯਾ;

ਦੂਰੇ ਇਤੋ ਹਿ ਕਾਕਵਤੀ [ਕਾਕਾਤੀ (ਸੀ.), ਕਾਕਾਤਿ (ਸ੍ਯਾ. ਪੀ.)], ਯਤ੍ਥ ਮੇ ਨਿਰਤੋ ਮਨੋ.

ਕਥਂ ਸਮੁਦ੍ਦਮਤਰੀ, ਕਥਂ ਅਤਰਿ ਕੇਪੁਕਂ [ਕੇਬੁਕਂ (ਸੀ. ਪੀ.)];

ਕਥਂ ਸਤ੍ਤ ਸਮੁਦ੍ਦਾਨਿ, ਕਥਂ ਸਿਮ੍ਬਲਿਮਾਰੁਹਿ.

ਤਯਾ ਸਮੁਦ੍ਦਮਤਰਿਂ, ਤਯਾ ਅਤਰਿ ਕੇਪੁਕਂ [ਕੇਬੁਕਂ (ਸੀ. ਪੀ.)];

ਤਯਾ ਸਤ੍ਤ ਸਮੁਦ੍ਦਾਨਿ, ਤਯਾ ਸਿਮ੍ਬਲਿਮਾਰੁਹਿਂ.

ਧਿਰਤ੍ਥੁਮਂ ¶ ਮਹਾਕਾਯਂ, ਧਿਰਤ੍ਥੁਮਂ ਅਚੇਤਨਂ;

ਯਤ੍ਥ ਜਾਯਾਯਹਂ ਜਾਰਂ, ਆਵਹਾਮਿ ਵਹਾਮਿ ਚਾਤਿ.

ਬਹੂਨਂ ਵਿਜ੍ਜਤੀ ਭੋਤੀ, ਤੇਹਿ ਮੇ ਕਿਂ ਭਵਿਸ੍ਸਤਿ;

ਤਸ੍ਮਾ ਏਤਂ ਨ ਸੋਚਾਮਿ, ਪਿਯਂ ਸਮ੍ਮਿਲ੍ਲਹਾਸਿਨਿਂ.

ਤਂ ਤਂ ਚੇ ਅਨੁਸੋਚੇਯ੍ਯ, ਯਂ ਯਂ ਤਸ੍ਸ ਨ ਵਿਜ੍ਜਤਿ;

ਅਤ੍ਤਾਨਮਨੁਸੋਚੇਯ੍ਯ, ਸਦਾ ਮਚ੍ਚੁਵਸਂ ਪਤਂ.

ਨ ¶ ਹੇਵ ਠਿਤਂ ਨਾਸੀਨਂ, ਨ ਸਯਾਨਂ ਨ ਪਦ੍ਧਗੁਂ [ਪਤ੍ਥਗੁਂ (ਸ੍ਯਾ.)];

ਯਾਵ ਬ੍ਯਾਤਿ ਨਿਮਿਸਤਿ, ਤਤ੍ਰਾਪਿ ਰਸਤੀ [ਸਰਤੀ (ਸੀ. ਸ੍ਯਾ. ਪੀ.)] ਵਯੋ.

ਤਤ੍ਥਤ੍ਤਨਿ ਵਤਪ੍ਪਦ੍ਧੇ [ਵਤ ਪਨ੍ਥੇ (ਸ੍ਯਾ.), ਵਤ ਬਨ੍ਧੇ (ਕ.) ਵਤ + ਪ-ਅਦ੍ਧੇ = ਵਤਪ੍ਪਦ੍ਧੇ], ਵਿਨਾਭਾਵੇ ਅਸਂਸਯੇ;

ਭੂਤਂ ਸੇਸਂ ਦਯਿਤਬ੍ਬਂ, ਵੀਤਂ ਅਨਨੁਸੋਚਿਯਨ੍ਤਿ [ਚਵਿਤਂ ਨਾਨੁਸੋਚਿਯਨ੍ਤਿ (ਸ੍ਯਾ.), ਮਤਨ੍ਤਂ ਨਾਨੁਸੋਚਿਯਂ (ਕ.)].

ਯਂ ਅਨ੍ਨਪਾਨਸ੍ਸ ਪੁਰੇ ਲਭਾਮ, ਤਂ ਦਾਨਿ ਸਾਖਮਿਗਮੇਵ ਗਚ੍ਛਤਿ;

ਗਚ੍ਛਾਮ ਦਾਨਿ ਵਨਮੇਵ ਰਾਧ, ਅਸਕ੍ਕਤਾ ਚਸ੍ਮ ਧਨਞ੍ਜਯਾਯ [ਧਨਞ੍ਚਯਾਯ (ਕ.)].

ਲਾਭੋ ਅਲਾਭੋ ਯਸੋ ਅਯਸੋ ਚ, ਨਿਨ੍ਦਾ ਪਸਂਸਾ ਚ ਸੁਖਞ੍ਚ ਦੁਕ੍ਖਂ;

ਏਤੇ ਅਨਿਚ੍ਚਾ ਮਨੁਜੇਸੁ ਧਮ੍ਮਾ, ਮਾ ਸੋਚਿ ਕਿਂ ਸੋਚਸਿ ਪੋਟ੍ਠਪਾਦ.

ਅਦ੍ਧਾ ¶ ਤੁਵਂ ਪਣ੍ਡਿਤਕੋਸਿ ਰਾਧ, ਜਾਨਾਸਿ ਅਤ੍ਥਾਨਿ ਅਨਾਗਤਾਨਿ;

ਕਥਂ ¶ ਨੁ ਸਾਖਾਮਿਗਂ ਦਕ੍ਖਿਸਾਮ [ਦਕ੍ਖਿਯਾਮ (ਕ.), ਦਕ੍ਖਾਮ (ਸ੍ਯਾ.)], ਨਿਦ੍ਧਾਵਿਤਂ [ਨਿਦ੍ਧਾਪਿਤਂ (ਸੀ. ਸ੍ਯਾ.), ਨਿਬ੍ਬਾਪਿਤਂ (ਪੀ.), ਨਿਚ੍ਛਦਂ (ਕ.)] ਰਾਜਕੁਲਤੋਵ ਜਮ੍ਮਂ.

ਚਾਲੇਤਿ ¶ ਕਣ੍ਣਂ ਭਕੁਟਿਂ ਕਰੋਤਿ, ਮੁਹੁਂ ਮੁਹੁਂ ਭਾਯਯਤੇ [ਭਾਯਤੇ (ਸ੍ਯਾ.), ਭਾਯਾਪਤੇ (ਕ.)] ਕੁਮਾਰੇ;

ਸਯਮੇਵ ਤਂ ਕਾਹਤਿ ਕਾਲ਼ਬਾਹੁ, ਯੇਨਾਰਕਾ ਠਸ੍ਸਤਿ ਅਨ੍ਨਪਾਨਾਤਿ.

ਸੀਲਂ ਕਿਰੇਵ ਕਲ੍ਯਾਣਂ, ਸੀਲਂ ਲੋਕੇ ਅਨੁਤ੍ਤਰਂ;

ਪਸ੍ਸ ਘੋਰਵਿਸੋ ਨਾਗੋ, ਸੀਲਵਾਤਿ ਨ ਹਞ੍ਞਤਿ.

ਯਾਵਦੇਵਸ੍ਸਹੂ ਕਿਞ੍ਚਿ, ਤਾਵਦੇਵ ਅਖਾਦਿਸੁਂ;

ਸਙ੍ਗਮ੍ਮ ਕੁਲਲਾ ਲੋਕੇ, ਨ ਹਿਂਸਨ੍ਤਿ ਅਕਿਞ੍ਚਨਂ.

ਸੁਖਂ ਨਿਰਾਸਾ ਸੁਪਤਿ, ਆਸਾ ਫਲਵਤੀ ਸੁਖਾ;

ਆਸਂ ਨਿਰਾਸਂ ਕਤ੍ਵਾਨ, ਸੁਖਂ ਸੁਪਤਿ ਪਿਙ੍ਗਲਾ.

ਨ ਸਮਾਧਿਪਰੋ ਅਤ੍ਥਿ, ਅਸ੍ਮਿਂ ਲੋਕੇ ਪਰਮ੍ਹਿ ਚ;

ਨ ਪਰਂ ਨਾਪਿ ਅਤ੍ਤਾਨਂ, ਵਿਹਿਂਸਤਿ ਸਮਾਹਿਤੋਤਿ.

ਸਮਨੁਸ੍ਸ ¶ -ਸਦੁਦ੍ਦੁਭ-ਯਾਚਨਕੋ, ਅਥ ਮੇਣ੍ਡਵਰੁਤ੍ਤਮ-ਗੋਧਵਰੋ;

ਅਥ ਕਾਯਸਕੇਪੁਕ ਭੋਤੀਵਰੋ, ਅਥ ਰਾਧਸੁਸੀਲਵਰੇਨ ਦਸਾਤਿ.

ਯੋ ¶ ਵੇ ਕਾਲੇ ਅਸਮ੍ਪਤ੍ਤੇ, ਅਤਿਵੇਲਂ ਪਭਾਸਤਿ;

ਏਵਂ ਸੋ ਨਿਹਤੋ ਸੇਤਿ, ਕੋਕਿਲਾਯਿਵ ਅਤ੍ਰਜੋ.

ਨ ਹਿ ਸਤ੍ਥਂ ਸੁਨਿਸਿਤਂ, ਵਿਸਂ ਹਲਾਹਲਾਮਿਵ [ਹਲਾਹਲਂ ਇਵ (ਪੀ.)];

ਏਵਂ ਨਿਕਟ੍ਠੇ [ਨਿਕ੍ਕਡ੍ਢੇ (ਸ੍ਯਾ.), ਨਿਕਡ੍ਢੇ (ਕ.)] ਪਾਤੇਤਿ, ਵਾਚਾ ਦੁਬ੍ਭਾਸਿਤਾ ਯਥਾ.

ਤਸ੍ਮਾ ਕਾਲੇ ਅਕਾਲੇ ਵਾ [ਅਕਾਲੇ ਚ (ਸੀ. ਸ੍ਯਾ.)], ਵਾਚਂ ਰਕ੍ਖੇਯ੍ਯ ਪਣ੍ਡਿਤੋ;

ਨਾਤਿਵੇਲਂ ਪਭਾਸੇਯ੍ਯ, ਅਪਿ ਅਤ੍ਤਸਮਮ੍ਹਿ ਵਾ.

ਯੋ ¶ ਚ ਕਾਲੇ ਮਿਤਂ ਭਾਸੇ, ਮਤਿਪੁਬ੍ਬੋ ਵਿਚਕ੍ਖਣੋ;

ਸਬ੍ਬੇ ਅਮਿਤ੍ਤੇ ਆਦੇਤਿ, ਸੁਪਣ੍ਣੋ ਉਰਗਾਮਿਵਾਤਿ.

ਕੋਕਿਲਜਾਤਕਂ [ਕੋਕਾਲਿਕਜਾਤਕਂ (ਸਬ੍ਬਤ੍ਥ)] ਪਠਮਂ.

ਅਪਿ ਹਨ੍ਤ੍ਵਾ ਹਤੋ ਬ੍ਰੂਤਿ, ਜੇਤ੍ਵਾ ਜਿਤੋਤਿ ਭਾਸਤਿ;

ਪੁਬ੍ਬਵਕ੍ਖਾਯਿਨੋ ¶ [ਪੁਬ੍ਬਮਕ੍ਖਾਯਿਨੋ (ਸੀ. ਸ੍ਯਾ.)] ਰਾਜ, ਅਞ੍ਞਦਤ੍ਥੁ [ਏਕਦਤ੍ਥੁ (ਸੀ. ਪੀ.)] ਨ ਸਦ੍ਦਹੇ.

ਤਸ੍ਮਾ ਪਣ੍ਡਿਤਜਾਤਿਯੋ, ਸੁਣੇਯ੍ਯ ਇਤਰਸ੍ਸਪਿ;

ਉਭਿਨ੍ਨਂ ਵਚਨਂ ਸੁਤ੍ਵਾ, ਯਥਾ ਧਮ੍ਮੋ ਤਥਾ ਕਰੇ.

ਅਲਸੋ ਗਿਹੀ ਕਾਮਭੋਗੀ ਨ ਸਾਧੁ, ਅਸਞ੍ਞਤੋ ਪਬ੍ਬਜਿਤੋ ਨ ਸਾਧੁ;

ਰਾਜਾ ਨ ਸਾਧੁ ਅਨਿਸਮ੍ਮਕਾਰੀ, ਯੋ ਪਣ੍ਡਿਤੋ ਕੋਧਨੋ ਤਂ ਨ ਸਾਧੁ.

ਨਿਸਮ੍ਮ ਖਤ੍ਤਿਯੋ ਕਯਿਰਾ, ਨਾਨਿਸਮ੍ਮ ਦਿਸਮ੍ਪਤਿ;

ਨਿਸਮ੍ਮਕਾਰਿਨੋ ਰਾਜ [ਰਞ੍ਞੋ (ਸੀ. ਸ੍ਯਾ.)], ਯਸੋ ਕਿਤ੍ਤਿ ਚ ਵਡ੍ਢਤੀਤਿ.

ਤਦੇਵ ¶ ਮੇ ਤ੍ਵਂ ਵਿਦਿਤੋ, ਵਨਮਜ੍ਝੇ ਰਥੇਸਭ;

ਯਸ੍ਸ ਤੇ ਖਗ੍ਗਬਦ੍ਧਸ੍ਸ, ਸਨ੍ਨਦ੍ਧਸ੍ਸ ਤਿਰੀਟਿਨੋ;

ਅਸ੍ਸਤ੍ਥਦੁਮਸਾਖਾਯ, ਪਕ੍ਕਾ ਗੋਧਾ ਪਲਾਯਥ.

ਨਮੇ ਨਮਨ੍ਤਸ੍ਸ ਭਜੇ ਭਜਨ੍ਤਂ, ਕਿਚ੍ਚਾਨੁਕੁਬ੍ਬਸ੍ਸ ਕਰੇਯ੍ਯ ਕਿਚ੍ਚਂ;

ਨਾਨਤ੍ਥਕਾਮਸ੍ਸ ਕਰੇਯ੍ਯ ਅਤ੍ਥਂ, ਅਸਮ੍ਭਜਨ੍ਤਮ੍ਪਿ ਨ ਸਮ੍ਭਜੇਯ੍ਯ.

ਚਜੇ ¶ ਚਜਨ੍ਤਂ ਵਨਥਂ ਨ ਕਯਿਰਾ, ਅਪੇਤਚਿਤ੍ਤੇਨ ਨ ਸਮ੍ਭਜੇਯ੍ਯ;

ਦਿਜੋ ਦੁਮਂ ਖੀਣਫਲਨ੍ਤਿ [ਫਲਂਵ (ਕ. ਸੀ. ਸ੍ਯਾ. ਕ.), ਦੁਕਨਿਪਾਤੇ ਪੁਟਭਤ੍ਤਜਾਤਕੇਨ ਸਂਸਨ੍ਦੇਤਬ੍ਬਂ] ਞਤ੍ਵਾ, ਅਞ੍ਞਂ ਸਮੇਕ੍ਖੇਯ੍ਯ ਮਹਾ ਹਿ ਲੋਕੋ.

ਸੋ ਤੇ ਕਰਿਸ੍ਸਾਮਿ ਯਥਾਨੁਭਾਵਂ, ਕਤਞ੍ਞੁਤਂ ਖਤ੍ਤਿਯੇ [ਖਤ੍ਤਿਯੋ (ਸ੍ਯਾ. ਕ.)] ਪੇਕ੍ਖਮਾਨੋ;

ਸਬ੍ਬਞ੍ਚ ਤੇ ਇਸ੍ਸਰਿਯਂ ਦਦਾਮਿ, ਯਸ੍ਸਿਚ੍ਛਸੀ ਤਸ੍ਸ ਤੁਵਂ ਦਦਾਮੀਤਿ.

ਪਕ੍ਕਗੋਧਜਾਤਕਂ [ਗੋਧਜਾਤਕਂ (ਸੀ. ਸ੍ਯਾ. ਪੀ.)] ਤਤਿਯਂ.

ਗਵਂ ਚੇ ਤਰਮਾਨਾਨਂ, ਜਿਮ੍ਹਂ ਗਚ੍ਛਤਿ ਪੁਙ੍ਗਵੋ;

ਸਬ੍ਬਾ ਤਾ ਜਿਮ੍ਹਂ ਗਚ੍ਛਨ੍ਤਿ [ਸਬ੍ਬਾ ਗਾਵੀ ਜਿਮ੍ਹਂ ਯਨ੍ਤਿ (ਸੀ. ਸ੍ਯਾ.)], ਨੇਤ੍ਤੇ ਜਿਮ੍ਹਂ ਗਤੇ ਸਤਿ.

ਏਵਮੇਵ ¶ ਮਨੁਸ੍ਸੇਸੁ, ਯੋ ਹੋਤਿ ਸੇਟ੍ਠਸਮ੍ਮਤੋ;

ਸੋ ਚੇ ਅਧਮ੍ਮਂ ਚਰਤਿ, ਪਗੇਵ ਇਤਰਾ ਪਜਾ;

ਸਬ੍ਬਂ ਰਟ੍ਠਂ ਦੁਖਂ ਸੇਤਿ, ਰਾਜਾ ਚੇ ਹੋਤਿ ਅਧਮ੍ਮਿਕੋ.

ਗਵਂ ਚੇ ਤਰਮਾਨਾਨਂ, ਉਜੁਂ ਗਚ੍ਛਤਿ ਪੁਙ੍ਗਵੋ;

ਸਬ੍ਬਾ ਗਾਵੀ ਉਜੁਂ ਯਨ੍ਤਿ [ਸਬ੍ਬਾ ਤਾ ਉਜੁਂ ਗਚ੍ਛਨ੍ਤਿ (ਪੀ. ਅ. ਨਿ. ੪.੭੦)], ਨੇਤ੍ਤੇ ਉਜੁਂ ਗਤੇ ਸਤਿ.

ਏਵਮੇਵ ¶ ਮਨੁਸ੍ਸੇਸੁ, ਯੋ ਹੋਤਿ ਸੇਟ੍ਠਸਮ੍ਮਤੋ;

ਸੋ ਸਚੇ ਧਮ੍ਮਂ ਚਰਤਿ, ਪਗੇਵ ਇਤਰਾ ਪਜਾ;

ਸਬ੍ਬਂ ¶ ਰਟ੍ਠਂ ਸੁਖਂ ਸੇਤਿ, ਰਾਜਾ ਚੇ ਹੋਤਿ ਧਮ੍ਮਿਕੋਤਿ.

ਬ੍ਰਹਾ ਪਵਡ੍ਢਕਾਯੋ ਸੋ, ਦੀਘਦਾਠੋ ਚ ਜਮ੍ਬੁਕ;

ਨ ਤ੍ਵਂ ਤਤ੍ਥ ਕੁਲੇ ਜਾਤੋ, ਯਤ੍ਥ ਗਣ੍ਹਨ੍ਤਿ ਕੁਞ੍ਜਰਂ.

ਅਸੀਹੋ ਸੀਹਮਾਨੇਨ, ਯੋ ਅਤ੍ਤਾਨਂ ਵਿਕੁਬ੍ਬਤਿ;

ਕੋਤ੍ਥੂਵ [ਕੁਟ੍ਠੂਵ (ਸੀ.), ਕੁਤ੍ਥੁਵ (ਸ੍ਯਾ. ਪੀ)] ਗਜਮਾਸਜ੍ਜ, ਸੇਤਿ ਭੂਮ੍ਯਾ ਅਨੁਤ੍ਥੁਨਂ.

ਯਸਸ੍ਸਿਨੋ ਉਤ੍ਤਮਪੁਗ੍ਗਲਸ੍ਸ, ਸਞ੍ਜਾਤਖਨ੍ਧਸ੍ਸ ਮਹਬ੍ਬਲਸ੍ਸ;

ਅਸਮੇਕ੍ਖਿਯ ਥਾਮਬਲੂਪਪਤ੍ਤਿਂ, ਸ ਸੇਤਿ ਨਾਗੇਨ ਹਤੋਯਂ ਜਮ੍ਬੁਕੋ.

ਯੋ ਚੀਧ ਕਮ੍ਮਂ ਕੁਰੁਤੇ ਪਮਾਯ, ਥਾਮਬ੍ਬਲਂ ਅਤ੍ਤਨਿ ਸਂਵਿਦਿਤ੍ਵਾ;

ਜਪ੍ਪੇਨ ਮਨ੍ਤੇਨ ਸੁਭਾਸਿਤੇਨ, ਪਰਿਕ੍ਖਵਾ ਸੋ ਵਿਪੁਲਂ ਜਿਨਾਤੀਤਿ.

ਤਿਣਂ ਤਿਣਨ੍ਤਿ ਲਪਸਿ, ਕੋ ਨੁ ਤੇ ਤਿਣਮਾਹਰਿ;

ਕਿਂ ¶ ਨੁ ਤੇ ਤਿਣਕਿਚ੍ਚਤ੍ਥਿ, ਤਿਣਮੇਵ ਪਭਾਸਸਿ.

ਇਧਾਗਮਾ ਬ੍ਰਹ੍ਮਚਾਰੀ, ਬ੍ਰਹਾ ਛਤ੍ਤੋ ਬਹੁਸ੍ਸੁਤੋ;

ਸੋ ਮੇ [ਸੋ ਵੇ (ਕ.)] ਸਬ੍ਬਂ ਸਮਾਦਾਯ, ਤਿਣਂ ਨਿਕ੍ਖਿਪ੍ਪ ਗਚ੍ਛਤਿ.

ਏਵੇਤਂ ਹੋਤਿ ਕਤ੍ਤਬ੍ਬਂ, ਅਪ੍ਪੇਨ ਬਹੁਮਿਚ੍ਛਤਾ;

ਸਬ੍ਬਂ ਸਕਸ੍ਸ ਆਦਾਨਂ, ਅਨਾਦਾਨਂ ਤਿਣਸ੍ਸ ਚ. ( ) [(ਤਿਣਸ੍ਸ ਚਾਟੀਸੁ ਗਤੋ, ਤਤ੍ਥ ਕਾ ਪਰਿਦੇਵਨਾ) (ਸੀ. ਸ੍ਯਾ.) (ਚਾਟੀਸੁ ਪਕ੍ਖਿਪਿਤ੍ਵਾਨ, ਤਤ੍ਥ ਕਾ ਪਰਿਦੇਵਨਾ) (ਕ.)]

ਸੀਲਵਨ੍ਤੋ ¶ ¶ ਨ ਕੁਬ੍ਬਨ੍ਤਿ, ਬਾਲੋ ਸੀਲਾਨਿ ਕੁਬ੍ਬਤਿ;

ਅਨਿਚ੍ਚਸੀਲਂ ਦੁਸ੍ਸੀਲ੍ਯਂ [ਦੁਸ੍ਸੀਲਂ (ਪੀ.)], ਕਿਂ ਪਣ੍ਡਿਚ੍ਚਂ ਕਰਿਸ੍ਸਤੀਤਿ.

ਨ ਤੇ ਪੀਠਮਦਾਯਿਮ੍ਹਾ [ਮਦਾਸਿਮ੍ਹ (ਪੀ. ਕ.)], ਨ ਪਾਨਂ ਨਪਿ ਭੋਜਨਂ;

ਬ੍ਰਹ੍ਮਚਾਰਿ ਖਮਸ੍ਸੁ ਮੇ, ਏਤਂ ਪਸ੍ਸਾਮਿ ਅਚ੍ਚਯਂ.

ਨੇਵਾਭਿਸਜ੍ਜਾਮਿ ਨ ਚਾਪਿ ਕੁਪ੍ਪੇ, ਨ ਚਾਪਿ ਮੇ ਅਪ੍ਪਿਯਮਾਸਿ ਕਿਞ੍ਚਿ;

ਅਥੋਪਿ ਮੇ ਆਸਿ ਮਨੋਵਿਤਕ੍ਕੋ, ਏਤਾਦਿਸੋ ਨੂਨ ਕੁਲਸ੍ਸ ਧਮ੍ਮੋ.

ਏਸਸ੍ਮਾਕਂ ਕੁਲੇ ਧਮ੍ਮੋ, ਪਿਤੁਪਿਤਾਮਹੋ ਸਦਾ;

ਆਸਨਂ ਉਦਕਂ ਪਜ੍ਜਂ, ਸਬ੍ਬੇਤਂ ਨਿਪਦਾਮਸੇ.

ਏਸਸ੍ਮਾਕਂ ¶ ਕੁਲੇ ਧਮ੍ਮੋ, ਪਿਤੁਪਿਤਾਮਹੋ ਸਦਾ;

ਸਕ੍ਕਚ੍ਚਂ ਉਪਤਿਟ੍ਠਾਮ, ਉਤ੍ਤਮਂ ਵਿਯ ਞਾਤਕਨ੍ਤਿ.

ਵਿਦਿਤਂ ਥੁਸਂ ਉਨ੍ਦੁਰਾਨਂ [ਉਨ੍ਦੂਰਾਨਂ (ਕ.)], ਵਿਦਿਤਂ ਪਨ ਤਣ੍ਡੁਲਂ;

ਥੁਸਂ ਥੁਸਂ [ਥੁਸਂ ਥੂਲਂ (ਸੀ.)] ਵਿਵਜ੍ਜੇਤ੍ਵਾ, ਤਣ੍ਡੁਲਂ ਪਨ ਖਾਦਰੇ.

ਯਾ ਮਨ੍ਤਨਾ ਅਰਞ੍ਞਸ੍ਮਿਂ, ਯਾ ਚ ਗਾਮੇ ਨਿਕਣ੍ਣਿਕਾ;

ਯਞ੍ਚੇਤਂ ਇਤਿ ਚੀਤਿ ਚ, ਏਤਮ੍ਪਿ ਵਿਦਿਤਂ ਮਯਾ.

ਧਮ੍ਮੇਨ ਕਿਰ ਜਾਤਸ੍ਸ, ਪਿਤਾ ਪੁਤ੍ਤਸ੍ਸ ਮਕ੍ਕਟੋ;

ਦਹਰਸ੍ਸੇਵ ਸਨ੍ਤਸ੍ਸ, ਦਨ੍ਤੇਹਿ ਫਲਮਚ੍ਛਿਦਾ.

ਯਮੇਤਂ ਪਰਿਸਪ੍ਪਸਿ [ਪਰਿਸਬ੍ਬੇਸਿ (ਕ.)], ਅਜਕਾਣੋਵ ਸਾਸਪੇ;

ਯੋਪਾਯਂ ਹੇਟ੍ਠਤੋ ਸੇਤਿ [ਸੇਸਿ (ਸੀ.)], ਏਤਮ੍ਪਿ ਵਿਦਿਤਂ ਮਯਾਤਿ.

ਅਦਸ੍ਸਨੇਨ ¶ ਮੋਰਸ੍ਸ, ਸਿਖਿਨੋ ਮਞ੍ਜੁਭਾਣਿਨੋ;

ਕਾਕਂ ਤਤ੍ਥ ਅਪੂਜੇਸੁਂ, ਮਂਸੇਨ ਚ ਫਲੇਨ ਚ.

ਯਦਾ ¶ ਚ ਸਰਸਮ੍ਪਨ੍ਨੋ, ਮੋਰੋ ਬਾਵੇਰੁਮਾਗਮਾ;

ਅਥ ¶ ਲਾਭੋ ਚ ਸਕ੍ਕਾਰੋ, ਵਾਯਸਸ੍ਸ ਅਹਾਯਥ.

ਯਾਵ ਨੁਪ੍ਪਜ੍ਜਤੀ ਬੁਦ੍ਧੋ, ਧਮ੍ਮਰਾਜਾ ਪਭਙ੍ਕਰੋ;

ਤਾਵ ਅਞ੍ਞੇ ਅਪੂਜੇਸੁਂ, ਪੁਥੂ ਸਮਣਬ੍ਰਾਹ੍ਮਣੇ.

ਯਦਾ ਚ ਸਰਸਮ੍ਪਨ੍ਨੋ, ਬੁਦ੍ਧੋ ਧਮ੍ਮਂ ਅਦੇਸਯਿ;

ਅਥ ਲਾਭੋ ਚ ਸਕ੍ਕਾਰੋ, ਤਿਤ੍ਥਿਯਾਨਂ ਅਹਾਯਥਾਤਿ.

ਅਦਾਸਿ ਦਾਨਾਨਿ ਪੁਰੇ ਵਿਸਯ੍ਹ, ਦਦਤੋ ਚ ਤੇ ਖਯਧਮ੍ਮੋ ਅਹੋਸਿ;

ਇਤੋ ਪਰਂ ਚੇ ਨ ਦਦੇਯ੍ਯ ਦਾਨਂ, ਤਿਟ੍ਠੇਯ੍ਯੁਂ ਤੇ ਸਂਯਮਨ੍ਤਸ੍ਸ ਭੋਗਾ.

ਅਨਰਿਯਮਰਿਯੇਨ ਸਹਸ੍ਸਨੇਤ੍ਤ, ਸੁਦੁਗ੍ਗਤੇਨਾਪਿ ਅਕਿਚ੍ਚਮਾਹੁ;

ਮਾ ਵੋ ਧਨਂ ਤਂ ਅਹੁ ਦੇਵਰਾਜ [ਅਹੁਵਾ ਜਨਿਨ੍ਦ (ਕ. ਸੀ. ਸ੍ਯਾ. ਪੀ.)], ਯਂ ਭੋਗਹੇਤੁ ਵਿਜਹੇਮੁ ਸਦ੍ਧਂ.

ਯੇਨ ਏਕੋ ਰਥੋ ਯਾਤਿ, ਯਾਤਿ ਤੇਨਾਪਰੋ ਰਥੋ;

ਪੋਰਾਣਂ ਨਿਹਿਤਂ ਵਤ੍ਤਂ, ਵਤ੍ਤਤਞ੍ਞੇਵ [ਵਦ੍ਧਂ, ਵਦ੍ਧਤਞ੍ਞੇਵ (ਕ. ਸੀ. ਪੀ.)] ਵਾਸਵ.

ਯਦਿ ¶ ਹੇਸ੍ਸਤਿ ਦਸ੍ਸਾਮ, ਅਸਨ੍ਤੇ ਕਿਂ ਦਦਾਮਸੇ;

ਏਵਂਭੂਤਾਪਿ ਦਸ੍ਸਾਮ, ਮਾ ਦਾਨਂ ਪਮਦਮ੍ਹਸੇਤਿ.

ਕੋਕਿਲਵਗ੍ਗੋ [ਕੋਕਾਲਿਕਵਗ੍ਗੋ (ਕ.)] ਚਤੁਤ੍ਥੋ.

ਅਤਿਵੇਲਪਭਾਸਤਿ ¶ ਜੀਤਵਰੋ, ਵਨਮਜ੍ਝ ਰਥੇਸਭ ਜਿਮ੍ਹਗਮੋ;

ਅਥ ਜਮ੍ਬੁ ਤਿਣਾਸਨਪੀਠਵਰਂ, ਅਥ ਤਣ੍ਡੁਲ ਮੋਰ ਵਿਸਯ੍ਹ ਦਸਾਤਿ.

ਨਰਾਨਮਾਰਾਮਕਰਾਸੁ ਨਾਰਿਸੁ, ਅਨੇਕਚਿਤ੍ਤਾਸੁ ਅਨਿਗ੍ਗਹਾਸੁ ਚ;

ਸਬ੍ਬਤ੍ਥ ਨਾਪੀਤਿਕਰਾਪਿ [ਸਬ੍ਬ’ਤ੍ਤਨਾ’ਪੀਤਿਕਰਾਪਿ (ਸੀ. ਸ੍ਯਾ.)] ਚੇ ਸਿਯਾ [ਸਿਯੁਂ (ਸ੍ਯਾ.)], ਨ ਵਿਸ੍ਸਸੇ ਤਿਤ੍ਥਸਮਾ ਹਿ ਨਾਰਿਯੋ.

ਯਂ ¶ ਵੇ [ਯਞ੍ਚ (ਸ੍ਯਾ. ਕ.)] ਦਿਸ੍ਵਾ ਕਣ੍ਡਰੀਕਿਨ੍ਨਰਾਨਂ [ਕਿਨ੍ਨਰਕਿਨ੍ਨਰੀਨਂ (ਸ੍ਯਾ.), ਕਿਨ੍ਨਰੀਕਿਨ੍ਨਰਾਨਂ (ਕ.)], ਸਬ੍ਬਿਤ੍ਥਿਯੋ ਨ ਰਮਨ੍ਤਿ ਅਗਾਰੇ;

ਤਂ ¶ ਤਾਦਿਸਂ ਮਚ੍ਚਂ ਚਜਿਤ੍ਵਾ ਭਰਿਯਾ, ਅਞ੍ਞਂ ਦਿਸ੍ਵਾ ਪੁਰਿਸਂ ਪੀਠਸਪ੍ਪਿਂ.

ਬਕਸ੍ਸ ਚ ਬਾਵਰਿਕਸ੍ਸ [ਪਾਵਾਰਿਕਸ੍ਸ (ਸੀ.)] ਰਞ੍ਞੋ, ਅਚ੍ਚਨ੍ਤਕਾਮਾਨੁਗਤਸ੍ਸ ਭਰਿਯਾ;

ਅਵਾਚਰੀ [ਅਚ੍ਚਾਚਰਿ (ਸ੍ਯਾ.), ਅਨਾਚਰਿ (ਕ.)] ਪਟ੍ਠਵਸਾਨੁਗਸ੍ਸ [ਬਦ੍ਧਵਸਾਨੁਗਸ੍ਸ (ਸੀ. ਸ੍ਯਾ.), ਪਤ੍ਤਵਸਾਨੁਗਤਸ੍ਸ (ਕ.)], ਕਂ ਵਾਪਿ ਇਤ੍ਥੀ ਨਾਤਿਚਰੇ ਤਦਞ੍ਞਂ.

ਪਿਙ੍ਗਿਯਾਨੀ ਸਬ੍ਬਲੋਕਿਸ੍ਸਰਸ੍ਸ, ਰਞ੍ਞੋ ਪਿਯਾ ਬ੍ਰਹ੍ਮਦਤ੍ਤਸ੍ਸ ਭਰਿਯਾ;

ਅਵਾਚਰੀ ਪਟ੍ਠਵਸਾਨੁਗਸ੍ਸ, ਤਂ ਵਾਪਿ ਸਾ ਨਾਜ੍ਝਗਾ ਕਾਮਕਾਮਿਨੀਤਿ.

ਕਣ੍ਡਰੀਜਾਤਕਂ [ਕਿਨ੍ਨਰੀਜਾਤਕਂ (ਕ. ਸੀ. ਕ.), ਕੁਣ੍ਡਲਿਕਜਾਤਕਂ (ਸ੍ਯਾ.)] ਪਠਮਂ.

ਅਸਕ੍ਖਿਂ ¶ ਵਤ ਅਤ੍ਤਾਨਂ, ਉਦ੍ਧਾਤੁਂ ਉਦਕਾ ਥਲਂ;

ਨ ਦਾਨਾਹਂ ਪੁਨ ਤੁਯ੍ਹਂ, ਵਸਂ ਗਚ੍ਛਾਮਿ ਵਾਰਿਜ.

ਅਲਮੇਤੇਹਿ ਅਮ੍ਬੇਹਿ, ਜਮ੍ਬੂਹਿ ਪਨਸੇਹਿ ਚ;

ਯਾਨਿ ਪਾਰਂ ਸਮੁਦ੍ਦਸ੍ਸ, ਵਰਂ ਮਯ੍ਹਂ ਉਦੁਮ੍ਬਰੋ.

ਯੋ ਚ ਉਪ੍ਪਤਿਤਂ ਅਤ੍ਥਂ, ਨ ਖਿਪ੍ਪਮਨੁਬੁਜ੍ਝਤਿ;

ਅਮਿਤ੍ਤਵਸਮਨ੍ਵੇਤਿ ¶ , ਪਚ੍ਛਾ ਚ ਅਨੁਤਪ੍ਪਤਿ.

ਯੋ ਚ ਉਪ੍ਪਤਿਤਂ ਅਤ੍ਥਂ, ਖਿਪ੍ਪਮੇਵ ਨਿਬੋਧਤਿ;

ਮੁਚ੍ਚਤੇ ਸਤ੍ਤੁਸਮ੍ਬਾਧਾ, ਨ ਚ ਪਚ੍ਛਾਨੁਤਪ੍ਪਤੀਤਿ.

ਅਵਸਿਮ੍ਹ ਤਵਾਗਾਰੇ, ਨਿਚ੍ਚਂ ਸਕ੍ਕਤਪੂਜਿਤਾ;

ਤ੍ਵਮੇਵ ਦਾਨਿਮਕਰਿ, ਹਨ੍ਦ ਰਾਜ ਵਜਾਮਹਂ.

ਯੋ ਵੇ ਕਤੇ ਪਟਿਕਤੇ, ਕਿਬ੍ਬਿਸੇ ਪਟਿਕਿਬ੍ਬਿਸੇ;

ਏਵਂ ਤਂ ਸਮ੍ਮਤੀ ਵੇਰਂ, ਵਸ ਕੁਨ੍ਤਿਨਿ ਮਾਗਮਾ.

ਨ ਕਤਸ੍ਸ ਚ ਕਤ੍ਤਾ ਚ, ਮੇਤ੍ਤਿ [ਮੇਤ੍ਤੀ (ਪੀ.), ਮਿਤ੍ਤੀ (ਕ.)] ਸਨ੍ਧੀਯਤੇ ਪੁਨ;

ਹਦਯਂ ਨਾਨੁਜਾਨਾਤਿ, ਗਚ੍ਛਞ੍ਞੇਵ ਰਥੇਸਭ.

ਕਤਸ੍ਸ ਚੇਵ ਕਤ੍ਤਾ ਚ, ਮੇਤ੍ਤਿ ਸਨ੍ਧੀਯਤੇ ਪੁਨ;

ਧੀਰਾਨਂ ਨੋ ਚ ਬਾਲਾਨਂ, ਵਸ ਕੁਨ੍ਤਿਨਿ ਮਾਗਮਾਤਿ.

ਯੋ ¶ ਨੀਲਿਯਂ ਮਣ੍ਡਯਤਿ, ਸਣ੍ਡਾਸੇਨ ਵਿਹਞ੍ਞਤਿ;

ਤਸ੍ਸ ਸਾ ਵਸਮਨ੍ਵੇਤੁ, ਯਾ ਤੇ ਅਮ੍ਬੇ ਅਵਾਹਰਿ.

ਵੀਸਂ ਵਾ ਪਞ੍ਚਵੀਸਂ [ਪਣ੍ਣੁਵੀਸਂ (ਕ. ਸੀ. ਪੀ.)] ਵਾ, ਊਨਤਿਂਸਂ ਵ ਜਾਤਿਯਾ;

ਤਾਦਿਸਾ ¶ ਪਤਿ ਮਾ ਲਦ੍ਧਾ [ਪਤਿਂ ਮਾ ਲਦ੍ਧਾ (ਪੀ.), ਪਤਿ ਮਾ’ਲਤ੍ਥ (?)], ਯਾ ਤੇ ਅਮ੍ਬੇ ਅਵਾਹਰਿ.

ਦੀਘਂ ¶ ਗਚ੍ਛਤੁ ਅਦ੍ਧਾਨਂ, ਏਕਿਕਾ ਅਭਿਸਾਰਿਕਾ;

ਸਙ੍ਕੇਤੇ ਪਤਿ ਮਾ ਅਦ੍ਦ [ਮਾ ਅਦ੍ਦਸ (ਸੀ. ਪੀ.)], ਯਾ ਤੇ ਅਮ੍ਬੇ ਅਵਾਹਰਿ.

ਅਲਙ੍ਕਤਾ ਸੁਵਸਨਾ, ਮਾਲਿਨੀ ਚਨ੍ਦਨੁਸ੍ਸਦਾ;

ਏਕਿਕਾ ਸਯਨੇ ਸੇਤੁ, ਯਾ ਤੇ ਅਮ੍ਬੇ ਅਵਾਹਰੀਤਿ.

ਅਮ੍ਬਜਾਤਕਂ [ਅਮ੍ਬਚੋਰਜਾਤਕਂ (ਕ. ਸੀ. ਪੀ.)] ਚਤੁਤ੍ਥਂ.

ਵਨਂ ਯਦਗ੍ਗਿ ਦਹਤਿ, ਪਾਵਕੋ ਕਣ੍ਹਵਤ੍ਤਨੀ;

ਕਥਂ ਕਰੋਸਿ ਪਚਲਕ, ਏਵਂ ਦਨ੍ਧਪਰਕ੍ਕਮੋ.

ਬਹੂਨਿ ਰੁਕ੍ਖਛਿਦ੍ਦਾਨਿ, ਪਥਬ੍ਯਾ ਵਿਵਰਾਨਿ ਚ;

ਤਾਨਿ ਚੇ ਨਾਭਿਸਮ੍ਭੋਮ, ਹੋਤਿ ਨੋ ਕਾਲਪਰਿਯਾਯੋ.

ਯੋ ਦਨ੍ਧਕਾਲੇ ਤਰਤਿ, ਤਰਣੀਯੇ ਚ ਦਨ੍ਧਤਿ;

ਸੁਕ੍ਖਪਣ੍ਣਂਵ ਅਕ੍ਕਮ੍ਮ, ਅਤ੍ਥਂ ਭਞ੍ਜਤਿ ਅਤ੍ਤਨੋ.

ਯੋ ਦਨ੍ਧਕਾਲੇ ਦਨ੍ਧੇਤਿ, ਤਰਣੀਯੇ ਚ ਤਾਰਯਿ;

ਸਸੀਵ ਰਤ੍ਤਿਂ ਵਿਭਜਂ, ਤਸ੍ਸਤ੍ਥੋ ਪਰਿਪੂਰਤੀਤਿ.

ਮਨੁਸ੍ਸਿਨ੍ਦਂ ¶ ਜਹਿਤ੍ਵਾਨ, ਸਬ੍ਬਕਾਮਸਮਿਦ੍ਧਿਨਂ;

ਕਥਂ ਨੁ ਭਗਵਾ ਕੇਸੀ, ਕਪ੍ਪਸ੍ਸ ਰਮਤਿ ਅਸ੍ਸਮੇ [ਰਮਤਸ੍ਸਮੇ (ਕ.)].

ਸਾਦੂਨੀ [ਸਾਧੂਨਿ (ਕ. ਸੀ. ਸ੍ਯਾ. ਕ.)] ਰਮਣੀਯਾਨਿ, ਸਨ੍ਤਿ ਵਕ੍ਖਾ ਮਨੋਰਮਾ;

ਸੁਭਾਸਿਤਾਨਿ ਕਪ੍ਪਸ੍ਸ, ਨਾਰਦ ਰਮਯਨ੍ਤਿ ਮਂ.

ਸਾਲੀਨਂ ਓਦਨਂ ਭੁਞ੍ਜੇ, ਸੁਚਿਂ ਮਂਸੂਪਸੇਚਨਂ;

ਕਥਂ ਸਾਮਾਕਨੀਵਾਰਂ, ਅਲੋਣਂ ਛਾਦਯਨ੍ਤਿ ਤਂ.

ਸਾਦੁਂ ¶ ਵਾ [ਅਸਾਦੁਂ (ਪੀ.)] ਯਦਿ ਵਾਸਾਦੁਂ, ਅਪ੍ਪਂ ਵਾ ਯਦਿ ਵਾ ਬਹੁਂ;

ਵਿਸ੍ਸਤ੍ਥੋ ਯਤ੍ਥ ਭੁਞ੍ਜੇਯ੍ਯ, ਵਿਸ੍ਸਾਸਪਰਮਾ ਰਸਾਤਿ.

ਕੇਸਵਜਾਤਕਂ [ਕੇਸੀਜਾਤਕਂ (ਕ.)] ਛਟ੍ਠਂ.

ਸਬ੍ਬਾਯਸਂ ¶ ਕੂਟਮਤਿਪ੍ਪਮਾਣਂ, ਪਗ੍ਗਯ੍ਹ ਯੋ [ਸੋ (ਪੀ.)] ਤਿਟ੍ਠਸਿ ਅਨ੍ਤਲਿਕ੍ਖੇ;

ਰਕ੍ਖਾਯ ਮੇ [ਮਂ (ਸੀ.)] ਤ੍ਵਂ ਵਿਹਿਤੋ ਨੁਸਜ੍ਜ, ਉਦਾਹੁ ਮੇ ਚੇਤਯਸੇ [ਵਾਯਮਸੇ (ਸੀ. ਸ੍ਯਾ.)] ਵਧਾਯ.

ਦੂਤੋ ਅਹਂ ਰਾਜਿਧ ਰਕ੍ਖਸਾਨਂ, ਵਧਾਯ ਤੁਯ੍ਹਂ ਪਹਿਤੋਹਮਸ੍ਮਿ;

ਇਨ੍ਦੋ ¶ ਚ ਤਂ ਰਕ੍ਖਤਿ ਦੇਵਰਾਜਾ, ਤੇਨੁਤ੍ਤਮਙ੍ਗਂ ਨ ਤੇ [ਨ ਹਿ (ਕ. ਸੀ. ਪੀ.), ਤੇ ਨ (ਕ.)] ਫਾਲਯਾਮਿ.

ਸਚੇ ਚ ਮਂ ਰਕ੍ਖਤਿ ਦੇਵਰਾਜਾ, ਦੇਵਾਨਮਿਨ੍ਦੋ ਮਘਵਾ ਸੁਜਮ੍ਪਤਿ;

ਕਾਮਂ ਪਿਸਾਚਾ ਵਿਨਦਨ੍ਤੁ ਸਬ੍ਬੇ, ਨ ਸਨ੍ਤਸੇ ਰਕ੍ਖਸਿਯਾ ਪਜਾਯ.

ਕਾਮਂ ਕਨ੍ਦਨ੍ਤੁ [ਕਨ੍ਤਨ੍ਤੁ (ਕ.), ਕਣ੍ਡਨ੍ਤੁ (ਸ੍ਯਾ.)] ਕੁਮ੍ਭਣ੍ਡਾ, ਸਬ੍ਬੇ ਪਂਸੁਪਿਸਾਚਕਾ;

ਨਾਲਂ ਪਿਸਾਚਾ ਯੁਦ੍ਧਾਯ, ਮਹਤੀ ਸਾ ਵਿਭਿਂਸਿਕਾਤਿ [ਵਿਭੇਸਿਕਾਤਿ (ਸ੍ਯਾ.), ਵਿਹੇਸਿਕਾਤਿ (ਪੀ.)].

ਅਰਞ੍ਞਾ ਗਾਮਮਾਗਮ੍ਮ, ਕਿਂਸੀਲਂ ਕਿਂਵਤਂ ਅਹਂ;

ਪੁਰਿਸਂ ਤਾਤ ਸੇਵੇਯ੍ਯਂ, ਤਂ ਮੇ ਅਕ੍ਖਾਹਿ ਪੁਚ੍ਛਿਤੋ.

ਯੋ ਤਂ ਵਿਸ੍ਸਾਸਯੇ ਤਾਤ, ਵਿਸ੍ਸਾਸਞ੍ਚ ਖਮੇਯ੍ਯ ਤੇ;

ਸੁਸ੍ਸੂਸੀ ਚ ਤਿਤਿਕ੍ਖੀ ਚ, ਤਂ ਭਜੇਹਿ ਇਤੋ [ਤਂ ਭਜੇਯ੍ਯਾਸਿਤੋ (ਕ.)] ਗਤੋ.

ਯਸ੍ਸ ਕਾਯੇਨ ਵਾਚਾਯ, ਮਨਸਾ ਨਤ੍ਥਿ ਦੁਕ੍ਕਟਂ;

ਉਰਸੀਵ ਪਤਿਟ੍ਠਾਯ, ਤਂ ਭਜੇਹਿ ਇਤੋ ਗਤੋ.

ਹਲਿਦ੍ਦਿਰਾਗਂ ¶ ਕਪਿਚਿਤ੍ਤਂ, ਪੁਰਿਸਂ ਰਾਗਵਿਰਾਗਿਨਂ;

ਤਾਦਿਸਂ ¶ ਤਾਤ ਮਾ ਸੇਵਿ, ਨਿਮ੍ਮਨੁਸ੍ਸਮ੍ਪਿ ਚੇ ਸਿਯਾਤਿ.

ਨੇਵ ਇਤ੍ਥੀਸੁ ਸਾਮਞ੍ਞਂ, ਨਾਪਿ ਭਕ੍ਖੇਸੁ ਸਾਰਥਿ;

ਅਥਸ੍ਸ ਸਨ੍ਧਿਭੇਦਸ੍ਸ, ਪਸ੍ਸ ਯਾਵ ਸੁਚਿਨ੍ਤਿਤਂ.

ਅਸਿ ¶ ਤਿਕ੍ਖੋਵ ਮਂਸਮ੍ਹਿ, ਪੇਸੁਞ੍ਞਂ ਪਰਿਵਤ੍ਤਤਿ;

ਯਤ੍ਥੂਸਭਞ੍ਚ ਸੀਹਞ੍ਚ, ਭਕ੍ਖਯਨ੍ਤਿ ਮਿਗਾਧਮਾ.

ਇਮਂ ਸੋ ਸਯਨਂ ਸੇਤਿ, ਯਮਿਮਂ [ਯਯਿਮਂ (ਸੀ. ਪੀ.), ਯਿਮਂ (ਕ.)] ਪਸ੍ਸਸਿ ਸਾਰਥਿ;

ਯੋ ਵਾਚਂ ਸਨ੍ਧਿਭੇਦਸ੍ਸ, ਪਿਸੁਣਸ੍ਸ ਨਿਬੋਧਤਿ.

ਤੇ ਜਨਾ ਸੁਖਮੇਧਨ੍ਤਿ, ਨਰਾ ਸਗ੍ਗਗਤਾਰਿਵ;

ਯੇ ਵਾਚਂ ਸਨ੍ਧਿਭੇਦਸ੍ਸ, ਨਾਵਬੋਧਨ੍ਤਿ ਸਾਰਥੀਤਿ.

ਹਨ੍ਤਿ ਹਤ੍ਥੇਹਿ ਪਾਦੇਹਿ, ਮੁਖਞ੍ਚ ਪਰਿਸੁਮ੍ਭਤਿ;

ਸ ਵੇ ਰਾਜ ਪਿਯੋ ਹੋਤਿ, ਕਂ ਤੇਨ ਤ੍ਵਾਭਿਪਸ੍ਸਸਿ [ਮਭਿਪਸ੍ਸਸਿ (ਸੀ.)].

ਅਕ੍ਕੋਸਤਿ ਯਥਾਕਾਮਂ, ਆਗਮਞ੍ਚਸ੍ਸ ਇਚ੍ਛਤਿ;

ਸ ¶ ਵੇ ਰਾਜ ਪਿਯੋ ਹੋਤਿ, ਕਂ ਤੇਨ ਤ੍ਵਾਭਿਪਸ੍ਸਸਿ.

ਅਬ੍ਭਕ੍ਖਾਤਿ ਅਭੂਤੇਨ, ਅਲਿਕੇਨਾਭਿਸਾਰਯੇ;

ਸ ਵੇ ਰਾਜ ਪਿਯੋ ਹੋਤਿ, ਕਂ ਤੇਨ ਤ੍ਵਾਭਿਪਸ੍ਸਸਿ.

ਹਰਂ ਅਨ੍ਨਞ੍ਚ ਪਾਨਞ੍ਚ, ਵਤ੍ਥਸੇਨਾਸਨਾਨਿ ਚ;

ਅਞ੍ਞਦਤ੍ਥੁਹਰਾ ਸਨ੍ਤਾ, ਤੇ ਵੇ ਰਾਜ ਪਿਯਾ ਹੋਨ੍ਤਿ;

ਨਰਾਨਂ ¶ ਅਸਕ੍ਖਿਵਸਿਮ੍ਹਵਰੋ, ਨੀਲਿਯਮਗ੍ਗਿਵਰਞ੍ਚ ਪੁਨ;

ਪੁਨ ਰਸਾਯਸਕੂਟਵਰੋ, ਤਥਾਰਞ੍ਞ ਸਾਰਥਿ ਹਨ੍ਤਿ ਦਸਾਤਿ.

ਕਾਲਿਙ੍ਗਂ [ਵਿਵਰਂ (ਬਹੂਸੁ)] ਪੁਚਿਮਨ੍ਦਞ੍ਚ, ਕੁਟਿਦੂਸਕ ਕੋਕਿਲਾ [ਕੁਟਿਦੂਸਂ ਬਹੁਭਾਣਕਂ (ਬਹੂਸੁ)];

ਚੂਲ਼ਕੁਣਾਲਵਗ੍ਗੋ ਸੋ, ਪਞ੍ਚਮੋ ਸੁਪ੍ਪਕਾਸਿਤੋਤਿ.

ਜੀਨੋ ¶ ¶ ¶ ਰਥਸ੍ਸਂ ਮਣਿਕੁਣ੍ਡਲੇ ਚ, ਪੁਤ੍ਤੇ ਚ ਦਾਰੇ ਚ ਤਥੇਵ ਜੀਨੋ;

ਸਬ੍ਬੇਸੁ ਭੋਗੇਸੁ ਅਸੇਸਕੇਸੁ [ਅਸੇਸਿਤੇਸੁ (ਸੀ. ਪੀ.), ਅਸੇਸਿਕੇਸੁ (ਕ.)], ਕਸ੍ਮਾ ਨ ਸਨ੍ਤਪ੍ਪਸਿ ਸੋਕਕਾਲੇ.

ਪੁਬ੍ਬੇਵ ਮਚ੍ਚਂ ਵਿਜਹਨ੍ਤਿ ਭੋਗਾ, ਮਚ੍ਚੋ ਵਾ ਤੇ [ਚ ਨੇ (ਪੀ.), ਧਨੇ (ਕ.)] ਪੁਬ੍ਬਤਰਂ ਜਹਾਤਿ;

ਅਸਸ੍ਸਤਾ ਭੋਗਿਨੋ ਕਾਮਕਾਮਿ, ਤਸ੍ਮਾ ਨ ਸੋਚਾਮਹਂ ਸੋਕਕਾਲੇ.

ਉਦੇਤਿ ਆਪੂਰਤਿ ਵੇਤਿ [ਪੂਰੇਤਿ ਖੀਯਤਿ (ਸ੍ਯਾ.)] ਚਨ੍ਦੋ, ਅਤ੍ਥਂ ਤਪੇਤ੍ਵਾਨ [ਅਨ੍ਧਂ ਤਪੇਤ੍ਵਾਨ (ਕ.), ਅਤ੍ਥਙ੍ਗਮੇਤ੍ਵਾਨ (ਸ੍ਯਾ.), ਏਤ੍ਥ ‘‘ਤਪੇਤ੍ਵਾਨ ਅਤ੍ਥਂ ਪਲੇਤੀ’’ਤਿ ਸਮ੍ਬਨ੍ਧੋ] ਪਲੇਤਿ ਸੂਰਿਯੋ;

ਵਿਦਿਤਾ [ਵਿਜਿਤਾ (ਸ੍ਯਾ.)] ਮਯਾ ਸਤ੍ਤੁਕ ਲੋਕਧਮ੍ਮਾ, ਤਸ੍ਮਾ ਨ ਸੋਚਾਮਹਂ ਸੋਕਕਾਲੇ.

ਅਲਸੋ ਗਿਹੀ ਕਾਮਭੋਗੀ ਨ ਸਾਧੁ, ਅਸਞ੍ਞਤੋ ¶ ਪਬ੍ਬਜਿਤੋ ਨ ਸਾਧੁ;

ਰਾਜਾ ਨ ਸਾਧੁ ਅਨਿਸਮ੍ਮਕਾਰੀ, ਯੋ ਪਣ੍ਡਿਤੋ ਕੋਧਨੋ ਤਂ ਨ ਸਾਧੁ.

ਨਿਸਮ੍ਮ ਖਤ੍ਤਿਯੋ ਕਯਿਰਾ, ਨਾਨਿਸਮ੍ਮ ਦਿਸਮ੍ਪਤਿ;

ਨਿਸਮ੍ਮਕਾਰਿਨੋ ਰਾਜ [ਰਞ੍ਞੋ (ਸੀ. ਸ੍ਯਾ.)], ਯਸੋ ਕਿਤ੍ਤਿ ਚ ਵਡ੍ਢਤੀਤਿ.

ਕਿਂ ¶ ਨੁ ਸਨ੍ਤਰਮਾਨੋਵ, ਲਾਯਿਤ੍ਵਾ ਹਰਿਤਂ ਤਿਣਂ;

ਖਾਦ ਖਾਦਾਤਿ ਲਪਸਿ, ਗਤਸਤ੍ਤਂ ਜਰਗ੍ਗਵਂ.

ਨ ਹਿ ਅਨ੍ਨੇਨ ਪਾਨੇਨ, ਮਤੋ ਗੋਣੋ ਸਮੁਟ੍ਠਹੇ;

ਤ੍ਵਞ੍ਚ ਤੁਚ੍ਛਂ ਵਿਲਪਸਿ, ਯਥਾ ਤਂ ਦੁਮ੍ਮਤੀ ਤਥਾ.

ਤਥੇਵ ਤਿਟ੍ਠਤਿ ਸੀਸਂ, ਹਤ੍ਥਪਾਦਾ ਚ ਵਾਲਧਿ;

ਸੋਤਾ ਤਥੇਵ ਤਿਟ੍ਠਨ੍ਤਿ [ਸੋ ਤਾਤ ਤਥੇਵ ਤਿਟ੍ਠਤਿ (ਕ.)], ਮਞ੍ਞੇ ਗੋਣੋ ਸਮੁਟ੍ਠਹੇ.

ਨੇਵਯ੍ਯਕਸ੍ਸ ਸੀਸਞ੍ਚ [ਸੀਸਂ ਵਾ (ਸੀ. ਸ੍ਯਾ. ਪੀ.)], ਹਤ੍ਥਪਾਦਾ ਚ ਦਿਸ੍ਸਰੇ;

ਰੁਦਂ ਮਤ੍ਤਿਕਥੂਪਸ੍ਮਿਂ, ਨਨੁ ਤ੍ਵਞ੍ਞੇਵ ਦੁਮ੍ਮਤਿ.

ਆਦਿਤ੍ਤਂ ¶ ਵਤ ਮਂ ਸਨ੍ਤਂ, ਘਤਸਿਤ੍ਤਂਵ ਪਾਵਕਂ;

ਵਾਰਿਨਾ ਵਿਯ ਓਸਿਞ੍ਚਂ [ਓਸਿਞ੍ਚਿ (ਕ.)], ਸਬ੍ਬਂ ਨਿਬ੍ਬਾਪਯੇ ਦਰਂ.

ਅਬ੍ਬਹੀ [ਅਬ੍ਬੂਲ਼੍ਹਂ (ਸੀ. ਸ੍ਯਾ.), ਅਬ੍ਭੂਲ਼੍ਹਂ (ਕ.)] ਵਤ ਮੇ ਸਲ੍ਲਂ, ਯਮਾਸਿ ਹਦਯਸ੍ਸਿਤਂ [ਸੋਕਂ ਹਦਯਨਿਸ੍ਸਿਤਂ (ਸੀ. ਸ੍ਯਾ.)];

ਯੋ ¶ ਮੇ ਸੋਕਪਰੇਤਸ੍ਸ, ਪਿਤੁ ਸੋਕਂ ਅਪਾਨੁਦਿ.

ਸੋਹਂ ਅਬ੍ਬੂਲ਼੍ਹਸਲ੍ਲੋਸ੍ਮਿ, ਵੀਤਸੋਕੋ ਅਨਾਵਿਲੋ;

ਨ ਸੋਚਾਮਿ ਨ ਰੋਦਾਮਿ, ਤਵ ਸੁਤ੍ਵਾਨ ਮਾਣਵ.

ਏਵਂ ਕਰੋਨ੍ਤਿ ਸਪ੍ਪਞ੍ਞਾ, ਯੇ ਹੋਨ੍ਤਿ ਅਨੁਕਮ੍ਪਕਾ;

ਵਿਨਿਵਤ੍ਤੇਨ੍ਤਿ ਸੋਕਮ੍ਹਾ, ਸੁਜਾਤੋ ਪਿਤਰਂ ਯਥਾਤਿ.

ਨਯਿਦਂ ਨਿਚ੍ਚਂ ਭਵਿਤਬ੍ਬਂ ਬ੍ਰਹ੍ਮਦਤ੍ਤ, ਖੇਮਂ ਸੁਭਿਕ੍ਖਂ ਸੁਖਤਾ ਚ ਕਾਯੇ;

ਅਤ੍ਥਚ੍ਚਯੇ ਮਾ ਅਹੁ ਸਮ੍ਪਮੂਲ਼੍ਹੋ, ਭਿਨ੍ਨਪ੍ਲਵੋ ਸਾਗਰਸ੍ਸੇਵ ਮਜ੍ਝੇ.

ਯਾਨਿ ¶ ਕਰੋਤਿ ਪੁਰਿਸੋ, ਤਾਨਿ ਅਤ੍ਤਨਿ ਪਸ੍ਸਤਿ;

ਕਲ੍ਯਾਣਕਾਰੀ ਕਲ੍ਯਾਣਂ, ਪਾਪਕਾਰੀ ਚ ਪਾਪਕਂ;

ਯਾਦਿਸਂ ਵਪਤੇ ਬੀਜਂ, ਤਾਦਿਸਂ ਹਰਤੇ ਫਲਂ.

ਇਦਂ ਤਦਾਚਰਿਯਵਚੋ, ਪਾਰਾਸਰਿਯੋ ਯਦਬ੍ਰਵਿ;

ਮਾ ਸੁ [ਮਾ ਸ੍ਸੁ (ਸੀ. ਸ੍ਯਾ. ਪੀ.)] ਤ੍ਵਂ ਅਕਰਿ ਪਾਪਂ, ਯਂ ਤ੍ਵਂ ਪਚ੍ਛਾ ਕਤਂ ਤਪੇ.

ਅਯਮੇਵ ਸੋ ਪਿਙ੍ਗਿਯ [ਸੋ ਪਿਙ੍ਗਿਯੋ (ਸ੍ਯਾ.), ਸੋਪਿ ਭਿਯ੍ਯੋ (ਕ.)] ਵੇਨਸਾਖੋ, [ਧੋਨਸਾਖੋ (ਕ. ਸੀ. ਪੀ.)] ਯਮ੍ਹਿ ¶ ਘਾਤਯਿਂ ਖਤ੍ਤਿਯਾਨਂ ਸਹਸ੍ਸਂ;

ਅਲਙ੍ਕਤੇ ਚਨ੍ਦਨਸਾਰਾਨੁਲਿਤ੍ਤੇ, ਤਮੇਵ ਦੁਕ੍ਖਂ ਪਚ੍ਚਾਗਤਂ ਮਮਂ.

ਸਾਮਾ ਚ [ਸਾਮਾਪਿ (ਸੀ. ਸ੍ਯਾ.)] ਖੋ ਚਨ੍ਦਨਲਿਤ੍ਤਗਤ੍ਤਾ [ਗਤ੍ਤੀ (ਕ. ਸੀ. ਸ੍ਯਾ. ਪੀ.)], ਲਟ੍ਠੀਵ ਸੋਭਞ੍ਜਨਕਸ੍ਸ ਉਗ੍ਗਤਾ;

ਅਦਿਸ੍ਵਾ [ਅਦਿਸ੍ਵਾਵ (ਸੀ.)] ਕਾਲਂ ਕਰਿਸ੍ਸਾਮਿ ਉਬ੍ਬਰਿਂ, ਤਂ ਮੇ ਇਤੋ ਦੁਕ੍ਖਤਰਂ ਭਵਿਸ੍ਸਤੀਤਿ.

ਵੇਨਸਾਖਜਾਤਕਂ [ਧੋਨਸਾਖਜਾਤਕਂ (ਕ. ਸੀ. ਪੀ.)] ਤਤਿਯਂ.

ਉਰਗੋਵ ਤਚਂ ਜਿਣ੍ਣਂ, ਹਿਤ੍ਵਾ ਗਚ੍ਛਤਿ ਸਂ ਤਨੁਂ;

ਏਵਂ ਸਰੀਰੇ ਨਿਬ੍ਭੋਗੇ, ਪੇਤੇ ਕਾਲਙ੍ਕਤੇ ਸਤਿ.

ਡਯ੍ਹਮਾਨੋ ਨ ਜਾਨਾਤਿ, ਞਾਤੀਨਂ ਪਰਿਦੇਵਿਤਂ;

ਤਸ੍ਮਾ ਏਤਂ ਨ ਸੋਚਾਮਿ, ਗਤੋ ਸੋ ਤਸ੍ਸ ਯਾ ਗਤਿ.

ਅਨਵ੍ਹਿਤੋ ¶ ਤਤੋ ਆਗਾ, ਅਨਨੁਞ੍ਞਾਤੋ [ਨਾਨੁਞ੍ਞਾਤੋ (ਕ.)] ਇਤੋ ਗਤੋ;

ਯਥਾਗਤੋ ਤਥਾ ਗਤੋ, ਤਤ੍ਥ ਕਾ ਪਰਿਦੇਵਨਾ.

ਡਯ੍ਹਮਾਨੋ ਨ ਜਾਨਾਤਿ, ਞਾਤੀਨਂ ਪਰਿਦੇਵਿਤਂ;

ਤਸ੍ਮਾ ਏਤਂ ਨ ਸੋਚਾਮਿ, ਗਤੋ ਸੋ ਤਸ੍ਸ ਯਾ ਗਤਿ.

ਸਚੇ ਰੋਦੇ ਕਿਸਾ [ਕਿਸੀ (ਪੀ.)] ਅਸ੍ਸਂ, ਤਸ੍ਸਾ ਮੇ ਕਿਂ ਫਲਂ ਸਿਯਾ;

ਞਾਤਿਮਿਤ੍ਤਸੁਹਜ੍ਜਾਨਂ ¶ , ਭਿਯ੍ਯੋ ਨੋ ਅਰਤੀ ਸਿਯਾ.

ਡਯ੍ਹਮਾਨੋ ¶ ਨ ਜਾਨਾਤਿ, ਞਾਤੀਨਂ ਪਰਿਦੇਵਿਤਂ;

ਤਸ੍ਮਾ ਏਤਂ ਨ ਸੋਚਾਮਿ, ਗਤੋ ਸੋ ਤਸ੍ਸ ਯਾ ਗਤਿ.

ਯਥਾਪਿ ਦਾਰਕੋ ਚਨ੍ਦਂ, ਗਚ੍ਛਨ੍ਤਮਨੁਰੋਦਤਿ;

ਏਵਂ ਸਮ੍ਪਦਮੇਵੇਤਂ, ਯੋ ਪੇਤਮਨੁਸੋਚਤਿ.

ਡਯ੍ਹਮਾਨੋ ਨ ਜਾਨਾਤਿ, ਞਾਤੀਨਂ ਪਰਿਦੇਵਿਤਂ;

ਤਸ੍ਮਾ ਏਤਂ ਨ ਸੋਚਾਮਿ, ਗਤੋ ਸੋ ਤਸ੍ਸ ਯਾ ਗਤਿ.

ਯਥਾਪਿ ਉਦਕਕੁਮ੍ਭੋ, ਭਿਨ੍ਨੋ ਅਪ੍ਪਟਿਸਨ੍ਧਿਯੋ;

ਏਵਂ ਸਮ੍ਪਦਮੇਵੇਤਂ, ਯੋ ਪੇਤਮਨੁਸੋਚਤਿ.

ਡਯ੍ਹਮਾਨੋ ਨ ਜਾਨਾਤਿ, ਞਾਤੀਨਂ ਪਰਿਦੇਵਿਤਂ;

ਤਸ੍ਮਾ ਏਤਂ ਨ ਸੋਚਾਮਿ, ਗਤੋ ਸੋ ਤਸ੍ਸ ਯਾ ਗਤੀਤਿ.

ਅਞ੍ਞੇ ਸੋਚਨ੍ਤਿ ਰੋਦਨ੍ਤਿ, ਅਞ੍ਞੇ ਅਸ੍ਸੁਮੁਖਾ ਜਨਾ;

ਪਸਨ੍ਨਮੁਖਵਣ੍ਣੋਸਿ, ਕਸ੍ਮਾ ਘਟ [ਘਤ (ਸੀ. ਪੀ.)] ਨ ਸੋਚਸਿ.

ਨਾਬ੍ਭਤੀਤਹਰੋ ਸੋਕੋ, ਨਾਨਾਗਤਸੁਖਾਵਹੋ;

ਤਸ੍ਮਾ ਧਙ੍ਕ [ਵਂਕ (ਪੀ.)] ਨ ਸੋਚਾਮਿ, ਨਤ੍ਥਿ ਸੋਕੇ ਦੁਤੀਯਤਾ [ਸੋਕੋ ਦੁਤੀਯਕਾ (ਕ.)].

ਸੋਚਂ ਪਣ੍ਡੁ ਕਿਸੋ ਹੋਤਿ, ਭਤ੍ਤਞ੍ਚਸ੍ਸ ਨ ਰੁਚ੍ਚਤਿ;

ਅਮਿਤ੍ਤਾ ਸੁਮਨਾ ਹੋਨ੍ਤਿ, ਸਲ੍ਲਵਿਦ੍ਧਸ੍ਸ ਰੁਪ੍ਪਤੋ.

ਗਾਮੇ ¶ ਵਾ ਯਦਿ ਵਾਰਞ੍ਞੇ, ਨਿਨ੍ਨੇ ਵਾ ਯਦਿ ਵਾ ਥਲੇ;

ਠਿਤਂ ਮਂ ਨਾਗਮਿਸ੍ਸਤਿ, ਏਵਂ ਦਿਟ੍ਠਪਦੋ ਅਹਂ.

ਯਸ੍ਸਤ੍ਤਾ ਨਾਲਮੇਕੋਵ, ਸਬ੍ਬਕਾਮਰਸਾਹਰੋ;

ਸਬ੍ਬਾਪਿ ਪਥਵੀ ਤਸ੍ਸ, ਨ ਸੁਖਂ ਆਵਹਿਸ੍ਸਤੀਤਿ.

ਏਕੋ ¶ ¶ ਅਰਞ੍ਞੇ ਗਿਰਿਕਨ੍ਦਰਾਯਂ, ਪਗ੍ਗਯ੍ਹ ਪਗ੍ਗਯ੍ਹ ਸਿਲਂ ਪਵੇਚ੍ਛਸਿ [ਪਵੇਜ੍ਝਸਿ (ਸ੍ਯਾ. ਸੀ. ਅਟ੍ਠ.)];

ਪੁਨਪ੍ਪੁਨਂ ਸਨ੍ਤਰਮਾਨਰੂਪੋ, ਕੋਰਣ੍ਡਿਯ [ਕਾਰਣ੍ਡਿਯ (ਸੀ. ਸ੍ਯਾ. ਪੀ.)] ਕੋ ਨੁ ਤਵ ਯਿਧਤ੍ਥੋ.

ਅਹਞ੍ਹਿਮਂ ਸਾਗਰ ਸੇਵਿਤਨ੍ਤਂ, ਸਮਂ ਕਰਿਸ੍ਸਾਮਿ ਯਥਾਪਿ ਪਾਣਿ;

ਵਿਕਿਰਿਯ ਸਾਨੂਨਿ ਚ ਪਬ੍ਬਤਾਨਿ ਚ, ਤਸ੍ਮਾ ਸਿਲਂ ਦਰਿਯਾ ਪਕ੍ਖਿਪਾਮਿ.

ਨਯਿਮਂ ਮਹਿਂ ਅਰਹਤਿ ਪਾਣਿਕਪ੍ਪਂ, ਸਮਂ ਮਨੁਸ੍ਸੋ ਕਰਣਾਯ ਮੇਕੋ;

ਮਞ੍ਞਾਮਿਮਞ੍ਞੇਵ ਦਰਿਂ ਜਿਗੀਸਂ [ਜਿਗਿਂਸਂ (ਸੀ. ਸ੍ਯਾ. ਪੀ.)], ਕੋਰਣ੍ਡਿਯ ¶ ਹਾਹਸਿ [ਹਾਯਸਿ (ਸ੍ਯਾ. ਕ.)] ਜੀਵਲੋਕਂ.

ਸਚੇ ਅਹਂ [ਅਯਂ (ਸੀ. ਸ੍ਯਾ. ਪੀ.)] ਭੂਤਧਰਂ ਨ ਸਕ੍ਕਾ [ਸਕ੍ਕੋ (ਸ੍ਯਾ. ਕ.)], ਸਮਂ ਮਨੁਸ੍ਸੋ ਕਰਣਾਯ ਮੇਕੋ;

ਏਵਮੇਵ ਤ੍ਵਂ ਬ੍ਰਹ੍ਮੇ ਇਮੇ ਮਨੁਸ੍ਸੇ, ਨਾਨਾਦਿਟ੍ਠਿਕੇ ਨਾਨਯਿਸ੍ਸਸਿ ਤੇ [ਨੇ (ਕ.)].

ਸਙ੍ਖਿਤ੍ਤਰੂਪੇਨ ਭਵਂ ਮਮਤ੍ਥਂ, ਅਕ੍ਖਾਸਿ ਕੋਰਣ੍ਡਿਯ ਏਵਮੇਤਂ;

ਯਥਾ ਨ ਸਕ੍ਕਾ ਪਥਵੀ ਸਮਾਯਂ, ਕਤ੍ਤੁਂ ਮਨੁਸ੍ਸੇਨ ਤਥਾ ਮਨੁਸ੍ਸਾਤਿ.

ਵਨ੍ਦਾਮਿ ਤਂ ਕੁਞ੍ਜਰ ਸਟ੍ਠਿਹਾਯਨਂ, ਆਰਞ੍ਞਕਂ ਯੂਥਪਤਿਂ ਯਸਸ੍ਸਿਂ;

ਪਕ੍ਖੇਹਿ ਤਂ ਪਞ੍ਜਲਿਕਂ ਕਰੋਮਿ, ਮਾ ਮੇ ਵਧੀ ਪੁਤ੍ਤਕੇ ਦੁਬ੍ਬਲਾਯ.

ਵਨ੍ਦਾਮਿ ¶ ਤਂ ਕੁਞ੍ਜਰ ਏਕਚਾਰਿਂ, ਆਰਞ੍ਞਕਂ ਪਬ੍ਬਤਸਾਨੁਗੋਚਰਂ;

ਪਕ੍ਖੇਹਿ ਤਂ ਪਞ੍ਜਲਿਕਂ ਕਰੋਮਿ, ਮਾ ¶ ਮੇ ਵਧੀ ਪੁਤ੍ਤਕੇ ਦੁਬ੍ਬਲਾਯ;

ਵਮਿਸ੍ਸਾਮਿ ਤੇ ਲਟੁਕਿਕੇ ਪੁਤ੍ਤਕਾਨਿ, ਕਿਂ ਮੇ ਤੁਵਂ ਕਾਹਸਿ ਦੁਬ੍ਬਲਾਸਿ;

ਸਤਂ ਸਹਸ੍ਸਾਨਿਪਿ ਤਾਦਿਸੀਨਂ, ਵਾਮੇਨ ਪਾਦੇਨ ਪਪੋਥਯੇਯ੍ਯਂ.

ਨ ਹੇਵ ਸਬ੍ਬਤ੍ਥ ਬਲੇਨ ਕਿਚ੍ਚਂ, ਬਲਞ੍ਹਿ ਬਾਲਸ੍ਸ ਵਧਾਯ ਹੋਤਿ;

ਕਰਿਸ੍ਸਾਮਿ ਤੇ ਨਾਗਰਾਜਾ ਅਨਤ੍ਥਂ, ਯੋ ਮੇ ਵਧੀ ਪੁਤ੍ਤਕੇ ਦੁਬ੍ਬਲਾਯ.

ਕਾਕਞ੍ਚ ਪਸ੍ਸ ਲਟੁਕਿਕਂ, ਮਣ੍ਡੂਕਂ ਨੀਲਮਕ੍ਖਿਕਂ;

ਏਤੇ ਨਾਗਂ ਅਘਾਤੇਸੁਂ, ਪਸ੍ਸ ਵੇਰਸ੍ਸ ਵੇਰਿਨਂ;

ਤਸ੍ਮਾ ਹਿ ਵੇਰਂ ਨ ਕਯਿਰਾਥ, ਅਪ੍ਪਿਯੇਨਪਿ ਕੇਨਚੀਤਿ.

ਅਹਮੇਵ ¶ ਦੂਸਿਯਾ ਭੂਨਹਤਾ, ਰਞ੍ਞੋ ਮਹਾਪਤਾਪਸ੍ਸ;

ਏਤਂ ਮੁਞ੍ਚਤੁ ਧਮ੍ਮਪਾਲਂ, ਹਤ੍ਥੇ ਮੇ ਦੇਵ ਛੇਦੇਹਿ.

ਅਹਮੇਵ ਦੂਸਿਯਾ ਭੂਨਹਤਾ, ਰਞ੍ਞੋ ਮਹਾਪਤਾਪਸ੍ਸ;

ਏਤਂ ਮੁਞ੍ਚਤੁ ਧਮ੍ਮਪਾਲਂ, ਪਾਦੇ ਮੇ ਦੇਵ ਛੇਦੇਹਿ.

ਅਹਮੇਵ ਦੂਸਿਯਾ ਭੂਨਹਤਾ, ਰਞ੍ਞੋ ਮਹਾਪਤਾਪਸ੍ਸ;

ਏਤਂ ¶ ਮੁਞ੍ਚਤੁ ਧਮ੍ਮਪਾਲਂ, ਸੀਸਂ ਮੇ ਦੇਵ ਛੇਦੇਹਿ.

ਨ ਹਿ [ਨਹ (ਸੀ. ਸ੍ਯਾ. ਪੀ.) ਏਤ੍ਥ ਹ-ਕਾਰੋ ਖੇਦੇ] ਨੂਨਿਮਸ੍ਸ ਰਞ੍ਞੋ, ਮਿਤ੍ਤਾਮਚ੍ਚਾ ਚ ਵਿਜ੍ਜਰੇ ਸੁਹਦਾ;

ਯੇ ਨ ਵਦਨ੍ਤਿ ਰਾਜਾਨਂ, ਮਾ ਘਾਤਯਿ ਓਰਸਂ ਪੁਤ੍ਤਂ.

ਨ ਹਿ [ਨਹ (ਸੀ. ਸ੍ਯਾ. ਪੀ.) ਏਤ੍ਥ ਹ-ਕਾਰੋ ਖੇਦੇ] ਨੂਨਿਮਸ੍ਸ ਰਞ੍ਞੋ, ਞਾਤੀ ਮਿਤ੍ਤਾ ਚ ਵਿਜ੍ਜਰੇ ਸੁਹਦਾ;

ਯੇ ਨ ਵਦਨ੍ਤਿ ਰਾਜਾਨਂ, ਮਾ ਘਾਤਯਿ ਅਤ੍ਰਜਂ ਪੁਤ੍ਤਂ.

ਚਨ੍ਦਨਸਾਰਾਨੁਲਿਤ੍ਤਾ ¶ , ਬਾਹਾ ਛਿਜ੍ਜਨ੍ਤਿ ਧਮ੍ਮਪਾਲਸ੍ਸ;

ਦਾਯਾਦਸ੍ਸ ਪਥਬ੍ਯਾ, ਪਾਣਾ ਮੇ ਦੇਵ ਰੁਜ੍ਝਨ੍ਤੀਤਿ.

ਵਿਕ੍ਕਮ ਰੇ ਹਰਿਪਾਦ [ਮਹਾਮਿਗ (ਸੀ. ਸ੍ਯਾ. ਪੀ.)], ਵਿਕ੍ਕਮ ਰੇ ਮਹਾਮਿਗ [ਹਰੀਪਦ (ਸੀ. ਸ੍ਯਾ. ਪੀ.)];

ਛਿਨ੍ਦ ਵਾਰਤ੍ਤਿਕਂ ਪਾਸਂ, ਨਾਹਂ ਏਕਾ ਵਨੇ ਰਮੇ.

ਵਿਕ੍ਕਮਾਮਿ ਨ ਪਾਰੇਮਿ, ਭੂਮਿਂ ਸੁਮ੍ਭਾਮਿ ਵੇਗਸਾ;

ਦਲ਼੍ਹੋ ਵਾਰਤ੍ਤਿਕੋ ਪਾਸੋ, ਪਾਦਂ ਮੇ ਪਰਿਕਨ੍ਤਤਿ.

ਅਤ੍ਥਰਸ੍ਸੁ ਪਲਾਸਾਨਿ, ਅਸਿਂ ਨਿਬ੍ਬਾਹ ਲੁਦ੍ਦਕ;

ਪਠਮਂ ਮਂ ਵਧਿਤ੍ਵਾਨ, ਹਨ ਪਚ੍ਛਾ ਮਹਾਮਿਗਂ.

ਨ ਮੇ ਸੁਤਂ ਵਾ ਦਿਟ੍ਠਂ ਵਾ, ਭਾਸਨ੍ਤਿਂ ਮਾਨੁਸਿਂ ਮਿਗਿਂ [ਨ ਮੇ ਸੁਤਾ ਵਾ ਦਿਟ੍ਠਾ ਵਾ, ਭਾਸਨ੍ਤੀ ਮਾਨੁਸਿਂ ਮਿਗੀ (ਟੀਕਾ)];

ਤ੍ਵਞ੍ਚ ਭਦ੍ਦੇ ਸੁਖੀ ਹੋਹਿ, ਏਸੋ ਚਾਪਿ ਮਹਾਮਿਗੋ.

ਏਵਂ ਲੁਦ੍ਦਕ ਨਨ੍ਦਸ੍ਸੁ, ਸਹ ਸਬ੍ਬੇਹਿ ਞਾਤਿਭਿ;

ਯਥਾਹਮਜ੍ਜ ¶ ਨਨ੍ਦਾਮਿ, ਮੁਤ੍ਤਂ ਦਿਸ੍ਵਾ ਮਹਾਮਿਗਨ੍ਤਿ.

ਵਾਤਿ ¶ ਗਨ੍ਧੋ ਤਿਮਿਰਾਨਂ, ਕੁਸਮੁਦ੍ਦੋ ਚ [ਵ (ਸ੍ਯਾ. ਪੀ.)] ਘੋਸਵਾ;

ਦੂਰੇ ਇਤੋ ਸੁਯੋਨਨ੍ਦੀ [ਇਤੋ ਹਿ ਸੁਸਨ੍ਦੀ (ਸੀ. ਸ੍ਯਾ.), ਇਤੋਪਿ ਸੁਸ੍ਸੋਨ੍ਦੀ (ਪੀ.)], ਤਮ੍ਬਕਾਮਾ ਤੁਦਨ੍ਤਿ ਮਂ.

ਕਥਂ ਸਮੁਦ੍ਦਮਤਰਿ, ਕਥਂ ਅਦ੍ਦਕ੍ਖਿ ਸੇਦੁਮਂ [ਸੇਰੁਮਂ (ਸੀ. ਸ੍ਯਾ. ਪੀ.)];

ਕਥਂ ਤਸ੍ਸਾ ਚ ਤੁਯ੍ਹਞ੍ਚ, ਅਹੁ ਸਗ੍ਗ [ਅਗ੍ਗ (ਸੀ. ਸ੍ਯਾ.)] ਸਮਾਗਮੋ.

ਕੁਰੁਕਚ੍ਛਾ [ਭਰੁਕਚ੍ਛਾ (ਸੀ. ਸ੍ਯਾ. ਪੀ.)] ਪਯਾਤਾਨਂ, ਵਾਣਿਜਾਨਂ ਧਨੇਸਿਨਂ;

ਮਕਰੇਹਿ ਅਭਿਦਾ [ਮਕਰੇਹਿਬ੍ਭਿਦਾ (ਸੀ.), ਮਕਰੇਹਿ’ਭਿਦਾ (ਸ੍ਯਾ.), ਮਕਰੇਹਿ ਭਿਨ੍ਨਾ (ਪੀ.)] ਨਾਵਾ, ਫਲਕੇਨਾਹਮਪ੍ਲਵਿਂ.

ਸਾ ¶ ਮਂ ਸਣ੍ਹੇਨ ਮੁਦੁਨਾ, ਨਿਚ੍ਚਂ ਚਨ੍ਦਨਗਨ੍ਧਿਨੀ;

ਅਙ੍ਗੇਨ [ਅਙ੍ਕੇਨ (ਪੀ. ਕ.)] ਉਦ੍ਧਰੀ ਭਦ੍ਦਾ, ਮਾਤਾ ਪੁਤ੍ਤਂਵ ਓਰਸਂ.

ਸਾ ਮਂ ਅਨ੍ਨੇਨ ਪਾਨੇਨ, ਵਤ੍ਥੇਨ ਸਯਨੇਨ ਚ;

ਅਤ੍ਤਨਾਪਿ ਚ ਮਨ੍ਦਕ੍ਖੀ, ਏਵਂ ਤਮ੍ਬ ਵਿਜਾਨਾਹੀਤਿ.

ਅਥ ਜਿਨਵਰੋ ਹਰਿਤਂ ਤਿਣਕੋ, ਅਥ ¶ ਭਿਨ੍ਨਪ੍ਲਵੋ ਉਰਗੋਵ ਘਟੋ;

ਦਰਿਯਾ ਪੁਨ ਕੁਞ੍ਜਰ ਭੂਨਹਤਾ, ਮਿਗਮੁਤ੍ਤਮਸਗ੍ਗਵਰੇਨ ਦਸਾਤਿ.

ਵਣ੍ਣਾਰੋਹੇਨ ਜਾਤਿਯਾ, ਬਲਨਿਕ੍ਕਮਨੇਨ ਚ;

ਸੁਬਾਹੁ ਨ ਮਯਾ ਸੇਯ੍ਯੋ, ਸੁਦਾਠ ਇਤਿ ਭਾਸਸਿ.

ਵਣ੍ਣਾਰੋਹੇਨ ਜਾਤਿਯਾ, ਬਲਨਿਕ੍ਕਮਨੇਨ ਚ;

ਸੁਦਾਠੋ ਨ ਮਯਾ ਸੇਯ੍ਯੋ, ਸੁਬਾਹੁ ਇਤਿ ਭਾਸਸਿ.

ਏਵਂ ਚੇ ਮਂ ਵਿਹਰਨ੍ਤਂ, ਸੁਬਾਹੁ ਸਮ੍ਮ ਦੁਬ੍ਭਸਿ;

ਨ ਦਾਨਾਹਂ ਤਯਾ ਸਦ੍ਧਿਂ, ਸਂਵਾਸਮਭਿਰੋਚਯੇ.

ਯੋ ¶ ਪਰੇਸਂ ਵਚਨਾਨਿ, ਸਦ੍ਦਹੇਯ੍ਯ [ਸਦ੍ਦਹੇਥ (ਸੀ. ਸ੍ਯਾ. ਪੀ.)] ਯਥਾਤਥਂ;

ਖਿਪ੍ਪਂ ਭਿਜ੍ਜੇਥ ਮਿਤ੍ਤਸ੍ਮਿਂ, ਵੇਰਞ੍ਚ ਪਸਵੇ ਬਹੁਂ.

ਨ ¶ ਸੋ ਮਿਤ੍ਤੋ ਯੋ ਸਦਾ ਅਪ੍ਪਮਤ੍ਤੋ, ਭੇਦਾਸਙ੍ਕੀ ਰਨ੍ਧਮੇਵਾਨੁਪਸ੍ਸੀ;

ਯਸ੍ਮਿਞ੍ਚ ਸੇਤੀ ਉਰਸੀਵ ਪੁਤ੍ਤੋ, ਸ ਵੇ ਮਿਤ੍ਤੋ ਯੋ ਅਭੇਜ੍ਜੋ ਪਰੇਹੀਤਿ.

ਸੀਲਂ ¶ ਸੇਯ੍ਯੋ ਸੁਤਂ ਸੇਯ੍ਯੋ, ਇਤਿ ਮੇ ਸਂਸਯੋ ਅਹੁ;

ਸੀਲਮੇਵ ਸੁਤਾ ਸੇਯ੍ਯੋ, ਇਤਿ ਮੇ ਨਤ੍ਥਿ ਸਂਸਯੋ.

ਮੋਘਾ ਜਾਤਿ ਚ ਵਣ੍ਣੋ ਚ, ਸੀਲਮੇਵ ਕਿਰੁਤ੍ਤਮਂ;

ਸੀਲੇਨ ਅਨੁਪੇਤਸ੍ਸ, ਸੁਤੇਨਤ੍ਥੋ ਨ ਵਿਜ੍ਜਤਿ.

ਖਤ੍ਤਿਯੋ ਚ ਅਧਮ੍ਮਟ੍ਠੋ, ਵੇਸ੍ਸੋ ਚਾਧਮ੍ਮਨਿਸ੍ਸਿਤੋ;

ਤੇ ਪਰਿਚ੍ਚਜ੍ਜੁਭੋ ਲੋਕੇ, ਉਪਪਜ੍ਜਨ੍ਤਿ ਦੁਗ੍ਗਤਿਂ.

ਖਤ੍ਤਿਯਾ ਬ੍ਰਾਹ੍ਮਣਾ ਵੇਸ੍ਸਾ, ਸੁਦ੍ਦਾ ਚਣ੍ਡਾਲਪੁਕ੍ਕੁਸਾ;

ਇਧ ਧਮ੍ਮਂ ਚਰਿਤ੍ਵਾਨ, ਭਵਨ੍ਤਿ ਤਿਦਿਵੇ ਸਮਾ.

ਨ ਵੇਦਾ ਸਮ੍ਪਰਾਯਾਯ, ਨ ਜਾਤਿ ਨਾਪਿ [ਨੋਪਿ (ਪੀ.)] ਬਨ੍ਧਵਾ;

ਸਕਞ੍ਚ ਸੀਲਂ ਸਂਸੁਦ੍ਧਂ, ਸਮ੍ਪਰਾਯਾਯ ਸੁਖਾਯ ਚਾਤਿ [ਸੁਖਾਵਹਨ੍ਤਿ (ਸੀ. ਸ੍ਯਾ.)].

ਹਿਰਿਂ ਤਰਨ੍ਤਂ ਵਿਜਿਗੁਚ੍ਛਮਾਨਂ, ਤਵਾਹਮਸ੍ਮੀ ਇਤਿ ਭਾਸਮਾਨਂ;

ਸੇਯ੍ਯਾਨਿ ਕਮ੍ਮਾਨਿ ਅਨਾਦਿਯਨ੍ਤਂ, ਨੇਸੋ ਮਮਨ੍ਤਿ ਇਤਿ ਨਂ ਵਿਜਞ੍ਞਾ.

ਯਞ੍ਹਿ ਕਯਿਰਾ ਤਞ੍ਹਿ ਵਦੇ, ਯਂ ਨ ਕਯਿਰਾ ਨ ਤਂ ਵਦੇ;

ਅਕਰੋਨ੍ਤਂ ¶ ਭਾਸਮਾਨਂ, ਪਰਿਜਾਨਨ੍ਤਿ ਪਣ੍ਡਿਤਾ.

ਨ ¶ ਸੋ ਮਿਤ੍ਤੋ ਯੋ ਸਦਾ ਅਪ੍ਪਮਤ੍ਤੋ, ਭੇਦਾਸਙ੍ਕੀ ਰਨ੍ਧਮੇਵਾਨੁਪਸ੍ਸੀ;

ਯਸ੍ਮਿਞ੍ਚ ਸੇਤੀ ਉਰਸੀਵ ਪੁਤ੍ਤੋ, ਸ ਵੇ ਮਿਤ੍ਤੋ ਯੋ ਅਭੇਜ੍ਜੋ ਪਰੇਹਿ.

ਪਾਮੋਜ੍ਜਕਰਣਂ ਠਾਨਂ, ਪਸਂਸਾਵਹਨਂ ਸੁਖਂ;

ਫਲਾਨਿਸਂਸੋ ਭਾਵੇਤਿ, ਵਹਨ੍ਤੋ ਪੋਰਿਸਂ ਧੁਰਂ.

ਪਵਿਵੇਕਰਸਂ ¶ ਪਿਤ੍ਵਾ, ਰਸਂ ਉਪਸਮਸ੍ਸ ਚ;

ਨਿਦ੍ਦਰੋ ਹੋਤਿ ਨਿਪ੍ਪਾਪੋ, ਧਮ੍ਮਪ੍ਪੀਤਿਰਸਂ ਪਿਵਨ੍ਤਿ.

ਕੋ ਨੁ ਸਨ੍ਤਮ੍ਹਿ ਪਜ੍ਜੋਤੇ, ਅਗ੍ਗਿਪਰਿਯੇਸਨਂ ਚਰਂ;

ਅਦ੍ਦਕ੍ਖਿ ਰਤ੍ਤਿ [ਰਤ੍ਤਿਂ (ਸ੍ਯਾ.)] ਖਜ੍ਜੋਤਂ, ਜਾਤਵੇਦਂ ਅਮਞ੍ਞਥ.

ਸ੍ਵਸ੍ਸ ਗੋਮਯਚੁਣ੍ਣਾਨਿ, ਅਭਿਮਤ੍ਥਂ ਤਿਣਾਨਿ ਚ;

ਵਿਪਰੀਤਾਯ ਸਞ੍ਞਾਯ, ਨਾਸਕ੍ਖਿ ਪਜ੍ਜਲੇਤਵੇ.

ਏਵਮ੍ਪਿ ਅਨੁਪਾਯੇਨ, ਅਤ੍ਥਂ ਨ ਲਭਤੇ ਮਿਗੋ [ਮੂਗੋ (ਸ੍ਯਾ.)];

ਵਿਸਾਣਤੋ ਗਵਂ ਦੋਹਂ, ਯਤ੍ਥ ਖੀਰਂ ਨ ਵਿਨ੍ਦਤਿ.

ਵਿਵਿਧੇਹਿ ਉਪਾਯੇਹਿ, ਅਤ੍ਥਂ ਪਪ੍ਪੋਨ੍ਤਿ ਮਾਣਵਾ;

ਨਿਗ੍ਗਹੇਨ ਅਮਿਤ੍ਤਾਨਂ, ਮਿਤ੍ਤਾਨਂ ਪਗ੍ਗਹੇਨ ਚ.

ਸੇਨਾਮੋਕ੍ਖਪਲਾਭੇਨ ¶ [ਸੇਨੀ ਮੋਕ੍ਖੂਪਲਾਭੇਨ (ਸ੍ਯਾ.)], ਵਲ੍ਲਭਾਨਂ ਨਯੇਨ ਚ;

ਜਗਤਿਂ ਜਗਤਿਪਾਲਾ, ਆਵਸਨ੍ਤਿ ਵਸੁਨ੍ਧਰਨ੍ਤਿ.

ਧੁਤ੍ਤੋਮ੍ਹਿ ਸਮ੍ਮ ਸੁਮੁਖ, ਜੂਤੇ ਅਕ੍ਖਪਰਾਜਿਤੋ;

ਹਰੇਹਿ [ਸੇਵੇਹਿ (ਪੀ.)] ਅਮ੍ਬਪਕ੍ਕਾਨਿ, ਵੀਰਿਯਂ ਤੇ ਭਕ੍ਖਯਾਮਸੇ.

ਅਲਿਕਂ ਵਤ ਮਂ ਸਮ੍ਮ, ਅਭੂਤੇਨ ਪਸਂਸਸਿ;

ਕੋ ਤੇ ਸੁਤੋ ਵਾ ਦਿਟ੍ਠੋ ਵਾ, ਸੁਮੁਖੋ ਨਾਮ ਮਕ੍ਕਟੋ.

ਅਜ੍ਜਾਪਿ ¶ ਮੇ ਤਂ ਮਨਸਿ [ਤੇ ਮਂ ਸਰਸਿ (ਕ.)], ਯਂ ਮਂ ਤ੍ਵਂ ਅਹਿਤੁਣ੍ਡਿਕ;

ਧਞ੍ਞਾਪਣਂ ਪਵਿਸਿਤ੍ਵਾ, ਮਤ੍ਤੋ [ਮੁਤ੍ਤੋ (ਕ.)] ਛਾਤਂ ਹਨਾਸਿ ਮਂ.

ਤਾਹਂ ਸਰਂ ਦੁਕ੍ਖਸੇਯ੍ਯਂ, ਅਪਿ ਰਜ੍ਜਮ੍ਪਿ ਕਾਰਯੇ;

ਨੇਵਾਹਂ ਯਾਚਿਤੋ ਦਜ੍ਜਂ, ਤਥਾ ਹਿ ਭਯਤਜ੍ਜਿਤੋ.

ਯਞ੍ਚ ਜਞ੍ਞਾ ਕੁਲੇ ਜਾਤਂ, ਗਬ੍ਭੇ ਤਿਤ੍ਤਂ ਅਮਚ੍ਛਰਿਂ;

ਤੇਨ ਸਖਿਞ੍ਚ ਮਿਤ੍ਤਞ੍ਚ, ਧੀਰੋ ਸਨ੍ਧਾਤੁਮਰਹਤੀਤਿ.

ਮਧੁਵਣ੍ਣਂ ¶ ਮਧੁਰਸਂ, ਮਧੁਗਨ੍ਧਂ ਵਿਸਂ ਅਹੁ;

ਗੁਮ੍ਬਿਯੋ ¶ ਘਾਸਮੇਸਾਨੋ, ਅਰਞ੍ਞੇ ਓਦਹੀ ਵਿਸਂ.

ਮਧੁ ਇਤਿ ਮਞ੍ਞਮਾਨਾ [ਮਧੂਤਿ ਮਞ੍ਞਮਾਨਾਯ (ਕ.)], ਯੇ ਤਂ ਵਿਸਮਖਾਦਿਸੁਂ [ਵਿਸਮਸਾਯਿਸੁਂ (ਸੀ. ਸ੍ਯਾ.)];

ਤੇਸਂ ਤਂ ਕਟੁਕਂ ਆਸਿ, ਮਰਣਂ ਤੇਨੁਪਾਗਮੁਂ.

ਯੇ ਚ ਖੋ ਪਟਿਸਙ੍ਖਾਯ, ਵਿਸਂ ਤਂ ਪਰਿਵਜ੍ਜਯੁਂ;

ਤੇ ਆਤੁਰੇਸੁ ਸੁਖਿਤਾ, ਡਯ੍ਹਮਾਨੇਸੁ ਨਿਬ੍ਬੁਤਾ.

ਏਵਮੇਵ ਮਨੁਸ੍ਸੇਸੁ, ਵਿਸਂ ਕਾਮਾ ਸਮੋਹਿਤਾ;

ਆਮਿਸਂ ਬਨ੍ਧਨਞ੍ਚੇਤਂ, ਮਚ੍ਚੁਵੇਸੋ [ਪਚ੍ਚੁਵਸੋ (ਸੀ. ਸ੍ਯਾ.)] ਗੁਹਾਸਯੋ.

ਏਵਮੇਵ ਇਮੇ ਕਾਮੇ, ਆਤੁਰਾ ਪਰਿਚਾਰਿਕੇ [ਪਰਿਚਾਰਕੇ (ਕ.)];

ਯੇ ਸਦਾ ਪਰਿਵਜ੍ਜੇਨ੍ਤਿ, ਸਙ੍ਗਂ ਲੋਕੇ ਉਪਚ੍ਚਗੁਨ੍ਤਿ.

ਯ੍ਵਾਯਂ ਸਾਲ਼ਿਯ [ਸਾਲਿਯ (ਸੀ. ਸ੍ਯਾ. ਪੀ.), ਸਾਲ਼ਿਕ (?)] ਛਾਪੋਤਿ, ਕਣ੍ਹਸਪ੍ਪਂ ਅਗਾਹਯਿ;

ਤੇਨ ਸਪ੍ਪੇਨਯਂ ਦਟ੍ਠੋ, ਹਤੋ ਪਾਪਾਨੁਸਾਸਕੋ.

ਅਹਨ੍ਤਾਰ [ਅਹਨਨ੍ਤ (ਪੀ.), ਅਹਰਨ੍ਤ (?)] ਮਹਨ੍ਤਾਰਂ, ਯੋ ਨਰੋ ਹਨ੍ਤੁਮਿਚ੍ਛਤਿ;

ਏਵਂ ਸੋ ਨਿਹਤੋ ਸੇਤਿ, ਯਥਾਯਂ ਪੁਰਿਸੋ ਹਤੋ.

ਅਹਨ੍ਤਾਰ ¶ [ਅਹਨਨ੍ਤ (ਸੀ. ਸ੍ਯਾ. ਪੀ.), ਅਹਰਨ੍ਤ (?)] ਮਘਾਤੇਨ੍ਤਂ, ਯੋ ਨਰੋ ਹਨ੍ਤੁਮਿਚ੍ਛਤਿ;

ਏਵਂ ਸੋ ਨਿਹਤੋ ਸੇਤਿ, ਯਥਾਯਂ ਪੁਰਿਸੋ ਹਤੋ.

ਯਥਾ ਪਂਸੁਮੁਟ੍ਠਿਂ ਪੁਰਿਸੋ, ਪਟਿਵਾਤਂ ਪਟਿਕ੍ਖਿਪੇ;

ਤਮੇਵ ¶ ਸੋ ਰਜੋ ਹਨ੍ਤਿ, ਤਥਾਯਂ ਪੁਰਿਸੋ ਹਤੋ.

ਯੋ ਅਪ੍ਪਦੁਟ੍ਠਸ੍ਸ ਨਰਸ੍ਸ ਦੁਸ੍ਸਤਿ, ਸੁਦ੍ਧਸ੍ਸ ਪੋਸਸ੍ਸ ਅਨਙ੍ਗਣਸ੍ਸ;

ਤਮੇਵ ਬਾਲਂ ਪਚ੍ਚੇਤਿ ਪਾਪਂ, ਸੁਖੁਮੋ ਰਜੋ ਪਟਿਵਾਤਂਵ ਖਿਤ੍ਤੋਤਿ.

ਅਮਿਤ੍ਤਹਤ੍ਥਤ੍ਥਗਤਾ [ਹਤ੍ਥਤ੍ਤਗਤਾ (ਕਤ੍ਥਚਿ, ਸੀ. ਨਿਯ੍ਯ)], ਤਚਸਾਰਸਮਪ੍ਪਿਤਾ;

ਪਸਨ੍ਨਮੁਖਵਣ੍ਣਾਤ੍ਥ, ਕਸ੍ਮਾ ਤੁਮ੍ਹੇ ਨ ਸੋਚਥ.

ਨ ¶ ਸੋਚਨਾਯ ਪਰਿਦੇਵਨਾਯ, ਅਤ੍ਥੋਵ ਲਬ੍ਭੋ [ਅਤ੍ਥੋ ਚ ਲਬ੍ਭਾ (ਸੀ. ਸ੍ਯਾ.), ਅਤ੍ਥੋਧ ਲਬ੍ਭਾ (ਅ. ਨਿ. ੫.੪੮)] ਅਪਿ ਅਪ੍ਪਕੋਪਿ;

ਸੋਚਨ੍ਤਮੇਨਂ ਦੁਖਿਤਂ ਵਿਦਿਤ੍ਵਾ, ਪਚ੍ਚਤ੍ਥਿਕਾ ਅਤ੍ਤਮਨਾ ਭਵਨ੍ਤਿ.

ਯਤੋ ਚ ਖੋ ਪਣ੍ਡਿਤੋ ਆਪਦਾਸੁ, ਨ ਵੇਧਤੀ ਅਤ੍ਥਵਿਨਿਚ੍ਛਯਞ੍ਞੂ;

ਪਚ੍ਚਤ੍ਥਿਕਾਸ੍ਸ [ਪਚ੍ਚਤ੍ਥਿਕਾ ਤੇ (ਕ.)] ਦੁਖਿਤਾ ਭਵਨ੍ਤਿ, ਦਿਸ੍ਵਾ ਮੁਖਂ ਅਵਿਕਾਰਂ ਪੁਰਾਣਂ.

ਜਪ੍ਪੇਨ ਮਨ੍ਤੇਨ ਸੁਭਾਸਿਤੇਨ, ਅਨੁਪ੍ਪਦਾਨੇਨ ਪਵੇਣਿਯਾ ਵਾ;

ਯਥਾ ¶ ਯਥਾ ਯਤ੍ਥ ਲਭੇਥ ਅਤ੍ਥਂ, ਤਥਾ ਤਥਾ ਤਤ੍ਥ ਪਰਕ੍ਕਮੇਯ੍ਯ.

ਯਤੋ ¶ ਚ ਜਾਨੇਯ੍ਯ ਅਲਬ੍ਭਨੇਯ੍ਯੋ, ਮਯਾ ਵ [ਮਯਾ ਵਾ (ਸ੍ਯਾ. ਕ.)] ਅਞ੍ਞੇਨ ਵਾ ਏਸ ਅਤ੍ਥੋ;

ਅਸੋਚਮਾਨੋ ਅਧਿਵਾਸਯੇਯ੍ਯ, ਕਮ੍ਮਂ ਦਲ਼੍ਹਂ ਕਿਨ੍ਤਿ ਕਰੋਮਿ ਦਾਨੀਤਿ.

ਕ੍ਯਾਹਂ ਦੇਵਾਨਮਕਰਂ, ਕਿਂ ਪਾਪਂ ਪਕਤਂ ਮਯਾ;

ਯਂ ਮੇ ਸਿਰਸ੍ਮਿਂ ਓਹਚ੍ਚ [ਉਹਚ੍ਚ (ਕ.), ਉਹਚ੍ਚ (ਪੀ.)], ਚਕ੍ਕਂ ਭਮਤਿ ਮਤ੍ਥਕੇ.

ਅਤਿਕ੍ਕਮ੍ਮ ਰਮਣਕਂ, ਸਦਾਮਤ੍ਤਞ੍ਚ ਦੂਭਕਂ;

ਬ੍ਰਹ੍ਮਤ੍ਤਰਞ੍ਚ ਪਾਸਾਦਂ, ਕੇਨਤ੍ਥੇਨ ਇਧਾਗਤੋ.

ਇਤੋ ਬਹੁਤਰਾ ਭੋਗਾ, ਅਤ੍ਰ ਮਞ੍ਞੇ ਭਵਿਸ੍ਸਰੇ;

ਇਤਿ ਏਤਾਯ ਸਞ੍ਞਾਯ, ਪਸ੍ਸ ਮਂ ਬ੍ਯਸਨਂ ਗਤਂ.

ਚਤੁਬ੍ਭਿ ਅਟ੍ਠਜ੍ਝਗਮਾ, ਅਟ੍ਠਾਹਿਪਿ ਚ [ਅਟ੍ਠਾਹਿ ਚਾਪਿ (ਸੀ. ਸ੍ਯਾ.), ਅਟ੍ਠਾਭਿ ਚਾਪਿ (ਕ.)] ਸੋਲ਼ਸ;

ਸੋਲ਼ਸਾਹਿ ਚ ਬਾਤ੍ਤਿਂਸ, ਅਤ੍ਰਿਚ੍ਛਂ ਚਕ੍ਕਮਾਸਦੋ;

ਇਚ੍ਛਾਹਤਸ੍ਸ ਪੋਸਸ੍ਸ, ਚਕ੍ਕਂ ਭਮਤਿ ਮਤ੍ਥਕੇ.

ਉਪਰਿਵਿਸਾਲਾ ਦੁਪ੍ਪੂਰਾ, ਇਚ੍ਛਾ ਵਿਸਟਗਾਮਿਨੀ [ਉਪਰਿ ਵਿਸਾਲਂ ਦੁਪ੍ਪੂਰਂ, ਇਚ੍ਛਾਵਿਸਦਗਾਮਿਨੀ (ਸੀ.)];

ਯੇ ¶ ਚ ਤਂ ਅਨੁਗਿਜ੍ਝਨ੍ਤਿ, ਤੇ ਹੋਨ੍ਤਿ ਚਕ੍ਕਧਾਰਿਨੋਤਿ.

ਹਂਸੋ ਪਲਾਸਮਵਚ, ਨਿਗ੍ਰੋਧੋ ਸਮ੍ਮ ਜਾਯਤਿ;

ਅਙ੍ਕਸ੍ਮਿਂ [ਅਙ੍ਗਸ੍ਮਿਂ (ਕ.)] ਤੇ ਨਿਸਿਨ੍ਨੋਵ, ਸੋ ਤੇ ਮਮ੍ਮਾਨਿ ਛੇਚ੍ਛਤਿ [ਛਿਜ੍ਜਤਿ (ਕ.)].

ਵਡ੍ਢਤਾਮੇਵ [ਵਦ੍ਧਿਤਮੇਵ (ਕ.)] ਨਿਗ੍ਰੋਧੋ, ਪਤਿਟ੍ਠਸ੍ਸ ਭਵਾਮਹਂ;

ਯਥਾ ਪਿਤਾ ਚ ਮਾਤਾ ਚ [ਪਿਤਾ ਵਾ ਮਾਤਾ ਵਾ (ਪੀ.), ਮਾਤਾ ਵਾ ਪਿਤਾ ਵਾ (ਕ.)], ਏਵਂ ਮੇ ਸੋ ਭਵਿਸ੍ਸਤਿ.

ਯਂ ¶ ਤ੍ਵਂ ਅਙ੍ਕਸ੍ਮਿਂ ਵਡ੍ਢੇਸਿ, ਖੀਰਰੁਕ੍ਖਂ ਭਯਾਨਕਂ;

ਆਮਨ੍ਤ ਖੋ ਤਂ ਗਚ੍ਛਾਮ, ਵੁਡ੍ਢਿ ਮਸ੍ਸ ਨ ਰੁਚ੍ਚਤਿ.

ਇਦਾਨਿ ¶ ਖੋ ਮਂ ਭਾਯੇਤਿ, ਮਹਾਨੇਰੁਨਿਦਸ੍ਸਨਂ;

ਹਂਸਸ੍ਸ ਅਨਭਿਞ੍ਞਾਯ, ਮਹਾ ਮੇ ਭਯਮਾਗਤਂ.

ਨ ਤਸ੍ਸ ਵੁਡ੍ਢਿ ਕੁਸਲਪ੍ਪਸਤ੍ਥਾ, ਯੋ ਵਡ੍ਢਮਾਨੋ ਘਸਤੇ ਪਤਿਟ੍ਠਂ;

ਤਸ੍ਸੂਪਰੋਧਂ ਪਰਿਸਙ੍ਕਮਾਨੋ, ਪਤਾਰਯੀ ਮੂਲਵਧਾਯ ਧੀਰੋਤਿ.

ਵਣ੍ਣਾਰੋਹਵਗ੍ਗੋ ਦੁਤਿਯੋ [ਇਮਸ੍ਸੁਦ੍ਦਾਨਂ ਤਤਿਯਵਗ੍ਗਪਰਿਯੋਸਾਨੇ ਭਵਿਸ੍ਸਤਿ].

ਏਵਂਭੂਤਸ੍ਸ ਤੇ ਰਾਜ, ਆਗਤਸ੍ਸ ਵਸੇ [ਵਸੋ (ਪੀ. ਕ.)] ਮਮ;

ਅਤ੍ਥਿ ਨੁ ਕੋਚਿ ਪਰਿਯਾਯੋ, ਯੋ ਤਂ ਦੁਕ੍ਖਾ ਪਮੋਚਯੇ.

ਏਵਂਭੂਤਸ੍ਸ ¶ ਮੇ ਤਾਤ, ਆਗਤਸ੍ਸ ਵਸੇ ਤਵ;

ਨਤ੍ਥਿ ਨੋ ਕੋਚਿ ਪਰਿਯਾਯੋ, ਯੋ ਮਂ ਦੁਕ੍ਖਾ ਪਮੋਚਯੇ.

ਨਾਞ੍ਞਂ ਸੁਚਰਿਤਂ ਰਾਜ, ਨਾਞ੍ਞਂ ਰਾਜ ਸੁਭਾਸਿਤਂ;

ਅਕ੍ਕੋਚ੍ਛਿ ਮਂ ਅਵਧਿ ਮਂ, ਅਜਿਨਿ ਮਂ ਅਹਾਸਿ ਮੇ;

ਯੇ ਚ ਤਂ ਉਪਨਯ੍ਹਨ੍ਤਿ, ਵੇਰਂ ਤੇਸਂ ਨ ਸਮ੍ਮਤਿ.

ਅਕ੍ਕੋਚ੍ਛਿ ਮਂ ਅਵਧਿ ਮਂ, ਅਜਿਨਿ ਮਂ ਅਹਾਸਿ ਮੇ;

ਯੇ ਚ ਤਂ ਨੁਪਨਯ੍ਹਨ੍ਤਿ, ਵੇਰਂ ਤੇਸੂਪਸਮ੍ਮਤਿ.

ਨ ਹਿ ਵੇਰੇਨ ਵੇਰਾਨਿ, ਸਮ੍ਮਨ੍ਤੀਧ ਕੁਦਾਚਨਂ;

ਅਵੇਰੇਨ ਚ ਸਮ੍ਮਨ੍ਤਿ, ਏਸ ਧਮ੍ਮੋ ਸਨਨ੍ਤਨੋਤਿ.

ਅਗਾਰਾ ¶ ਪਚ੍ਚੁਪੇਤਸ੍ਸ, ਅਨਗਾਰਸ੍ਸ ਤੇ ਸਤੋ;

ਸਮਣਸ੍ਸ ਨ ਤਂ ਸਾਧੁ, ਯਂ ਪੇਤਮਨੁਸੋਚਸਿ.

ਸਂਵਾਸੇਨ ¶ ਹਵੇ ਸਕ੍ਕ, ਮਨੁਸ੍ਸਸ੍ਸ ਮਿਗਸ੍ਸ ਵਾ;

ਹਦਯੇ ¶ ਜਾਯਤੇ ਪੇਮਂ, ਨ ਤਂ ਸਕ੍ਕਾ ਅਸੋਚਿਤੁਂ.

ਮਤਂ ਮਰਿਸ੍ਸਂ ਰੋਦਨ੍ਤਿ, ਯੇ ਰੁਦਨ੍ਤਿ ਲਪਨ੍ਤਿ ਚ;

ਤਸ੍ਮਾ ਤ੍ਵਂ ਇਸਿ ਮਾ ਰੋਦਿ, ਰੋਦਿਤਂ ਮੋਘਮਾਹੁ ਸਨ੍ਤੋ.

ਰੋਦਿਤੇਨ ਹਵੇ ਬ੍ਰਹ੍ਮੇ, ਮਤੋ ਪੇਤੋ ਸਮੁਟ੍ਠਹੇ;

ਸਬ੍ਬੇ ਸਙ੍ਗਮ੍ਮ ਰੋਦਾਮ, ਅਞ੍ਞਮਞ੍ਞਸ੍ਸ ਞਾਤਕੇ.

ਆਦਿਤ੍ਤਂ ਵਤ ਮਂ ਸਨ੍ਤਂ, ਘਤਸਿਤ੍ਤਂਵ ਪਾਵਕਂ;

ਵਾਰਿਨਾ ਵਿਯ ਓਸਿਞ੍ਚਂ, ਸਬ੍ਬਂ ਨਿਬ੍ਬਾਪਯੇ ਦਰਂ.

ਅਬ੍ਬਹਿ ਵਤ ਮੇ ਸਲ੍ਲਂ, ਯਮਾਸਿ ਹਦਯਸ੍ਸਿਤਂ;

ਯੋ ਮੇ ਸੋਕਪਰੇਤਸ੍ਸ, ਪੁਤ੍ਤਸੋਕਂ ਅਪਾਨੁਦਿ.

ਸੋਹਂ ਅਬ੍ਬੂਲ਼੍ਹਸਲ੍ਲੋਸ੍ਮਿ, ਵੀਤਸੋਕੋ ਅਨਾਵਿਲੋ;

ਨ ਸੋਚਾਮਿ ਨ ਰੋਦਾਮਿ, ਤਵ ਸੁਤ੍ਵਾਨ ਵਾਸਵਾਤਿ.

ਕੁਹਿਂ ਗਤਾ ਕਤ੍ਥ ਗਤਾ, ਇਤਿ ਲਾਲਪ੍ਪਤੀ ਜਨੋ;

ਅਹਮੇਵੇਕੋ ਜਾਨਾਮਿ, ਉਦਪਾਨੇ ਮੂਸਿਕਾ ਹਤਾ.

ਯਞ੍ਚੇਤਂ [ਯਥੇਤਂ (ਪੀ.), ਯਵੇਤਂ (ਕ.), ਯਮੇਤਂ (ਕਤ੍ਥਚਿ)] ਇਤਿ ਚੀਤਿ ਚ, ਗਦ੍ਰਭੋਵ ਨਿਵਤ੍ਤਸਿ;

ਉਦਪਾਨੇ ਮੂਸਿਕਂ ਹਨ੍ਤ੍ਵਾ, ਯਵਂ ਭਕ੍ਖੇਤੁਮਿਚ੍ਛਸਿ.

ਦਹਰੋ ਚਾਸਿ ਦੁਮ੍ਮੇਧ, ਪਠਮੁਪ੍ਪਤ੍ਤਿਕੋ [ਪਠਮੁਪ੍ਪਤ੍ਤਿਤੋ (ਸੀ. ਪੀ.)] ਸੁਸੁ;

ਦੀਘਞ੍ਚੇਤਂ ¶ [ਦੀਘਮੇਤਂ (ਪੀ.)] ਸਮਾਸਜ੍ਜ [ਸਮਾਪਜ੍ਜ (ਸ੍ਯਾ. ਕ.)], ਨ ਤੇ ਦਸ੍ਸਾਮਿ ਜੀਵਿਤਂ.

ਨਾਨ੍ਤਲਿਕ੍ਖਭਵਨੇਨ, ਨਾਙ੍ਗਪੁਤ੍ਤਪਿਨੇਨ [ਨਾਙ੍ਗਪੁਤ੍ਤਸਿਰੇਨ (ਸੀ. ਸ੍ਯਾ. ਪੀ.)] ਵਾ;

ਪੁਤ੍ਤੇਨ ਹਿ ਪਤ੍ਥਯਿਤੋ, ਸਿਲੋਕੇਹਿ ਪਮੋਚਿਤੋ.

ਸਬ੍ਬਂ ¶ ਸੁਤਮਧੀਯੇਥ, ਹੀਨਮੁਕ੍ਕਟ੍ਠਮਜ੍ਝਿਮਂ;

ਸਬ੍ਬਸ੍ਸ ਅਤ੍ਥਂ ਜਾਨੇਯ੍ਯ, ਨ ਚ ਸਬ੍ਬਂ ਪਯੋਜਯੇ;

ਹੋਤਿ ਤਾਦਿਸਕੋ ਕਾਲੋ, ਯਤ੍ਥ ਅਤ੍ਥਾਵਹਂ ਸੁਤਨ੍ਤਿ.

ਸਬ੍ਬਂ ¶ ਭਣ੍ਡਂ ਸਮਾਦਾਯ, ਪਾਰਂ ਤਿਣ੍ਣੋਸਿ ਬ੍ਰਾਹ੍ਮਣ;

ਪਚ੍ਚਾਗਚ੍ਛ ਲਹੁਂ ਖਿਪ੍ਪਂ, ਮਮ੍ਪਿ ਤਾਰੇਹਿ ਦਾਨਿਤੋ [ਦਾਨਿਭੋ (ਸ੍ਯਾ.)].

ਅਸਨ੍ਥੁਤਂ ਮਂ ਚਿਰਸਨ੍ਥੁਤੇਨ, ਨਿਮੀਨਿ ਭੋਤੀ ਅਦ੍ਧੁਵਂ ਧੁਵੇਨ;

ਮਯਾਪਿ ਭੋਤੀ ਨਿਮਿਨੇਯ੍ਯ ਅਞ੍ਞਂ, ਇਤੋ ਅਹਂ ਦੂਰਤਰਂ ਗਮਿਸ੍ਸਂ.

ਕਾਯਂ ਏਲ਼ਗਲਾਗੁਮ੍ਬੇ [ਏਲ਼ਗਣਗੁਮ੍ਬੇ (ਕ.)], ਕਰੋਤਿ ਅਹੁਹਾਸਿਯਂ;

ਨਯੀਧ ਨਚ੍ਚਗੀਤਂ ਵਾ [ਨਯਿਧ ਨਚ੍ਚਂ ਵਾ ਗੀਤਂ ਵਾ (ਸੀ. ਸ੍ਯਾ. ਪੀ.)], ਤਾਲ਼ਂ ਵਾ ਸੁਸਮਾਹਿਤਂ;

ਅਨਮ੍ਹਿਕਾਲੇ [ਅਨਮ੍ਹਕਾਲੇ (ਪੀ.)] ਸੁਸੋਣਿ [ਸੁਸ੍ਸੋਣਿ (ਸੀ. ਸ੍ਯਾ. ਪੀ.)], ਕਿਂ ਨੁ ਜਗ੍ਘਸਿ ਸੋਭਨੇ [ਸੋਭਣੇ (ਪੀ. ਕ.)].

ਸਿਙ੍ਗਾਲ ਬਾਲ ਦੁਮ੍ਮੇਧ, ਅਪ੍ਪਪਞ੍ਞੋਸਿ ਜਮ੍ਬੁਕ;

ਜੀਨੋ ¶ ਮਚ੍ਛਞ੍ਚ ਪੇਸਿਞ੍ਚ, ਕਪਣੋ ਵਿਯ ਝਾਯਸਿ.

ਸੁਦਸ੍ਸਂ ਵਜ੍ਜਮਞ੍ਞੇਸਂ, ਅਤ੍ਤਨੋ ਪਨ ਦੁਦ੍ਦਸਂ;

ਜੀਨਾ ਪਤਿਞ੍ਚ ਜਾਰਞ੍ਚ, ਮਞ੍ਞੇ ਤ੍ਵਞ੍ਞੇਵ [ਮਮ੍ਪਿ ਤ੍ਵਞ੍ਞੇਵ (ਸੀ. ਸ੍ਯਾ.), ਤ੍ਵਮ੍ਪਿ ਮਞ੍ਞੇਵ (ਪੀ.)] ਝਾਯਸਿ.

ਏਵਮੇਤਂ ਮਿਗਰਾਜ, ਯਥਾ ਭਾਸਸਿ ਜਮ੍ਬੁਕ;

ਸਾ ਨੂਨਾਹਂ ਇਤੋ ਗਨ੍ਤ੍ਵਾ, ਭਤ੍ਤੁ ਹੇਸ੍ਸਂ ਵਸਾਨੁਗਾ.

ਯੋ ਹਰੇ ਮਤ੍ਤਿਕਂ ਥਾਲਂ, ਕਂਸਥਾਲਮ੍ਪਿ ਸੋ ਹਰੇ;

ਕਤਞ੍ਚੇਵ [ਕਤਂਯੇਵ (ਸੀ. ਸ੍ਯਾ. ਪੀ.)] ਤਯਾ ਪਾਪਂ, ਪੁਨਪੇਵਂ ਕਰਿਸ੍ਸਸੀਤਿ.

ਇਦਾਨਿ ਖੋਮ੍ਹਿ ਸੁਖਿਤੋ ਅਰੋਗੋ, ਨਿਕ੍ਕਣ੍ਟਕੋ ਨਿਪ੍ਪਤਿਤੋ ਕਪੋਤੋ;

ਕਾਹਾਮਿ ਦਾਨੀ ਹਦਯਸ੍ਸ ਤੁਟ੍ਠਿਂ, ਤਥਾਹਿਮਂ ਮਂਸਸਾਕਂ ਬਲੇਤਿ.

ਕਾਯਂ ¶ ਬਲਾਕਾ ਸਿਖਿਨੋ, ਚੋਰੀ ਲਙ੍ਘਿਪਿਤਾਮਹਾ;

ਓਰਂ ਬਲਾਕੇ ਆਗਚ੍ਛ, ਚਣ੍ਡੋ ਮੇ ਵਾਯਸੋ ਸਖਾ.

ਅਲਞ੍ਹਿ ਤੇ ਜਗ੍ਘਿਤਾਯੇ, ਮਮਂ ਦਿਸ੍ਵਾਨ ਏਦਿਸਂ;

ਵਿਲੂਨਂ ਸੂਦਪੁਤ੍ਤੇਨ, ਪਿਟ੍ਠਮਣ੍ਡੇਨ [ਪਿਟ੍ਠਮਦ੍ਦੇਨ (ਸੀ. ਸ੍ਯਾ. ਪੀ.)] ਮਕ੍ਖਿਤਂ.

ਸੁਨ੍ਹਾਤੋ ¶ ਸੁਵਿਲਿਤ੍ਤੋਸਿ, ਅਨ੍ਨਪਾਨੇਨ ਤਪ੍ਪਿਤੋ;

ਕਣ੍ਠੇ ¶ ਚ ਤੇ ਵੇਲ਼ੁਰਿਯੋ, ਅਗਮਾ ਨੁ ਕਜਙ੍ਗਲਂ.

ਮਾ ਤੇ ਮਿਤ੍ਤੋ ਅਮਿਤ੍ਤੋ ਵਾ, ਅਗਮਾਸਿ ਕਜਙ੍ਗਲਂ;

ਪਿਞ੍ਛਾਨਿ ਤਤ੍ਥ ਲਾਯਿਤ੍ਵਾ, ਕਣ੍ਠੇ ਬਨ੍ਧਨ੍ਤਿ ਵਟ੍ਟਨਂ.

ਪੁਨਪਾਪਜ੍ਜਸੀ ਸਮ੍ਮ, ਸੀਲਞ੍ਹਿ ਤਵ ਤਾਦਿਸਂ;

ਨ ਹਿ ਮਾਨੁਸਕਾ ਭੋਗਾ, ਸੁਭੁਞ੍ਜਾ ਹੋਨ੍ਤਿ ਪਕ੍ਖਿਨਾਤਿ.

ਅਥ ਵਣ੍ਣ ਸਸੀਲ ਹਿਰਿ ਲਭਤੇ, ਸੁਮੁਖਾ ਵਿਸ ਸਾਲ਼ਿਯਮਿਤ੍ਤਵਰੋ;

ਅਥ ਚਕ੍ਕ ਪਲਾਸ ਸਰਾਜ ਸਤੋ, ਯਵ ਬਾਲ ਕਪੋਤਕ ਪਨ੍ਨਰਸਾਤਿ.

ਜੀਨਞ੍ਚ ਵਣ੍ਣਂ ਅਸਮਂਵਗੁਪ੍ਪਰਿ, ਸੁਦੇਸਿਤਾ ਜਾਤਕਨ੍ਤਿ ਸਨ੍ਤਿ ਵੀਸਤਿ [ਜਾਤਕ ਪਞ੍ਚਵੀਸਤਿ (?)];

ਮਹੇਸਿਨੋ ਬ੍ਰਹ੍ਮਚਰਿਤ੍ਤਮੁਤ੍ਤ-ਮਵੋਚ ਗਾਥਾ ਅਤ੍ਥਵਤੀ ਸੁਬ੍ਯਞ੍ਜਨਾਤਿ.

ਮਾਸੁ ¶ ¶ ¶ ਕੁਜ੍ਝ ਭੂਮਿਪਤਿ, ਮਾਸੁ ਕੁਜ੍ਝ ਰਥੇਸਭ;

ਕੁਦ੍ਧਂ ਅਪ੍ਪਟਿਕੁਜ੍ਝਨ੍ਤੋ, ਰਾਜਾ ਰਟ੍ਠਸ੍ਸ ਪੂਜਿਤੋ.

ਗਾਮੇ ਵਾ ਯਦਿ ਵਾਰਞ੍ਞੇ, ਨਿਨ੍ਨੇ ਵਾ ਯਦਿ ਵਾ ਥਲੇ;

ਸਬ੍ਬਤ੍ਥ ਅਨੁਸਾਸਾਮਿ, ਮਾਸੁ ਕੁਜ੍ਝ [ਮਾਸ੍ਸੁ ਕੁਜ੍ਝਿ (ਸੀ. ਪੀ.)] ਰਥੇਸਭ.

ਅਵਾਰਿਯਪਿਤਾ ਨਾਮ, ਅਹੁ ਗਙ੍ਗਾਯ ਨਾਵਿਕੋ;

ਪੁਬ੍ਬੇ ਜਨਂ ਤਾਰੇਤ੍ਵਾਨ, ਪਚ੍ਛਾ ਯਾਚਤਿ ਵੇਤਨਂ;

ਤੇਨਸ੍ਸ ਭਣ੍ਡਨਂ ਹੋਤਿ, ਨ ਚ ਭੋਗੇਹਿ ਵਡ੍ਢਤਿ.

ਅਤਿਣ੍ਣਂਯੇਵ ਯਾਚਸ੍ਸੁ, ਅਪਾਰਂ ਤਾਤ ਨਾਵਿਕ;

ਅਞ੍ਞੋ ਹਿ ਤਿਣ੍ਣਸ੍ਸ ਮਨੋ, ਅਞ੍ਞੋ ਹੋਤਿ ਪਾਰੇਸਿਨੋ [ਤਰੇਸਿਨੋ (ਸੀ. ਪੀ.), ਤਿਰੇਸਿਨੋ (ਸ੍ਯਾ.)].

ਗਾਮੇ ਵਾ ਯਦਿ ਵਾਰਞ੍ਞੇ, ਨਿਨ੍ਨੇ ਵਾ ਯਦਿ ਵਾ ਥਲੇ;

ਸਬ੍ਬਤ੍ਥ ਅਨੁਸਾਸਾਮਿ, ਮਾਸੁ ਕੁਜ੍ਝਿਤ੍ਥ ਨਾਵਿਕ.

ਯਾਯੇਵਾਨੁਸਾਸਨਿਯਾ, ਰਾਜਾ ਗਾਮਵਰਂ ਅਦਾ;

ਤਾਯੇਵਾਨੁਸਾਸਨਿਯਾ, ਨਾਵਿਕੋ ਪਹਰੀ ਮੁਖਂ.

ਭਤ੍ਤਂ ਭਿਨ੍ਨਂ ਹਤਾ ਭਰਿਯਾ, ਗਬ੍ਭੋ ਚ ਪਤਿਤੋ ਛਮਾ;

ਮਿਗੋਵ ਜਾਤਰੂਪੇਨ, ਨ ਤੇਨਤ੍ਥਂ ਅਬਨ੍ਧਿ ਸੂਤਿ [ਅਵਡ੍ਢਿਤੁਨ੍ਤਿ (ਸੀ. ਸ੍ਯਾ.), ਅਵਡ੍ਢਿ ਸੂਤਿ (?)].

ਮਾ ¶ ਤਾਤ ਕੁਜ੍ਝਿ ਨ ਹਿ ਸਾਧੁ ਕੋਧੋ, ਬਹੁਮ੍ਪਿ ਤੇ ਅਦਿਟ੍ਠਮਸ੍ਸੁਤਞ੍ਚ;

ਮਾਤਾ ਪਿਤਾ ਦਿਸਤਾ [ਦਿਸਾ ਤਾਤ (ਸ੍ਯਾ.), ਦਿਸਾ ਤਾ (ਪੀ.)] ਸੇਤਕੇਤੁ, ਆਚਰਿਯਮਾਹੁ ਦਿਸਤਂ ਪਸਤ੍ਥਾ.

ਅਗਾਰਿਨੋ ¶ ¶ ਅਨ੍ਨਦਪਾਨਵਤ੍ਥਦਾ [ਅਨ੍ਨਪਾਨਵਤ੍ਥਦਾ (ਸ੍ਯਾ. ਕ.)], ਅਵ੍ਹਾਯਿਕਾ ਤਮ੍ਪਿ ਦਿਸਂ ਵਦਨ੍ਤਿ;

ਏਸਾ ਦਿਸਾ ਪਰਮਾ ਸੇਤਕੇਤੁ, ਯਂ ਪਤ੍ਵਾ ਦੁਕ੍ਖੀ ਸੁਖਿਨੋ ਭਵਨ੍ਤਿ.

ਖਰਾਜਿਨਾ ਜਟਿਲਾ ਪਙ੍ਕਦਨ੍ਤਾ, ਦੁਮ੍ਮਕ੍ਖਰੂਪਾ [ਦੁਮੁਕ੍ਖਰੂਪਾ (ਸੀ. ਸ੍ਯਾ.), ਦੁਮ੍ਮੁਕ੍ਖਰੂਪਾ (ਪੀ. ਕ.)] ਯੇਮੇ ਜਪ੍ਪਨ੍ਤਿ ਮਨ੍ਤੇ;

ਕਚ੍ਚਿ ਨੁ ਤੇ ਮਾਨੁਸਕੇ ਪਯੋਗੇ, ਇਦਂ ਵਿਦੂ ਪਰਿਮੁਤ੍ਤਾ ਅਪਾਯਾ.

ਪਾਪਾਨਿ ਕਮ੍ਮਾਨਿ ਕਤ੍ਵਾਨ ਰਾਜ, ਬਹੁਸ੍ਸੁਤੋ ਚੇ ਨ [ਬਹੁਸ੍ਸੁਤੋ ਨੇਵ (ਸੀ. ਸ੍ਯਾ.)] ਚਰੇਯ੍ਯ ਧਮ੍ਮਂ;

ਸਹਸ੍ਸਵੇਦੋਪਿ ਨ ਤਂ ਪਟਿਚ੍ਚ, ਦੁਕ੍ਖਾ ਪਮੁਞ੍ਚੇ ਚਰਣਂ ਅਪਤ੍ਵਾ.

ਸਹਸ੍ਸਵੇਦੋਪਿ ਨ ਤਂ ਪਟਿਚ੍ਚ, ਦੁਕ੍ਖਾ ਪਮੁਞ੍ਚੇ ਚਰਣਂ ਅਪਤ੍ਵਾ;

ਮਞ੍ਞਾਮਿ ¶ ਵੇਦਾ ਅਫਲਾ ਭਵਨ੍ਤਿ, ਸਸਂਯਮਂ ਚਰਣਮੇਵ [ਚਰਣਞ੍ਞੇਵ (ਸੀ. ਸ੍ਯਾ. ਪੀ.)] ਸਚ੍ਚਂ.

ਨ ਹੇਵ ਵੇਦਾ ਅਫਲਾ ਭਵਨ੍ਤਿ, ਸਸਂਯਮਂ ਚਰਣਮੇਵ ਸਚ੍ਚਂ;

ਕਿਤ੍ਤਿਞ੍ਹਿ ਪਪ੍ਪੋਤਿ ਅਧਿਚ੍ਚ ਵੇਦੇ, ਸਨ੍ਤਿਂ ਪੁਣੇਤਿ [ਸਨ੍ਤਂ ਪੁਨੇ’ਤਿ (ਸੀ. ਪੀ.)] ਚਰਣੇਨ ਦਨ੍ਤੋਤਿ.

ਪਙ੍ਕੋ ਚ ਕਾਮਾ ਪਲਿਪੋ ਚ ਕਾਮਾ, ਭਯਞ੍ਚ ਮੇਤਂ ਤਿਮੂਲਂ ਪਵੁਤ੍ਤਂ;

ਰਜੋ ਚ ਧੂਮੋ ਚ ਮਯਾ ਪਕਾਸਿਤਾ, ਹਿਤ੍ਵਾ ਤੁਵਂ ਪਬ੍ਬਜ ਬ੍ਰਹ੍ਮਦਤ੍ਤ.

ਗਧਿਤੋ ¶ [ਗਥਿਤੋ (ਸੀ.)] ਚ ਰਤ੍ਤੋ ਚ ਅਧਿਮੁਚ੍ਛਿਤੋ ਚ, ਕਾਮੇਸ੍ਵਹਂ ਬ੍ਰਾਹ੍ਮਣ ਭਿਂਸਰੂਪਂ;

ਤਂ ਨੁਸ੍ਸਹੇ ਜੀਵਿਕਤ੍ਥੋ ਪਹਾਤੁਂ, ਕਾਹਾਮਿ ਪੁਞ੍ਞਾਨਿ ਅਨਪ੍ਪਕਾਨਿ.

ਯੋ ਅਤ੍ਥਕਾਮਸ੍ਸ ਹਿਤਾਨੁਕਮ੍ਪਿਨੋ, ਓਵਜ੍ਜਮਾਨੋ ਨ ਕਰੋਤਿ ਸਾਸਨਂ;

ਇਦਮੇਵ ਸੇਯ੍ਯੋ ਇਤਿ ਮਞ੍ਞਮਾਨੋ, ਪੁਨਪ੍ਪੁਨਂ ¶ ਗਬ੍ਭਮੁਪੇਤਿ ਮਨ੍ਦੋ.

ਸੋ ਘੋਰਰੂਪਂ ਨਿਰਯਂ ਉਪੇਤਿ, ਸੁਭਾਸੁਭਂ ਮੁਤ੍ਤਕਰੀਸਪੂਰਂ;

ਸਤ੍ਤਾ ਸਕਾਯੇ ਨ ਜਹਨ੍ਤਿ ਗਿਦ੍ਧਾ, ਯੇ ਹੋਨ੍ਤਿ ਕਾਮੇਸੁ ਅਵੀਤਰਾਗਾ.

ਮੀਲ਼੍ਹੇਨ ਲਿਤ੍ਤਾ ਰੁਹਿਰੇਨ ਮਕ੍ਖਿਤਾ, ਸੇਮ੍ਹੇਨ ਲਿਤ੍ਤਾ ਉਪਨਿਕ੍ਖਮਨ੍ਤਿ;

ਯਂ ਯਞ੍ਹਿ ਕਾਯੇਨ ਫੁਸਨ੍ਤਿ ਤਾਵਦੇ, ਸਬ੍ਬਂ ਅਸਾਤਂ ਦੁਖਮੇਵ ਕੇਵਲਂ.

ਦਿਸ੍ਵਾ ਵਦਾਮਿ ਨ ਹਿ ਅਞ੍ਞਤੋ ਸਵਂ, ਪੁਬ੍ਬੇਨਿਵਾਸਂ ਬਹੁਕਂ ਸਰਾਮਿ;

ਚਿਤ੍ਰਾਹਿ ਗਾਥਾਹਿ ਸੁਭਾਸਿਤਾਹਿ, ਦਰੀਮੁਖੋ ਨਿਜ੍ਝਾਪਯਿ ਸੁਮੇਧਨ੍ਤਿ.

ਕਾਕੋਲਾ ਕਾਕਸਙ੍ਘਾ ਚ, ਮਯਞ੍ਚ ਪਤਤਂ ਵਰਾ [ਵਰ (ਕ.) ਮਯਨ੍ਤਿਪਦਸ੍ਸ ਹਿ ਵਿਸੇਸਨਂ];

ਸਬ੍ਬੇਵ ਸਦਿਸਾ ਹੋਮ, ਇਮਂ ਆਗਮ੍ਮ ਪਬ੍ਬਤਂ.

ਇਧ ¶ ਸੀਹਾ ਚ ਬ੍ਯਗ੍ਘਾ ਚ, ਸਿਙ੍ਗਾਲਾ ਚ ਮਿਗਾਧਮਾ;

ਸਬ੍ਬੇਵ ¶ ਸਦਿਸਾ ਹੋਨ੍ਤਿ, ਅਯਂ ਕੋ ਨਾਮ ਪਬ੍ਬਤੋ.

ਇਮਂ ¶ ਨੇਰੂਤਿ [ਨੇਰੁਨ੍ਤਿ (ਸੀ. ਸ੍ਯਾ.)] ਜਾਨਨ੍ਤਿ, ਮਨੁਸ੍ਸਾ ਪਬ੍ਬਤੁਤ੍ਤਮਂ;

ਇਧ ਵਣ੍ਣੇਨ ਸਮ੍ਪਨ੍ਨਾ, ਵਸਨ੍ਤਿ ਸਬ੍ਬਪਾਣਿਨੋ.

ਅਮਾਨਨਾ ਯਤ੍ਥ ਸਿਯਾ, ਸਨ੍ਤਾਨਂ ਵਾ ਵਿਮਾਨਨਾ;

ਹੀਨਸਮ੍ਮਾਨਨਾ ਵਾਪਿ, ਨ ਤਤ੍ਥ ਵਸਤਿਂ ਵਸੇ [ਵਸਤੀ ਵਸੇ (ਸ੍ਯਾ.), ਵਸ ਦਿਵਸੇ (ਪੀ.)].

ਯਤ੍ਥਾਲਸੋ ਚ ਦਕ੍ਖੋ ਚ, ਸੂਰੋ ਭੀਰੁ ਚ ਪੂਜਿਯਾ;

ਨ ਤਤ੍ਥ ਸਨ੍ਤੋ ਵਸਨ੍ਤਿ, ਅਵਿਸੇਸਕਰੇ ਨਰੇ [ਨਗੇ (ਸੀ. ਸ੍ਯਾ. ਪੀ.)].

ਨਾਯਂ ਨੇਰੁ ਵਿਭਜਤਿ, ਹੀਨਉਕ੍ਕਟ੍ਠਮਜ੍ਝਿਮੇ;

ਅਵਿਸੇਸਕਰੋ ਨੇਰੁ, ਹਨ੍ਦ ਨੇਰੁਂ ਜਹਾਮਸੇਤਿ.

ਆਸਾਵਤੀ ਨਾਮ ਲਤਾ, ਜਾਤਾ ਚਿਤ੍ਤਲਤਾਵਨੇ;

ਤਸ੍ਸਾ ਵਸ੍ਸਸਹਸ੍ਸੇਨ, ਏਕਂ ਨਿਬ੍ਬਤ੍ਤਤੇ ਫਲਂ.

ਤਂ ਦੇਵਾ ਪਯਿਰੁਪਾਸਨ੍ਤਿ, ਤਾਵ ਦੂਰਫਲਂ ਸਤਿਂ;

ਆਸੀਸੇਵ [ਆਸਿਂਸੇਵ (ਸੀ. ਸ੍ਯਾ. ਪੀ.)] ਤੁਵਂ ਰਾਜ, ਆਸਾ ਫਲਵਤੀ ਸੁਖਾ.

ਆਸੀਸਤੇਵ [ਆਸਿਂਸੇਥੇਵ (ਸੀ. ਸ੍ਯਾ. ਪੀ.)] ਸੋ ਪਕ੍ਖੀ, ਆਸੀਸਤੇਵ [ਆਸਿਂਸੇਥੇਵ (ਸੀ. ਸ੍ਯਾ. ਪੀ.)] ਸੋ ਦਿਜੋ;

ਤਸ੍ਸ ਚਾਸਾ [ਤਸ੍ਸੇਵਾਸਾ (ਸ੍ਯਾ.)] ਸਮਿਜ੍ਝਤਿ, ਤਾਵ ਦੂਰਗਤਾ ਸਤੀ;

ਆਸੀਸੇਵ ਤੁਵਂ ਰਾਜ, ਆਸਾ ਫਲਵਤੀ ਸੁਖਾ.

ਸਮ੍ਪੇਸਿ ਖੋ ਮਂ ਵਾਚਾਯ, ਨ ਚ ਸਮ੍ਪੇਸਿ [ਸਂਸੇਸਿ (ਕ.)] ਕਮ੍ਮੁਨਾ;

ਮਾਲਾ ¶ ਸੇਰੇਯ੍ਯਕਸ੍ਸੇਵ, ਵਣ੍ਣਵਨ੍ਤਾ ਅਗਨ੍ਧਿਕਾ.

ਅਫਲਂ ਮਧੁਰਂ ਵਾਚਂ, ਯੋ ਮਿਤ੍ਤੇਸੁ ਪਕੁਬ੍ਬਤਿ;

ਅਦਦਂ ਅਵਿਸ੍ਸਜਂ ਭੋਗਂ, ਸਨ੍ਧਿ ਤੇਨਸ੍ਸ ਜੀਰਤਿ.

ਯਞ੍ਹਿ ਕਯਿਰਾ ਤਞ੍ਹਿ ਵਦੇ, ਯਂ ਨ ਕਯਿਰਾ ਨ ਤਂ ਵਦੇ;

ਅਕਰੋਨ੍ਤਂ ਭਾਸਮਾਨਂ, ਪਰਿਜਾਨਨ੍ਤਿ ਪਣ੍ਡਿਤਾ.

ਬਲਞ੍ਚ ਵਤ ਮੇ ਖੀਣਂ, ਪਾਥੇਯ੍ਯਞ੍ਚ ਨ ਵਿਜ੍ਜਤਿ;

ਸਙ੍ਕੇ ਪਾਣੂਪਰੋਧਾਯ, ਹਨ੍ਦ ਦਾਨਿ ਵਜਾਮਹਂ.

ਏਤਦੇਵ ¶ ¶ ਹਿ ਮੇ ਨਾਮਂ, ਯਂ ਨਾਮਸ੍ਮਿ ਰਥੇਸਭ;

ਆਗਮੇਹਿ ਮਹਾਰਾਜ, ਪਿਤਰਂ ਆਮਨ੍ਤਯਾਮਹਨ੍ਤਿ.

ਨ ਮੇ ਰੁਚ੍ਚਿ ਮਿਗਾਲੋਪ, ਯਸ੍ਸ ਤੇ ਤਾਦਿਸੀ ਗਤੀ;

ਅਤੁਚ੍ਚਂ ਤਾਤ ਪਤਸਿ, ਅਭੂਮਿਂ ਤਾਤ ਸੇਵਸਿ.

ਚਤੁਕ੍ਕਣ੍ਣਂਵ ਕੇਦਾਰਂ, ਯਦਾ ਤੇ ਪਥਵੀ ਸਿਯਾ;

ਤਤੋ ਤਾਤ ਨਿਵਤ੍ਤਸ੍ਸੁ, ਮਾਸ੍ਸੁ ਏਤ੍ਤੋ ਪਰਂ ਗਮਿ.

ਸਨ੍ਤਿ ਅਞ੍ਞੇਪਿ ਸਕੁਣਾ, ਪਤ੍ਤਯਾਨਾ ਵਿਹਙ੍ਗਮਾ;

ਅਕ੍ਖਿਤ੍ਤਾ ਵਾਤਵੇਗੇਨ, ਨਟ੍ਠਾ ਤੇ ਸਸ੍ਸਤੀਸਮਾ.

ਅਕਤ੍ਵਾ ਅਪਨਨ੍ਦਸ੍ਸ [ਅਪਰਣ੍ਣਸ੍ਸ (ਸੀ. ਸ੍ਯਾ. ਪੀ.)], ਪਿਤੁ ਵੁਦ੍ਧਸ੍ਸ ਸਾਸਨਂ;

ਕਾਲਵਾਤੇ ¶ ਅਤਿਕ੍ਕਮ੍ਮ, ਵੇਰਮ੍ਭਾਨਂ ਵਸਂ ਅਗਾ [ਗਤੋ (ਸੀ.)].

ਤਸ੍ਸ ਪੁਤ੍ਤਾ ਚ ਦਾਰਾ ਚ, ਯੇ ਚਞ੍ਞੇ ਅਨੁਜੀਵਿਨੋ;

ਸਬ੍ਬੇ ਬ੍ਯਸਨਮਾਪਾਦੁਂ, ਅਨੋਵਾਦਕਰੇ ਦਿਜੇ.

ਏਵਮ੍ਪਿ ਇਧ ਵੁਦ੍ਧਾਨਂ, ਯੋ ਵਾਕ੍ਯਂ ਨਾਵਬੁਜ੍ਝਤਿ;

ਅਤਿਸੀਮਚਰੋ [ਅਤਿਸੀਮਂ ਚਰੋ (ਸੀ. ਸ੍ਯਾ. ਕ.)] ਦਿਤ੍ਤੋ, ਗਿਜ੍ਝੋਵਾਤੀਤਸਾਸਨੋ;

ਸਬ੍ਬੇ ਬ੍ਯਸਨਂ ਪਪ੍ਪੋਨ੍ਤਿ, ਅਕਤ੍ਵਾ ਬੁਦ੍ਧਸਾਸਨਨ੍ਤਿ.

ਕਾ ਨੁ ਕਾਲ਼ੇਨ ਵਣ੍ਣੇਨ, ਨ ਚਾਪਿ [ਨ ਚਾਸਿ (ਸੀ.)] ਪਿਯਦਸ੍ਸਨਾ;

ਕਾ ਵਾ ਤ੍ਵਂ ਕਸ੍ਸ ਵਾ ਧੀਤਾ, ਕਥਂ ਜਾਨੇਮੁ ਤਂ ਮਯਂ.

ਮਹਾਰਾਜਸ੍ਸਹਂ ਧੀਤਾ, ਵਿਰੂਪਕ੍ਖਸ੍ਸ ਚਣ੍ਡਿਯਾ;

ਅਹਂ ਕਾਲ਼ੀ ਅਲਕ੍ਖਿਕਾ, ਕਾਲ਼ਕਣ੍ਣੀਤਿ ਮਂ ਵਿਦੂ;

ਓਕਾਸਂ ਯਾਚਿਤੋ ਦੇਹਿ, ਵਸੇਮੁ ਤਵ ਸਨ੍ਤਿਕੇ.

ਕਿਂਸੀਲੇ ¶ ਕਿਂਸਮਾਚਾਰੇ, ਪੁਰਿਸੇ ਨਿਵਿਸਸੇ ਤੁਵਂ;

ਪੁਟ੍ਠਾ ਮੇ ਕਾਲ਼ਿ ਅਕ੍ਖਾਹਿ, ਕਥਂ [ਯਥਾ (ਸੀ. ਪੀ.)] ਜਾਨੇਮੁ ਤਂ ਮਯਂ.

ਮਕ੍ਖੀ ਪਲ਼ਾਸੀ ਸਾਰਮ੍ਭੀ, ਇਸ੍ਸੁਕੀ ਮਚ੍ਛਰੀ ਸਠੋ;

ਸੋ ਮਯ੍ਹਂ ਪੁਰਿਸੋ ਕਨ੍ਤੋ, ਲਦ੍ਧਂ ਯਸ੍ਸ ਵਿਨਸ੍ਸਤਿ.

ਕੋਧਨੋ ¶ ਉਪਨਾਹੀ ਚ, ਪਿਸੁਣੋ ਚ ਵਿਭੇਦਕੋ;

ਕਣ੍ਡਕਵਾਚੋ [ਅਣ੍ਡਕਵਾਚੋ (ਕ. ਸੀ. ਪੀ.)] ਫਰੁਸੋ, ਸੋ ਮੇ ਕਨ੍ਤਤਰੋ ਤਤੋ.

ਅਜ੍ਜ ¶ ਸੁਵੇਤਿ ਪੁਰਿਸੋ, ਸਦਤ੍ਥਂ ਨਾਵਬੁਜ੍ਝਤਿ;

ਓਵਜ੍ਜਮਾਨੋ ਕੁਪ੍ਪਤਿ, ਸੇਯ੍ਯਂ ਸੋ ਅਤਿਮਞ੍ਞਤਿ.

ਦਵਪ੍ਪਲੁਦ੍ਧੋ [ਦੇਵਪ੍ਪਲੁਦ੍ਧੋ (ਕ.), ਦਵਪ੍ਪਲਦ੍ਧੋ (ਪੀ.)] ਪੁਰਿਸੋ, ਸਬ੍ਬਮਿਤ੍ਤੇਹਿ ਧਂਸਤਿ;

ਸੋ ਮਯ੍ਹਂ ਪੁਰਿਸੋ ਕਨ੍ਤੋ, ਤਸ੍ਮਿਂ ਹੋਮਿ ਅਨਾਮਯਾ.

ਅਪੇਹਿ ਏਤ੍ਤੋ ਤ੍ਵਂ ਕਾਲ਼ਿ, ਨੇਤਂ ਅਮ੍ਹੇਸੁ ਵਿਜ੍ਜਤਿ;

ਅਞ੍ਞਂ ਜਨਪਦਂ ਗਚ੍ਛ, ਨਿਗਮੇ ਰਾਜਧਾਨਿਯੋ.

ਅਹਮ੍ਪਿ ਖੋ ਤਂ [ਚੇਤਂ (ਸੀ.)] ਜਾਨਾਮਿ, ਨੇਤਂ ਤੁਮ੍ਹੇਸੁ ਵਿਜ੍ਜਤਿ;

ਸਨ੍ਤਿ ਲੋਕੇ ਅਲਕ੍ਖਿਕਾ, ਸਙ੍ਘਰਨ੍ਤਿ ਬਹੁਂ ਧਨਂ;

ਅਹਂ ਦੇਵੋ ਚ ਮੇ ਭਾਤਾ, ਉਭੋ ਨਂ ਵਿਧਮਾਮਸੇ.

ਕਾ ਨੁ ਦਿਬ੍ਬੇਨ ਵਣ੍ਣੇਨ, ਪਥਬ੍ਯਾ ਸੁਪਤਿਟ੍ਠਿਤਾ;

ਕਾ ਵਾ ਤ੍ਵਂ ਕਸ੍ਸ ਵਾ ਧੀਤਾ, ਕਥਂ ਜਾਨੇਮੁ ਤਂ ਮਯਂ.

ਮਹਾਰਾਜਸ੍ਸਹਂ ਧੀਤਾ, ਧਤਰਟ੍ਠਸ੍ਸ ਸਿਰੀਮਤੋ [ਧਤਰਟ੍ਠਸਿਰੀਮਤੋ (ਸ੍ਯਾ. ਕ.)];

ਅਹਂ ਸਿਰੀ ਚ ਲਕ੍ਖੀ ਚ, ਭੂਰਿਪਞ੍ਞਾਤਿ ਮਂ ਵਿਦੂ;

ਓਕਾਸਂ ਯਾਚਿਤੋ ਦੇਹਿ, ਵਸੇਮੁ ਤਵ ਸਨ੍ਤਿਕੇ.

ਕਿਂਸੀਲੇ ਕਿਂਸਮਾਚਾਰੇ, ਪੁਰਿਸੇ ਨਿਵਿਸਸੇ ਤੁਵਂ;

ਪੁਟ੍ਠਾ ਮੇ ਲਕ੍ਖਿ ਅਕ੍ਖਾਹਿ, ਕਥਂ [ਯਥਾ (ਸੀ. ਪੀ.)] ਜਾਨੇਮੁ ਤਂ ਮਯਂ.

ਯੋ ¶ ਚਾਪਿ ਸੀਤੇ ਅਥਵਾਪਿ ਉਣ੍ਹੇ, ਵਾਤਾਤਪੇ ਡਂਸਸਰੀਸਪੇ ਚ;

ਖੁਧਂ [ਖੁਦ੍ਦਂ (ਸ੍ਯਾ. ਕ.), ਖੁਦਂ (ਪੀ.)] ਪਿਪਾਸਂ ਅਭਿਭੁਯ੍ਯ ਸਬ੍ਬਂ, ਰਤ੍ਤਿਨ੍ਤਿਵਂ ਯੋ ਸਤਤਂ ਨਿਯੁਤ੍ਤੋ;

ਕਾਲਾਗਤਞ੍ਚ ¶ ਨ ਹਾਪੇਤਿ ਅਤ੍ਥਂ, ਸੋ ਮੇ ਮਨਾਪੋ ਨਿਵਿਸੇ ਚ ਤਮ੍ਹਿ.

ਅਕ੍ਕੋਧਨੋ ਮਿਤ੍ਤਵਾ ਚਾਗਵਾ ਚ, ਸੀਲੂਪਪਨ੍ਨੋ ਅਸਠੋਜੁਭੂਤੋ [ਅਸਠੋ ਉਜ੍ਜੁਭੂਤੋ (ਪੀ.)];

ਸਙ੍ਗਾਹਕੋ ਸਖਿਲੋ ਸਣ੍ਹਵਾਚੋ, ਮਹਤ੍ਤਪਤ੍ਤੋਪਿ ਨਿਵਾਤਵੁਤ੍ਤਿ;

ਤਸ੍ਮਿਂਹਂ [ਤਸ੍ਮਾਹਂ (ਸੀ. ਪੀ.)] ਪੋਸੇ ਵਿਪੁਲਾ ਭਵਾਮਿ, ਊਮਿ ਸਮੁਦ੍ਦਸ੍ਸ ਯਥਾਪਿ ਵਣ੍ਣਂ.

ਯੋ ਚਾਪਿ ਮਿਤ੍ਤੇ ਅਥਵਾ ਅਮਿਤ੍ਤੇ, ਸੇਟ੍ਠੇ ਸਰਿਕ੍ਖੇ ਅਥ ਵਾਪਿ ਹੀਨੇ;

ਅਤ੍ਥਂ ਚਰਨ੍ਤਂ ਅਥਵਾ ਅਨਤ੍ਥਂ, ਆਵੀ ਰਹੋ ਸਙ੍ਗਹਮੇਵ ਵਤ੍ਤੇ [ਵਤ੍ਤੋ (ਸ੍ਯਾ. ਕ.)].

ਵਾਚਂ ਨ ਵਜ੍ਜਾ ਫਰੁਸਂ ਕਦਾਚਿ, ਮਤਸ੍ਸ ਜੀਵਸ੍ਸ ਚ ਤਸ੍ਸ ਹੋਮਿ.

ਏਤੇਸਂ ਯੋ ਅਞ੍ਞਤਰਂ ਲਭਿਤ੍ਵਾ, ਕਨ੍ਤਾ ਸਿਰੀ [ਕਨ੍ਤਸਿਰਿਂ (ਕਤ੍ਥਚਿ), ਕਨ੍ਤਂ ਸਿਰਿਂ (ਸ੍ਯਾ.) ਅਟ੍ਠਕਥਾਯਂ ਦੁਤਿਯਤਤਿਯਪਾਠਨ੍ਤਰਾਨਿ] ਮਜ੍ਜਤਿ ਅਪ੍ਪਪਞ੍ਞੋ;

ਤਂ ਦਿਤ੍ਤਰੂਪਂ ਵਿਸਮਂ ਚਰਨ੍ਤਂ, ਕਰੀਸਠਾਨਂਵ [ਕਰੀਸਜਾਤਂ ਵ (ਸੀ. ਸ੍ਯਾ.)] ਵਿਵਜ੍ਜਯਾਮਿ.

ਅਤ੍ਤਨਾ ¶ ਕੁਰੁਤੇ ਲਕ੍ਖਿਂ, ਅਲਕ੍ਖਿਂ ਕੁਰੁਤਤ੍ਤਨਾ;

ਨ ¶ ਹਿ ਲਕ੍ਖਿਂ ਅਲਕ੍ਖਿਂ ਵਾ, ਅਞ੍ਞੋ ਅਞ੍ਞਸ੍ਸ ਕਾਰਕੋਤਿ.

ਸੁਚਿਤ੍ਤਪਤ੍ਤਛਦਨ ¶ , ਤਮ੍ਬਚੂਲ਼ ਵਿਹਙ੍ਗਮ;

ਓਰੋਹ ਦੁਮਸਾਖਾਯ, ਮੁਧਾ ਭਰਿਯਾ ਭਵਾਮਿ ਤੇ.

ਚਤੁਪ੍ਪਦੀ ਤ੍ਵਂ ਕਲ੍ਯਾਣਿ, ਦ੍ਵਿਪਦਾਹਂ ਮਨੋਰਮੇ;

ਮਿਗੀ ਪਕ੍ਖੀ ਅਸਞ੍ਞੁਤ੍ਤਾ, ਅਞ੍ਞਂ ਪਰਿਯੇਸ ਸਾਮਿਕਂ.

ਕੋਮਾਰਿਕਾ ਤੇ ਹੇਸ੍ਸਾਮਿ, ਮਞ੍ਜੁਕਾ ਪਿਯਭਾਣਿਨੀ;

ਵਿਨ੍ਦ ਮਂ ਅਰਿਯੇਨ ਵੇਦੇਨ, ਸਾਵਯ ਮਂ ਯਦਿਚ੍ਛਸਿ.

ਕੁਣਪਾਦਿਨਿ ਲੋਹਿਤਪੇ, ਚੋਰਿ ਕੁਕ੍ਕੁਟਪੋਥਿਨਿ;

ਨ ਤ੍ਵਂ ਅਰਿਯੇਨ ਵੇਦੇਨ, ਮਮਂ ਭਤ੍ਤਾਰਮਿਚ੍ਛਸਿ.

ਏਵਮ੍ਪਿ ਚਤੁਰਾ [ਚਾਤੁਰਾ (ਸ੍ਯਾ. ਕ.)] ਨਾਰੀ, ਦਿਸ੍ਵਾਨ ਸਧਨਂ [ਪਵਰਂ (ਸੀ. ਸ੍ਯਾ. ਪੀ.)] ਨਰਂ;

ਨੇਨ੍ਤਿ ਸਣ੍ਹਾਹਿ ਵਾਚਾਹਿ, ਬਿਲ਼ਾਰੀ ਵਿਯ ਕੁਕ੍ਕੁਟਂ.

ਯੋ ਚ ਉਪ੍ਪਤਿਤਂ ਅਤ੍ਥਂ, ਨ ਖਿਪ੍ਪਮਨੁਬੁਜ੍ਝਤਿ;

ਅਮਿਤ੍ਤਵਸਮਨ੍ਵੇਤਿ, ਪਚ੍ਛਾ ਚ ਅਨੁਤਪ੍ਪਤਿ.

ਯੋ ਚ ਉਪ੍ਪਤਿਤਂ ਅਤ੍ਥਂ, ਖਿਪ੍ਪਮੇਵ ਨਿਬੋਧਤਿ;

ਮੁਚ੍ਚਤੇ ¶ ਸਤ੍ਤੁਸਮ੍ਬਾਧਾ, ਕੁਕ੍ਕੁਟੋਵ ਬਿਲ਼ਾਰਿਯਾਤਿ.

ਧਮ੍ਮਂ ਚਰਥ ਞਾਤਯੋ, ਧਮ੍ਮਂ ਚਰਥ ਭਦ੍ਦਂ ਵੋ [ਭਦ੍ਦ ਵੋ (ਕ.)];

ਧਮ੍ਮਚਾਰੀ ਸੁਖਂ ਸੇਤਿ, ਅਸ੍ਮਿਂ ਲੋਕੇ ਪਰਮ੍ਹਿ ਚ.

ਭਦ੍ਦਕੋ ਵਤਯਂ ਪਕ੍ਖੀ, ਦਿਜੋ ਪਰਮਧਮ੍ਮਿਕੋ;

ਏਕਪਾਦੇਨ ਤਿਟ੍ਠਨ੍ਤੋ, ਧਮ੍ਮਮੇਵਾਨੁਸਾਸਤਿ.

ਨਾਸ੍ਸ ਸੀਲਂ ਵਿਜਾਨਾਥ, ਅਨਞ੍ਞਾਯ ਪਸਂਸਥ;

ਭੁਤ੍ਵਾ ਅਣ੍ਡਞ੍ਚ ਪੋਤਞ੍ਚ [ਛਾਪੇ ਚ (ਸੀ. ਪੀ.)], ਧਮ੍ਮੋ ਧਮ੍ਮੋਤਿ ਭਾਸਤਿ.

ਅਞ੍ਞਂ ਭਣਤਿ ਵਾਚਾਯ, ਅਞ੍ਞਂ ਕਾਯੇਨ ਕੁਬ੍ਬਤਿ;

ਵਾਚਾਯ ਨੋ ਚ ਕਾਯੇਨ, ਨ ਤਂ ਧਮ੍ਮਂ ਅਧਿਟ੍ਠਿਤੋ.

ਵਾਚਾਯ ¶ ¶ ਸਖਿਲੋ ਮਨੋਵਿਦੁਗ੍ਗੋ, ਛਨ੍ਨੋ ਕੂਪਸਯੋਵ ਕਣ੍ਹਸਪ੍ਪੋ;

ਧਮ੍ਮਧਜੋ ਗਾਮਨਿਗਮਾਸੁਸਾਧੁ [ਗਾਮਨਿਗਮਾਸੁ ਸਾਧੁਸਮ੍ਮਤੋ (ਸੀ.), ਗਾਮਨਿਗਮਸਾਧੁ (ਪੀ.)], ਦੁਜ੍ਜਾਨੋ ਪੁਰਿਸੇਨ ਬਾਲਿਸੇਨ.

ਇਮਂ ¶ ਤੁਣ੍ਡੇਹਿ ਪਕ੍ਖੇਹਿ, ਪਾਦਾ ਚਿਮਂ ਵਿਹੇਠਥ [ਵਿਪੋਥਥ (ਪੀ.)];

ਛਵਞ੍ਹਿਮਂ ਵਿਨਾਸੇਥ, ਨਾਯਂ ਸਂਵਾਸਨਾਰਹੋਤਿ.

ਸਚੇ ਬ੍ਰਾਹ੍ਮਣ ਗਚ੍ਛੇਸਿ, ਸਾਕੇਤੇ [ਸਾਕੇਤਂ (ਸੀ. ਸ੍ਯਾ.)] ਅਜ੍ਜੁਨਂ [ਅਞ੍ਝਨਂ (ਸੀ. ਸ੍ਯਾ. ਪੀ.)] ਵਨਂ;

ਵਜ੍ਜਾਸਿ ਨਨ੍ਦਿਯਂ ਨਾਮ, ਪੁਤ੍ਤਂ ਅਸ੍ਮਾਕਮੋਰਸਂ;

ਮਾਤਾ ਪਿਤਾ ਚ ਤੇ ਵੁਦ੍ਧਾ, ਤੇ ਤਂ ਇਚ੍ਛਨ੍ਤਿ ਪਸ੍ਸਿਤੁਂ.

ਭੁਤ੍ਤਾ ਮਯਾ ਨਿਵਾਪਾਨਿ, ਰਾਜਿਨੋ ਪਾਨਭੋਜਨਂ;

ਤਂ ਰਾਜਪਿਣ੍ਡਂ ਅਵਭੋਤ੍ਤੁਂ [ਅਵਭੋਤ੍ਤਂ (ਕ.)], ਨਾਹਂ ਬ੍ਰਾਹ੍ਮਣ ਮੁਸ੍ਸਹੇ.

ਓਦਹਿਸ੍ਸਾਮਹਂ ਪਸ੍ਸਂ, ਖੁਰਪ੍ਪਾਨਿਸ੍ਸ [ਖੁਰਪ੍ਪਾਣਿਸ੍ਸ (ਸੀ.), ਖੁਰਪਾਣਿਸ੍ਸ (ਪੀ.), ਖੁਰਪ੍ਪਪਾਣਿਸ੍ਸ (?)] ਰਾਜਿਨੋ;

ਤਦਾਹਂ ਸੁਖਿਤੋ ਮੁਤ੍ਤੋ, ਅਪਿ ਪਸ੍ਸੇਯ੍ਯ ਮਾਤਰਂ.

ਮਿਗਰਾਜਾ ਪੁਰੇ ਆਸਿਂ, ਕੋਸਲਸ੍ਸ ਨਿਕੇਤਨੇ [ਨਿਕੇਤਵੇ (ਸੀ. ਸ੍ਯਾ. ਪੀ.)];

ਨਨ੍ਦਿਯੋ ਨਾਮ ਨਾਮੇਨ, ਅਭਿਰੂਪੋ ਚਤੁਪ੍ਪਦੋ.

ਤਂ ਮਂ ਵਧਿਤੁਮਾਗਚ੍ਛਿ, ਦਾਯਸ੍ਮਿਂ ਅਜ੍ਜੁਨੇ ਵਨੇ;

ਧਨੁਂ ਆਰਜ੍ਜਂ [ਆਰਜ੍ਜੁਂ (ਨਿਯ੍ਯ), ਅਦੇਜ੍ਝਂ (ਸੀ. ਪੀ.) ਅਦ੍ਵੇਧਾਭਾਵਂ ਏਕੀਭਾਵਨ੍ਤਿ ਅਤ੍ਥੋ] ਕਤ੍ਵਾਨ, ਉਸੁਂ ਸਨ੍ਨਯ੍ਹ [ਸਨ੍ਧਾਯ (ਸੀ. ਪੀ.)] ਕੋਸਲੋ.

ਤਸ੍ਸਾਹਂ ¶ ਓਦਹਿਂ ਪਸ੍ਸਂ, ਖੁਰਪ੍ਪਾਨਿਸ੍ਸ ਰਾਜਿਨੋ;

ਤਦਾਹਂ ¶ ਸੁਖਿਤੋ ਮੁਤ੍ਤੋ, ਮਾਤਰਂ ਦਟ੍ਠੁਮਾਗਤੋਤਿ.

ਅਥ ਕੁਜ੍ਝਰਥੇਸਭ ਕੇਤੁਵਰੋ, ਸਦਰੀਮੁਖ ਨੇਰੁ ਲਤਾ ਚ ਪੁਨ;

ਅਪਨਨ੍ਦ ਸਿਰੀ ਚ ਸੁਚਿਤ੍ਤਵਰੋ, ਅਥ ਧਮ੍ਮਿਕ ਨਨ੍ਦਿਮਿਗੇਨ ਦਸਾਤਿ.

ਸਚ੍ਚਂ ¶ ਕਿਰੇਵਮਾਹਂਸੁ, ਵਸ੍ਤਂ [ਭਸ੍ਤਂ (ਸੀ. ਪੀ.), ਕਲਕਂ (ਸ੍ਯਾ.), ਗਰਂ (ਕ.)] ਬਾਲੋਤਿ ਪਣ੍ਡਿਤਾ;

ਪਸ੍ਸ ਬਾਲੋ ਰਹੋਕਮ੍ਮਂ, ਆਵਿਕੁਬ੍ਬਂ ਨ ਬੁਜ੍ਝਤਿ.

ਤ੍ਵਂ ਖੋਪਿ [ਤ੍ਵਂ ਨੁ ਖੋ (ਸੀ. ਸ੍ਯਾ.), ਤ੍ਵਞ੍ਚ ਖੋ (ਪੀ.)] ਸਮ੍ਮ ਬਾਲੋਸਿ, ਖਰਪੁਤ੍ਤ ਵਿਜਾਨਹਿ;

ਰਜ੍ਜੁਯਾ ਹਿ [ਰਜ੍ਜੁਯਾਸਿ (ਪੀ.)] ਪਰਿਕ੍ਖਿਤ੍ਤੋ, ਵਙ੍ਕੋਟ੍ਠੋ ਓਹਿਤੋਮੁਖੋ.

ਅਪਰਮ੍ਪਿ ਸਮ੍ਮ ਤੇ ਬਾਲ੍ਯਂ [ਅਯਮ੍ਪਿ ਸਮ੍ਮ ਤੇ ਬਾਲੋ (ਕ.)], ਯੋ ਮੁਤ੍ਤੋ ਨ ਪਲਾਯਸਿ;

ਸੋ ਚ ਬਾਲਤਰੋ ਸਮ੍ਮ, ਯਂ ਤ੍ਵਂ ਵਹਸਿ ਸੇਨਕਂ.

ਯਂ ਨੁ ਸਮ੍ਮ ਅਹਂ ਬਾਲੋ, ਅਜਰਾਜ ਵਿਜਾਨਹਿ;

ਅਥ ¶ ਕੇਨ ਸੇਨਕੋ ਬਾਲੋ, ਤਂ ਮੇ ਅਕ੍ਖਾਹਿ ਪੁਚ੍ਛਿਤੋ.

ਉਤ੍ਤਮਤ੍ਥਂ ਲਭਿਤ੍ਵਾਨ, ਭਰਿਯਾਯ ਯੋ ਪਦਸ੍ਸਤਿ [ਭਯਿਯਾ ਯੋ ਪਦਸ੍ਸਤਿ (ਪੀ.), ਭਯਿਯਾ ਨ ਭਵਿਸ੍ਸਤਿ (ਕ.)];

ਤੇਨ ਜਹਿਸ੍ਸਤਤ੍ਤਾਨਂ, ਸਾ ਚੇਵਸ੍ਸ ਨ ਹੇਸ੍ਸਤਿ.

ਨ ¶ ਵੇ ਪਿਯਮ੍ਮੇਤਿ [ਨ ਪਿਯਮੇਤਿ (ਕ.), ਨ ਪਿਯਮੇਦਨ੍ਤਿ (ਕਤ੍ਥਚਿ)] ਜਨਿਨ੍ਦ ਤਾਦਿਸੋ, ਅਤ੍ਤਂ ਨਿਰਂਕਤ੍ਵਾ ਪਿਯਾਨਿ ਸੇਵਤਿ [ਸੇਵਯੇ (?)];

ਅਤ੍ਤਾਵ ਸੇਯ੍ਯੋ ਪਰਮਾ ਚ ਸੇਯ੍ਯੋ, ਲਬ੍ਭਾ ਪਿਯਾ ਓਚਿਤਤ੍ਥੇਨ ਪਚ੍ਛਾਤਿ.

ਅਕਕ੍ਕਸਂ ਅਫਰੁਸਂ, ਖਰਧੋਤਂ ਸੁਪਾਸਿਯਂ;

ਸੁਖੁਮਂ ਤਿਖਿਣਗ੍ਗਞ੍ਚ, ਕੋ ਸੂਚਿਂ ਕੇਤੁਮਿਚ੍ਛਤਿ.

ਸੁਮਜ੍ਜਞ੍ਚ ਸੁਪਾਸਞ੍ਚ, ਅਨੁਪੁਬ੍ਬਂ [ਅਨੁਪੁਬ੍ਬ (ਸੀ. ਸ੍ਯਾ.)] ਸੁਵਟ੍ਟਿਤਂ;

ਘਨਘਾਤਿਮਂ ਪਟਿਥਦ੍ਧਂ, ਕੋ ਸੂਚਿਂ ਕੇਤੁਮਿਚ੍ਛਤਿ.

ਇਤੋ ਦਾਨਿ ਪਤਾਯਨ੍ਤਿ, ਸੂਚਿਯੋ ਬਲ਼ਿਸਾਨਿ ਚ;

ਕੋਯਂ ਕਮ੍ਮਾਰਗਾਮਸ੍ਮਿਂ, ਸੂਚਿਂ ਵਿਕ੍ਕੇਤੁਮਿਚ੍ਛਤਿ.

ਇਤੋ ਸਤ੍ਥਾਨਿ ਗਚ੍ਛਨ੍ਤਿ, ਕਮ੍ਮਨ੍ਤਾ ਵਿਵਿਧਾ ਪੁਥੂ;

ਕੋਯਂ ਕਮ੍ਮਾਰਗਾਮਸ੍ਮਿਂ, ਸੂਚਿਂ ਵਿਕ੍ਕੇਤੁਮਿਚ੍ਛਤਿ [ਮਰਹਤਿ (ਸੀ. ਸ੍ਯਾ. ਪੀ.)].

ਸੂਚਿਂ ¶ ਕਮ੍ਮਾਰਗਾਮਸ੍ਮਿਂ, ਵਿਕ੍ਕੇਤਬ੍ਬਾ ਪਜਾਨਤਾ;

ਆਚਰਿਯਾਵ ਜਾਨਨ੍ਤਿ [ਆਚਰਿਯਾ ਸਞ੍ਜਾਨਨ੍ਤਿ (ਕ.), ਆਚਰਿਯਾ ਪਜਾਨਨ੍ਤਿ (ਸ੍ਯਾ.), ਆਚਰਿਯਾਵ ਸਞ੍ਜਾਨਨ੍ਤਿ (ਪੀ.)], ਕਮ੍ਮਂ ਸੁਕਤਦੁਕ੍ਕਟਂ [ਦੁਕ੍ਕਤਂ (ਸੀ. ਪੀ.)].

ਇਮਂ ¶ ਚੇ [ਇਮਞ੍ਚ (ਸੀ. ਸ੍ਯਾ. ਪੀ.)] ਤੇ ਪਿਤਾ ਭਦ੍ਦੇ, ਸੂਚਿਂ ਜਞ੍ਞਾ ਮਯਾ ਕਤਂ;

ਤਯਾ ਚ ਮਂ ਨਿਮਨ੍ਤੇਯ੍ਯ, ਯਞ੍ਚਤ੍ਥਞ੍ਞਂ ਘਰੇ ਧਨਨ੍ਤਿ.

ਨਵਛਨ੍ਨਕੇ [ਨਵਛਨ੍ਦਕੇ (ਸੀ. ਪੀ.), ਨਵਚ੍ਛਦ੍ਦਕੇ (ਸ੍ਯਾ.)] ਦਾਨਿ [ਦੋਣਿ (ਕ.), ਦਾਨਂ, ਦਾਨੇ (ਕਤ੍ਥਚਿ)] ਦਿਯ੍ਯਤਿ, ਪੁਣ੍ਣਾਯਂ ਦੋਣਿ ਸੁਵਾਮਿਨੀ ਠਿਤਾ;

ਬਹੁਕੇ ਜਨੇ ਪਾਸਪਾਣਿਕੇ, ਨੋ ਚ ਖੋ ਮੇ ਪਟਿਭਾਤਿ ਭੁਞ੍ਜਿਤੁਂ.

ਤਸਸਿ ¶ ਭਮਸਿ ਲੇਣਮਿਚ੍ਛਸਿ, ਅਤ੍ਤਾਣੋਸਿ ਕੁਹਿਂ ਗਮਿਸ੍ਸਸਿ;

ਅਪ੍ਪੋਸ੍ਸੁਕ੍ਕੋ ਭੁਞ੍ਜ ਤੁਣ੍ਡਿਲ, ਮਂਸਤ੍ਥਾਯ ਹਿ ਪੋਸਿਤਾਮ੍ਹਸੇ [ਪੋਸਿਯਾਮਸੇ (ਸੀ. ਸ੍ਯਾ. ਪੀ.)].

ਓਗਹ ਰਹਦਂ ਅਕਦ੍ਦਮਂ, ਸਬ੍ਬਂ ਸੇਦਮਲਂ ਪਵਾਹਯ;

ਗਣ੍ਹਾਹਿ ਨਵਂ ਵਿਲੇਪਨਂ, ਯਸ੍ਸ ¶ ਗਨ੍ਧੋ ਨ ਕਦਾਚਿ ਛਿਜ੍ਜਤਿ.

ਕਤਮੋ ਰਹਦੋ ਅਕਦ੍ਦਮੋ, ਕਿਂਸੁ ਸੇਦਮਲਨ੍ਤਿ ਵੁਚ੍ਚਤਿ;

ਕਤਮਞ੍ਚ ਨਵਂ ਵਿਲੇਪਨਂ, ਯਸ੍ਸ ਗਨ੍ਧੋ ਨ ਕਦਾਚਿ ਛਿਜ੍ਜਤਿ.

ਧਮ੍ਮੋ ਰਹਦੋ ਅਕਦ੍ਦਮੋ, ਪਾਪਂ ਸੇਦਮਲਨ੍ਤਿ ਵੁਚ੍ਚਤਿ;

ਸੀਲਞ੍ਚ ਨਵਂ ਵਿਲੇਪਨਂ, ਤਸ੍ਸ ਗਨ੍ਧੋ ਨ ਕਦਾਚਿ ਛਿਜ੍ਜਤਿ.

ਨਨ੍ਦਨ੍ਤਿ ਸਰੀਰਘਾਤਿਨੋ, ਨ ਚ ਨਨ੍ਦਨ੍ਤਿ ਸਰੀਰਧਾਰਿਨੋ;

ਪੁਣ੍ਣਾਯ ਚ ਪੁਣ੍ਣਮਾਸਿਯਾ, ਰਮਮਾਨਾਵ ਜਹਨ੍ਤਿ ਜੀਵਿਤਨ੍ਤਿ.

ਸਿਙ੍ਗੀਮਿਗੋ ਆਯਤਚਕ੍ਖੁਨੇਤ੍ਤੋ, ਅਟ੍ਠਿਤ੍ਤਚੋ ਵਾਰਿਸਯੋ ਅਲੋਮੋ;

ਤੇਨਾਭਿਭੂਤੋ ਕਪਣਂ ਰੁਦਾਮਿ, ਹਰੇ ਸਖਾ ਕਿਸ੍ਸ ਨੁ ਮਂ ਜਹਾਸਿ.

ਸੋ ¶ ¶ ਪਸ੍ਸਸਨ੍ਤੋ ਮਹਤਾ ਫਣੇਨ, ਭੁਜਙ੍ਗਮੋ ਕਕ੍ਕਟਮਜ੍ਝਪਤ੍ਤੋ;

ਸਖਾ ਸਖਾਰਂ ਪਰਿਤਾਯਮਾਨੋ, ਭੁਜਙ੍ਗਮਂ ਕਕ੍ਕਟਕੋ ਗਹੇਸਿ.

ਨ ਵਾਯਸਂ ਨੋ ਪਨ ਕਣ੍ਹਸਪ੍ਪਂ, ਘਾਸਤ੍ਥਿਕੋ ਕਕ੍ਕਟਕੋ ਅਦੇਯ੍ਯ;

ਪੁਚ੍ਛਾਮਿ ਤਂ ਆਯਤਚਕ੍ਖੁਨੇਤ੍ਤ, ਅਥ ਕਿਸ੍ਸ ਹੇਤੁਮ੍ਹ ਉਭੋ ਗਹੀਤਾ.

ਅਯਂ ਪੁਰਿਸੋ ਮਮ ਅਤ੍ਥਕਾਮੋ, ਯੋ ਮਂ ਗਹੇਤ੍ਵਾਨ ਦਕਾਯ ਨੇਤਿ;

ਤਸ੍ਮਿਂ ਮਤੇ ਦੁਕ੍ਖਮਨਪ੍ਪਕਂ ਮੇ, ਅਹਞ੍ਚ ਏਸੋ ਚ ਉਭੋ ਨ ਹੋਮ.

ਮਮਞ੍ਚ ਦਿਸ੍ਵਾਨ ਪਵਦ੍ਧਕਾਯਂ, ਸਬ੍ਬੋ ਜਨੋ ਹਿਂਸਿਤੁਮੇਵ ਮਿਚ੍ਛੇ;

ਸਾਦੁਞ੍ਚ ਥੂਲਞ੍ਚ ਮੁਦੁਞ੍ਚ ਮਂਸਂ, ਕਾਕਾਪਿ ਮਂ ਦਿਸ੍ਵਾਨ [ਦਿਸ੍ਵ (ਸੀ. ਪੀ.)] ਵਿਹੇਠਯੇਯ੍ਯੁਂ.

ਸਚੇਤਸ੍ਸ ¶ ਹੇਤੁਮ੍ਹ ਉਭੋ ਗਹੀਤਾ, ਉਟ੍ਠਾਤੁ ਪੋਸੋ ਵਿਸਮਾਵਮਾਮਿ [ਵਿਸਮਾਚਮਾਮਿ (ਸੀ. ਪੀ. ਕ.)];

ਮਮਞ੍ਚ ਕਾਕਞ੍ਚ ਪਮੁਞ੍ਚ ਖਿਪ੍ਪਂ, ਪੁਰੇ ¶ ਵਿਸਂ ਗਾਲ਼੍ਹਮੁਪੇਤਿ ਮਚ੍ਚਂ.

ਸਪ੍ਪਂ ਪਮੋਕ੍ਖਾਮਿ ਨ ਤਾਵ ਕਾਕਂ, ਪਟਿਬਨ੍ਧਕੋ [ਪਟਿਬਦ੍ਧਕੋ (ਸੀ. ਪੀ.)] ਹੋਹਿਤਿ [ਹੋਤਿ ਹਿ (ਸ੍ਯਾ.)] ਤਾਵ ਕਾਕੋ;

ਪੁਰਿਸਞ੍ਚ ਦਿਸ੍ਵਾਨ ਸੁਖਿਂ ਅਰੋਗਂ, ਕਾਕਂ ਪਮੋਕ੍ਖਾਮਿ ਯਥੇਵ ਸਪ੍ਪਂ.

ਕਾਕੋ ¶ ਤਦਾ ਦੇਵਦਤ੍ਤੋ ਅਹੋਸਿ, ਮਾਰੋ ਪਨ ਕਣ੍ਹਸਪ੍ਪੋ ਅਹੋਸਿ;

ਆਨਨ੍ਦਭਦ੍ਦੋ ਕਕ੍ਕਟਕੋ ਅਹੋਸਿ, ਅਹਂ ਤਦਾ ਬ੍ਰਾਹ੍ਮਣੋ ਹੋਮਿ ਸਤ੍ਥਾਤਿ [ਤਤ੍ਥਾਤਿ (ਸੀ. ਪੀ.)].

ਸਕੁਣੋ ਮਯ੍ਹਕੋ ਨਾਮ, ਗਿਰਿਸਾਨੁਦਰੀਚਰੋ;

ਪਕ੍ਕਂ ਪਿਪ੍ਫਲਿਮਾਰੁਯ੍ਹ, ਮਯ੍ਹਂ ਮਯ੍ਹਨ੍ਤਿ ਕਨ੍ਦਤਿ.

ਤਸ੍ਸੇਵਂ ਵਿਲਪਨ੍ਤਸ੍ਸ, ਦਿਜਸਙ੍ਘਾ ਸਮਾਗਤਾ;

ਭੁਤ੍ਵਾਨ ਪਿਪ੍ਫਲਿਂ ਯਨ੍ਤਿ, ਵਿਲਪਤ੍ਵੇਵ ਸੋ ਦਿਜੋ.

ਏਵਮੇਵ ਇਧੇਕਚ੍ਚੋ, ਸਙ੍ਘਰਿਤ੍ਵਾ ਬਹੁਂ ਧਨਂ;

ਨੇਵਤ੍ਤਨੋ ਨ ਞਾਤੀਨਂ, ਯਥੋਧਿਂ ਪਟਿਪਜ੍ਜਤਿ.

ਨ ਸੋ ਅਚ੍ਛਾਦਨਂ ਭਤ੍ਤਂ, ਨ ਮਾਲਂ ਨ ਵਿਲੇਪਨਂ;

ਅਨੁਭੋਤਿ ¶ [ਨਾਨੁਭੋਤਿ (ਸ੍ਯਾ. ਕ.)] ਸਕਿਂ ਕਿਞ੍ਚਿ, ਨ ਸਙ੍ਗਣ੍ਹਾਤਿ ਞਾਤਕੇ.

ਤਸ੍ਸੇਵਂ ਵਿਲਪਨ੍ਤਸ੍ਸ, ਮਯ੍ਹਂ ਮਯ੍ਹਨ੍ਤਿ ਰਕ੍ਖਤੋ;

ਰਾਜਾਨੋ ਅਥ ਵਾ ਚੋਰਾ, ਦਾਯਦਾ ਯੇ ਵ [ਯੇ ਚ (ਸ੍ਯਾ. ਕ.)] ਅਪ੍ਪਿਯਾ;

ਧਨਮਾਦਾਯ ਗਚ੍ਛਨ੍ਤਿ, ਵਿਲਪਤ੍ਵੇਵ ਸੋ ਨਰੋ.

ਧੀਰੋ [ਧੀਰੋ ਚ (ਸੀ.)] ਭੋਗੇ ਅਧਿਗਮ੍ਮ, ਸਙ੍ਗਣ੍ਹਾਤਿ ਚ ਞਾਤਕੇ;

ਤੇਨ ਸੋ ਕਿਤ੍ਤਿਂ ਪਪ੍ਪੋਤਿ, ਪੇਚ੍ਚ ਸਗ੍ਗੇ ਪਮੋਦਤੀਤਿ [ਸਗ੍ਗੇ ਚ ਮੋਦਤੀਤਿ (ਸੀ. ਪੀ.)].

ਦੁਬ੍ਬਣ੍ਣਰੂਪਂ ਤੁਵਮਰਿਯਵਣ੍ਣੀ, ਪੁਰਕ੍ਖਤ੍ਵਾ [ਪੁਰਕ੍ਖਿਤ੍ਵਾ (ਸ੍ਯਾ. ਕ.)] ਪਞ੍ਜਲਿਕੋ ਨਮਸ੍ਸਸਿ;

ਸੇਯ੍ਯੋ ਨੁ ਤੇ ਸੋ ਉਦਵਾ [ਉਦਾਹੁ (ਸ੍ਯਾ. ਕ.)] ਸਰਿਕ੍ਖੋ, ਨਾਮਂ ਪਰਸ੍ਸਤ੍ਤਨੋ ਚਾਪਿ ਬ੍ਰੂਹਿ.

ਨ ¶ ਨਾਮਗੋਤ੍ਤਂ ਗਣ੍ਹਨ੍ਤਿ ਰਾਜ, ਸਮ੍ਮਗ੍ਗਤਾਨੁਜ੍ਜੁਗਤਾਨ [ਸਮਗ੍ਗਤਾਨੁਜ੍ਜੁਗਤਾਨ (ਸ੍ਯਾ.), ਸਮੁਗ੍ਗਤਾਨੁਜ੍ਜੁਗਤਾਨ (ਕ.)] ਦੇਵਾ;

ਅਹਞ੍ਚ ਤੇ ਨਾਮਧੇਯ੍ਯਂ ਵਦਾਮਿ, ਸਕ੍ਕੋਹਮਸ੍ਮੀ ਤਿਦਸਾਨਮਿਨ੍ਦੋ.

ਯੋ ¶ ਦਿਸ੍ਵਾ ਭਿਕ੍ਖੁਂ ਚਰਣੂਪਪਨ੍ਨਂ, ਪੁਰਕ੍ਖਤ੍ਵਾ ਪਞ੍ਜਲਿਕੋ ਨਮਸ੍ਸਤਿ;

ਪੁਚ੍ਛਾਮਿ ਤਂ ਦੇਵਰਾਜੇਤਮਤ੍ਥਂ, ਇਤੋ ¶ ਚੁਤੋ ਕਿਂ ਲਭਤੇ ਸੁਖਂ ਸੋ.

ਯੋ ਦਿਸ੍ਵਾ ਭਿਕ੍ਖੁਂ ਚਰਣੂਪਪਨ੍ਨਂ, ਪੁਰਕ੍ਖਤ੍ਵਾ ਪਞ੍ਜਲਿਕੋ ਨਮਸ੍ਸਤਿ;

ਦਿਟ੍ਠੇਵ ਧਮ੍ਮੇ ਲਭਤੇ ਪਸਂਸਂ, ਸਗ੍ਗਞ੍ਚ ਸੋ ਯਾਤਿ ਸਰੀਰਭੇਦਾ.

ਲਕ੍ਖੀ ਵਤ ਮੇ ਉਦਪਾਦਿ ਅਜ੍ਜ, ਯਂ ਵਾਸਵਂ ਭੂਤਪਤਿਦ੍ਦਸਾਮ;

ਭਿਕ੍ਖੁਞ੍ਚ ਦਿਸ੍ਵਾਨ ਤੁਵਞ੍ਚ ਸਕ੍ਕ, ਕਾਹਾਮਿ ਪੁਞ੍ਞਾਨਿ ਅਨਪ੍ਪਕਾਨਿ.

ਅਦ੍ਧਾ ਹਵੇ ਸੇਵਿਤਬ੍ਬਾ ਸਪਞ੍ਞਾ, ਬਹੁਸ੍ਸੁਤਾ ਯੇ ਬਹੁਠਾਨਚਿਨ੍ਤਿਨੋ;

ਭਿਕ੍ਖੁਞ੍ਚ ਦਿਸ੍ਵਾਨ ਮਮਞ੍ਚ ਰਾਜ, ਕਰੋਹਿ ਪੁਞ੍ਞਾਨਿ ਅਨਪ੍ਪਕਾਨਿ.

ਅਕ੍ਕੋਧਨੋ ਨਿਚ੍ਚਪਸਨ੍ਨਚਿਤ੍ਤੋ, ਸਬ੍ਬਾਤਿਥੀਯਾਚਯੋਗੋ ਭਵਿਤ੍ਵਾ;

ਨਿਹਚ੍ਚ ਮਾਨਂ ਅਭਿਵਾਦਯਿਸ੍ਸਂ, ਸੁਤ੍ਵਾਨ ਦੇਵਿਨ੍ਦ ਸੁਭਾਸਿਤਾਨੀਤਿ.

ਵਿਜ੍ਜਾਧਰ [ਧਜਵਿਹੇਠਕ (ਸੀ. ਪੀ.), ਪਬ੍ਬਜਿਤਵਿਹੇਠਕ (ਸ੍ਯਾ.)] ਜਾਤਕਂ ਛਟ੍ਠਂ.

ਯਮੇਤਂ ¶ ¶ [ਯਮੇਕਂ (ਪੀ.)] ਵਾਰਿਜਂ ਪੁਪ੍ਫਂ, ਅਦਿਨ੍ਨਂ ਉਪਸਿਙ੍ਘਸਿ;

ਏਕਙ੍ਗਮੇਤਂ ਥੇਯ੍ਯਾਨਂ, ਗਨ੍ਧਥੇਨੋਸਿ ਮਾਰਿਸ.

ਨ ਹਰਾਮਿ ਨ ਭਞ੍ਜਾਮਿ, ਆਰਾ ਸਿਙ੍ਘਾਮਿ ਵਾਰਿਜਂ;

ਅਥ ਕੇਨ ਨੁ ਵਣ੍ਣੇਨ, ਗਨ੍ਧਥੇਨੋਤਿ ਵੁਚ੍ਚਤਿ.

ਯੋਯਂ ਭਿਸਾਨਿ ਖਣਤਿ, ਪੁਣ੍ਡਰੀਕਾਨਿ ਭਞ੍ਜਤਿ;

ਏਵਂ ਆਕਿਣ੍ਣਕਮ੍ਮਨ੍ਤੋ, ਕਸ੍ਮਾ ਏਸੋ ਨ ਵੁਚ੍ਚਤਿ.

ਆਕਿਣ੍ਣਲੁਦ੍ਦੋ ਪੁਰਿਸੋ, ਧਾਤਿਚੇਲਂਵ ਮਕ੍ਖਿਤੋ;

ਤਸ੍ਮਿਂ ਮੇ ਵਚਨਂ ਨਤ੍ਥਿ, ਤਞ੍ਚਾਰਹਾਮਿ ਵਤ੍ਤਵੇ.

ਅਨਙ੍ਗਣਸ੍ਸ ਪੋਸਸ੍ਸ, ਨਿਚ੍ਚਂ ਸੁਚਿਗਵੇਸਿਨੋ;

ਵਾਲਗ੍ਗਮਤ੍ਤਂ ਪਾਪਸ੍ਸ, ਅਬ੍ਭਾਮਤ੍ਤਂਵ ਖਾਯਤਿ.

ਅਦ੍ਧਾ ਮਂ ਯਕ੍ਖ ਜਾਨਾਸਿ, ਅਥੋ ਮਂ ਅਨੁਕਮ੍ਪਸਿ;

ਪੁਨਪਿ ਯਕ੍ਖ ਵਜ੍ਜਾਸਿ, ਯਦਾ ਪਸ੍ਸਸਿ ਏਦਿਸਂ.

ਨੇਵ ਤਂ ਉਪਜੀਵਾਮਿ, ਨਪਿ ਤੇ ਭਤਕਾਮ੍ਹਸੇ [ਭਤਕਮ੍ਹਸੇ (ਸੀ. ਪੀ.), ਭਤਿਕਮ੍ਹਸੇ (ਸ੍ਯਾ.)];

ਤ੍ਵਮੇਵ ਭਿਕ੍ਖੁ ਜਾਨੇਯ੍ਯ, ਯੇਨ ਗਚ੍ਛੇਯ੍ਯ ਸੁਗ੍ਗਤਿਨ੍ਤਿ.

ਸਿਙ੍ਘਪੁਪ੍ਫ [ਭਿਸਪੁਪ੍ਫ (ਸੀ. ਪੀ.), ਉਪਸਿਙ੍ਘਪੁਪ੍ਫ (ਸ੍ਯਾ.)] ਜਾਤਕਂ ਸਤ੍ਤਮਂ.

ਸੁਸੁਖਂ ¶ ਵਤ ਜੀਵਨ੍ਤਿ, ਯੇ ਜਨਾ ਵਿਘਾਸਾਦਿਨੋ;

ਦਿਟ੍ਠੇਵ ¶ ਧਮ੍ਮੇ ਪਾਸਂਸਾ, ਸਮ੍ਪਰਾਯੇ ਚ ਸੁਗ੍ਗਤੀ.

ਸੁਕਸ੍ਸ [ਸੁਵਸ੍ਸ (ਸੀ. ਸ੍ਯਾ. ਪੀ.)] ਭਾਸਮਾਨਸ੍ਸ, ਨ ਨਿਸਾਮੇਥ ਪਣ੍ਡਿਤਾ;

ਇਦਂ ਸੁਣਾਥ ਸੋਦਰਿਯਾ, ਅਮ੍ਹੇਵਾਯਂ ਪਸਂਸਤਿ.

ਨਾਹਂ ਤੁਮ੍ਹੇ ਪਸਂਸਾਮਿ, ਕੁਣਪਾਦਾ ਸੁਣਾਥ ਮੇ;

ਉਚ੍ਛਿਟ੍ਠਭੋਜਿਨੋ [ਭੋਜਨਾ (ਕ.)] ਤੁਮ੍ਹੇ, ਨ ਤੁਮ੍ਹੇ ਵਿਘਾਸਾਦਿਨੋ.

ਸਤ੍ਤਵਸ੍ਸਾ ¶ ਪਬ੍ਬਜਿਤਾ, ਮੇਜ੍ਝਾਰਞ੍ਞੇ [ਮਜ੍ਝੇਰਞ੍ਞੇ (ਕ.)] ਸਿਖਣ੍ਡਿਨੋ;

ਵਿਘਾਸੇਨੇਵ ਯਾਪੇਨ੍ਤਾ, ਮਯਂ ਚੇ ਭੋਤੋ ਗਾਰਯ੍ਹਾ;

ਤੁਮ੍ਹੇ ਸੀਹਾਨਂ ਬ੍ਯਗ੍ਘਾਨਂ, ਵਾਲ਼ਾਨਞ੍ਚਾਵਸਿਟ੍ਠਕਂ;

ਉਚ੍ਛਿਟ੍ਠੇਨੇਵ ਯਾਪੇਨ੍ਤਾ, ਮਞ੍ਞਿਵ੍ਹੋ ਵਿਘਾਸਾਦਿਨੋ.

ਯੇ ਬ੍ਰਾਹ੍ਮਣਸ੍ਸ ਸਮਣਸ੍ਸ, ਅਞ੍ਞਸ੍ਸ ਵਾ [ਅਞ੍ਞਸ੍ਸ ਚ (ਸੀ. ਸ੍ਯਾ.), ਅਞ੍ਞਸ੍ਸੇਵ (ਪੀ.)] ਵਨਿਬ੍ਬਿਨੋ [ਵਣਿਬ੍ਬਿਨੋ (ਸੀ. ਸ੍ਯਾ.)];

ਦਤ੍ਵਾਵ [ਦਤ੍ਵਾਨ (ਪੀ. ਕ.)] ਸੇਸਂ ਭੁਞ੍ਜਨ੍ਤਿ, ਤੇ ਜਨਾ ਵਿਘਾਸਾਦਿਨੋਤਿ.

ਪਣੀਤਂ ਭੁਞ੍ਜਸੇ ਭਤ੍ਤਂ, ਸਪ੍ਪਿਤੇਲਞ੍ਚ ਮਾਤੁਲ;

ਅਥ ਕੇਨ ਨੁ ਵਣ੍ਣੇਨ, ਕਿਸੋ ਤ੍ਵਮਸਿ ਵਾਯਸ.

ਅਮਿਤ੍ਤਮਜ੍ਝੇ ਵਸਤੋ, ਤੇਸੁ ਆਮਿਸਮੇਸਤੋ;

ਨਿਚ੍ਚਂ ਉਬ੍ਬਿਗ੍ਗਹਦਯਸ੍ਸ, ਕੁਤੋ ਕਾਕਸ੍ਸ ਦਲ਼੍ਹਿਯਂ.

ਨਿਚ੍ਚਂ ਉਬ੍ਬੇਗਿਨੋ [ਉਬ੍ਬਿਗ੍ਗਿਨੋ (ਸ੍ਯਾ. ਕ.), ਉਬ੍ਬੇਧਿਨੋ (ਸੀ.)] ਕਾਕਾ, ਧਙ੍ਕਾ ਪਾਪੇਨ ਕਮ੍ਮੁਨਾ;

ਲਦ੍ਧੋ ¶ ਪਿਣ੍ਡੋ ਨ ਪੀਣੇਤਿ, ਕਿਸੋ ਤੇਨਸ੍ਮਿ ਵਟ੍ਟਕ.

ਲੂਖਾਨਿ ਤਿਣਬੀਜਾਨਿ, ਅਪ੍ਪਸ੍ਨੇਹਾਨਿ ਭੁਞ੍ਜਸਿ;

ਅਥ ਕੇਨ ਨੁ ਵਣ੍ਣੇਨ, ਥੂਲੋ ਤ੍ਵਮਸਿ ਵਟ੍ਟਕ.

ਅਪ੍ਪਿਚ੍ਛਾ ਅਪ੍ਪਚਿਨ੍ਤਾਯ, ਅਦੂਰਗਮਨੇਨ ਚ;

ਲਦ੍ਧਾਲਦ੍ਧੇਨ ਯਾਪੇਨ੍ਤੋ, ਥੂਲੋ ਤੇਨਸ੍ਮਿ ਵਾਯਸ.

ਅਪ੍ਪਿਚ੍ਛਸ੍ਸ ¶ ਹਿ ਪੋਸਸ੍ਸ, ਅਪ੍ਪਚਿਨ੍ਤਸੁਖਸ੍ਸ [ਅਪ੍ਪਚਿਨ੍ਤਿਸੁਖਸ੍ਸ (ਸੀ. ਸ੍ਯਾ. ਪੀ.)] ਚ;

ਸੁਸਙ੍ਗਹਿਤਮਾਨਸ੍ਸ [ਸੁਸਙ੍ਗਹਿਤਪਮਾਣਸ੍ਸ (ਸੀ. ਸ੍ਯਾ. ਪੀ.)], ਵੁਤ੍ਤੀ ਸੁਸਮੁਦਾਨਯਾਤਿ.

ਚਿਰਸ੍ਸਂ ਵਤ ਪਸ੍ਸਾਮਿ, ਸਹਾਯਂ ਮਣਿਧਾਰਿਨਂ;

ਸੁਕਤਾ [ਸੁਕਤਾਯ (ਸੀ. ਪੀ.)] ਮਸ੍ਸੁਕੁਤ੍ਤਿਯਾ, ਸੋਭਤੇ ਵਤ ਮੇ ਸਖਾ.

ਪਰੂਲ਼੍ਹਕਚ੍ਛਨਖਲੋਮੋ ¶ , ਅਹਂ ਕਮ੍ਮੇਸੁ ਬ੍ਯਾਵਟੋ;

ਚਿਰਸ੍ਸਂ ਨ੍ਹਾਪਿਤਂ ਲਦ੍ਧਾ, ਲੋਮਂ ਤਂ ਅਜ੍ਜਂ ਹਾਰਯਿਂ [ਅਪਹਾਰਯਿਂ (ਸੀ. ਪੀ.)].

ਯਂ ਨੁ ਲੋਮਂ ਅਹਾਰੇਸਿ, ਦੁਲ੍ਲਭਂ ਲਦ੍ਧ ਕਪ੍ਪਕਂ;

ਅਥ ਕਿਞ੍ਚਰਹਿ ਤੇ ਸਮ੍ਮ, ਕਣ੍ਠੇ ਕਿਣਿਕਿਣਾਯਤਿ [ਇਦਂ ਕਣ੍ਠੇ ਕਿਣਾਯਤਿ (ਕ.), ਕਣ੍ਠੇ ਕਿਂਨਿਕਿਲਾਯਤਿ (ਸ੍ਯਾ.)].

ਮਨੁਸ੍ਸਸੁਖੁਮਾਲਾਨਂ, ਮਣਿ ਕਣ੍ਠੇਸੁ ਲਮ੍ਬਤਿ;

ਤੇਸਾਹਂ ¶ ਅਨੁਸਿਕ੍ਖਾਮਿ, ਮਾ ਤ੍ਵਂ ਮਞ੍ਞਿ ਦਵਾ ਕਤਂ.

ਸਚੇਪਿਮਂ ਪਿਹਯਸਿ, ਮਸ੍ਸੁਕੁਤ੍ਤਿਂ ਸੁਕਾਰਿਤਂ;

ਕਾਰਯਿਸ੍ਸਾਮਿ ਤੇ ਸਮ੍ਮ, ਮਣਿਞ੍ਚਾਪਿ ਦਦਾਮਿ ਤੇ.

ਤ੍ਵਞ੍ਞੇਵ ਮਣਿਨਾ ਛਨ੍ਨੋ, ਸੁਕਤਾਯ ਚ ਮਸ੍ਸੁਯਾ;

ਆਮਨ੍ਤ ਖੋ ਤਂ ਗਚ੍ਛਾਮਿ, ਪਿਯਂ ਮੇ ਤਵ ਦਸ੍ਸਨਨ੍ਤਿ.

ਪਾਰਾਵਤਜਾਤਕਂ [ਕਾਕਜਾਤਕਂ (ਸੀ. ਪੀ.), ਮਣਿਜਾਤਕਂ (ਸ੍ਯਾ.)] ਦਸਮਂ.

ਖਰਪੁਤ੍ਤਵਗ੍ਗੋ [ਸੇਨਕਵਗ੍ਗੋ (ਸੀ. ਪੀ.), ਖੁਰਪੁਤ੍ਤਵਗ੍ਗੋ (ਸ੍ਯਾ.), ਸੂਚਿਵਗ੍ਗੋ (ਕ.)] ਦੁਤਿਯੋ.

ਅਥ ਪਸ੍ਸ ਸਸੂਚਿ ਚ ਤੁਣ੍ਡਿਲਕੋ, ਮਿਗ ਮਯ੍ਹਕਪਞ੍ਚਮਪਕ੍ਖਿਵਰੋ;

ਅਥ ਪਞ੍ਜਲਿ ਵਾਰਿਜ ਮੇਜ੍ਝ ਪੁਨ, ਅਥ ਵਟ੍ਟ ਕਪੋਤਵਰੇਨ ਦਸਾਤਿ.

ਅਥ ਵਗ੍ਗਂ ਪਕਿਤ੍ਤਿਸ੍ਸਂ, ਛਨਿਪਾਤਂ ਵਰੁਤ੍ਤਮੇ;

ਅਵਾਰਿਯਾ ਚ ਖਰੋ ਚ [ਸੇਨਕ (ਸੀ.), ਸੂਚਿ ਚ (ਸ੍ਯਾ. ਕ.)], ਦ੍ਵੇ ਚ ਵੁਤ੍ਤਾ ਸੁਬ੍ਯਞ੍ਜਨਾਤਿ.

ਦਿਯਡ੍ਢਕੁਕ੍ਕੂ ¶ ¶ ¶ ਉਦਯੇਨ ਕਣ੍ਣਿਕਾ, ਵਿਦਤ੍ਥਿਯੋ ਅਟ੍ਠ ਪਰਿਕ੍ਖਿਪਨ੍ਤਿ ਨਂ;

ਸਾ ਸਿਂਸਪਾ [ਸਸਿਂਸਪਾ (ਸੀ. ਪੀ.), ਸਾ ਸੀਸਪਾ (ਸ੍ਯਾ.), ਯਾ ਸਿਂਸਪਾ (ਕ. ਸੀ. ਨਿਯ੍ਯ)] ਸਾਰਮਯਾ ਅਫੇਗ੍ਗੁਕਾ, ਕੁਹਿਂ ਠਿਤਾ ਉਪ੍ਪਰਿਤੋ [ਉਪਰਿਤੋ (ਸੀ. ਸ੍ਯਾ. ਪੀ.)] ਨ ਧਂਸਤਿ.

ਯਾ ਤਿਂਸਤਿ ਸਾਰਮਯਾ ਅਨੁਜ੍ਜੁਕਾ, ਪਰਿਕਿਰਿਯ [ਪਕਿਰਿਯਾ (ਕ.)] ਗੋਪਾਣਸਿਯੋ ਸਮਂ ਠਿਤਾ [ਸਮਟ੍ਠਿਤਾ (ਸੀ. ਸ੍ਯਾ.)];

ਤਾਹਿ ਸੁਸਙ੍ਗਹਿਤਾ ਬਲਸਾ ਪੀਲ਼ਿਤਾ [ਤਾ ਸਙ੍ਗਹਿਤਾ ਬਲਸਾ ਚ ਪੀਲ਼ਿਤਾ (ਸੀ.), ਤਾਹਿ ਸੁਸਙ੍ਗਹਿਤਾ ਬਲਸਾ ਚ ਪੀਲ਼ਿਤਾ (ਸ੍ਯਾ.), ਤਾਹਿ ਸਙ੍ਗਹੀਤਾ ਬਲਸਾ ਚ ਪੀਲ਼ਿਤਾ (ਪੀ.)], ਸਮਂ ਠਿਤਾ ਉਪ੍ਪਰਿਤੋ ਨ ਧਂਸਤਿ.

ਏਵਮ੍ਪਿ ਮਿਤ੍ਤੇਹਿ ਦਲ਼੍ਹੇਹਿ ਪਣ੍ਡਿਤੋ, ਅਭੇਜ੍ਜਰੂਪੇਹਿ ਸੁਚੀਹਿ ਮਨ੍ਤਿਭਿ;

ਸੁਸਙ੍ਗਹੀਤੋ ਸਿਰਿਯਾ ਨ ਧਂਸਤਿ, ਗੋਪਾਣਸੀ ਭਾਰਵਹਾਵ ਕਣ੍ਣਿਕਾ.

ਖਰਤ੍ਤਚਂ ਬੇਲ੍ਲਂ ਯਥਾਪਿ ਸਤ੍ਥਵਾ, ਅਨਾਮਸਨ੍ਤੋਪਿ ਕਰੋਤਿ ਤਿਤ੍ਤਕਂ;

ਸਮਾਹਰਂ ਸਾਦੁਂ ਕਰੋਤਿ ਪਤ੍ਥਿਵ, ਅਸਾਦੁਂ ਕਯਿਰਾ ਤਨੁਬਨ੍ਧਮੁਦ੍ਧਰਂ [ਤਨੁਵਟ੍ਟਮੁਦ੍ਧਰਂ (ਸੀ. ਪੀ.)].

ਏਵਮ੍ਪਿ ¶ ਗਾਮਨਿਗਮੇਸੁ ਪਣ੍ਡਿਤੋ, ਅਸਾਹਸਂ ਰਾਜਧਨਾਨਿ ਸਙ੍ਘਰਂ;

ਧਮ੍ਮਾਨੁਵਤ੍ਤੀ ਪਟਿਪਜ੍ਜਮਾਨੋ, ਸ ਫਾਤਿ ਕਯਿਰਾ ਅਵਿਹੇਠਯਂ ਪਰਂ.

ਓਦਾਤਮੂਲਂ ¶ ਸੁਚਿਵਾਰਿਸਮ੍ਭਵਂ, ਜਾਤਂ ਯਥਾ ਪੋਕ੍ਖਰਣੀਸੁ ਅਮ੍ਬੁਜਂ;

ਪਦੁਮਂ ਯਥਾ ਅਗ੍ਗਿਨਿਕਾਸਿਫਾਲਿਮਂ, ਨ ਕਦ੍ਦਮੋ ਨ ਰਜੋ ਨ ਵਾਰਿ ਲਿਮ੍ਪਤਿ.

ਏਵਮ੍ਪਿ ਵੋਹਾਰਸੁਚਿਂ ਅਸਾਹਸਂ, ਵਿਸੁਦ੍ਧਕਮ੍ਮਨ੍ਤਮਪੇਤਪਾਪਕਂ;

ਨ ਲਿਮ੍ਪਤਿ ਕਮ੍ਮਕਿਲੇਸ ਤਾਦਿਸੋ, ਜਾਤਂ ਯਥਾ ਪੋਕ੍ਖਰਣੀਸੁ ਅਮ੍ਬੁਜਨ੍ਤਿ.

ਯਥਾ ਚਾਪੋ ਨਿਨ੍ਨਮਤਿ, ਜਿਯਾ ਚਾਪਿ ਨਿਕੂਜਤਿ;

ਹਞ੍ਞਤੇ ਨੂਨ ਮਨੋਜੋ, ਮਿਗਰਾਜਾ ਸਖਾ ਮਮ.

ਹਨ੍ਦ ਦਾਨਿ ਵਨਨ੍ਤਾਨਿ, ਪਕ੍ਕਮਾਮਿ ਯਥਾਸੁਖਂ;

ਨੇਤਾਦਿਸਾ ਸਖਾ ਹੋਨ੍ਤਿ, ਲਬ੍ਭਾ ਮੇ ਜੀਵਤੋ ਸਖਾ.

ਨ ¶ ਪਾਪਜਨਸਂਸੇਵੀ, ਅਚ੍ਚਨ੍ਤਂ ਸੁਖਮੇਧਤਿ;

ਮਨੋਜਂ ¶ ਪਸ੍ਸ ਸੇਮਾਨਂ, ਗਿਰਿਯਸ੍ਸਾਨੁਸਾਸਨੀ [ਅਰਿਯਸ੍ਸਾਨੁਸਾਸਨੀ (ਸੀ. ਸ੍ਯਾ. ਪੀ.)].

ਨ ਪਾਪਸਮ੍ਪਵਙ੍ਕੇਨ, ਮਾਤਾ ਪੁਤ੍ਤੇਨ ਨਨ੍ਦਤਿ;

ਮਨੋਜਂ ਪਸ੍ਸ ਸੇਮਾਨਂ, ਅਚ੍ਛਨ੍ਨਂ [ਸਚ੍ਛਨ੍ਨਂ (ਕ.)] ਸਮ੍ਹਿ ਲੋਹਿਤੇ.

ਏਵਮਾਪਜ੍ਜਤੇ ਪੋਸੋ, ਪਾਪਿਯੋ ਚ ਨਿਗਚ੍ਛਤਿ;

ਯੋ ਵੇ ਹਿਤਾਨਂ ਵਚਨਂ, ਨ ਕਰੋਤਿ ਅਤ੍ਥਦਸ੍ਸਿਨਂ.

ਏਵਞ੍ਚ ਸੋ ਹੋਤਿ ਤਤੋ ਚ ਪਾਪਿਯੋ, ਯੋ ਉਤ੍ਤਮੋ ਅਧਮਜਨੂਪਸੇਵੀ;

ਪਸ੍ਸੁਤ੍ਤਮਂ ਅਧਮਜਨੂਪਸੇਵਿਤਂ [ਸੇਵਿਂ (ਸ੍ਯਾ.)], ਮਿਗਾਧਿਪਂ ਸਰਵਰਵੇਗਨਿਦ੍ਧੁਤਂ.

ਨਿਹੀਯਤਿ ¶ ਪੁਰਿਸੋ ਨਿਹੀਨਸੇਵੀ, ਨ ਚ ਹਾਯੇਥ ਕਦਾਚਿ ਤੁਲ੍ਯਸੇਵੀ;

ਸੇਟ੍ਠਮੁਪਗਮਂ [ਮੁਪਨਮਂ (ਸੀ. ਪੀ. ਅ. ਨਿ. ੩.੨੬)] ਉਦੇਤਿ ਖਿਪ੍ਪਂ, ਤਸ੍ਮਾਤ੍ਤਨਾ ਉਤ੍ਤਰਿਤਰਂ [ਤਸ੍ਮਾ ਅਤ੍ਤਨੋ ਉਤ੍ਤਰਿਂ (ਸੀ. ਪੀ.), ਤਸ੍ਮਾ ਅਤ੍ਤਨੋ ਉਤ੍ਤਰਂ (ਸ੍ਯਾ.)] ਭਜੇਥਾਤਿ.

ਰਾਜਾ ਤੇ ਭਤ੍ਤਂ ਪਾਹੇਸਿ, ਸੁਚਿਂ ਮਂਸੂਪਸੇਚਨਂ;

ਮਘਦੇਵਸ੍ਮਿਂ [ਮਖਾਦੇਵਸ੍ਮਿਂ (ਸੀ. ਪੀ.), ਮਾਘਦੇਵਸ੍ਮਿਂ (ਕ.)] ਅਧਿਵਤ੍ਥੇ, ਏਹਿ ਨਿਕ੍ਖਮ੍ਮ ਭੁਞ੍ਜਸ੍ਸੁ.

ਏਹਿ ਮਾਣਵ ਓਰੇਨ, ਭਿਕ੍ਖਮਾਦਾਯ ਸੂਪਿਤਂ;

ਤ੍ਵਞ੍ਚ ¶ ਮਾਣਵ ਭਿਕ੍ਖਾ ਚ [ਭਕ੍ਖੋਸਿ (ਸ੍ਯਾ.), ਭਕ੍ਖਾਵ (ਕ.)], ਉਭੋ ਭਕ੍ਖਾ ਭਵਿਸ੍ਸਥ.

ਅਪ੍ਪਕੇਨ ਤੁਵਂ ਯਕ੍ਖ, ਥੁਲ੍ਲਮਤ੍ਥਂ ਜਹਿਸ੍ਸਸਿ;

ਭਿਕ੍ਖਂ ਤੇ ਨਾਹਰਿਸ੍ਸਨ੍ਤਿ, ਜਨਾ ਮਰਣਸਞ੍ਞਿਨੋ.

ਲਦ੍ਧਾਯ ਯਕ੍ਖਾ [ਲਦ੍ਧਾਯਂ ਯਕ੍ਖ (ਸੀ. ਸ੍ਯਾ. ਪੀ.)] ਤਵ ਨਿਚ੍ਚਭਿਕ੍ਖਂ, ਸੁਚਿਂ ਪਣੀਤਂ ਰਸਸਾ ਉਪੇਤਂ;

ਭਿਕ੍ਖਞ੍ਚ ਤੇ ਆਹਰਿਯੋ ਨਰੋ ਇਧ, ਸੁਦੁਲ੍ਲਭੋ ਹੇਹਿਤਿ ਭਕ੍ਖਿਤੇ [ਖਾਦਿਤੇ (ਸੀ. ਸ੍ਯਾ. ਪੀ.)] ਮਯਿ.

ਮਮੇਵ [ਮਮੇਸ (ਸੀ. ਪੀ.)] ਸੁਤਨੋ ਅਤ੍ਥੋ, ਯਥਾ ਭਾਸਸਿ ਮਾਣਵ;

ਮਯਾ ਤ੍ਵਂ ਸਮਨੁਞ੍ਞਾਤੋ, ਸੋਤ੍ਥਿਂ ਪਸ੍ਸਾਹਿ ਮਾਤਰਂ.

ਖਗ੍ਗਂ ਛਤ੍ਤਞ੍ਚ ਪਾਤਿਞ੍ਚ, ਗਚ੍ਛਮਾਦਾਯ [ਗਚ੍ਛੇਵਾਦਾਯ (ਸੀ. ਸ੍ਯਾ. ਪੀ.)] ਮਾਣਵ;

ਸੋਤ੍ਥਿਂ ਪਸ੍ਸਤੁ ਤੇ ਮਾਤਾ, ਤ੍ਵਞ੍ਚ ਪਸ੍ਸਾਹਿ ਮਾਤਰਂ.

ਏਵਂ ਯਕ੍ਖ ਸੁਖੀ ਹੋਹਿ, ਸਹ ਸਬ੍ਬੇਹਿ ਞਾਤਿਭਿ;

ਧਨਞ੍ਚ ਮੇ ਅਧਿਗਤਂ, ਰਞ੍ਞੋ ਚ ਵਚਨਂ ਕਤਨ੍ਤਿ.

ਤੇ ¶ ¶ ਕਥਂ ਨੁ ਕਰਿਸ੍ਸਨ੍ਤਿ, ਵੁਦ੍ਧਾ ਗਿਰਿਦਰੀਸਯਾ;

ਅਹਂ ਬਦ੍ਧੋਸ੍ਮਿ ਪਾਸੇਨ, ਨਿਲੀਯਸ੍ਸ ਵਸਂ ਗਤੋ.

ਕਿਂ ਗਿਜ੍ਝ ਪਰਿਦੇਵਸਿ, ਕਾ ਨੁ ਤੇ ਪਰਿਦੇਵਨਾ;

ਨ ¶ ਮੇ ਸੁਤੋ ਵਾ ਦਿਟ੍ਠੋ ਵਾ, ਭਾਸਨ੍ਤੋ ਮਾਨੁਸਿਂ ਦਿਜੋ.

ਭਰਾਮਿ ਮਾਤਾਪਿਤਰੋ, ਵੁਦ੍ਧੇ ਗਿਰਿਦਰੀਸਯੇ;

ਤੇ ਕਥਂ ਨੁ ਕਰਿਸ੍ਸਨ੍ਤਿ, ਅਹਂ ਵਸਂ ਗਤੋ ਤਵ.

ਯਂ ਨੁ ਗਿਜ੍ਝੋ ਯੋਜਨਸਤਂ, ਕੁਣਪਾਨਿ ਅਵੇਕ੍ਖਤਿ;

ਕਸ੍ਮਾ ਜਾਲਞ੍ਚ ਪਾਸਞ੍ਚ, ਆਸਜ੍ਜਾਪਿ ਨ ਬੁਜ੍ਝਸਿ.

ਯਦਾ ਪਰਾਭਵੋ ਹੋਤਿ, ਪੋਸੋ ਜੀਵਿਤਸਙ੍ਖਯੇ;

ਅਥ ਜਾਲਞ੍ਚ ਪਾਸਞ੍ਚ, ਆਸਜ੍ਜਾਪਿ ਨ ਬੁਜ੍ਝਤਿ.

ਭਰਸ੍ਸੁ ਮਾਤਾਪਿਤਰੋ, ਵੁਦ੍ਧੇ ਗਿਰਿਦਰੀਸਯੇ;

ਮਯਾ ਤ੍ਵਂ ਸਮਨੁਞ੍ਞਾਤੋ, ਸੋਤ੍ਥਿਂ ਪਸ੍ਸਾਹਿ ਞਾਤਕੇ.

ਏਵਂ ਲੁਦ੍ਦਕ ਨਨ੍ਦਸ੍ਸੁ, ਸਹ ਸਬ੍ਬੇਹਿ ਞਾਤਿਭਿ;

ਭਰਿਸ੍ਸਂ ਮਾਤਾਪਿਤਰੋ, ਵੁਦ੍ਧੇ ਗਿਰਿਦਰੀਸਯੇਤਿ.

ਅਨੁਤੀਰਚਾਰੀ ਭਦ੍ਦਨ੍ਤੇ, ਸਹਾਯਮਨੁਧਾਵ ਮਂ;

ਮਹਾ ਮੇ ਗਹਿਤੋ [ਰੋਹਿਤੋ (ਕ.)] ਮਚ੍ਛੋ, ਸੋ ਮਂ ਹਰਤਿ ਵੇਗਸਾ.

ਗਮ੍ਭੀਰਚਾਰੀ ਭਦ੍ਦਨ੍ਤੇ, ਦਲ਼੍ਹਂ ਗਣ੍ਹਾਹਿ ਥਾਮਸਾ;

ਅਹਂ ਤਂ ਉਦ੍ਧਰਿਸ੍ਸਾਮਿ, ਸੁਪਣ੍ਣੋ ਉਰਗਾਮਿਵ [ਉਰਗਮ੍ਮਿਵ (ਸੀ. ਸ੍ਯਾ. ਪੀ.)].

ਵਿਵਾਦੋ ਨੋ ਸਮੁਪ੍ਪਨ੍ਨੋ, ਦਬ੍ਭਪੁਪ੍ਫ ਸੁਣੋਹਿ ਮੇ;

ਸਮੇਹਿ ¶ ਮੇਧਗਂ [ਮੇਧਕਂ (ਪੀ.)] ਸਮ੍ਮ, ਵਿਵਾਦੋ ਵੂਪਸਮ੍ਮਤਂ.

ਧਮ੍ਮਟ੍ਠੋਹਂ ਪੁਰੇ ਆਸਿਂ, ਬਹੂ ਅਡ੍ਡਾ ਮੇ ਤੀਰਿਤਾ [ਬਹੁਅਟ੍ਟਂ ਮੇ ਤੀਰਿਤਂ (ਸੀ.), ਬਹੁਅਟ੍ਟਂਵ ਤੀਰਿਤਂ (ਸ੍ਯਾ.), ਬਹੁ ਅਤ੍ਥਂ ਮੇ ਤੀਰਿਤਂ (ਪੀ.)];

ਸਮੇਮਿ ਮੇਧਗਂ ਸਮ੍ਮ, ਵਿਵਾਦੋ ਵੂਪਸਮ੍ਮਤਂ.

ਅਨੁਤੀਰਚਾਰਿ ¶ ਨਙ੍ਗੁਟ੍ਠਂ, ਸੀਸਂ ਗਮ੍ਭੀਰਚਾਰਿਨੋ;

ਅਚ੍ਚਾਯਂ [ਅਥਾਯਂ (ਸੀ. ਪੀ.)] ਮਜ੍ਝਿਮੋ ਖਣ੍ਡੋ, ਧਮ੍ਮਟ੍ਠਸ੍ਸ ਭਵਿਸ੍ਸਤਿ.

ਚਿਰਮ੍ਪਿ ¶ ਭਕ੍ਖੋ ਅਭਵਿਸ੍ਸ, ਸਚੇ ਨ ਵਿਵਦੇਮਸੇ;

ਅਸੀਸਕਂ ਅਨਙ੍ਗੁਟ੍ਠਂ, ਸਿਙ੍ਗਾਲੋ ਹਰਤਿ ਰੋਹਿਤਂ.

ਯਥਾਪਿ ਰਾਜਾ ਨਨ੍ਦੇਯ੍ਯ, ਰਜ੍ਜਂ ਲਦ੍ਧਾਨ ਖਤ੍ਤਿਯੋ;

ਏਵਾਹਮਜ੍ਜ ਨਨ੍ਦਾਮਿ, ਦਿਸ੍ਵਾ ਪੁਣ੍ਣਮੁਖਂ ਪਤਿਂ.

ਕਥਂ ਨੁ ਥਲਜੋ ਸਨ੍ਤੋ, ਉਦਕੇ ਮਚ੍ਛਂ ਪਰਾਮਸਿ;

ਪੁਟ੍ਠੋ ਮੇ ਸਮ੍ਮ ਅਕ੍ਖਾਹਿ, ਕਥਂ ਅਧਿਗਤਂ ਤਯਾ.

ਵਿਵਾਦੇਨ ਕਿਸਾ ਹੋਨ੍ਤਿ, ਵਿਵਾਦੇਨ ਧਨਕ੍ਖਯਾ;

ਜੀਨਾ ਉਦ੍ਦਾ ਵਿਵਾਦੇਨ, ਭੁਞ੍ਜ ਮਾਯਾਵਿ ਰੋਹਿਤਂ.

ਏਵਮੇਵ ਮਨੁਸ੍ਸੇਸੁ, ਵਿਵਾਦੋ ਯਤ੍ਥ ਜਾਯਤਿ;

ਧਮ੍ਮਟ੍ਠਂ ਪਟਿਧਾਵਨ੍ਤਿ, ਸੋ ਹਿ ਨੇਸਂ ਵਿਨਾਯਕੋ;

ਧਨਾਪਿ ਤਤ੍ਥ ਜੀਯਨ੍ਤਿ, ਰਾਜਕੋਸੋ ਪਵਡ੍ਢਤੀਤਿ [ਚ ਵਡ੍ਢਤਿ (ਪੀ.)].

ਪਣ੍ਣਕਂ [ਦਸਣ੍ਣਕਂ (ਸੀ. ਸ੍ਯਾ. ਪੀ.)] ਤਿਖਿਣਧਾਰਂ, ਅਸਿਂ ਸਮ੍ਪਨ੍ਨਪਾਯਿਨਂ;

ਪਰਿਸਾਯਂ ¶ ਪੁਰਿਸੋ ਗਿਲਤਿ, ਕਿਂ ਦੁਕ੍ਕਰਤਰਂ ਤਤੋ;

ਯਦਞ੍ਞਂ ਦੁਕ੍ਕਰਂ ਠਾਨਂ, ਤਂ ਮੇ ਅਕ੍ਖਾਹਿ ਪੁਚ੍ਛਿਤੋ.

ਗਿਲੇਯ੍ਯ ਪੁਰਿਸੋ ਲੋਭਾ, ਅਸਿਂ ਸਮ੍ਪਨ੍ਨਪਾਯਿਨਂ;

ਯੋ ਚ ਵਜ੍ਜਾ ਦਦਾਮੀਤਿ, ਤਂ ਦੁਕ੍ਕਰਤਰਂ ਤਤੋ;

ਸਬ੍ਬਞ੍ਞਂ ਸੁਕਰਂ ਠਾਨਂ, ਏਵਂ ਜਾਨਾਹਿ ਮਦ੍ਦਵ [ਮਾਗਧ (ਸੀ. ਸ੍ਯਾ. ਪੀ.)].

ਬ੍ਯਾਕਾਸਿ ਆਯੁਰੋ ਪਞ੍ਹਂ, ਅਤ੍ਥਂ [ਅਤ੍ਥ (ਪੀ. ਸੀ. ਨਿਯ੍ਯ)] ਧਮ੍ਮਸ੍ਸ ਕੋਵਿਦੋ;

ਪੁਕ੍ਕੁਸਂ ਦਾਨਿ ਪੁਚ੍ਛਾਮਿ, ਕਿਂ ਦੁਕ੍ਕਰਤਰਂ ਤਤੋ;

ਯਦਞ੍ਞਂ ਦੁਕ੍ਕਰਂ ਠਾਨਂ, ਤਂ ਮੇ ਅਕ੍ਖਾਹਿ ਪੁਚ੍ਛਿਤੋ.

ਨ ¶ ਵਾਚਮੁਪਜੀਵਨ੍ਤਿ, ਅਫਲਂ ਗਿਰਮੁਦੀਰਿਤਂ;

ਯੋ ਚ ਦਤ੍ਵਾ ਅਵਾਕਯਿਰਾ, ਤਂ ਦੁਕ੍ਕਰਤਰਂ ਤਤੋ;

ਸਬ੍ਬਞ੍ਞਂ ਸੁਕਰਂ ਠਾਨਂ, ਏਵਂ ਜਾਨਾਹਿ ਮਦ੍ਦਵ.

ਬ੍ਯਾਕਾਸਿ ਪੁਕ੍ਕੁਸੋ ਪਞ੍ਹਂ, ਅਤ੍ਥਂ ਧਮ੍ਮਸ੍ਸ ਕੋਵਿਦੋ;

ਸੇਨਕਂ ਦਾਨਿ ਪੁਚ੍ਛਾਮਿ, ਕਿਂ ਦੁਕ੍ਕਰਤਰਂ ਤਤੋ;

ਯਦਞ੍ਞਂ ਦੁਕ੍ਕਰਂ ਠਾਨਂ, ਤਂ ਮੇ ਅਕ੍ਖਾਹਿ ਪੁਚ੍ਛਿਤੋ.

ਦਦੇਯ੍ਯ ¶ ਪੁਰਿਸੋ ਦਾਨਂ, ਅਪ੍ਪਂ ਵਾ ਯਦਿ ਵਾ ਬਹੁਂ;

ਯੋ ਚ ਦਤ੍ਵਾ ਨਾਨੁਤਪ੍ਪੇ [ਤਪੇ (ਸੀ. ਪੀ.)], ਤਂ ਦੁਕ੍ਕਰਤਰਂ ਤਤੋ;

ਸਬ੍ਬਞ੍ਞਂ ਸੁਕਰਂ ਠਾਨਂ, ਏਵਂ ਜਾਨਾਹਿ ਮਦ੍ਦਵ.

ਬ੍ਯਾਕਾਸਿ ਆਯੁਰੋ ਪਞ੍ਹਂ, ਅਥੋ ਪੁਕ੍ਕੁਸਪੋਰਿਸੋ;

ਸਬ੍ਬੇ ¶ ਪਞ੍ਹੇ ਅਤਿਭੋਤਿ, ਯਥਾ ਭਾਸਤਿ ਸੇਨਕੋਤਿ.

ਪਣ੍ਣਕ [ਦਸਣ੍ਣਕ (ਸੀ. ਸ੍ਯਾ. ਪੀ.)] ਜਾਤਕਂ ਛਟ੍ਠਂ.

ਵਿਬ੍ਭਨ੍ਤਚਿਤ੍ਤੋ ਕੁਪਿਤਿਨ੍ਦ੍ਰਿਯੋਸਿ, ਨੇਤ੍ਤੇਹਿ ਤੇ ਵਾਰਿਗਣਾ ਸਵਨ੍ਤਿ;

ਕਿਂ ਤੇ ਨਟ੍ਠਂ ਕਿਂ ਪਨ ਪਤ੍ਥਯਾਨੋ, ਇਧਾਗਮਾ ਬ੍ਰਹ੍ਮੇ ਤਦਿਙ੍ਘ [ਬ੍ਰਾਹ੍ਮਣ ਇਙ੍ਘ (ਸੀ. ਸ੍ਯਾ.)] ਬ੍ਰੂਹਿ.

ਮਿਯ੍ਯੇਥ ਭਰਿਯਾ ਵਜਤੋ ਮਮਜ੍ਜ, ਅਗਚ੍ਛਤੋ ਮਰਣਮਾਹ ਯਕ੍ਖੋ;

ਏਤੇਨ ਦੁਕ੍ਖੇਨ ਪਵੇਧਿਤੋਸ੍ਮਿ, ਅਕ੍ਖਾਹਿ ਮੇ ਸੇਨਕ ਏਤਮਤ੍ਥਂ.

ਬਹੂਨਿ ਠਾਨਾਨਿ ਵਿਚਿਨ੍ਤਯਿਤ੍ਵਾ, ਯਮੇਤ੍ਥ ਵਕ੍ਖਾਮਿ ਤਦੇਵ ਸਚ੍ਚਂ;

ਮਞ੍ਞਾਮਿ ਤੇ ਬ੍ਰਾਹ੍ਮਣ ਸਤ੍ਤੁਭਸ੍ਤਂ, ਅਜਾਨਤੋ ਕਣ੍ਹਸਪ੍ਪੋ ਪਵਿਟ੍ਠੋ.

ਆਦਾਯ ¶ ਦਣ੍ਡਂ ਪਰਿਸੁਮ੍ਭ ਭਸ੍ਤਂ, ਪਸ੍ਸੇਲ਼ਮੂਗਂ ਉਰਗਂ ਦੁਜਿਵ੍ਹਂ [ਦਿਜਿਵ੍ਹਂ (ਸੀ. ਪੀ.)];

ਛਿਨ੍ਦਜ੍ਜ ਕਙ੍ਖਂ ਵਿਚਿਕਿਚ੍ਛਿਤਾਨਿ, ਭੁਜਙ੍ਗਮਂ ਪਸ੍ਸ ਪਮੁਞ੍ਚ ਭਸ੍ਤਂ.

ਸਂਵਿਗ੍ਗਰੂਪੋ ¶ ਪਰਿਸਾਯ ਮਜ੍ਝੇ, ਸੋ ਬ੍ਰਾਹ੍ਮਣੋ ਸਤ੍ਤੁਭਸ੍ਤਂ ਪਮੁਞ੍ਚਿ;

ਅਥ ਨਿਕ੍ਖਮਿ ਉਰਗੋ ਉਗ੍ਗਤੇਜੋ, ਆਸੀਵਿਸੋ ਸਪ੍ਪੋ ਫਣਂ ਕਰਿਤ੍ਵਾ.

ਸੁਲਦ੍ਧਲਾਭਾ ਜਨਕਸ੍ਸ ਰਞ੍ਞੋ, ਯੋ ਪਸ੍ਸਤੀ ਸੇਨਕਂ ਸਾਧੁਪਞ੍ਞਂ;

ਵਿਵਟ੍ਟਛਦ੍ਦੋ [ਵਿਵਤ੍ਤਚ੍ਛਦ੍ਦੋ (ਸੀ.), ਵਿਵਟ੍ਟਚ੍ਛਦੋ (ਸ੍ਯਾ.), ਵਿਵਟ੍ਟਚ੍ਛਦ੍ਦਾ (ਪੀ.)] ਨੁਸਿ ਸਬ੍ਬਦਸ੍ਸੀ, ਞਾਣਂ ਨੁ ਤੇ ਬ੍ਰਾਹ੍ਮਣ ਭਿਂਸਰੂਪਂ.

ਇਮਾਨਿ ਮੇ ਸਤ੍ਤਸਤਾਨਿ ਅਤ੍ਥਿ, ਗਣ੍ਹਾਹਿ ਸਬ੍ਬਾਨਿ ਦਦਾਮਿ ਤੁਯ੍ਹਂ;

ਤਯਾ ਹਿ ਮੇ ਜੀਵਿਤਮਜ੍ਜ ਲਦ੍ਧਂ, ਅਥੋਪਿ ਭਰਿਯਾਯ ਮਕਾਸਿ ਸੋਤ੍ਥਿਂ.

ਨ ਪਣ੍ਡਿਤਾ ਵੇਤਨਮਾਦਿਯਨ੍ਤਿ, ਚਿਤ੍ਰਾਹਿ ਗਾਥਾਹਿ ਸੁਭਾਸਿਤਾਹਿ;

ਇਤੋਪਿ ਤੇ ਬ੍ਰਹ੍ਮੇ ਦਦਨ੍ਤੁ ਵਿਤ੍ਤਂ, ਆਦਾਯ ਤ੍ਵਂ ਗਚ੍ਛ ਸਕਂ ਨਿਕੇਤਨ੍ਤਿ.

ਸਤ੍ਤੁਭਸ੍ਤਜਾਤਕਂ [ਸੇਨਕਜਾਤਕਂ (ਸ੍ਯਾ.)] ਸਤ੍ਤਮਂ.

ਯੇਮੇ ¶ ਅਹਂ ਨ ਜਾਨਾਮਿ, ਅਟ੍ਠਿਸੇਨ ਵਨਿਬ੍ਬਕੇ;

ਤੇ ਮਂ ਸਙ੍ਗਮ੍ਮ ਯਾਚਨ੍ਤਿ, ਕਸ੍ਮਾ ਮਂ ਤ੍ਵਂ ਨ ਯਾਚਸਿ.

ਯਾਚਕੋ ¶ ਅਪ੍ਪਿਯੋ ਹੋਤਿ, ਯਾਚਂ ਅਦਦਮਪ੍ਪਿਯੋ;

ਤਸ੍ਮਾਹਂ ਤਂ ਨ ਯਾਚਾਮਿ, ਮਾ ਮੇ ਵਿਦੇਸ੍ਸਨਾ [ਵਿਦ੍ਦੇਸਨਾ (ਸੀ. ਪੀ.)] ਅਹੁ.

ਯੋ ¶ ਵੇ ਯਾਚਨਜੀਵਾਨੋ, ਕਾਲੇ ਯਾਚਂ ਨ ਯਾਚਤਿ;

ਪਰਞ੍ਚ ਪੁਞ੍ਞਾ [ਪੁਞ੍ਞਂ (ਸ੍ਯਾ. ਕ.)] ਧਂਸੇਤਿ, ਅਤ੍ਤਨਾਪਿ ਨ ਜੀਵਤਿ.

ਯੋ ਚ [ਯੋ ਵੇ (ਕ.)] ਯਾਚਨਜੀਵਾਨੋ, ਕਾਲੇ ਯਾਚਞ੍ਹਿ ਯਾਚਤਿ [ਯਾਚਂਪਿ ਯਾਚਤਿ (ਸ੍ਯਾ.), ਯਾਚਾਨਿ ਯਾਚਤਿ (ਪੀ.), ਯਾਚਤਿ ਯਾਚਨਂ (ਸੀ. ਨਿਯ੍ਯ), ਯਾਚਨਂ ਯਾਚਤਿ (ਕ.)];

ਪਰਞ੍ਚ ਪੁਞ੍ਞਂ ਲਬ੍ਭੇਤਿ, ਅਤ੍ਤਨਾਪਿ ਚ ਜੀਵਤਿ.

ਨ ਵੇ ਦੇਸ੍ਸਨ੍ਤਿ [ਨ ਵੇ ਦੁਸ੍ਸਨ੍ਤਿ (ਸ੍ਯਾ.), ਨ ਵੇ ਦਿਸ੍ਸਨ੍ਤਿ (ਪੀ.), ਨ ਵਿਦੇਸ੍ਸਨ੍ਤਿ (ਕ. ਅਟ੍ਠ.)] ਸਪ੍ਪਞ੍ਞਾ, ਦਿਸ੍ਵਾ ਯਾਚਕਮਾਗਤੇ;

ਬ੍ਰਹ੍ਮਚਾਰਿ ਪਿਯੋ ਮੇਸਿ, ਵਦ ਤ੍ਵਂ [ਵਰ ਤਂ (ਸੀ.), ਵਰ ਤ੍ਵਂ (ਪੀ.)] ਭਞ੍ਞਮਿਚ੍ਛਸਿ [ਯਞ੍ਞਮਿਚ੍ਛਸਿ (?)].

ਨ ਵੇ ਯਾਚਨ੍ਤਿ ਸਪ੍ਪਞ੍ਞਾ, ਧੀਰੋ ਚ ਵੇਦਿਤੁਮਰਹਤਿ;

ਉਦ੍ਦਿਸ੍ਸ ਅਰਿਯਾ ਤਿਟ੍ਠਨ੍ਤਿ, ਏਸਾ ਅਰਿਯਾਨ ਯਾਚਨਾ.

ਦਦਾਮਿ ਤੇ ਬ੍ਰਾਹ੍ਮਣ ਰੋਹਿਣੀਨਂ, ਗਵਂ ਸਹਸ੍ਸਂ ਸਹ ਪੁਙ੍ਗਵੇਨ;

ਅਰਿਯੋ ਹਿ ਅਰਿਯਸ੍ਸ ਕਥਂ ਨ ਦਜ੍ਜਾ, ਸੁਤ੍ਵਾਨ ਗਾਥਾ ਤਵ ਧਮ੍ਮਯੁਤ੍ਤਾਤਿ.

ਯਤ੍ਥ ¶ ਵੇਰੀ ਨਿਵਸਤਿ, ਨ ਵਸੇ ਤਤ੍ਥ ਪਣ੍ਡਿਤੋ;

ਏਕਰਤ੍ਤਂ ਦਿਰਤ੍ਤਂ ਵਾ, ਦੁਕ੍ਖਂ ਵਸਤਿ ਵੇਰਿਸੁ.

ਦਿਸੋ ਵੇ ਲਹੁਚਿਤ੍ਤਸ੍ਸ, ਪੋਸਸ੍ਸਾਨੁਵਿਧੀਯਤੋ;

ਏਕਸ੍ਸ ਕਪਿਨੋ ਹੇਤੁ, ਯੂਥਸ੍ਸ ਅਨਯੋ ਕਤੋ.

ਬਾਲੋਵ [ਚ (ਸੀ. ਸ੍ਯਾ. ਪੀ.)] ਪਣ੍ਡਿਤਮਾਨੀ, ਯੂਥਸ੍ਸ ਪਰਿਹਾਰਕੋ;

ਸਚਿਤ੍ਤਸ੍ਸ ਵਸਂ ਗਨ੍ਤ੍ਵਾ, ਸਯੇਥਾਯਂ [ਪਸ੍ਸੇਥਾਯਂ (ਕ.)] ਯਥਾ ਕਪਿ.

ਨ ਸਾਧੁ ਬਲਵਾ ਬਾਲੋ, ਯੂਥਸ੍ਸ ਪਰਿਹਾਰਕੋ;

ਅਹਿਤੋ ਭਵਤਿ ਞਾਤੀਨਂ, ਸਕੁਣਾਨਂਵ ਚੇਤਕੋ [ਚੇਟਕੋ (ਕ.)].

ਧੀਰੋਵ ¶ ਬਲਵਾ ਸਾਧੁ, ਯੂਥਸ੍ਸ ਪਰਿਹਾਰਕੋ;

ਹਿਤੋ ਭਵਤਿ ਞਾਤੀਨਂ, ਤਿਦਸਾਨਂਵ ਵਾਸਵੋ.

ਯੋ ਚ ਸੀਲਞ੍ਚ ਪਞ੍ਞਞ੍ਚ, ਸੁਤਞ੍ਚਤ੍ਤਨਿ ਪਸ੍ਸਤਿ;

ਉਭਿਨ੍ਨਮਤ੍ਥਂ ਚਰਤਿ, ਅਤ੍ਤਨੋ ਚ ਪਰਸ੍ਸ ਚ.

ਤਸ੍ਮਾ ਤੁਲੇਯ੍ਯ ਮਤ੍ਤਾਨਂ, ਸੀਲਪਞ੍ਞਾਸੁਤਾਮਿਵ [ਸੀਲਂ ਪਞ੍ਞਂ ਸੁਤਂਪਿਵ (ਸ੍ਯਾ.)];

ਗਣਂ ਵਾ ਪਰਿਹਰੇ ਧੀਰੋ, ਏਕੋ ਵਾਪਿ ਪਰਿਬ੍ਬਜੇਤਿ.

ਦ੍ਵਾਸਤ੍ਤਤਿ ¶ ਗੋਤਮ [ਭੋ ਗੋਤਮ (ਕ.)] ਪੁਞ੍ਞਕਮ੍ਮਾ, ਵਸਵਤ੍ਤਿਨੋ ¶ ਜਾਤਿਜਰਂ ਅਤੀਤਾ;

ਅਯਮਨ੍ਤਿਮਾ ਵੇਦਗੂ ਬ੍ਰਹ੍ਮਪਤ੍ਤਿ [ਬ੍ਰਹ੍ਮੁਪਪਤ੍ਤਿ (ਸ੍ਯਾ. ਕ.)], ਅਸ੍ਮਾਭਿਜਪ੍ਪਨ੍ਤਿ ਜਨਾ [ਪਜਾ (ਕ.)] ਅਨੇਕਾ.

ਅਪ੍ਪਞ੍ਹਿ ਏਤਂ [ਅਪ੍ਪਞ੍ਚ ਹੇਤਂ (ਸ੍ਯਾ.), ਅਪ੍ਪਂਸਿ ਏਤਂ (ਕ.)] ਨ ਹਿ ਦੀਘਮਾਯੁ, ਯਂ ਤ੍ਵਂ ਬਕ ਮਞ੍ਞਸਿ ਦੀਘਮਾਯੁਂ;

ਸਤਂ ਸਹਸ੍ਸਾਨਿ [ਸਹਸ੍ਸਾਨਂ (ਸੀ. ਪੀ. ਸਂ. ਨਿ. ੧.੧੭੫), ਸਹਸ੍ਸਾਨ (ਸ੍ਯਾ. ਕਂ.)] ਨਿਰਬ੍ਬੁਦਾਨਂ, ਆਯੁਂ ਪਜਾਨਾਮਿ ਤਵਾਹ ਬ੍ਰਹ੍ਮੇ.

ਅਨਨ੍ਤਦਸ੍ਸੀ ਭਗਵਾਹਮਸ੍ਮਿ, ਜਾਤਿਜ੍ਜਰਂ ਸੋਕਮੁਪਾਤਿਵਤ੍ਤੋ;

ਕਿਂ ਮੇ ਪੁਰਾਣਂ ਵਤਸੀਲਵਤ੍ਤਂ [ਸੀਲਵਨ੍ਤਂ (ਪੀ. ਕ.)], ਆਚਿਕ੍ਖ ਮੇ ਤਂ ਯਮਹਂ ਵਿਜਞ੍ਞਂ.

ਯਂ ਤ੍ਵਂ ਅਪਾਯੇਸਿ ਬਹੂ ਮਨੁਸ੍ਸੇ, ਪਿਪਾਸਿਤੇ ਘਮ੍ਮਨਿ ਸਮ੍ਪਰੇਤੇ;

ਤਂ ਤੇ ਪੁਰਾਣਂ ਵਤਸੀਲਵਤ੍ਤਂ, ਸੁਤ੍ਤਪ੍ਪਬੁਦ੍ਧੋਵ ਅਨੁਸ੍ਸਰਾਮਿ.

ਯਂ ¶ ਏਣਿਕੂਲਸ੍ਮਿ ਜਨਂ ਗਹੀਤਂ, ਅਮੋਚਯੀ ਗਯ੍ਹਕ ਨਿਯ੍ਯਮਾਨਂ;

ਤਂ ਤੇ ਪੁਰਾਣਂ ਵਤਸੀਲਵਤ੍ਤਂ, ਸੁਤ੍ਤਪ੍ਪਬੁਦ੍ਧੋਵ ਅਨੁਸ੍ਸਰਾਮਿ.

ਗਙ੍ਗਾਯ ਸੋਤਸ੍ਮਿਂ ਗਹੀਤਨਾਵਂ, ਲੁਦ੍ਦੇਨ ¶ ਨਾਗੇਨ ਮਨੁਸ੍ਸਕਪ੍ਪਾ;

ਅਮੋਚਯਿ ਤ੍ਵਂ ਬਲਸਾ ਪਸਯ੍ਹ, ਤਂ ਤੇ ਪੁਰਾਣਂ ਵਤਸੀਲਵਤ੍ਤਂ;

ਕਪ੍ਪੋ ਚ ਤੇ ਬਦ੍ਧਚਰੋ [ਪਤ੍ਥਚਰੋ (ਸ੍ਯਾ.), ਪਟ੍ਠਚਰੋ (ਕ.)] ਅਹੋਸਿ, ਸਮ੍ਬੁਦ੍ਧਿਮਨ੍ਤਂ [ਸਮ੍ਬੁਦ੍ਧਿਵਨ੍ਤਂ (ਸ੍ਯਾ. ਪੀ.), ਸਮ੍ਬੁਦ੍ਧਵਨ੍ਤਂ (ਕ.)] ਵਤਿਨਂ [ਵਤਿਤਂ (ਸ੍ਯਾ.), ਵਤਿਦਂ (ਕ.)] ਅਮਞ੍ਞਂ;

ਤਂ ਤੇ ਪੁਰਾਣਂ ਵਤਸੀਲਵਤ੍ਤਂ, ਸੁਤ੍ਤਪ੍ਪਬੁਦ੍ਧੋਵ ਅਨੁਸ੍ਸਰਾਮਿ.

ਅਦ੍ਧਾ ਪਜਾਨਾਸਿ ਮਮੇਤਮਾਯੁਂ, ਅਞ੍ਞਮ੍ਪਿ ਜਾਨਾਸਿ ਤਥਾ ਹਿ ਬੁਦ੍ਧੋ;

ਤਥਾ ਹਿ ਤਾਯਂ [ਤ੍ਯਾਯਂ (ਸਂ. ਨਿ. ੧.੧੭੫)] ਜਲਿਤਾਨੁਭਾਵੋ, ਓਭਾਸਯਂ ਤਿਟ੍ਠਤਿ ਬ੍ਰਹ੍ਮਲੋਕਨ੍ਤਿ.

ਵਰਕਣ੍ਣਿਕ ਚਾਪਵਰੋ ਸੁਤਨੋ, ਅਥ ਗਿਜ੍ਝ ਸਰੋਹਿਤਮਚ੍ਛਵਰੋ;

ਪੁਨ ਪਣ੍ਣਕ [ਦਸਣ੍ਣਕ (ਸੀ. ਸ੍ਯਾ. ਪੀ.)] ਸੇਨਕ ਯਾਚਨਕੋ, ਅਥ ਵੇਰਿ ਸਬ੍ਰਹ੍ਮਬਕੇਨ ਦਸਾਤਿ.

ਹਿਤ੍ਵਾ ¶ ¶ ¶ ਗਾਮਸਹਸ੍ਸਾਨਿ, ਪਰਿਪੁਣ੍ਣਾਨਿ ਸੋਲ਼ਸ;

ਕੋਟ੍ਠਾਗਾਰਾਨਿ ਫੀਤਾਨਿ, ਸਨ੍ਨਿਧਿਂ ਦਾਨਿ ਕੁਬ੍ਬਸਿ.

ਹਿਤ੍ਵਾ ਗਨ੍ਧਾਰਵਿਸਯਂ, ਪਹੂਤਧਨਧਾਰਿਯਂ [ਧਾਨਿਯਂ (ਸੀ. ਪੀ.), ਧਞ੍ਞਨ੍ਤਿ ਅਤ੍ਥੋ];

ਪਸਾਸਨਤੋ [ਪਸਾਸਨਿਤੋ (ਸੀ. ਸ੍ਯਾ.), ਪਸਾਸਨਾਤੋ (ਪੀ.)] ਨਿਕ੍ਖਨ੍ਤੋ, ਇਧ ਦਾਨਿ ਪਸਾਸਸਿ.

ਧਮ੍ਮਂ ਭਣਾਮਿ ਵੇਦੇਹ, ਅਧਮ੍ਮੋ ਮੇ ਨ ਰੁਚ੍ਚਤਿ;

ਧਮ੍ਮਂ ਮੇ ਭਣਮਾਨਸ੍ਸ, ਨ ਪਾਪਮੁਪਲਿਮ੍ਪਤਿ.

ਯੇਨ ਕੇਨਚਿ ਵਣ੍ਣੇਨ, ਪਰੋ ਲਭਤਿ ਰੁਪ੍ਪਨਂ;

ਮਹਤ੍ਥਿਯਮ੍ਪਿ ਚੇ ਵਾਚਂ, ਨ ਤਂ ਭਾਸੇਯ੍ਯ ਪਣ੍ਡਿਤੋ.

ਕਾਮਂ ਰੁਪ੍ਪਤੁ ਵਾ ਮਾ ਵਾ, ਭੁਸਂਵ ਵਿਕਿਰੀਯਤੁ;

ਧਮ੍ਮਂ ਮੇ ਭਣਮਾਨਸ੍ਸ, ਨ ਪਾਪਮੁਪਲਿਮ੍ਪਤਿ.

ਨੋ ਚੇ ਅਸ੍ਸ ਸਕਾ ਬੁਦ੍ਧਿ, ਵਿਨਯੋ ਵਾ ਸੁਸਿਕ੍ਖਿਤੋ;

ਵਨੇ ਅਨ੍ਧਮਹਿਂਸੋਵ [ਅਨ੍ਧਮਹਿਸੋਵ (ਸੀ. ਪੀ.)] ਚਰੇਯ੍ਯ ਬਹੁਕੋ ਜਨੋ.

ਯਸ੍ਮਾ ਚ ਪਨਿਧੇਕਚ੍ਚੇ, ਆਚੇਰਮ੍ਹਿ [ਆਚਾਰਮ੍ਹਿ (ਸੀ. ਪੀ.)] ਸੁਸਿਕ੍ਖਿਤਾ;

ਤਸ੍ਮਾ ਵਿਨੀਤਵਿਨਯਾ, ਚਰਨ੍ਤਿ ਸੁਸਮਾਹਿਤਾਤਿ.

ਅਤ੍ਤਾਨਂ ¶ ਸਙ੍ਕਮਂ ਕਤ੍ਵਾ, ਯੋ ਸੋਤ੍ਥਿਂ ਸਮਤਾਰਯਿ;

ਕਿਂ ਤ੍ਵਂ ਤੇਸਂ ਕਿਮੇ [ਕਿਮੋ (ਸੀ. ਪੀ.), ਕਿਂ ਮੇ (ਸ੍ਯਾ.)] ਤੁਯ੍ਹਂ, ਹੋਨ੍ਤਿ ਏਤੇ [ਹੇਤੇ (ਸ੍ਯਾ.), ਸੋ ਤੇ (ਕ.)] ਮਹਾਕਪਿ.

ਰਾਜਾਹਂ ਇਸ੍ਸਰੋ ਤੇਸਂ, ਯੂਥਸ੍ਸ ਪਰਿਹਾਰਕੋ;

ਤੇਸਂ ਸੋਕਪਰੇਤਾਨਂ, ਭੀਤਾਨਂ ਤੇ ਅਰਿਨ੍ਦਮ.

ਉਲ੍ਲਙ੍ਘਯਿਤ੍ਵਾ [ਸ ਲਙ੍ਘਯਿਤ੍ਵਾ (ਪੀ.), ਸੁਲਙ੍ਘਯਿਤ੍ਵਾ (ਕ.)] ਅਤ੍ਤਾਨਂ, ਵਿਸ੍ਸਟ੍ਠਧਨੁਨੋ ਸਤਂ;

ਤਤੋ ਅਪਰਪਾਦੇਸੁ, ਦਲ਼੍ਹਂ ਬਨ੍ਧਂ ਲਤਾਗੁਣਂ.

ਛਿਨ੍ਨਬ੍ਭਮਿਵ ¶ ਵਾਤੇਨ, ਨੁਣ੍ਣੋ [ਨੁਨ੍ਨੋ (ਸੀ.)] ਰੁਕ੍ਖਂ ਉਪਾਗਮਿਂ;

ਸੋਹਂ ਅਪ੍ਪਭਵਂ ਤਤ੍ਥ, ਸਾਖਂ ਹਤ੍ਥੇਹਿ ਅਗ੍ਗਹਿਂ.

ਤਂ ¶ ਮਂ ਵਿਯਾਯਤਂ ਸਨ੍ਤਂ, ਸਾਖਾਯ ਚ ਲਤਾਯ ਚ;

ਸਮਨੁਕ੍ਕਮਨ੍ਤਾ ਪਾਦੇਹਿ, ਸੋਤ੍ਥਿਂ ਸਾਖਾਮਿਗਾ ਗਤਾ.

ਤਂ ਮਂ ਨ ਤਪਤੇ ਬਨ੍ਧੋ, ਮਤੋ [ਵਧੋ (ਸੀ. ਸ੍ਯਾ. ਪੀ.)] ਮੇ ਨ ਤਪੇਸ੍ਸਤਿ;

ਸੁਖਮਾਹਰਿਤਂ ਤੇਸਂ, ਯੇਸਂ ਰਜ੍ਜਮਕਾਰਯਿਂ.

ਏਸਾ ਤੇ ਉਪਮਾ ਰਾਜ, ਤਂ ਸੁਣੋਹਿ ਅਰਿਨ੍ਦਮ [ਅਤ੍ਥਸਨ੍ਦਸ੍ਸਨੀ ਕਤਾ (ਪੀ.)];

ਰਞ੍ਞਾ ਰਟ੍ਠਸ੍ਸ ਯੋਗ੍ਗਸ੍ਸ, ਬਲਸ੍ਸ ਨਿਗਮਸ੍ਸ ਚ;

ਸਬ੍ਬੇਸਂ ਸੁਖਮੇਟ੍ਠਬ੍ਬਂ, ਖਤ੍ਤਿਯੇਨ ਪਜਾਨਤਾਤਿ.

ਅਮ੍ਬਾਹਮਦ੍ਦਂ ¶ ਵਨਮਨ੍ਤਰਸ੍ਮਿਂ, ਨੀਲੋਭਾਸਂ ਫਲਿਤਂ [ਫਲਿਨਂ (ਪੀ.)] ਸਂਵਿਰੂਲ਼੍ਹਂ;

ਤਮਦ੍ਦਸਂ ਫਲਹੇਤੁ ਵਿਭਗ੍ਗਂ, ਤਂ ਦਿਸ੍ਵਾ ਭਿਕ੍ਖਾਚਰਿਯਂ ਚਰਾਮਿ.

ਸੇਲਂ ਸੁਮਟ੍ਠਂ ਨਰਵੀਰਨਿਟ੍ਠਿਤਂ [ਨਰਵਿਦ੍ਦੁਨਿਟ੍ਠਿਤਂ (ਕ.)], ਨਾਰੀ ਯੁਗਂ ਧਾਰਯਿ ਅਪ੍ਪਸਦ੍ਦਂ;

ਦੁਤਿਯਞ੍ਚ ਆਗਮ੍ਮ ਅਹੋਸਿ ਸਦ੍ਦੋ, ਤਂ ਦਿਸ੍ਵਾ ਭਿਕ੍ਖਾਚਰਿਯਂ ਚਰਾਮਿ.

ਦਿਜਾ ਦਿਜਂ ਕੁਣਪਮਾਹਰਨ੍ਤਂ, ਏਕਂ ਸਮਾਨਂ ਬਹੁਕਾ ਸਮੇਚ੍ਚ;

ਆਹਾਰਹੇਤੂ ਪਰਿਪਾਤਯਿਂਸੁ, ਤਂ ਦਿਸ੍ਵਾ ਭਿਕ੍ਖਾਚਰਿਯਂ ਚਰਾਮਿ.

ਉਸਭਾਹਮਦ੍ਦਂ ਯੂਥਸ੍ਸ ਮਜ੍ਝੇ, ਚਲਕ੍ਕਕੁਂ ਵਣ੍ਣਬਲੂਪਪਨ੍ਨਂ;

ਤਮਦ੍ਦਸਂ ਕਾਮਹੇਤੁ ਵਿਤੁਨ੍ਨਂ, ਤਂ ਦਿਸ੍ਵਾ ਭਿਕ੍ਖਾਚਰਿਯਂ ਚਰਾਮਿ.

ਕਰਣ੍ਡਕੋ ¶ [ਕਰਣ੍ਡੁਨਾਮ (ਸੀ. ਪੀ.)] ਕਲਿਙ੍ਗਾਨਂ, ਗਨ੍ਧਾਰਾਨਞ੍ਚ ਨਗ੍ਗਜਿ;

ਨਿਮਿਰਾਜਾ ਵਿਦੇਹਾਨਂ, ਪਞ੍ਚਾਲਾਨਞ੍ਚ ਦੁਮ੍ਮੁਖੋ;

ਏਤੇ ਰਟ੍ਠਾਨਿ ਹਿਤ੍ਵਾਨ, ਪਬ੍ਬਜਿਂਸੁ ਅਕਿਞ੍ਚਨਾ.

ਸਬ੍ਬੇਪਿਮੇ ¶ ਦੇਵਸਮਾ ਸਮਾਗਤਾ, ਅਗ੍ਗੀ ਯਥਾ ਪਜ੍ਜਲਿਤੋ ਤਥੇਵਿਮੇ;

ਅਹਮ੍ਪਿ ਏਕੋ ਚਰਿਸ੍ਸਾਮਿ ਭਗ੍ਗਵਿ, ਹਿਤ੍ਵਾਨ ਕਾਮਾਨਿ ਯਥੋਧਿਕਾਨਿ.

ਅਯਮੇਵ ਕਾਲੋ ਨ ਹਿ ਅਞ੍ਞੋ ਅਤ੍ਥਿ, ਅਨੁਸਾਸਿਤਾ ਮੇ ਨ ਭਵੇਯ੍ਯ ਪਚ੍ਛਾ;

ਅਹਮ੍ਪਿ ਏਕਾ ਚਰਿਸ੍ਸਾਮਿ ਭਗ੍ਗਵ, ਸਕੁਣੀਵ ਮੁਤ੍ਤਾ ਪੁਰਿਸਸ੍ਸ ਹਤ੍ਥਾ.

ਆਮਂ ਪਕ੍ਕਞ੍ਚ ਜਾਨਨ੍ਤਿ, ਅਥੋ ਲੋਣਂ ਅਲੋਣਕਂ;

ਤਮਹਂ ਦਿਸ੍ਵਾਨ ਪਬ੍ਬਜਿਂ, ਚਰੇਵ ਤ੍ਵਂ ਚਰਾਮਹਨ੍ਤਿ.

ਅਹਂ ¶ ਚੇ ਦਲ਼੍ਹਧਮ੍ਮਸ੍ਸ [ਦਲ਼੍ਹਧਮ੍ਮਾਯ (ਪੀ.)], ਵਹਨ੍ਤਿ ਨਾਭਿਰਾਧਯਿਂ;

ਧਰਨ੍ਤੀ ਉਰਸਿ ਸਲ੍ਲਂ, ਯੁਦ੍ਧੇ ਵਿਕ੍ਕਨ੍ਤਚਾਰਿਨੀ.

ਨੂਨ ਰਾਜਾ ਨ ਜਾਨਾਤਿ [ਨ ਹ ਨੂਨ ਰਾਜਾ ਜਾਨਾਤਿ (ਸੀ. ਪੀ.)], ਮਮ ਵਿਕ੍ਕਮਪੋਰਿਸਂ;

ਸਙ੍ਗਾਮੇ ਸੁਕਤਨ੍ਤਾਨਿ, ਦੂਤਵਿਪ੍ਪਹਿਤਾਨਿ ਚ.

ਸਾ ਨੂਨਾਹਂ ਮਰਿਸ੍ਸਾਮਿ, ਅਬਨ੍ਧੁ ਅਪਰਾਯਿਨੀ [ਅਪਰਾਯਿਣੀ (ਸੀ.), ਅਪਰਾਯਣੀ (?)];

ਤਦਾ ¶ ਹਿ [ਤਥਾ ਹਿ (ਪੀ.)] ਕੁਮ੍ਭਕਾਰਸ੍ਸ, ਦਿਨ੍ਨਾ ਛਕਣਹਾਰਿਕਾ.

ਯਾਵਤਾਸੀਸਤੀ ਪੋਸੋ, ਤਾਵਦੇਵ ਪਵੀਣਤਿ;

ਅਤ੍ਥਾਪਾਯੇ ਜਹਨ੍ਤਿ ਨਂ, ਓਟ੍ਠਿਬ੍ਯਾਧਿਂਵ ਖਤ੍ਤਿਯੋ.

ਯੋ ਪੁਬ੍ਬੇ ਕਤਕਲ੍ਯਾਣੋ, ਕਤਤ੍ਥੋ ਨਾਵਬੁਜ੍ਝਤਿ;

ਅਤ੍ਥਾ ਤਸ੍ਸ ਪਲੁਜ੍ਜਨ੍ਤਿ, ਯੇ ਹੋਨ੍ਤਿ ਅਭਿਪਤ੍ਥਿਤਾ.

ਯੋ ¶ ਪੁਬ੍ਬੇ ਕਤਕਲ੍ਯਾਣੋ, ਕਤਤ੍ਥੋ ਮਨੁਬੁਜ੍ਝਤਿ;

ਅਤ੍ਥਾ ਤਸ੍ਸ ਪਵਡ੍ਢਨ੍ਤਿ, ਯੇ ਹੋਨ੍ਤਿ ਅਭਿਪਤ੍ਥਿਤਾ.

ਤਂ ਵੋ ਵਦਾਮਿ ਭਦ੍ਦਨ੍ਤੇ [ਭਦ੍ਦਂ ਵੋ (ਸੀ. ਸ੍ਯਾ. ਪੀ.)], ਯਾਵਨ੍ਤੇਤ੍ਥ ਸਮਾਗਤਾ;

ਸਬ੍ਬੇ ਕਤਞ੍ਞੁਨੋ ਹੋਥ, ਚਿਰਂ ਸਗ੍ਗਮ੍ਹਿ ਠਸ੍ਸਥਾਤਿ.

ਯੋ ਮਂ ਪੁਰੇ ਪਚ੍ਚੁਡ੍ਡੇਤਿ [ਪਚ੍ਚੁਦੇਤਿ (ਸੀ. ਸ੍ਯਾ. ਪੀ.), ਪਚ੍ਚੁਟ੍ਠੇਤਿ (ਕ.)], ਅਰਞ੍ਞੇ ਦੂਰਮਾਯਤੋ;

ਸੋ ਨ ਦਿਸ੍ਸਤਿ ਮਾਤਙ੍ਗੋ, ਸੋਮਦਤ੍ਤੋ ਕੁਹਿਂ ਗਤੋ.

ਅਯਂ ਵਾ ਸੋ ਮਤੋ ਸੇਤਿ, ਅਲ੍ਲਸਿਙ੍ਗਂਵ ਵਚ੍ਛਿਤੋ [ਅਲ੍ਲਪਿਙ੍ਕਵ ਛਿਜ੍ਜਿਤੋ (ਸੀ. ਪੀ.), ਅਲ੍ਲਪੀਤਂਵ ਵਿਚ੍ਛਿਤੋ (ਸ੍ਯਾ.)];

ਭੁਮ੍ਯਾ ਨਿਪਤਿਤੋ ਸੇਤਿ, ਅਮਰਾ ਵਤ ਕੁਞ੍ਜਰੋ.

ਅਨਗਾਰਿਯੁਪੇਤਸ੍ਸ, ਵਿਪ੍ਪਮੁਤ੍ਤਸ੍ਸ ਤੇ ਸਤੋ;

ਸਮਣਸ੍ਸ ਨ ਤਂ ਸਾਧੁ, ਯਂ ਪੇਤਮਨੁਸੋਚਸਿ.

ਸਂਵਾਸੇਨ ਹਵੇ ਸਕ੍ਕ, ਮਨੁਸ੍ਸਸ੍ਸ ਮਿਗਸ੍ਸ ਵਾ;

ਹਦਯੇ ¶ ਜਾਯਤੇ ਪੇਮਂ, ਤਂ ਨ ਸਕ੍ਕਾ ਅਸੋਚਿਤੁਂ.

ਮਤਂ ਮਰਿਸ੍ਸਂ ਰੋਦਨ੍ਤਿ, ਯੇ ਰੁਦਨ੍ਤਿ ਲਪਨ੍ਤਿ ਚ;

ਤਸ੍ਮਾ ਤ੍ਵਂ ਇਸਿ ਮਾ ਰੋਦਿ, ਰੋਦਿਤਂ ਮੋਘਮਾਹੁ ਸਨ੍ਤੋ.

ਕਨ੍ਦਿਤੇਨ ¶ ਹਵੇ ਬ੍ਰਹ੍ਮੇ, ਮਤੋ ਪੇਤੋ ਸਮੁਟ੍ਠਹੇ;

ਸਬ੍ਬੇ ਸਙ੍ਗਮ੍ਮ ਰੋਦਾਮ, ਅਞ੍ਞਮਞ੍ਞਸ੍ਸ ਞਾਤਕੇ.

ਆਦਿਤ੍ਤਂ ਵਤ ਮਂ ਸਨ੍ਤਂ, ਘਤਸਿਤ੍ਤਂਵ ਪਾਵਕਂ;

ਵਾਰਿਨਾ ਵਿਯ ਓਸਿਞ੍ਚਂ, ਸਬ੍ਬਂ ਨਿਬ੍ਬਾਪਯੇ ਦਰਂ.

ਅਬ੍ਬਹੀ ਵਤ ਮੇ ਸਲ੍ਲਂ, ਯਮਾਸਿ ਹਦਯਸ੍ਸਿਤਂ;

ਯੋ ਮੇ ਸੋਕਪਰੇਤਸ੍ਸ, ਪੁਤ੍ਤਸੋਕਂ ਅਪਾਨੁਦਿ.

ਸੋਹਂ ਅਬ੍ਬੂਲ਼੍ਹਸਲ੍ਲੋਸ੍ਮਿ, ਵੀਤਸੋਕੋ ਅਨਾਵਿਲੋ;

ਨ ਸੋਚਾਮਿ ਨ ਰੋਦਾਮਿ, ਤਵ ਸੁਤ੍ਵਾਨ ਵਾਸਵਾਤਿ.

ਕਾਲ਼ਾਨਿ ¶ ਕੇਸਾਨਿ ਪੁਰੇ ਅਹੇਸੁਂ, ਜਾਤਾਨਿ ਸੀਸਮ੍ਹਿ ਯਥਾਪਦੇਸੇ;

ਤਾਨਜ੍ਜ ਸੇਤਾਨਿ ਸੁਸੀਮ [ਸੁਸਿਮ (ਕ.)] ਦਿਸ੍ਵਾ, ਧਮ੍ਮਂ ਚਰ ਬ੍ਰਹ੍ਮਚਰਿਯਸ੍ਸ ਕਾਲੋ.

ਮਮੇਵ ਦੇਵ ਪਲਿਤਂ ਨ ਤੁਯ੍ਹਂ, ਮਮੇਵ ਸੀਸਂ ਮਮ ਉਤ੍ਤਮਙ੍ਗਂ;

‘‘ਅਤ੍ਥਂ ¶ ਕਰਿਸ੍ਸ’’ਨ੍ਤਿ ਮੁਸਾ ਅਭਾਣਿਂ [ਅਭਾਸਿਂ (ਕ.)], ਏਕਾਪਰਾਧਂ ਖਮ ਰਾਜਸੇਟ੍ਠ.

ਦਹਰੋ ਤੁਵਂ ਦਸ੍ਸਨਿਯੋਸਿ ਰਾਜ, ਪਠਮੁਗ੍ਗਤੋ ਹੋਸਿ [ਹੋਹਿ (ਸੀ.), ਹੋਤਿ (ਕ.)] ਯਥਾ ਕਲ਼ੀਰੋ;

ਰਜ੍ਜਞ੍ਚ ਕਾਰੇਹਿ ਮਮਞ੍ਚ ਪਸ੍ਸ, ਮਾ ਕਾਲਿਕਂ ਅਨੁਧਾਵੀ ਜਨਿਨ੍ਦ.

ਪਸ੍ਸਾਮਿ ਵੋਹਂ ਦਹਰਿਂ ਕੁਮਾਰਿਂ, ਸਾਮਟ੍ਠਪਸ੍ਸਂ ਸੁਤਨੁਂ ਸੁਮਜ੍ਝਂ;

ਕਾਲ਼ਪ੍ਪਵਾਲ਼ਾਵ ਪਵੇਲ੍ਲਮਾਨਾ, ਪਲੋਭਯਨ੍ਤੀਵ [ਸਾ ਲੋਭਯਨ੍ਤੀਵ (ਪੀ.)] ਨਰੇਸੁ ਗਚ੍ਛਤਿ.

ਤਮੇਨ ਪਸ੍ਸਾਮਿਪਰੇਨ ਨਾਰਿਂ, ਆਸੀਤਿਕਂ ਨਾਵੁਤਿਕਂ ਵ ਜਚ੍ਚਾ;

ਦਣ੍ਡਂ ਗਹੇਤ੍ਵਾਨ ਪਵੇਧਮਾਨਂ, ਗੋਪਾਨਸੀਭੋਗ੍ਗਸਮਂ ਚਰਨ੍ਤਿਂ.

ਸੋਹਂ ਤਮੇਵਾਨੁਵਿਚਿਨ੍ਤਯਨ੍ਤੋ, ਏਕੋ ਸਯਾਮਿ [ਪਸ੍ਸਾਮਿ (ਕ.)] ਸਯਨਸ੍ਸ ਮਜ੍ਝੇ;

‘‘ਅਹਮ੍ਪਿ ਏਵਂ’’ ਇਤਿ ਪੇਕ੍ਖਮਾਨੋ, ਨ ਗਹੇ ਰਮੇ [ਨ ਗੇਹੇ ਰਮੇ (ਸੀ.), ਗੇਹੇ ਨ ਰਮੇ (ਸ੍ਯਾ. ਕ.)] ਬ੍ਰਹ੍ਮਚਰਿਯਸ੍ਸ ਕਾਲੋ.

ਰਜ੍ਜੁਵਾਲਮ੍ਬਨੀ ¶ ਚੇਸਾ, ਯਾ ਗੇਹੇ ਵਸਤੋ ਰਤਿ;

ਏਵਮ੍ਪਿ ¶ ਛੇਤ੍ਵਾਨ ਵਜਨ੍ਤਿ ਧੀਰਾ, ਅਨਪੇਕ੍ਖਿਨੋ ਕਾਮਸੁਖਂ ਪਹਾਯਾਤਿ.

ਅਹਂ ਦਸਸਤਂਬ੍ਯਾਮਂ, ਉਰਗਮਾਦਾਯ ਆਗਤੋ;

ਤਞ੍ਚ ਮਞ੍ਚ ਮਹਾਕਾਯਂ, ਧਾਰਯਂ ਨਪ੍ਪਵੇਧਸਿ [ਨ ਪਵੇਧਯਿ (ਕ.)].

ਅਥਿਮਂ ¶ ਖੁਦ੍ਦਕਂ ਪਕ੍ਖਿਂ, ਅਪ੍ਪਮਂਸਤਰਂ ਮਯਾ;

ਧਾਰਯਂ ਬ੍ਯਥਸਿ [ਬ੍ਯਾਧਸੇ (ਸੀ.), ਬ੍ਯਧਸੇ (ਪੀ.), ਬ੍ਯਾਧਸਿ (ਕ.)] ਭੀਤਾ [ਭੀਤੋ (ਸੀ. ਸ੍ਯਾ. ਪੀ.)], ਕਮਤ੍ਥਂ ਕੋਟਸਿਮ੍ਬਲਿ [ਕੋਟਿਸਿਮ੍ਬਲਿ (ਸੀ. ਪੀ.)].

ਮਂਸਭਕ੍ਖੋ ਤੁਵਂ ਰਾਜ, ਫਲਭਕ੍ਖੋ ਅਯਂ ਦਿਜੋ;

ਅਯਂ ਨਿਗ੍ਰੋਧਬੀਜਾਨਿ, ਪਿਲਕ੍ਖੁਦੁਮ੍ਬਰਾਨਿ ਚ;

ਅਸ੍ਸਤ੍ਥਾਨਿ ਚ ਭਕ੍ਖਿਤ੍ਵਾ, ਖਨ੍ਧੇ ਮੇ ਓਹਦਿਸ੍ਸਤਿ.

ਤੇ ਰੁਕ੍ਖਾ ਸਂਵਿਰੂਹਨ੍ਤਿ, ਮਮ ਪਸ੍ਸੇ ਨਿਵਾਤਜਾ;

ਤੇ ਮਂ ਪਰਿਯੋਨਨ੍ਧਿਸ੍ਸਨ੍ਤਿ, ਅਰੁਕ੍ਖਂ ਮਂ ਕਰਿਸ੍ਸਰੇ.

ਸਨ੍ਤਿ ਅਞ੍ਞੇਪਿ ਰੁਕ੍ਖਾ ਸੇ, ਮੂਲਿਨੋ ਖਨ੍ਧਿਨੋ ਦੁਮਾ;

ਇਮਿਨਾ ਸਕੁਣਜਾਤੇਨ, ਬੀਜਮਾਹਰਿਤਾ ਹਤਾ.

ਅਜ੍ਝਾਰੂਹਾਭਿਵਡ੍ਢਨ੍ਤਿ [ਅਜ੍ਝਾਰੂਲ਼੍ਹਾਭਿਵਡ੍ਢਨ੍ਤਿ (ਸੀ. ਪੀ.)], ਬ੍ਰਹਨ੍ਤਮ੍ਪਿ ਵਨਪ੍ਪਤਿਂ;

ਤਸ੍ਮਾ ਰਾਜ ਪਵੇਧਾਮਿ, ਸਮ੍ਪਸ੍ਸਂਨਾਗਤਂ ਭਯਂ.

ਸਙ੍ਕੇਯ੍ਯ ਸਙ੍ਕਿਤਬ੍ਬਾਨਿ, ਰਕ੍ਖੇਯ੍ਯਾਨਾਗਤਂ ਭਯਂ;

ਅਨਾਗਤਭਯਾ ¶ ਧੀਰੋ, ਉਭੋ ਲੋਕੇ ਅਵੇਕ੍ਖਤੀਤਿ.

ਰਾਜਾ ਅਪੁਚ੍ਛਿ ਵਿਧੁਰਂ, ਧਮ੍ਮਕਾਮੋ ਯੁਧਿਟ੍ਠਿਲੋ;

ਅਪਿ ਬ੍ਰਾਹ੍ਮਣ ਜਾਨਾਸਿ, ਕੋ ਏਕੋ ਬਹੁ ਸੋਚਤਿ.

ਬ੍ਰਾਹ੍ਮਣੋ ¶ ਅਜਯੂਥੇਨ, ਪਹੂਤੇਧੋ [ਬਹੂਤੇਜੋ (ਪੀ. ਕ.), ਬਹੁਤੇਨ੍ਦੋ (ਸ੍ਯਾ.)] ਵਨੇ ਵਸਂ;

ਧੂਮਂ ਅਕਾਸਿ ਵਾਸੇਟ੍ਠੋ, ਰਤ੍ਤਿਨ੍ਦਿਵਮਤਨ੍ਦਿਤੋ.

ਤਸ੍ਸ ਤਂ ਧੂਮਗਨ੍ਧੇਨ, ਸਰਭਾ ਮਕਸਡ੍ਡਿਤਾ [ਮਕਸਦ੍ਦਿਤਾ (ਸੀ. ਸ੍ਯਾ.), ਮਕਸਟ੍ਟਿਤਾ (ਪੀ. ਕ.)];

ਵਸ੍ਸਾਵਾਸਂ ਉਪਾਗਚ੍ਛੁਂ, ਧੂਮਕਾਰਿਸ੍ਸ ਸਨ੍ਤਿਕੇ.

ਸਰਭੇਸੁ ਮਨਂ ਕਤ੍ਵਾ, ਅਜਾ ਸੋ ਨਾਵਬੁਜ੍ਝਥ;

ਆਗਚ੍ਛਨ੍ਤੀ ਵਜਨ੍ਤੀ ਵਾ [ਆਗਚ੍ਛਨ੍ਤਿ ਵਜਨ੍ਤਿ ਵਾ (ਸ੍ਯਾ. ਪੀ.), ਆਗਚ੍ਛਨ੍ਤਿਂ ਵਜਨ੍ਤਿਂ ਵਾ (ਕ.)], ਤਸ੍ਸ ਤਾ ਵਿਨਸੁਂ [ਵਿਨਸ੍ਸੁਂ (ਸੀ.)] ਅਜਾ.

ਪਾਵਿਸੁਂ ਗਿਰਿਦੁਗ੍ਗਾਨਿ, ਨਦੀਨਂ ਪਭਵਾਨਿ ਚ.

ਸਰਭੇ ਚ ਗਤੇ ਦਿਸ੍ਵਾ, ਅਜਾ ਚ ਵਿਭਵਂ ਗਤਾ [ਅਜੇ ਚ ਵਿਭਵਂ ਗਤੇ (ਕ.)];

ਕਿਸੋ ਚ ਵਿਵਣ੍ਣੋ ਚਾਸਿ, ਪਣ੍ਡੁਰੋਗੀ ਚ ਬ੍ਰਾਹ੍ਮਣੋ.

ਏਵਂ ¶ ਯੋ ਸਂ ਨਿਰਂਕਤ੍ਵਾ, ਆਗਨ੍ਤੁਂ ਕੁਰੁਤੇ ਪਿਯਂ;

ਸੋ ਏਕੋ ਬਹੁ ਸੋਚਤਿ, ਧੂਮਕਾਰੀਵ ਬ੍ਰਾਹ੍ਮਣੋਤਿ.

ਕੋਧ ¶ ਜਾਗਰਤਂ ਸੁਤ੍ਤੋ, ਕੋਧ ਸੁਤ੍ਤੇਸੁ ਜਾਗਰੋ;

ਕੋ ਮਮੇਤਂ ਵਿਜਾਨਾਤਿ, ਕੋ ਤਂ ਪਟਿਭਣਾਤਿ ਮੇ.

ਅਹਂ ਜਾਗਰਤਂ ਸੁਤ੍ਤੋ, ਅਹਂ ਸੁਤ੍ਤੇਸੁ ਜਾਗਰੋ;

ਅਹਮੇਤਂ ਵਿਜਾਨਾਮਿ, ਅਹਂ ਪਟਿਭਣਾਮਿ ਤੇ.

ਕਥਂ ਜਾਗਰਤਂ ਸੁਤ੍ਤੋ, ਕਥਂ ਸੁਤ੍ਤੇਸੁ ਜਾਗਰੋ;

ਕਥਂ ਏਤਂ ਵਿਜਾਨਾਸਿ, ਕਥਂ ਪਟਿਭਣਾਸਿ ਮੇ.

ਯੇ ਧਮ੍ਮਂ ਨਪ੍ਪਜਾਨਨ੍ਤਿ, ਸਂਯਮੋਤਿ ਦਮੋਤਿ ਚ;

ਤੇਸੁ ਸੁਪ੍ਪਮਾਨੇਸੁ, ਅਹਂ ਜਗ੍ਗਾਮਿ ਦੇਵਤੇ.

ਯੇਸਂ ਰਾਗੋ ਚ ਦੋਸੋ ਚ, ਅਵਿਜ੍ਜਾ ਚ ਵਿਰਾਜਿਤਾ;

ਤੇਸੁ ਜਾਗਰਮਾਨੇਸੁ, ਅਹਂ ਸੁਤ੍ਤੋਸ੍ਮਿ ਦੇਵਤੇ.

ਏਵਂ ¶ ਜਾਗਰਤਂ ਸੁਤ੍ਤੋ, ਏਵਂ ਸੁਤ੍ਤੇਸੁ ਜਾਗਰੋ;

ਏਵਮੇਤਂ ਵਿਜਾਨਾਮਿ, ਏਵਂ ਪਟਿਭਣਾਮਿ ਤੇ.

ਸਾਧੁ ਜਾਗਰਤਂ ਸੁਤ੍ਤੋ, ਸਾਧੁ ਸੁਤ੍ਤੇਸੁ ਜਾਗਰੋ;

ਸਾਧੁਮੇਤਂ ਵਿਜਾਨਾਸਿ, ਸਾਧੁ ਪਟਿਭਣਾਸਿ ਮੇਤਿ.

੪੧੫. ਕੁਮ੍ਮਾਸਪਿਣ੍ਡਿਜਾਤਕਂ (੭-੨-੧੦)

ਨ ਕਿਰਤ੍ਥਿ ਅਨੋਮਦਸ੍ਸਿਸੁ, ਪਾਰਿਚਰਿਯਾ ਬੁਦ੍ਧੇਸੁ ਅਪ੍ਪਿਕਾ [ਅਪ੍ਪਕਾ (ਕ.)];

ਸੁਕ੍ਖਾਯ ¶ ਅਲੋਣਿਕਾਯ ਚ, ਪਸ੍ਸਫਲਂ ਕੁਮ੍ਮਾਸਪਿਣ੍ਡਿਯਾ.

ਹਤ੍ਥਿਗਵਸ੍ਸਾ ਚਿਮੇ ਬਹੂ [ਹਤ੍ਥਿਗਵਾਸ੍ਸਾ ਚ ਮੇ ਬਹੂ (ਸੀ.), ਹਤ੍ਥੀ ਗਵਾਸ੍ਸਾ ਚਿਮੇ ਬਹੂ (ਸ੍ਯਾ.), ਹਤ੍ਥੀ ਗਵਾਸ੍ਸਾ ਚ ਮੇ ਬਹੂ (ਪੀ.)], ਧਨਧਞ੍ਞਂ ਪਥਵੀ ਚ ਕੇਵਲਾ;

ਨਾਰਿਯੋ ਚਿਮਾ ਅਚ੍ਛਰੂਪਮਾ, ਪਸ੍ਸਫਲਂ ਕੁਮ੍ਮਾਸਪਿਣ੍ਡਿਯਾ.

ਅਭਿਕ੍ਖਣਂ ਰਾਜਕੁਞ੍ਜਰ, ਗਾਥਾ ਭਾਸਸਿ ਕੋਸਲਾਧਿਪ;

ਪੁਚ੍ਛਾਮਿ ਤਂ ਰਟ੍ਠਵਡ੍ਢਨ, ਬਾਲ਼੍ਹਂ ਪੀਤਿਮਨੋ ਪਭਾਸਸਿ.

ਇਮਸ੍ਮਿਞ੍ਞੇਵ ਨਗਰੇ, ਕੁਲੇ ਅਞ੍ਞਤਰੇ ਅਹੁਂ;

ਪਰਕਮ੍ਮਕਰੋ ਆਸਿਂ, ਭਤਕੋ ਸੀਲਸਂਵੁਤੋ.

ਕਮ੍ਮਾਯ ¶ ਨਿਕ੍ਖਮਨ੍ਤੋਹਂ, ਚਤੁਰੋ ਸਮਣੇਦ੍ਦਸਂ;

ਆਚਾਰਸੀਲਸਮ੍ਪਨ੍ਨੇ, ਸੀਤਿਭੂਤੇ ਅਨਾਸਵੇ.

ਤੇਸੁ ਚਿਤ੍ਤਂ ਪਸਾਦੇਤ੍ਵਾ, ਨਿਸੀਦੇਤ੍ਵਾ [ਨਿਸਾਦੇਤ੍ਵਾ (?)] ਪਣ੍ਣਸਨ੍ਥਤੇ;

ਅਦਂ ਬੁਦ੍ਧਾਨ ਕੁਮ੍ਮਾਸਂ, ਪਸਨ੍ਨੋ ਸੇਹਿ ਪਾਣਿਭਿ.

ਤਸ੍ਸ ¶ ਕਮ੍ਮਸ੍ਸ ਕੁਸਲਸ੍ਸ, ਇਦਂ ਮੇ ਏਦਿਸਂ ਫਲਂ;

ਅਨੁਭੋਮਿ ਇਦਂ ਰਜ੍ਜਂ, ਫੀਤਂ ਧਰਣਿਮੁਤ੍ਤਮਂ.

ਦਦਂ ਭੁਞ੍ਜ ਮਾ ਚ ਪਮਾਦੋ [ਦਦ ਭੁਞ੍ਜ ਚ ਮਾ ਚ ਪਮਾਦੋ (ਸੀ. ਪੀ.)], ਚਕ੍ਕਂ ਵਤ੍ਤਯ ਕੋਸਲਾਧਿਪ;

ਮਾ ¶ ਰਾਜ ਅਧਮ੍ਮਿਕੋ ਅਹੁ, ਧਮ੍ਮਂ ਪਾਲਯ ਕੋਸਲਾਧਿਪ.

ਸੋਹਂ ਤਦੇਵ ਪੁਨਪ੍ਪੁਨਂ, ਵਟੁਮਂ ਆਚਰਿਸ੍ਸਾਮਿ ਸੋਭਨੇ;

ਅਰਿਯਾਚਰਿਤਂ ਸੁਕੋਸਲੇ, ਅਰਹਨ੍ਤੋ ਮੇ ਮਨਾਪਾਵ ਪਸ੍ਸਿਤੁਂ.

ਦੇਵੀ ਵਿਯ ਅਚ੍ਛਰੂਪਮਾ, ਮਜ੍ਝੇ ਨਾਰਿਗਣਸ੍ਸ ਸੋਭਸਿ;

ਕਿਂ ਕਮ੍ਮਮਕਾਸਿ ਭਦ੍ਦਕਂ, ਕੇਨਾਸਿ ਵਣ੍ਣਵਤੀ ਸੁਕੋਸਲੇ.

ਅਮ੍ਬਟ੍ਠਕੁਲਸ੍ਸ ਖਤ੍ਤਿਯ, ਦਾਸ੍ਯਾਹਂ ਪਰਪੇਸਿਯਾ ਅਹੁਂ;

ਸਞ੍ਞਤਾ ਚ [ਸਞ੍ਞਤਾ (ਸੀ. ਪੀ.)] ਧਮ੍ਮਜੀਵਿਨੀ, ਸੀਲਵਤੀ ਚ ਅਪਾਪਦਸ੍ਸਨਾ.

ਉਦ੍ਧਟਭਤ੍ਤਂ ਅਹਂ ਤਦਾ, ਚਰਮਾਨਸ੍ਸ ਅਦਾਸਿ ਭਿਕ੍ਖੁਨੋ;

ਵਿਤ੍ਤਾ ਸੁਮਨਾ ਸਯਂ ਅਹਂ, ਤਸ੍ਸ ਕਮ੍ਮਸ੍ਸ ਫਲਂ ਮਮੇਦਿਸਨ੍ਤਿ.

ਆਗਮਿਸ੍ਸਤਿ ¶ ਮੇ ਪਾਪਂ, ਆਗਮਿਸ੍ਸਤਿ ਮੇ ਭਯਂ;

ਤਦਾ ਹਿ ਚਲਿਤਾ ਸਾਖਾ, ਮਨੁਸ੍ਸੇਨ ਮਿਗੇਨ ਵਾ.

ਭੀਰੁਯਾ ਨੂਨ ਮੇ ਕਾਮੋ, ਅਵਿਦੂਰੇ ਵਸਨ੍ਤਿਯਾ;

ਕਰਿਸ੍ਸਤਿ ਕਿਸਂ ਪਣ੍ਡੁਂ, ਸਾਵ ਸਾਖਾ ਪਰਨ੍ਤਪਂ.

ਸੋਚਯਿਸ੍ਸਤਿ ¶ ਮਂ ਕਨ੍ਤਾ, ਗਾਮੇ ਵਸਮਨਿਨ੍ਦਿਤਾ;

ਕਰਿਸ੍ਸਤਿ ਕਿਸਂ ਪਣ੍ਡੁਂ, ਸਾਵ ਸਾਖਾ ਪਰਨ੍ਤਪਂ.

ਤਯਾ ਮਂ ਅਸਿਤਾਪਙ੍ਗਿ [ਹਸਿਤਾਪਙ੍ਗਿ (ਸੀ. ਸ੍ਯਾ. ਪੀ.)], ਸਿਤਾਨਿ [ਮਿਹਿਤਾਨਿ (ਸੀ. ਸ੍ਯਾ. ਪੀ.)] ਭਣਿਤਾਨਿ ਚ;

ਕਿਸਂ ਪਣ੍ਡੁਂ ਕਰਿਸ੍ਸਨ੍ਤਿ, ਸਾਵ ਸਾਖਾ ਪਰਨ੍ਤਪਂ.

ਅਗਮਾ ਨੂਨ ਸੋ ਸਦ੍ਦੋ, ਅਸਂਸਿ ਨੂਨ ਸੋ ਤਵ;

ਅਕ੍ਖਾਤਂ ਨੂਨ ਤਂ ਤੇਨ, ਯੋ ਤਂ ਸਾਖਮਕਮ੍ਪਯਿ.

ਇਦਂ ¶ ਖੋ ਤਂ ਸਮਾਗਮ੍ਮ, ਮਮ ਬਾਲਸ੍ਸ ਚਿਨ੍ਤਿਤਂ;

ਤਦਾ ਹਿ ਚਲਿਤਾ ਸਾਖਾ, ਮਨੁਸ੍ਸੇਨ ਮਿਗੇਨ ਵਾ.

ਤਥੇਵ ਤ੍ਵਂ ਅਵੇਦੇਸਿ, ਅਵਞ੍ਚਿ [ਅਵਜ੍ਝਿ (ਕ.)] ਪਿਤਰਂ ਮਮ;

ਹਨ੍ਤ੍ਵਾ ਸਾਖਾਹਿ ਛਾਦੇਨ੍ਤੋ, ਆਗਮਿਸ੍ਸਤਿ ਮੇ [ਤੇ (ਸ੍ਯਾ. ਕ.)] ਭਯਨ੍ਤਿ.

ਵਰਗਾਮ ¶ ਮਹਾਕਪਿ ਭਗ੍ਗਵ ਚ, ਦਲ਼੍ਹਧਮ੍ਮ ਸਕੁਞ੍ਜਰ ਕੇਸਵਰੋ;

ਉਰਗੋ ਵਿਧੁਰੋ ਪੁਨ ਜਾਗਰਤਂ, ਅਥ ਕੋਸਲਾਧਿਪ ਪਰਨ੍ਤਪ ਚਾਤਿ.

ਅਥ ਸਤ੍ਤਨਿਪਾਤਮ੍ਹਿ, ਵਗ੍ਗਂ ਮੇ ਭਣਤੋ ਸੁਣ;

ਕੁਕ੍ਕੁ ਚ ਪੁਨ ਗਨ੍ਧਾਰੋ, ਦ੍ਵੇਵ ਗੁਤ੍ਤਾ ਮਹੇਸਿਨਾਤਿ.

ਓਦਾਤਵਤ੍ਥਾ ¶ ¶ ¶ ਸੁਚਿ ਅਲ੍ਲਕੇਸਾ, ਕਚ੍ਚਾਨਿ ਕਿਂ ਕੁਮ੍ਭਿਮਧਿਸ੍ਸਯਿਤ੍ਵਾ [ਕੁਮ੍ਭਿਮਪਸ੍ਸਯਿਤ੍ਵਾ (ਪੀ.)];

ਪਿਟ੍ਠਾ ਤਿਲਾ ਧੋਵਸਿ ਤਣ੍ਡੁਲਾਨਿ, ਤਿਲੋਦਨੋ ਹੇਹਿਤਿ ਕਿਸ੍ਸ ਹੇਤੁ.

ਨ ਖੋ ਅਯਂ ਬ੍ਰਾਹ੍ਮਣ ਭੋਜਨਤ੍ਥਾ [ਭੋਜਨਤ੍ਥਂ (ਸ੍ਯਾ.)], ਤਿਲੋਦਨੋ ਹੇਹਿਤਿ ਸਾਧੁਪਕ੍ਕੋ;

ਧਮ੍ਮੋ ਮਤੋ ਤਸ੍ਸ ਪਹੁਤ੍ਤਮਜ੍ਜ [ਪਹੂਨਮਜ੍ਜ (ਸ੍ਯਾ.), ਪਹੂਤਮਜ੍ਜ (ਸੀ.), ਬਹੂਤਮਜ੍ਜਾ (ਪੀ.)], ਅਹਂ ਕਰਿਸ੍ਸਾਮਿ ਸੁਸਾਨਮਜ੍ਝੇ.

ਅਨੁਵਿਚ੍ਚ ਕਚ੍ਚਾਨਿ ਕਰੋਹਿ ਕਿਚ੍ਚਂ, ਧਮ੍ਮੋ ਮਤੋ ਕੋ ਨੁ ਤਵੇਵ [ਤਵੇਤ (ਸੀ. ਸ੍ਯਾ. ਪੀ.)] ਸਂਸਿ;

ਸਹਸ੍ਸਨੇਤ੍ਤੋ ਅਤੁਲਾਨੁਭਾਵੋ, ਨ ਮਿਯ੍ਯਤੀ ਧਮ੍ਮਵਰੋ ਕਦਾਚਿ.

ਦਲ਼੍ਹਪ੍ਪਮਾਣਂ ਮਮ ਏਤ੍ਥ ਬ੍ਰਹ੍ਮੇ, ਧਮ੍ਮੋ ਮਤੋ ਨਤ੍ਥਿ ਮਮੇਤ੍ਥ ਕਙ੍ਖਾ;

ਯੇ ਯੇਵ ਦਾਨਿ ਪਾਪਾ ਭਵਨ੍ਤਿ, ਤੇ ¶ ਤੇਵ ਦਾਨਿ ਸੁਖਿਤਾ ਭਵਨ੍ਤਿ.

ਸੁਣਿਸਾ ਹਿ ਮਯ੍ਹਂ ਵਞ੍ਝਾ ਅਹੋਸਿ, ਸਾ ਮਂ ਵਧਿਤ੍ਵਾਨ ਵਿਜਾਯਿ ਪੁਤ੍ਤਂ;

ਸਾ ਦਾਨਿ ਸਬ੍ਬਸ੍ਸ ਕੁਲਸ੍ਸ ਇਸ੍ਸਰਾ, ਅਹਂ ਪਨਮ੍ਹਿ [ਵਸਾਮਿ (ਸ੍ਯਾ.)] ਅਪਵਿਦ੍ਧਾ ਏਕਿਕਾ.

ਜੀਵਾਮਿ ¶ ਵੋਹਂ ਨ ਮਤੋਹਮਸ੍ਮਿ [ਨਾਹਂ ਮਤੋਸ੍ਮਿ (ਸੀ. ਪੀ.)], ਤਵੇਵ ਅਤ੍ਥਾਯ ਇਧਾਗਤੋਸ੍ਮਿ;

ਯਾ ਤਂ ਵਧਿਤ੍ਵਾਨ ਵਿਜਾਯਿ ਪੁਤ੍ਤਂ, ਸਹਾਵ ਪੁਤ੍ਤੇਨ ਕਰੋਮਿ ਭਸ੍ਮਂ.

ਏਵਞ੍ਚ [ਏਤਞ੍ਚ (ਸੀ. ਪੀ.)] ਤੇ ਰੁਚ੍ਚਤਿ ਦੇਵਰਾਜ, ਮਮੇਵ ਅਤ੍ਥਾਯ ਇਧਾਗਤੋਸਿ;

ਅਹਞ੍ਚ ਪੁਤ੍ਤੋ ਸੁਣਿਸਾ ਚ ਨਤ੍ਤਾ, ਸਮ੍ਮੋਦਮਾਨਾ ਘਰਮਾਵਸੇਮ.

ਏਵਞ੍ਚ ਤੇ ਰੁਚ੍ਚਤਿ ਕਾਤਿਯਾਨਿ, ਹਤਾਪਿ ਸਨ੍ਤਾ ਨ ਜਹਾਸਿ ਧਮ੍ਮਂ;

ਤੁਵਞ੍ਚ [ਤ੍ਵਞ੍ਚ (ਪੀ. ਕ.)] ਪੁਤ੍ਤੋ ਸੁਣਿਸਾ ਚ ਨਤ੍ਤਾ, ਸਮ੍ਮੋਦਮਾਨਾ ਘਰਮਾਵਸੇਥ.

ਸਾ ਕਾਤਿਯਾਨੀ ਸੁਣਿਸਾਯ ਸਦ੍ਧਿਂ, ਸਮ੍ਮੋਦਮਾਨਾ ਘਰਮਾਵਸਿਤ੍ਥ;

ਪੁਤ੍ਤੋ ¶ ਚ ਨਤ੍ਤਾ ਚ ਉਪਟ੍ਠਹਿਂਸੁ, ਦੇਵਾਨਮਿਨ੍ਦੇਨ ਅਧਿਗ੍ਗਹੀਤਾਤਿ.

ਇਦਂ ¶ ਪੁਰੇ ਨਿਨ੍ਨਮਾਹੁ, ਬਹੁਮਚ੍ਛਂ ਮਹੋਦਕਂ;

ਆਵਾਸੋ ਬਕਰਾਜਸ੍ਸ, ਪੇਤ੍ਤਿਕਂ ਭਵਨਂ ਮਮ;

ਤ੍ਯਜ੍ਜ ਭੇਕੇਨ [ਭਿਙ੍ਗੇਨ (ਕ.)] ਯਾਪੇਮ, ਓਕਂ ਨ ਵਜਹਾਮਸੇ [ਓਕਨ੍ਤਂ ਨ ਜਹਾਮਸੇ (ਕ.)].

ਕੋ ਦੁਤਿਯਂ ਅਸੀਲਿਸ੍ਸ, ਬਨ੍ਧਰਸ੍ਸਕ੍ਖਿ ਭੇਚ੍ਛਤਿ [ਭੇਜ੍ਜਤਿ (ਸੀ. ਸ੍ਯਾ. ਪੀ.), ਭਿਨ੍ਦਤਿ (ਕ.)];

ਕੋ ਮੇ ਪੁਤ੍ਤੇ ਕੁਲਾਵਕਂ, ਮਞ੍ਚ ਸੋਤ੍ਥਿਂ ਕਰਿਸ੍ਸਤਿ.

ਸਬ੍ਬਾ ਪਰਿਕ੍ਖਯਾ ਫੇਗ੍ਗੁ, ਯਾਵ ਤਸ੍ਸਾ ਗਤੀ ਅਹੁ;

ਖੀਣਭਕ੍ਖੋ ਮਹਾਰਾਜ, ਸਾਰੇ ਨ ਰਮਤੀ ਘੁਣੋ.

ਸਾ ¶ ਨੂਨਾਹਂ ਇਤੋ ਗਨ੍ਤ੍ਵਾ, ਰਞ੍ਞੋ ਮੁਤ੍ਤਾ ਨਿਵੇਸਨਾ;

ਅਤ੍ਤਾਨਂ ਰਮਯਿਸ੍ਸਾਮਿ, ਦੁਮਸਾਖਨਿਕੇਤਿਨੀ.

ਸੋ ਨੂਨਾਹਂ ਇਤੋ ਗਨ੍ਤ੍ਵਾ, ਰਞ੍ਞੋ ਮੁਤ੍ਤੋ ਨਿਵੇਸਨਾ;

ਅਗ੍ਗੋਦਕਾਨਿ ਪਿਸ੍ਸਾਮਿ, ਯੂਥਸ੍ਸ ਪੁਰਤੋ ਵਜਂ.

ਤਂ ਮਂ ਕਾਮੇਹਿ ਸਮ੍ਮਤ੍ਤਂ, ਰਤ੍ਤਂ ਕਾਮੇਸੁ ਮੁਚ੍ਛਿਤਂ;

ਆਨਯੀ ਭਰਤੋ [ਵਨਤੋ (ਕ.)] ਲੁਦ੍ਦੋ, ਬਾਹਿਕੋ ਭਦ੍ਦਮਤ੍ਥੁ ਤੇ.

ਅਨ੍ਧਕਾਰਤਿਮਿਸਾਯਂ, ਤੁਙ੍ਗੇ ਉਪਰਿਪਬ੍ਬਤੇ;

ਸਾ ¶ ਮਂ ਸਣ੍ਹੇਨ ਮੁਦੁਨਾ, ਮਾ ਪਾਦਂ ਖਲਿ [ਖਣਿ (ਸੀ. ਸ੍ਯਾ. ਪੀ.)] ਯਸ੍ਮਨਿ.

ਅਸਂਸਯਂ ਜਾਤਿਖਯਨ੍ਤਦਸ੍ਸੀ, ਨ ਗਬ੍ਭਸੇਯ੍ਯਂ ਪੁਨਰਾਵਜਿਸ੍ਸਂ;

ਅਯਮਨ੍ਤਿਮਾ ਪਚ੍ਛਿਮਾ ਗਬ੍ਭਸੇਯ੍ਯਾ [ਅਯਂ ਹਿ ਮੇ ਅਨ੍ਤਿਮਾ ਗਬ੍ਭਸੇਯ੍ਯਾ (ਸੀ. ਪੀ.)], ਖੀਣੋ ਮੇ ਸਂਸਾਰੋ ਪੁਨਬ੍ਭਵਾਯਾਤਿ.

ਇਦਂ ਸੁਵਣ੍ਣਕਾਯੂਰਂ, ਮੁਤ੍ਤਾ ਵੇਲ਼ੁਰਿਯਾ ਬਹੂ;

ਸਬ੍ਬਂ ਹਰਸ੍ਸੁ ਭਦ੍ਦਨ੍ਤੇ, ਮਞ੍ਚ ਦਾਸੀਤਿ ਸਾਵਯ.

ਓਰੋਪਯਸ੍ਸੁ ਕਲ੍ਯਾਣਿ, ਮਾ ਬਾਲ਼੍ਹਂ [ਬਹੁਂ (ਸੀ. ਸ੍ਯਾ. ਪੀ.)] ਪਰਿਦੇਵਸਿ;

ਨ ਚਾਹਂ ਅਭਿਜਾਨਾਮਿ, ਅਹਨ੍ਤ੍ਵਾ ਧਨਮਾਭਤਂ.

ਯਤੋ ਸਰਾਮਿ ਅਤ੍ਤਾਨਂ, ਯਤੋ ਪਤ੍ਤਾਸ੍ਮਿ ਵਿਞ੍ਞੁਤਂ;

ਨ ਚਾਹਂ ਅਭਿਜਾਨਾਮਿ, ਅਞ੍ਞਂ ਪਿਯਤਰਂ ਤਯਾ.

ਏਹਿ ਤਂ ਉਪਗੂਹਿਸ੍ਸਂ [ਉਪਗੁਯ੍ਹਿਸ੍ਸਂ (ਕ.)], ਕਰਿਸ੍ਸਞ੍ਚ ਪਦਕ੍ਖਿਣਂ;

ਨ ਹਿ ਦਾਨਿ ਪੁਨ ਅਤ੍ਥਿ, ਮਮ ਤੁਯ੍ਹਞ੍ਚ ਸਙ੍ਗਮੋ.

ਨ ¶ ਹਿ ਸਬ੍ਬੇਸੁ ਠਾਨੇਸੁ, ਪੁਰਿਸੋ ਹੋਤਿ ਪਣ੍ਡਿਤੋ;

ਇਤ੍ਥੀਪਿ ਪਣ੍ਡਿਤਾ ਹੋਤਿ, ਤਤ੍ਥ ਤਤ੍ਥ ਵਿਚਕ੍ਖਣਾ.

ਨ ¶ ਹਿ ਸਬ੍ਬੇਸੁ ਠਾਨੇਸੁ, ਪੁਰਿਸੋ ਹੋਤਿ ਪਣ੍ਡਿਤੋ;

ਇਤ੍ਥੀਪਿ ¶ ਪਣ੍ਡਿਤਾ ਹੋਤਿ, ਲਹੁਂ ਅਤ੍ਥਂ ਵਿਚਿਨ੍ਤਿਕਾ [ਲਹੁਮਤ੍ਥਵਿਚਿਨ੍ਤਿਕਾ (ਸੀ. ਪੀ.)].

ਲਹੁਞ੍ਚ ਵਤ ਖਿਪ੍ਪਞ੍ਚ, ਨਿਕਟ੍ਠੇ ਸਮਚੇਤਯਿ;

ਮਿਗਂ ਪੁਣ੍ਣਾਯਤੇਨੇਵ [ਪੁਣ੍ਣਾਯਤਨੇਵ (ਸ੍ਯਾ.)], ਸੁਲਸਾ ਸਤ੍ਤੁਕਂ ਵਧਿ.

ਯੋਧ ਉਪ੍ਪਤਿਤਂ ਅਤ੍ਥਂ, ਨ ਖਿਪ੍ਪਮਨੁਬੁਜ੍ਝਤਿ;

ਸੋ ਹਞ੍ਞਤਿ ਮਨ੍ਦਮਤਿ, ਚੋਰੋਵ ਗਿਰਿਗਬ੍ਭਰੇ.

ਯੋ ਚ ਉਪ੍ਪਤਿਤਂ ਅਤ੍ਥਂ, ਖਿਪ੍ਪਮੇਵ ਨਿਬੋਧਤਿ;

ਮੁਚ੍ਚਤੇ ਸਤ੍ਤੁਸਮ੍ਬਾਧਾ, ਸੁਲਸਾ ਸਤ੍ਤੁਕਾਮਿਵਾਤਿ.

ਭੁਸਮ੍ਹਿ [ਭੁਸਮ੍ਪਿ (ਕ.), ਭੁਸਂ ਹਿ (ਸੀ. ਨਿਯ੍ਯ)] ਕੁਦ੍ਧੋਤਿ ਅਵੇਕ੍ਖਿਯਾਨ, ਨ ਤਾਵ ਦਣ੍ਡਂ ਪਣਯੇਯ੍ਯ ਇਸ੍ਸਰੋ;

ਅਟ੍ਠਾਨਸੋ ਅਪ੍ਪਤਿਰੂਪਮਤ੍ਤਨੋ, ਪਰਸ੍ਸ ਦੁਕ੍ਖਾਨਿ ਭੁਸਂ ਉਦੀਰਯੇ.

ਯਤੋ ਚ ਜਾਨੇਯ੍ਯ ਪਸਾਦਮਤ੍ਤਨੋ, ਅਤ੍ਥਂ ਨਿਯੁਞ੍ਜੇਯ੍ਯ ਪਰਸ੍ਸ ਦੁਕ੍ਕਟਂ;

ਤਦਾਯਮਤ੍ਥੋਤਿ ਸਯਂ ਅਵੇਕ੍ਖਿਯ, ਅਥਸ੍ਸ ਦਣ੍ਡਂ ਸਦਿਸਂ ਨਿਵੇਸਯੇ.

ਨ ਚਾਪਿ ਝਾਪੇਤਿ ਪਰਂ ਨ ਅਤ੍ਤਨਂ, ਅਮੁਚ੍ਛਿਤੋ ਯੋ ਨਯਤੇ ਨਯਾਨਯਂ;

ਯੋ ¶ ਦਣ੍ਡਧਾਰੋ ਭਵਤੀਧ ਇਸ੍ਸਰੋ, ਸ ਵਣ੍ਣਗੁਤ੍ਤੋ ਸਿਰਿਯਾ ਨ ਧਂਸਤਿ.

ਯੇ ਖਤ੍ਤਿਯਾ ਸੇ ਅਨਿਸਮ੍ਮਕਾਰਿਨੋ, ਪਣੇਨ੍ਤਿ ਦਣ੍ਡਂ ਸਹਸਾ ਪਮੁਚ੍ਛਿਤਾ;

ਅਵਣ੍ਣਸਂਯੁਤਾ [ਯੁਤ੍ਤਾਵ (ਕ.)] ਜਹਨ੍ਤਿ ਜੀਵਿਤਂ, ਇਤੋ ਵਿਮੁਤ੍ਤਾਪਿ ਚ ਯਨ੍ਤਿ ਦੁਗ੍ਗਤਿਂ.

ਧਮ੍ਮੇ ¶ ਚ ਯੇ ਅਰਿਯਪ੍ਪਵੇਦਿਤੇ ਰਤਾ, ਅਨੁਤ੍ਤਰਾ ਤੇ ਵਚਸਾ ਮਨਸਾ ਕਮ੍ਮੁਨਾ ਚ;

ਤੇ ਸਨ੍ਤਿਸੋਰਚ੍ਚਸਮਾਧਿਸਣ੍ਠਿਤਾ, ਵਜਨ੍ਤਿ ਲੋਕਂ ਦੁਭਯਂ ਤਥਾਵਿਧਾ.

ਰਾਜਾਹਮਸ੍ਮਿ ਨਰਪਮਦਾਨਮਿਸ੍ਸਰੋ, ਸਚੇਪਿ ਕੁਜ੍ਝਾਮਿ ਠਪੇਮਿ ਅਤ੍ਤਨਂ;

ਨਿਸੇਧਯਨ੍ਤੋ ਜਨਤਂ ਤਥਾਵਿਧਂ, ਪਣੇਮਿ ਦਣ੍ਡਂ ਅਨੁਕਮ੍ਪ ਯੋਨਿਸੋ.

ਸਿਰੀ ਚ ਲਕ੍ਖੀ ਚ ਤਵੇਵ ਖਤ੍ਤਿਯ, ਜਨਾਧਿਪ ਮਾ ਵਿਜਹਿ ਕੁਦਾਚਨਂ;

ਅਕ੍ਕੋਧਨੋ ਨਿਚ੍ਚਪਸਨ੍ਨਚਿਤ੍ਤੋ, ਅਨੀਘੋ ਤੁਵਂ ਵਸ੍ਸਸਤਾਨਿ ਪਾਲਯ.

ਗੁਣੇਹਿ ਏਤੇਹਿ ਉਪੇਤ ਖਤ੍ਤਿਯ, ਠਿਤਮਰਿਯਵਤ੍ਤੀ [ਵਤ੍ਤਿ (ਸੀ.), ਵੁਤ੍ਤਿ (ਕ.)] ਸੁਵਚੋ ਅਕੋਧਨੋ;

ਸੁਖੀ ¶ ਅਨੁਪ੍ਪੀਲ਼ ਪਸਾਸਮੇਦਿਨਿਂ [ਅਨੁਪ੍ਪੀਲ਼ਂ ਸਹਸਮੇਦਨਿਂ (ਕ.)], ਇਤੋ ਵਿਮੁਤ੍ਤੋਪਿ ਚ ਯਾਹਿ ਸੁਗ੍ਗਤਿਂ.

ਏਵਂ ¶ ਸੁਨੀਤੇਨ [ਸੁਵਿਨੀਤੇਨ (ਪੀ.)] ਸੁਭਾਸਿਤੇਨ, ਧਮ੍ਮੇਨ ਞਾਯੇਨ ਉਪਾਯਸੋ ਨਯਂ;

ਨਿਬ੍ਬਾਪਯੇ ਸਙ੍ਖੁਭਿਤਂ ਮਹਾਜਨਂ, ਮਹਾਵ ਮੇਘੋ ਸਲਿਲੇਨ ਮੇਦਿਨਿਨ੍ਤਿ [ਮੇਦਨਿਨ੍ਤਿ (ਸ੍ਯਾ. ਕ.)].

ਅਙ੍ਗਾਰਜਾਤਾ ਪਥਵੀ, ਕੁਕ੍ਕੁਲ਼ਾਨੁਗਤਾ ਮਹੀ;

ਅਥ ਗਾਯਸਿ ਵਤ੍ਤਾਨਿ [ਵਤ੍ਥਾਨਿ (ਕ.)], ਨ ਤਂ ਤਪਤਿ ਆਤਪੋ.

ਉਦ੍ਧਂ ਤਪਤਿ ਆਦਿਚ੍ਚੋ, ਅਧੋ ਤਪਤਿ ਵਾਲੁਕਾ;

ਅਥ ਗਾਯਸਿ ਵਤ੍ਤਾਨਿ [ਵਤ੍ਥਾਨਿ (ਕ.)], ਨ ਤਂ ਤਪਤਿ ਆਤਪੋ.

ਨ ¶ ਮਂ ਤਪਤਿ ਆਤਪੋ, ਆਤਪਾ [ਆਤਪ੍ਪਾ (ਸੀ. ਸ੍ਯਾ. ਪੀ.)] ਤਪਯਨ੍ਤਿ ਮਂ;

ਅਤ੍ਥਾ ਹਿ ਵਿਵਿਧਾ ਰਾਜ, ਤੇ ਤਪਨ੍ਤਿ ਨ ਆਤਪੋ.

ਅਦ੍ਦਸਂ ਕਾਮ ਤੇ ਮੂਲਂ, ਸਙ੍ਕਪ੍ਪਾ ਕਾਮ ਜਾਯਸਿ;

ਨ ਤਂ ਸਙ੍ਕਪ੍ਪਯਿਸ੍ਸਾਮਿ, ਏਵਂ ਕਾਮ ਨ ਹੇਹਿਸਿ.

ਅਪ੍ਪਾਪਿ ਕਾਮਾ ਨ ਅਲਂ, ਬਹੂਹਿਪਿ ਨ ਤਪ੍ਪਤਿ;

ਅਹਹਾ ਬਾਲਲਪਨਾ, ਪਰਿਵਜ੍ਜੇਥ [ਪਟਿਵਿਜ੍ਝੇਥ (ਪੀ. ਸੀ. ਅਟ੍ਠ.)] ਜਗ੍ਗਤੋ.

ਅਪ੍ਪਸ੍ਸ ¶ ਕਮ੍ਮਸ੍ਸ ਫਲਂ ਮਮੇਦਂ, ਉਦਯੋ ਅਜ੍ਝਾਗਮਾ ਮਹਤ੍ਤਪਤ੍ਤਂ;

ਸੁਲਦ੍ਧਲਾਭੋ ਵਤ ਮਾਣਵਸ੍ਸ, ਯੋ ਪਬ੍ਬਜੀ ਕਾਮਰਾਗਂ ਪਹਾਯ.

ਤਪਸਾ ਪਜਹਨ੍ਤਿ ਪਾਪਕਮ੍ਮਂ, ਤਪਸਾ ਨ੍ਹਾਪਿਤਕੁਮ੍ਭਕਾਰਭਾਵਂ;

ਤਪਸਾ ਅਭਿਭੁਯ੍ਯ ਗਙ੍ਗਮਾਲ, ਨਾਮੇਨਾਲਪਸਜ੍ਜ ਬ੍ਰਹ੍ਮਦਤ੍ਤਂ.

ਸਨ੍ਦਿਟ੍ਠਿਕਮੇਵ ‘‘ਅਮ੍ਮ’’ ਪਸ੍ਸਥ, ਖਨ੍ਤੀਸੋਰਚ੍ਚਸ੍ਸ ਅਯਂ [ਯੋ (ਸ੍ਯਾ. ਪੀ. ਕ.)] ਵਿਪਾਕੋ;

ਯੋ [ਸੋ (ਸ੍ਯਾ. ਕ.)] ਸਬ੍ਬਜਨਸ੍ਸ ਵਨ੍ਦਿਤੋਹੁ, ਤਂ ਵਨ੍ਦਾਮ ਸਰਾਜਿਕਾ ਸਮਚ੍ਚਾ.

ਮਾ ਕਿਞ੍ਚਿ ਅਵਚੁਤ੍ਥ ਗਙ੍ਗਮਾਲਂ, ਮੁਨਿਨਂ ਮੋਨਪਥੇਸੁ ਸਿਕ੍ਖਮਾਨਂ;

ਏਸੋ ਹਿ ਅਤਰਿ ਅਣ੍ਣਵਂ, ਯਂ ਤਰਿਤ੍ਵਾ ਚਰਨ੍ਤਿ ਵੀਤਸੋਕਾਤਿ.

ਧਮ੍ਮੋ ¶ ਹਵੇ ਹਤੋ ਹਨ੍ਤਿ, ਨਾਹਤੋ ਹਨ੍ਤਿ ਕਿਞ੍ਚਨਂ [ਕਞ੍ਚਿਨਂ (ਪੀ.)];

ਤਸ੍ਮਾ ਹਿ ਧਮ੍ਮਂ ਨ ਹਨੇ, ਮਾ ਤ੍ਵਂ [ਤਂ (ਸ੍ਯਾ. ਪੀ.)] ਧਮ੍ਮੋ ਹਤੋ ਹਨਿ.

ਅਲਿਕਂ ¶ ¶ ਭਾਸਮਾਨਸ੍ਸ, ਅਪਕ੍ਕਮਨ੍ਤਿ ਦੇਵਤਾ;

ਪੂਤਿਕਞ੍ਚ ਮੁਖਂ ਵਾਤਿ, ਸਕਟ੍ਠਾਨਾ ਚ ਧਂਸਤਿ;

ਯੋ ਜਾਨਂ ਪੁਚ੍ਛਿਤੋ ਪਞ੍ਹਂ, ਅਞ੍ਞਥਾ ਨਂ ਵਿਯਾਕਰੇ.